സോഷ്യല്‍ മീഡിയകള്‍ ദോഷകരമായി ബാധിച്ച കുട്ടികളുടെ മാതാപിതാക്കളോട് ക്ഷമ ചോദിച്ച് മാർക്ക് സക്കർബർഗ്

സോഷ്യല്‍ മീഡിയ പ്ലാറ്റ്ഫോമുകളില്‍ നിന്ന് കുട്ടികള്‍ക്ക് നേരിട്ട ലൈംഗിക അതിക്രമങ്ങളും ഭീഷണികളും ചെറുക്കുന്നതില്‍ ഈ ആപ്പുകള്‍ പരാജയം നേരിട്ടതിനെ തുടർന്ന് അമേരിക്കൻ സെനറ്റില്‍ നടന്ന ഹിയറിങ്ങിലായിരുന്നു മെറ്റാ CEO മാർക്ക് സക്കർബർഗിന്‍റെ ക്ഷമാപണം. മെറ്റയ്ക്കെതിരെ നിരവധി സംസ്ഥാനങ്ങള്‍ കേസ് ഫയല്‍ ചെയ്തിരുന്നു. ടിക്ടോക്ക്, സ്നാപ്പ്, എക്സ് എന്നീ പ്ലാറ്റ്ഫോമുകളിലെ ഉന്നത ഉദ്യോഗസ്ഥരും സെനറ്റ് ജുഡിഷ്യറി കമ്മിറ്റിയില്‍ നിന്നും വിമർശനം നേരിട്ടു.

Tags : Social Media,Mark Zuckerberg

Technology326 days ago

കുട്ടികൾ സോഷ്യൽ മീഡിയ ഉപയോഗിക്കുന്നതിന് പ്രായപരിധി ഏർപ്പെടുത്താനൊരുങ്ങി ഓസ്‌ട്രേലിയ

കുട്ടികള്‍ സോഷ്യല്‍ മീഡിയ ഉപയോഗിക്കുന്നതിന് കുറഞ്ഞ പ്രായപരിധി ഏര്‍പ്പെടുത്തുന്നതിനായി ഈ വർഷം നിയമനിർമാണം നടത്തുമെന്ന് ഓസ്‌ട്രേലിയൻ ഗവൺമെന്റ്. എന്നാൽ പ്രായം എങ്ങനെ പരിശോധിക്കുമെന്ന് ഇതുവരെ പ്രഖ്യാപിച്ചിട്ടില്ല. കുട്ടികളുടെ പ്രായം സ്ഥിരീകരിക്കുന്നതിനായി സർക്കാർ കൊണ്ടുവന്ന സാങ്കേതിക വിദ്യ ഉടന്‍ പരീക്ഷിക്കുമെന്ന് പ്രധാനമന്ത്രി ആന്റണി അല്‍ബാനീസ് പറഞ്ഞു. 14,15,16 എന്നീ വയസുകളിലേതെങ്കിലുമായിരിക്കും പ്രായപരിധിയായി നിശ്ചയിക്കുക. സോഷ്യല്‍ മീഡിയ വഴി കുട്ടികളെ ഉപദ്രവിക്കുകയും ഭീഷണിപ്പെടുത്തുകയും ചെയ്യുന്നത് പൂര്‍ണമായും ഇല്ലാതാക്കുന്നതിന് വേണ്ടിയാണ് ഇത്തരത്തിലൊരു നിയമ നിര്‍മാണനത്തിന് തയ്യാറെടുക്കുന്നത്.

World105 days ago

ഏറ്റെടുക്കല്‍ ചര്‍ച്ചകള്‍ പരാജയം; എക്‌സിന്റെ ഇന്ത്യന്‍ ബദല്‍ ‘കൂ’ അടച്ചുപൂട്ടുന്നു

എക്‌സിന്റെ ഇന്ത്യന്‍ ബദല്‍ എന്ന വിശേഷണവുമായി ആരംഭിച്ച സോഷ്യല്‍ മീഡിയ പ്ലാറ്റ്‌ഫോം 'കൂ' പ്രവര്‍ത്തനം അവസാനിപ്പിക്കുന്നു. 2020ല്‍ അപ്രമേയ രാധാകൃഷ്ണയും മായങ്ക് ബിദാവത്കയും ചേര്‍ന്ന് ആരംഭിച്ച സ്റ്റാര്‍ട്ടപ്പാണ് കൂ. ഒന്നിലധികം കമ്പനികളുമായും മീഡിയ ഹൗസുകളുമായും നടത്തിയ ഏറ്റെടുക്കല്‍ ചര്‍ച്ചകള്‍ പരാജയപ്പെട്ടതിനെത്തുടര്‍ന്നാണ് കമ്പനി പ്രവര്‍ത്തനം അവസാനിപ്പിക്കുന്നത്. സോഷ്യല്‍ മീഡിയ ആപ്പ് പ്രവര്‍ത്തിപ്പിക്കുന്നതിന് ചെലവ് കൂടുതലായതിനാലാണ് അടച്ചുപൂട്ടാന്‍ തീരുമാനിച്ചതെന്നും രാധാകൃഷ്ണ പറഞ്ഞു.

Technology173 days ago

ആപ്പ് സ്റ്റോറില്‍ നിന്ന് വാട്സ്ആപ്പും ത്രെഡും നീക്കം ചെയ്യാന്‍ ഉത്തരവിട്ട് ചൈന

മെറ്റയുടെ ജനപ്രിയ സോഷ്യല്‍ മീഡിയ ആപ്ലിക്കേഷനുകളായ വാട്‌സ്ആപ്പ്, ത്രെഡ് എന്നിവ ആപ്പ് സ്റ്റോറില്‍ നിന്ന് നീക്കം ചെയ്യാനാണ് ചൈന ആപ്പിളിനോട് ഉത്തരവിട്ടിരിക്കുന്നത്. ചൈനീസ് സര്‍ക്കാരിന്റെ നിര്‍ദേശം ആപ്പിള്‍ പാലിച്ചെന്നാണ് റിപ്പോര്‍ട്ട്. ബിസിനസ് നടത്തുന്ന രാജ്യങ്ങളുടെ നിയമങ്ങള്‍ പാലിക്കാന്‍ പ്രതിജ്ഞാബദ്ധമാണെന്ന് ആപ്പിള്‍ പ്രതികരിച്ചു. ഐഫോണുകളുടെ വലിയ വിപണിയാണ് ചൈന.

Technology249 days ago

ഇന്ത്യയില്‍ നിന്നുള്ള രണ്ട് ലക്ഷത്തിലേറെ അക്കൗണ്ടുകള്‍ക്ക് വിലക്കേര്‍പ്പെടുത്തി എക്സ്

ഫെബ്രുവരി 26 നും മാര്‍ച്ച് 25 നും ഇടയില്‍ 2,12,627 അക്കൗണ്ടുകള്‍ക്കാണ് ഇലോണ്‍ മസ്‌കിന്റെ സോഷ്യല്‍ മീഡിയാ സേവനമായ എക്സ് വിലക്കേര്‍പ്പെടുത്തിയത്. സമ്മതമില്ലാതെ പങ്കുവെക്കപ്പെട്ട നഗ്‌ന ഉള്ളടക്കങ്ങളും കുട്ടികളെ ലൈംഗികമായി ചൂഷണം ചെയ്യുന്ന ഉള്ളടക്കങ്ങളും പ്രചരിപ്പിച്ച അക്കൗണ്ടുകളാണ് വിലക്കിയത്. കമ്പനിയുടെ പരാതി പരിഹാര സംവിധാനത്തിലൂടെ 5158 പരാതികള്‍ ലഭിച്ചതായി പ്രതിമാസ റിപ്പോര്‍ട്ടില്‍ എക്സ് പറയുന്നു.

National254 days ago

സാമൂഹിക മാധ്യമങ്ങളില്‍ ആരോഗ്യവകുപ്പ് ഉദ്യോഗസ്ഥര്‍ പോസ്റ്റിടുന്നത് വിലക്കിയ ഉത്തരവ് റദ്ദാക്കി

ഭരണപരമായ കാരണത്താലാണ് വിലക്കേര്‍പ്പെടുത്തി കൊണ്ട് പുറത്തിറക്കിയ ഉത്തരവ് പിന്‍വലിച്ചിരിക്കുന്നതെന്നാണ് വിശദീകരണം. വിലക്കേര്‍പ്പെടുത്തിയതിനെ തുടര്‍ന്ന് കേരള ഗവണ്‍മെന്റ് മെഡിക്കല്‍ ഓഫീസേഴ്‌സ് അസോസിയേഷന്റെയും( KGMOA) ഇന്ത്യന്‍ മെഡിക്കല്‍ അസോസിയേഷന്റെയും(IMA) ഭാഗത്ത് നിന്ന് വിമര്‍ശനം ഉയര്‍ന്നിരുന്നു. സാമൂഹിക മാധ്യമങ്ങളില്‍ പോസ്റ്റിടുന്നതിനും ചാനല്‍ തുടങ്ങുന്നതിനുമാണ് വിലക്ക് ഏര്‍പ്പെടുത്തിയത്.

Kerala278 days ago

ഫേസ്ബുക്കും ഇന്‍സ്റ്റാഗ്രാമും പണിമുടക്കി; സക്കര്‍ബര്‍ഗിന് 3 ബില്യണ്‍ ഡോളര്‍ നഷ്ടം

മെറ്റയുടെ കീഴിലുള്ള സാമൂഹ്യ മാധ്യമ പ്ലാറ്റ്ഫോമുകളായ ഫേസ്ബുക്കും ഇന്‍സ്റ്റഗ്രാമും ആഗോള തലത്തില്‍ പ്രവര്‍ത്തന രഹിതമായതിലൂടെ CEO മാര്‍ക്ക് സക്കര്‍ബര്‍ഗിന് നഷ്ടമായത് ഏകദേശം 3 ബില്യണ്‍ ഡോളര്‍. ബ്ലൂംബെര്‍ഗ് സൂചികയില്‍ സക്കര്‍ബര്‍ഗിന്റെ ആസ്തി ഒരു ദിവസം കൊണ്ട് 2.79 ബില്യണ്‍ ഡോളര്‍ കുറഞ്ഞ് 176 ബില്യണ്‍ ഡോളറായി. മെറ്റ ഓഹരികളിലും 1.6 ശതമാനം ഇടിവ് രേഖപ്പെടുത്തി.

Business293 days ago

ആപ്പിള്‍ വിഷന്‍ പ്രോയേക്കാള്‍ മികച്ചത് മെറ്റ ക്വസ്റ്റ് 3 ആണെന്ന് സക്കര്‍ബര്‍ഗ്

ക്വസ്റ്റ് 3 യ്ക്ക് വിഷന്‍ പ്രോയേക്കാള്‍ ഭാരം കുറവാണ്, ഡിസ്‌പ്ലേയുടെ ഫീല്‍ഡ് ഓഫ് വ്യൂ കൂടുതലാണ്. മെറ്റ ക്വസ്റ്റിന് ഉള്ളടക്കങ്ങളുടെയും ഗെയിമുകളുടെയും വലിയൊരു ലൈബ്രറി തന്നെയുണ്ടെന്നും കമ്പനി മേധാവി മാര്‍ക്ക് സക്കര്‍ബര്‍ഗ് അവകാശപ്പെട്ടു. അതേസമയം വിഷന്‍ പ്രോയുടെ ഉയര്‍ന്ന റസലൂഷനിലുള്ള ഡിസ്‌പ്ലേയും ഐ ട്രാക്കിങ് സെന്‍സറുകളും മികച്ചതാണ് എന്നും സക്കര്‍ബര്‍ഗ് പറഞ്ഞു.

Technology313 days ago

സമ്പന്നരുടെ പട്ടികയില്‍ ബില്‍ഗേറ്റ്‌സിനെ മറികടന്ന് നാലാമതെത്തി മാര്‍ക്ക് സക്കര്‍ബര്‍ഗ്

സമ്പത്തില്‍ 28.1 ബില്യണ്‍ ഡോളറിന്റെ വര്‍ധനവ് ഉണ്ടായതോടെയാണ് മെറ്റ CEO സമ്പന്നരുടെ പട്ടികയില്‍ നാലാം സ്ഥാനത്തേക്ക് എത്തിയത്. മെറ്റ ഓഹരികള്‍ 20 ശതമാനം നേട്ടം കൈവരിച്ചതോടെ 170.5 ബില്യണ്‍ ഡോളറാണ് സക്കര്‍ബര്‍ഗിന്റെ നിലവിലെ ആസ്തി. ബ്ലൂംബര്‍ഗിന്റെ ബില്ല്യണയേഴ്‌സ് ഇന്‍ഡക്‌സില്‍ നിലവില്‍ അഞ്ചാം സ്ഥാനത്താണ് ബില്‍ഗേറ്റ്‌സ്.

Business324 days ago

X ന്‍റെ (ട്വിറ്റർ) പ്രവര്‍ത്തനം ഇന്ന് ഒരു മണിക്കൂറിലേറെ നിലച്ചു

ഇന്ന് രാവിലെ 11 മണിയോടെ ആഗോളതലത്തില്‍ X ഉപയോക്താക്കൾക്ക് സാങ്കേതികതടസ്സം നേരിട്ടു. വെബ്‌സൈറ്റിലും മൊബൈലിലും X തുറക്കുന്ന ഉപയോക്താക്കൾക്ക് 'Welcome to your timeline' എന്ന എറര്‍ സന്ദേശമാണ് ലഭിച്ചത്. കാനഡ, ഫ്രാന്‍സ്, ഇന്ത്യ തുടങ്ങിയ ഒട്ടേറെ രാജ്യങ്ങളില്‍ തടസ്സം നേരിട്ടിരുന്നു.

Technology369 days ago

ഡീപ് ഫേക്കുകളിൽ നടപടിക്കൊരുങ്ങി കേന്ദ്രം

ഡീപ്ഫേക്കുകളുടെ ഉള്ളടക്കത്തിന്‍റെ ഉത്തരവാദിത്തം അതിന്‍റെ ക്രിയേറ്റര്‍മാര്‍ക്കും പ്ലാറ്റ്‌ഫോമുകൾക്കുമാണെന്ന് കേന്ദ്ര ഐടി മന്ത്രി അശ്വിനി വൈഷ്ണവ്. ഇവര്‍ക്ക് പിഴ ചുമത്തുന്നത് അടക്കമുളള ശിക്ഷാ നടപടികള്‍ പരിഗണനയിലാണെന്നും അശ്വിനി വൈഷ്ണവ് പറഞ്ഞു.

National397 days ago