കുട്ടികൾ സോഷ്യൽ മീഡിയ ഉപയോഗിക്കുന്നതിന് പ്രായപരിധി ഏർപ്പെടുത്താനൊരുങ്ങി ഓസ്‌ട്രേലിയ

കുട്ടികള്‍ സോഷ്യല്‍ മീഡിയ ഉപയോഗിക്കുന്നതിന് കുറഞ്ഞ പ്രായപരിധി ഏര്‍പ്പെടുത്തുന്നതിനായി ഈ വർഷം നിയമനിർമാണം നടത്തുമെന്ന് ഓസ്‌ട്രേലിയൻ ഗവൺമെന്റ്. എന്നാൽ പ്രായം എങ്ങനെ പരിശോധിക്കുമെന്ന് ഇതുവരെ പ്രഖ്യാപിച്ചിട്ടില്ല. കുട്ടികളുടെ പ്രായം സ്ഥിരീകരിക്കുന്നതിനായി സർക്കാർ കൊണ്ടുവന്ന സാങ്കേതിക വിദ്യ ഉടന്‍ പരീക്ഷിക്കുമെന്ന് പ്രധാനമന്ത്രി ആന്റണി അല്‍ബാനീസ് പറഞ്ഞു. 14,15,16 എന്നീ വയസുകളിലേതെങ്കിലുമായിരിക്കും പ്രായപരിധിയായി നിശ്ചയിക്കുക. സോഷ്യല്‍ മീഡിയ വഴി കുട്ടികളെ ഉപദ്രവിക്കുകയും ഭീഷണിപ്പെടുത്തുകയും ചെയ്യുന്നത് പൂര്‍ണമായും ഇല്ലാതാക്കുന്നതിന് വേണ്ടിയാണ് ഇത്തരത്തിലൊരു നിയമ നിര്‍മാണനത്തിന് തയ്യാറെടുക്കുന്നത്.

World104 days ago

കുട്ടികളുടെ യൂട്യൂബ് ഉപയോഗത്തില്‍ രക്ഷിതാക്കള്‍ക്ക് ശ്രദ്ധിക്കാം; പുതിയ ഫീച്ചര്‍ എത്തുന്നു

കുട്ടികളുടെ യൂട്യൂബ് അക്കൗണ്ടിനെ സ്വന്തം അക്കൗണ്ടുമായി രക്ഷിതാക്കള്‍ക്ക് ബന്ധിപ്പിക്കാനാകുന്ന ഫീച്ചറാണ് ഗൂഗിള്‍ അവതരിപ്പിച്ചിരിക്കുന്നത്. കുട്ടികള്‍ യൂട്യൂബില്‍ എന്തെല്ലാം കാാണുന്നു, എത്ര വീഡിയോകള്‍ അപ്ലോഡ് ചെയ്യുന്നു, ഏതെല്ലാം ചാനലുകള്‍ സബ്സ്‌ക്രൈബ് ചെയ്തിട്ടുണ്ട്, പോസ്റ്റ് ചെയ്യുന്ന കമന്റുകള്‍ ഉള്‍പ്പടെയുള്ള വിവരങ്ങള്‍ പുതിയ ഫീച്ചര്‍ വഴി രക്ഷിതാക്കള്‍ക്ക് എളുപ്പം മനസിലാക്കാം. കുട്ടികള്‍ ഒരു വീഡിയോ അപ്ലോഡ് ചെയ്യുമ്പോഴും സ്ട്രീമിങ് ആരംഭിക്കുമ്പോഴും ഇ-മെയില്‍ വഴി രക്ഷിതാക്കള്‍ക്ക് മെസെജുമെത്തും.

Technology107 days ago

മൂന്ന് വയസ്സുള്ള പെണ്‍കുട്ടികള്‍ക്ക് നേരെ ലൈംഗികാതിക്രമം; താനെയില്‍ പ്രതിഷേധം

പ്രീപ്രൈമറി ക്ലാസില്‍ പഠിക്കുന്ന മൂന്ന് വയസ്സുള്ള പെണ്‍കുട്ടികളെ ലൈംഗികാതിക്രമത്തിനിരയാക്കി സംഭവത്തില്‍ താനെയില്‍ പ്രതിഷേധം ശക്തമാവുകയാണ്. പ്രതിഷേധക്കാര്‍ ബദലാപൂര്‍ റെയില്‍വേ സ്റ്റേഷനില്‍ ലോക്കല്‍ ട്രെയിനുകള്‍ തടഞ്ഞു. സ്‌കൂളിലെ ടോയ്‌ലെറ്റില്‍ വെച്ച് ശുചീകരണ തൊഴിലാളിയാണ് കുട്ടികളെ ലൈംഗികാതിക്രമത്തിന് ഇരയാക്കിയത്. സംഭവത്തില്‍ പ്രതിയെ അറസ്റ്റ് ചെയ്തു. കേസിന്റെ വിചാരണക്കായി അതിവേഗ കോടതി സ്ഥാപിക്കുമെന്ന് മഹാരാഷ്ട്ര മുഖ്യമന്ത്രി ഏക്‌നാഥ് ഷിന്‍ഡെ പറഞ്ഞു.

National125 days ago

ഉരുള്‍പൊട്ടലില്‍ കാണാതായത് 29 കുട്ടികളെ

ഉരുള്‍പൊട്ടലിനെ തുടര്‍ന് മുണ്ടക്കൈ, വെള്ളാര്‍മല പ്രദേശത്തെ രണ്ട് സ്‌കൂളുകളില്‍ നിന്നും മേപ്പാടി ഭാഗത്തെ രണ്ട് സ്‌കൂളുകളില്‍ നിന്നുമായി 29 വിദ്യാര്‍ത്ഥികളെ കാണാതായതായി DDE ശശീന്ദ്രവ്യാസ് അറിയിച്ചു. ഇതില്‍ നാല് പേരുടെ മൃതദേഹങ്ങള്‍ തിരിച്ചറിഞ്ഞിട്ടുണ്ട്. ഉരുള്‍പൊട്ടിയ ഭാഗത്ത് രണ്ട് സ്‌കൂളുകളാണ് ഉള്ളതെന്നും വെള്ളാര്‍മല സ്‌കൂളില്‍ നിന്ന് 11 കുട്ടികളെയാണ് കാണാതായതെന്നും അദ്ദേഹം പറഞ്ഞു. ദുരന്തത്തില്‍പ്പെട്ട മുഴുവന്‍ കുട്ടികളുടെയും വിശദവിവരങ്ങള്‍ എടുത്തുകൊണ്ടിരിക്കുകയാണ്.

Kerala144 days ago

പാലക്കാട് ചിറ്റൂര്‍ പുഴയില്‍ കുടുങ്ങിയ കുട്ടികളെ രക്ഷപ്പെടുത്തി

പാലക്കാട് ചിറ്റൂര്‍ പുഴയില്‍ കുളിക്കാനിറങ്ങിയ രണ്ടു കുട്ടികളാണ് പുഴയുടെ നടുക്ക് കുടുങ്ങിയത്. ചിറ്റൂര്‍ അഗ്‌നിരക്ഷാ സേനയുടെയും പോലീസിന്റെയും നേതൃത്വത്തില്‍ ഏണിയിറക്കി നല്‍കിയാണ് കുട്ടികളെ കരയ്‌ക്കെത്തിച്ചത്. മൂന്നു കുട്ടികളാണ് പുഴയില്‍ കുളിക്കാനിറങ്ങിയത്. വെള്ളം ഉയര്‍ന്നതോടെ ഒരാള്‍ നീന്തി കരയിലേക്ക് കയറി നാട്ടുകാരെ വിവരം അറിയിക്കുകയായിരുന്നു. കഴിഞ്ഞ ദിവസം നാലംഗ കുടുംബം അപകടത്തില്‍പ്പെട്ട സ്ഥലത്തിന് സമീപമാണ് കുട്ടികള്‍ കുടുങ്ങിയത്.

Kerala156 days ago

ഏറ്റെടുക്കല്‍ ചര്‍ച്ചകള്‍ പരാജയം; എക്‌സിന്റെ ഇന്ത്യന്‍ ബദല്‍ ‘കൂ’ അടച്ചുപൂട്ടുന്നു

എക്‌സിന്റെ ഇന്ത്യന്‍ ബദല്‍ എന്ന വിശേഷണവുമായി ആരംഭിച്ച സോഷ്യല്‍ മീഡിയ പ്ലാറ്റ്‌ഫോം 'കൂ' പ്രവര്‍ത്തനം അവസാനിപ്പിക്കുന്നു. 2020ല്‍ അപ്രമേയ രാധാകൃഷ്ണയും മായങ്ക് ബിദാവത്കയും ചേര്‍ന്ന് ആരംഭിച്ച സ്റ്റാര്‍ട്ടപ്പാണ് കൂ. ഒന്നിലധികം കമ്പനികളുമായും മീഡിയ ഹൗസുകളുമായും നടത്തിയ ഏറ്റെടുക്കല്‍ ചര്‍ച്ചകള്‍ പരാജയപ്പെട്ടതിനെത്തുടര്‍ന്നാണ് കമ്പനി പ്രവര്‍ത്തനം അവസാനിപ്പിക്കുന്നത്. സോഷ്യല്‍ മീഡിയ ആപ്പ് പ്രവര്‍ത്തിപ്പിക്കുന്നതിന് ചെലവ് കൂടുതലായതിനാലാണ് അടച്ചുപൂട്ടാന്‍ തീരുമാനിച്ചതെന്നും രാധാകൃഷ്ണ പറഞ്ഞു.

Technology172 days ago

കണ്ണൂരില്‍ രണ്ട് കുട്ടികള്‍ കുളത്തില്‍ മുങ്ങിമരിച്ചു

കണ്ണൂര്‍ ഏച്ചൂര്‍ മാച്ചേരിയിലാണ് കുളത്തില്‍ കുളിക്കാനിറങ്ങിയ രണ്ടുകുട്ടികള്‍ മുങ്ങിമരിച്ചത്. ആദില്‍ ബിന്‍ മുഹമ്മദ് (12), മുഹമ്മദ് മിസ്ബുല്‍ ആമിര്‍ (12) എന്നിവരാണ് മരിച്ചത്. ഉച്ചയ്ക്ക് ഒരു മണിയോടെയായിരുന്നു സംഭവം. ഇവര്‍ക്കൊപ്പമുണ്ടായിരുന്ന മറ്റൊരു കുട്ടിയാണ് നാട്ടുകാരെ വിവരമറിയിച്ചത്. കുട്ടികളെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹങ്ങള്‍ ചക്കരക്കല്‍ പോലീസ് ഇന്‍ക്വസ്റ്റ് നടത്തി പോസ്റ്റുമോര്‍ട്ടം നടപടികള്‍ക്കായി കണ്ണൂര്‍ ജില്ലാ ആശുപത്രിയിലേക്ക് മാറ്റി.

Kerala177 days ago

ട്വന്റി 20: ഓസ്‌ട്രേലിയയെ തകര്‍ത്ത് ഇന്ത്യ സെമയില്‍

ഇന്ത്യ ഉയര്‍ത്തിയ 205 റണ്‍സിന്റെ കൂറ്റന്‍ വിജയലക്ഷ്യം മറികടക്കാന്‍ ഓസ്‌ട്രേലിയക്ക് സാധിച്ചില്ല. 43 പന്തില്‍ 76 റണ്‍സെടുത്ത ഹെഡ്ഡും 28 പന്തില്‍ 37 റണ്‍സെടുത്ത മിച്ചല്‍ മാര്‍ഷും ഓസ്‌ട്രേലിയക്കായി പൊരുതിയെങ്കിലും 181 റണ്‍സെടുക്കാനെ സാധിച്ചുള്ളു. ക്യാപ്റ്റന്‍ രോഹിത് ശര്‍മയും പേസര്‍ അര്‍ഷദീപ് സിങ്ങും മിന്നും പ്രകടനമാണ് കാഴ്ച വെച്ചത്. ആദ്യ സെമിയില്‍ ഇന്ത്യ നിലവിലെ ചാമ്പ്യന്മാരായ ഇംഗ്ലണ്ടിനെ നേരിടും.

Sports181 days ago

ടി20 ലോകകപ്പ്: ഇന്ത്യ-ഓസ്‌ട്രേലിയ സൂപ്പര്‍ പോരാട്ടം ഇന്ന്

ടി20 ലോകകപ്പ് സൂപ്പര്‍ എട്ടില്‍ സെമി ലക്ഷ്യമിട്ടാണ് ഇന്ത്യയും ഓസ്‌ട്രേലിയയും ഇന്ന് പോരാട്ടത്തിനിറങ്ങുന്നത്. ജയിച്ചാല്‍ ഗ്രൂപ്പ് ചാംപ്യന്‍മാരായി ഇന്ത്യയ്ക്ക് സെമിയിലെത്താം. അതേസമയം അഫ്ഗാനിസ്ഥാനെതിരായ അപ്രതീക്ഷിത തോല്‍വിയുടെ ആഘാതത്തിലാണ് ഓസ്‌ട്രേലിയ കളിക്കാനിറങ്ങുന്നത്. ഇന്ത്യന്‍ സമയം രാത്രി എട്ടിന് സെന്റ് ലൂസിയയിലെ ഡാരന്‍ സമി നാഷണല്‍ ക്രിക്കറ്റ് സ്റ്റേഡിയത്തിലാണ് മത്സരം.

Sports182 days ago

കാസര്‍ഗോഡ് ഉറങ്ങിക്കിടന്ന പത്തുവയസുകാരിയെ തട്ടിക്കൊണ്ടുപോയി; കമ്മല്‍ മോഷ്ടിച്ച് ഉപേക്ഷിച്ചു

കാസര്‍ഗോഡ് പടന്നക്കാട് ഒഴിഞ്ഞ വളപ്പില്‍ ഇന്ന് പുലര്‍ച്ചെ മൂന്ന് മണിയോടെയായിരുന്നു സംഭവം. കുട്ടിയുടെ മുത്തശ്ശന്‍ പശുവിനെ കറക്കാന്‍ പോയ സമയത്താണ് വീട്ടില്‍ കയറിയ അക്രമി കുട്ടിയെ തട്ടിക്കൊണ്ടുപോയത്. പിന്നീട് കുട്ടിയുടെ കാതിലുണ്ടായിരുന്ന സ്വര്‍ണക്കമ്മല്‍ മോഷ്ടിച്ചശേഷം കുട്ടിയെ വീടിന് സമീപം ഉപേക്ഷിച്ച് കടന്നു കളഞ്ഞു. കണ്ണിനും കഴുത്തിനും പരിക്കേറ്റ കുട്ടിയെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചു. സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്.

Kerala222 days ago

വിസാ നിയമങ്ങള്‍ കൂടുതല്‍ കര്‍ശനമാക്കി ഓസ്‌ട്രേലിയ; വിദ്യാര്‍ത്ഥികള്‍ക്ക് അക്കൗണ്ടില്‍ വേണ്ടത് 16.29 ലക്ഷം

2024 മെയ് 10 മുതല്‍ ഈ തുക കാണിക്കേണ്ടി വരും. ഓസ്ട്രേലിയയിലേക്ക് ഉപരിപഠനത്തിനായി പോകാനാഗ്രഹിക്കുന്ന ഇന്ത്യയടക്കമുള്ള രാജ്യങ്ങളില്‍നിന്നുള്ളവര്‍ക്ക് ഇത് വലിയ തിരിച്ചടിയാവും. ഓസ്ട്രേലിയയിലെത്തിയതിനു ശേഷം ചെലവുകള്‍ വഹിക്കാനാകുമെന്ന് ഉറപ്പാക്കാനാണ് ഈ തീരുമാനമെന്നാണ് ഔദ്യോഗിക വിശദീകരണം. ഓസ്ട്രേലിയ ഏഴു മാസത്തിനിടയില്‍ രണ്ടാം തവണയാണ് വിദ്യാര്‍ത്ഥികള്‍ അക്കൗണ്ടില്‍ കാണിക്കേണ്ട തുക വര്‍ധിപ്പിക്കുന്നത്.

World227 days ago