ഫേസ്ബുക്കും ഇന്‍സ്റ്റാഗ്രാമും പണിമുടക്കി; സക്കര്‍ബര്‍ഗിന് 3 ബില്യണ്‍ ഡോളര്‍ നഷ്ടം

മെറ്റയുടെ കീഴിലുള്ള സാമൂഹ്യ മാധ്യമ പ്ലാറ്റ്ഫോമുകളായ ഫേസ്ബുക്കും ഇന്‍സ്റ്റഗ്രാമും ആഗോള തലത്തില്‍ പ്രവര്‍ത്തന രഹിതമായതിലൂടെ CEO മാര്‍ക്ക് സക്കര്‍ബര്‍ഗിന് നഷ്ടമായത് ഏകദേശം 3 ബില്യണ്‍ ഡോളര്‍. ബ്ലൂംബെര്‍ഗ് സൂചികയില്‍ സക്കര്‍ബര്‍ഗിന്റെ ആസ്തി ഒരു ദിവസം കൊണ്ട് 2.79 ബില്യണ്‍ ഡോളര്‍ കുറഞ്ഞ് 176 ബില്യണ്‍ ഡോളറായി. മെറ്റ ഓഹരികളിലും 1.6 ശതമാനം ഇടിവ് രേഖപ്പെടുത്തി.

Business410 days ago

പുതിയ അപ്‌ഡേഷന്‍ പരീക്ഷിച്ച് ഇന്‍സ്റ്റഗ്രാം

പുതിയ പ്രൊഫൈല്‍ ലേഔട്ട് ഡിസൈനാണ് ഇന്‍സ്റ്റഗ്രാം പരീക്ഷിച്ചിരിക്കുന്നത്. പുതിയ അപ്‌ഡേറ്റ് വരുന്നതോടെ കുത്തനെയുള്ള ദീര്‍ഘ ചതുരാകൃതിയിലാണ് ചിത്രങ്ങളും വീഡിയോയും അടങ്ങുന്ന ഉള്ളടക്കങ്ങള്‍ പ്രദര്‍ശിപ്പിക്കുകയെന്നാണ് റിപ്പോര്‍ട്ടുകള്‍. നിലവില്‍ ചതുരാകൃതിയിലുള്ള ബ്ലോക്കുകളിലാണ് ചിത്രങ്ങള്‍ കാണിക്കുന്നത്. നിരവധി പേര്‍ക്ക് ഈ അപ്‌ഡേറ്റ് ലഭ്യമായി തുടങ്ങിയിട്ടുണ്ടെന്നാണ് വിവരം.Read More

Technology241 days ago

ആപ്പ് സ്റ്റോറില്‍ നിന്ന് വാട്സ്ആപ്പും ത്രെഡും നീക്കം ചെയ്യാന്‍ ഉത്തരവിട്ട് ചൈന

മെറ്റയുടെ ജനപ്രിയ സോഷ്യല്‍ മീഡിയ ആപ്ലിക്കേഷനുകളായ വാട്‌സ്ആപ്പ്, ത്രെഡ് എന്നിവ ആപ്പ് സ്റ്റോറില്‍ നിന്ന് നീക്കം ചെയ്യാനാണ് ചൈന ആപ്പിളിനോട് ഉത്തരവിട്ടിരിക്കുന്നത്. ചൈനീസ് സര്‍ക്കാരിന്റെ നിര്‍ദേശം ആപ്പിള്‍ പാലിച്ചെന്നാണ് റിപ്പോര്‍ട്ട്. ബിസിനസ് നടത്തുന്ന രാജ്യങ്ങളുടെ നിയമങ്ങള്‍ പാലിക്കാന്‍ പ്രതിജ്ഞാബദ്ധമാണെന്ന് ആപ്പിള്‍ പ്രതികരിച്ചു. ഐഫോണുകളുടെ വലിയ വിപണിയാണ് ചൈന.

Technology366 days ago

പോസ്റ്റുകള്‍ അണ്‍അവെയ്‌ലബിള്‍ ആകുന്ന തകരാര്‍ പരിഹരിച്ച് ഫേസ്ബുക്ക്

സാങ്കേതിക തകരാറുമായി ബന്ധപ്പെട്ട് ഔദ്യോഗിക വിശദീകരണം പുറത്തിറക്കുന്നതിന് മുന്‍പ് തന്നെ മെറ്റ തകരാര്‍ പരിഹരിക്കുകയായിരുന്നു. ലോഗിന്‍ ചെയ്ത് ഫേസ്ബുക്ക് അക്കൗണ്ടിലേക്ക് പ്രവേശിക്കുമ്പോള്‍ പ്രൊഫൈലുകളില്‍ നോ പോസ്റ്റ് അവൈലബിള്‍ എന്നായിരുന്നു ദൃശ്യമായി കൊണ്ടിരുന്നത്. പഴയ പോസ്റ്റുകളെല്ലാം അപ്രത്യക്ഷമായെങ്കിലും ഉപയോക്താക്കള്‍ക്ക് നോട്ടിഫിക്കേഷന്‍ ലഭിക്കുന്നുണ്ടായിരുന്നു. PC ബ്രൗസറിലൂടെ ഫേസ്ബുക്ക് ഉപയോഗിക്കുന്നവര്‍ക്കാണ് സാങ്കേതിക തകരാര്‍ നേരിട്ടത്.

Technology368 days ago

വാട്‌സ്ആപ്പ് സ്റ്റാറ്റസുകള്‍ ഇന്‍സ്റ്റഗ്രാമിലും പങ്കിടാം; ഫീച്ചര്‍ ഉടന്‍ അവതരിപ്പിച്ചേക്കും

ഉപയോക്താക്കള്‍ക്ക് വാട്സാപ്പ് സ്റ്റാറ്റസിലൂടെ മീഡിയ ഷെയറിങ് എളുപ്പത്തില്‍ സാധ്യമാക്കുന്ന ഫീച്ചര്‍ പരീക്ഷണ ഘട്ടത്തിലാണെന്നാണ് റിപ്പോര്‍ട്ട്. വാട്‌സ്ആപ്പിന്റെ പുതിയ അപ്‌ഡേറ്റില്‍ ഫീച്ചര്‍ എത്തിയേക്കും. അതേസമയം വാട്‌സ്ആപ്പ് സ്റ്റാറ്റസ് ഇന്‍സ്റ്റഗ്രാമില്‍ പങ്കിടണമെങ്കില്‍ ക്രോസ്-പോസ്റ്റിംഗ് ഓപ്ഷന്‍ ആക്ടീവ് ആക്കണം. ഉപയോക്താക്കള്‍ക്ക് എപ്പോള്‍ വേണമെങ്കിലും പോസ്റ്റ് ആക്റ്റിവേഷന്‍ ഫീച്ചര്‍ ഒഴിവാക്കാനാകും.

Technology371 days ago

പുതിയ ഫോട്ടോ ഷെയറിങ് ആപ്പ് തുടങ്ങാന്‍ പദ്ധതിയിട്ട് ടിക്ടോക്

ഇന്‍സ്റ്റഗ്രാമിനെ പോലെ ചിത്രങ്ങള്‍ക്കും എഴുത്തുകള്‍ക്കും മാത്രമുള്ള ആപ്പായിരിക്കും ടിക്ടോക് പുറത്തിറക്കുക. ടിക്ടോക് ഉപയോക്താക്കള്‍ക്ക് ടിക്ടോക് നോട്ട്സ് എന്ന പേരില്‍ ഈ ആപ്പിനെക്കുറിച്ചുള്ള നോട്ടിഫിക്കേഷനും ലഭിച്ചു തുടങ്ങിയിട്ടുണ്ട്. വീഡിയോ അപ്ലോഡ് ചെയ്യുന്നതിനെ മറികടക്കുക എന്നതല്ല ഇതിലൂടെ ലക്ഷ്യമിടുന്നതെന്ന് കമ്പനി പറയുന്നു. മറിച്ച് വീഡിയോ അപ്ലോഡ് ചെയ്യാന്‍ താത്പര്യമില്ലാത്ത ഉപയോക്താക്കളെയാണ് ഈ ആപ്പിലൂടെ ടിക്ടോക് ലക്ഷ്യം വയ്ക്കുന്നത്.

Technology375 days ago

റീല്‍സ് പരസ്പരം പങ്കുവെക്കുന്നവര്‍ക്കായി ബ്ലെന്‍ഡ് ഫീച്ചര്‍ അവതരിപ്പിക്കാനൊരുങ്ങി ഇന്‍സ്റ്റഗ്രാം

സുഹൃത്തുക്കള്‍ തമ്മിലുള്ള റീല്‍സ് പങ്കുവെക്കല്‍ പുതിയ തലത്തിലെത്തിക്കാനാണ് ബ്ലെന്‍ഡ് എന്ന ഫീച്ചര്‍ കമ്പനി അവതരിപ്പിക്കാന്‍ പദ്ധതിയിടുന്നത്. സുഹൃത്തുക്കള്‍ പരസ്പരം അയച്ച റീലുകളുടെയും ഇരുവരും ലൈക്ക് ചെയ്ത റീലുകളുടെയും അടിസ്ഥാനത്തിലാണ് ഈ ഫീഡില്‍ റീലുകള്‍ പ്രദര്‍ശിപ്പിക്കുക. സ്പോട്ടിഫൈയിലെ ബ്ലെന്‍ഡ് ഫീച്ചറിന് സമാനമായ ഫീച്ചറായിരിക്കും ഇതെന്നാണ് റിപ്പോര്‍ട്ട്.

Technology384 days ago

ലോകത്ത് ഏറ്റവും അധികം ഡൗണ്‍ലോഡ് ചെയ്യപ്പെട്ട ആപ്പ് ആയി ഇന്‍സ്റ്റാഗ്രാം

2023ല്‍ ഇന്‍സ്റ്റാഗ്രാം ആഗോള തലത്തില്‍ ഡൗണ്‍ലോഡ് ചെയ്യപ്പട്ടത് 76.7 കോടി തവണയാണ്. സെന്‍സര്‍ ടവര്‍ റിപ്പോര്‍ട്ട് അനുസരിച്ച് ഇന്‍സ്റ്റാഗ്രാമിന്റെ പ്രതിമാസ സജീവ ഉപഭോക്താക്കള്‍ 150 കോടിയാണ്. ടിക് ടോക്കിനെ മറികടന്നാണ് ഇന്‍സ്റ്റാഗ്രാം ഈ നേട്ടം സ്വന്തമാക്കിയിരിക്കുന്നത്. ടിക് ടോക്കിന്റെ പ്രതിമാസ സജീവ ഉപഭോക്താക്കള്‍ 110 കോടിയ്ക്ക് മുകളിലാണ്. എന്നാല്‍ ഇപ്പോഴും ടിക് ടോക്കിന് തന്നെയാണ് ഏറ്റവും സജീവമായ ഉപഭോക്താക്കളുള്ളത്.

Technology407 days ago

US, ഓസ്‌ട്രേലിയ എന്നീ രാജ്യങ്ങളില്‍ ഫേസ്ബുക്കില്‍ നിന്നും ന്യൂസ് ടാബ് നീക്കം ചെയ്യാനൊരുങ്ങുന്നു

ഏപ്രില്‍ മുതല്‍ രണ്ട് രാജ്യങ്ങളിലും ഫേസ്ബുക്കില്‍ നിന്നും ന്യൂസ് ടാബ് നീക്കം ചെയ്യുമെന്നാണ് കമ്പനി അറിയിച്ചിരിക്കുന്നത്. USലും ഓസ്‌ട്രേലിയയിലും ഫേസ്ബുക്ക് വഴി വാര്‍ത്തകളെ ആശ്രയിക്കുന്ന ഉപയോക്താക്കളുടെ എണ്ണത്തില്‍ 80 ശതമാനം ഇടിവുണ്ടായതിനെ തുടര്‍ന്നാണ് നീക്കം. അതേസമയം, ന്യൂസ് ടാബ് നീക്കം ചെയ്താലും ഫേസ്ബുക്കില്‍ ഷെയര്‍ ചെയ്യുന്ന ലിങ്കുകള്‍ വഴി ഉപയോക്താക്കള്‍ക്ക് വാര്‍ത്തകള്‍ അറിയാന്‍ സാധിക്കും.

Technology415 days ago

സുഹൃത്തുക്കളുടെ ലൊക്കേഷന്‍ മാപ്പില്‍ കാണിക്കുന്ന ഫീച്ചര്‍ അവതരിപ്പിക്കാനൊരുങ്ങി ഇന്‍സ്റ്റഗ്രാം

ഉപയോക്താക്കള്‍ക്ക് അവരുടെ ലൊക്കേഷന്‍ ആരെല്ലാം കാണണമെന്ന് തീരുമാനിക്കാന്‍ കഴിയുന്നതാണ് ഫീച്ചര്‍. സുരക്ഷയുടെ ഭാഗമായി എന്‍ഡ് ടു എന്‍ഡ് എന്‍ക്രിപ്ഷന് വിധേയമായിട്ടായിരിക്കും ഫീച്ചര്‍ എത്തുന്നത്. മാപ്പില്‍ തന്നെ കുറിപ്പുകള്‍ പങ്കുവെയ്ക്കാന്‍ കഴിയുന്ന തരത്തിലാണ് ഫീച്ചര്‍ ക്രമീകരിക്കുക.

Technology419 days ago

ഫേസ്ബുക്കിലും ത്രെഡ്സിലും ഒരേസമയം കുറിപ്പുകള്‍ പങ്കുവെയ്ക്കാം; പുതിയ ഫീച്ചര്‍ പരീക്ഷിക്കാനൊരുങ്ങി മെറ്റ

ത്രെഡ്‌സിലും ഫേസ്ബുക്കിലും ഒരേ സമയം കുറിപ്പുകള്‍ പങ്കുവെയ്ക്കാന്‍ കഴിയുന്ന ക്രോസ് പോസ്റ്റിംഗ് ഫീച്ചറാണ് മെറ്റ പരീക്ഷിക്കാനൊരുങ്ങുന്നത്. ഫേസ്ബുക്കിലും ഇന്‍സ്റ്റാഗ്രാമിലും ഒരേ സമയം സ്റ്റോറികളും റീല്‍സുകളും ഷെയര്‍ ചെയ്യുന്നതിന് സമാനമായ ഫീച്ചറാണിത്. iOS ഉപയോഗക്താക്കള്‍ക്ക് മാത്രമായിരിക്കും പുതിയ അപ്‌ഡേറ്റ് ലഭിക്കുക.

Technology423 days ago