Short Vartha - Malayalam News
close

Choose your interests

    Choose at least 5 topics

    ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ ഇന്ത്യയിലെത്തി

    റിപ്പബ്ലിക് ദിനാഘോഷത്തിൽ മുഖ്യാതിഥിയായി പങ്കെടുക്കുന്നതിന് ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ ഇന്ത്യയിലെത്തി. രാജസ്ഥാനിലെ ജയ്പൂരിൽ എത്തിയ അദ്ദേഹത്തെ മുഖ്യമന്ത്രി ഭജൻലാൽ ശർമ്മയും കേന്ദ്ര വിദേശകാര്യ മന്ത്രി എസ് ജയശങ്കറും ചേർന്ന് സ്വീകരിച്ചു. രാജസ്ഥാനിലെ ആമ്പർ ഫോർട്ടും ജന്തർ മന്തറും സന്ദർശിച്ച ശേഷം മാക്രോൺ പ്രധാനമന്ത്രി നരേന്ദ്ര മോദിയുമായി ജയ്‌പൂരിൽ റോഡ് ഷോ നടത്തും.
    Tags : Republic Day 2024,Emmanuel Macron
    National452 days ago

    Related News

    UN സുരക്ഷാസമിതിയിൽ സ്ഥിരാംത്വത്തിനുള്ള ഇന്ത്യയുടെ ശ്രമത്തെ പിന്തുണച്ച് ഫ്രഞ്ച് പ്രസിഡന്റ്

    ഐക്യരാഷ്ട്ര സഭയുടെ സുരക്ഷാസമിതിയിൽ സ്ഥിരാംഗത്വം നേടാനുള്ള ഇന്ത്യയുടെ ശ്രമത്തെ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ പിന്തുണച്ചു. സുരക്ഷാ സമിതിയെ കൂടുതൽ കാര്യക്ഷമം ആക്കുന്നതിന് കൂടുതൽ രാജ്യങ്ങളുടെ പ്രാതിനിധ്യം ആവശ്യമാണ് അതുകൊണ്ട് സുരക്ഷാ സമിതി വിപുലീകരിക്കുന്നതിന് ഫ്രാൻസ് അനുകൂലമാണെന്ന് UN ജനറൽ അസംബ്ലിയിൽ നടത്തിയ പ്രസംഗത്തിൽ ഇമ്മാനുവൽ മാക്രോൺ പറഞ്ഞു. ഇന്ത്യക്ക് പുറമേ ജർമ്മനി, ജപ്പാൻ, ബ്രസീൽ എന്നീ രാജ്യങ്ങൾക്കും സുരക്ഷാ കൗൺസിലിൽ സ്ഥിരാംഗത്വം നൽകണമെന്നും ഇമ്മാനുവൽ മാക്രോൺ ആവശ്യപ്പെട്ടു.
    World207 days ago

    ഭക്ഷണം കാത്തുനിന്നവരെ ഇസ്രായേല്‍ കൂട്ടക്കൊല ചെയ്തതിനെതിരെ കടുത്ത വിമര്‍ശനവുമായി ഫ്രഞ്ച് പ്രസിഡന്റ്

    ഗസയില്‍ ഇസ്രായേലി സൈനികര്‍ സാധാരണക്കാരെ ലക്ഷ്യമിട്ട് നടത്തിയ അതിക്രമത്തില്‍ കടുത്ത രോഷം രേഖപ്പെടുത്തുന്നതായി ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ പറഞ്ഞു. ഈ കൂട്ടക്കൊലയെ ശക്തമായി അപലപിക്കുന്നുവെന്നും ഉടനടി വെടിനിര്‍ത്തല്‍ നടപ്പാക്കേണ്ടത് അനിവാര്യമാണെന്നും അദ്ദേഹം പറഞ്ഞു. കൂട്ടക്കൊലയുമായി ബന്ധപ്പെട്ട സ്വതന്ത്ര അന്വേഷണത്തിനുള്ള UNന്റെ ആഹ്വാനത്തെ ഫ്രാന്‍സ് പിന്തുണയ്ക്കുന്നതായി ഫ്രാന്‍സ് വിദേശകാര്യ മന്ത്രി സ്റ്റെഫാന്‍ സെജോര്‍ണ്‍ പറഞ്ഞു.
    World415 days ago

    റിപ്പബ്ലിക് ദിന സന്ദേശത്തില്‍ ഭരണഘടന ഉയര്‍ത്തിക്കാട്ടി രാഹുൽ ഗാന്ധി

    സ്വാതന്ത്ര്യ സമര സ്വപ്നങ്ങളെ ഒന്നിപ്പിക്കുന്ന നമ്മുടെ മഹത്തായ ഭരണഘടന ഇന്ത്യൻ റിപ്പബ്ലിക്കിന്റെ ആത്മാവാണ്. ഭരണഘടനയുടെ അടിസ്ഥാന തത്വങ്ങളുടെ സംരക്ഷണവും അവയോടുള്ള വിശ്വസ്തതയുമാണ് സ്വാതന്ത്ര്യ സമര സേനാനികൾക്കുള്ള യഥാർത്ഥ ആദരവെന്നും റിപ്പബ്ലിക് ദിന ആശംസ നേര്‍ന്ന് രാഹുൽ ഗാന്ധി എക്‌സിൽ കുറിച്ചു.
    National451 days ago

    റിപ്പബ്ലിക് ദിന പരേഡ്: ഇത്തവണ അണിനിരന്നവരില്‍ 80 ശതമാനവും വനിതകള്‍

    ഡൽഹി കർത്തവ്യ പഥിൽ നടന്ന പരേഡ് കേന്ദ്ര സാംസ്കാരിക മന്ത്രാലയത്തിനു കീഴിലെ 100 വനിതകൾ ചേർന്ന് ഒരുക്കിയ ശംഖു നാദത്തോടെയാണ് ആരംഭിച്ചത്. കര, നാവിക, വ്യോമ സേനകളിൽ നിന്നുള്ള വനിതാ ഓഫിസർമാരുടെ സംഘം ആദ്യമായി ഒന്നിച്ച് പരേഡിൽ മാർച്ച് ചെയ്തു. CRPF, SSB, ITBP എന്നിവയിൽ നിന്നുള്ള വനിതാ സേനാംഗങ്ങൾ ബൈക്ക് അഭ്യാസപ്രകടനം നടത്തി.
    National451 days ago

    ഇന്ത്യൻ വിദ്യാർഥികൾക്ക് കൂടുതൽ വിദ്യാഭ്യാസ അവസരങ്ങൾ വാഗ്ദാനം ചെയ്ത് ഫ്രഞ്ച് പ്രസിഡന്റ് ഇമ്മാനുവൽ മാക്രോണ്‍

    2030 ഓടെ ഫ്രാന്‍സിലെ ഇന്ത്യന്‍ വിദ്യാര്‍ഥികളുടെ എണ്ണം 30000 ആക്കുക എന്നതാണ് ലക്ഷ്യമെന്ന് മാക്രോണ്‍ എക്സില്‍ കുറിച്ചു. രാജ്യത്തെ സർവകലാശാലകളിൽ പഠിക്കുന്നതിന് ഫ്രഞ്ച് ഭാഷ നിർബന്ധമാകാത്ത രീതിയിൽ ക്ലാസുകൾ ആരംഭിക്കുമെന്നും അദ്ദേഹം പറഞ്ഞു. ഈ വര്‍ഷത്തെ റിപബ്ലിക് ദിന പരേഡിലെ മുഖ്യാഥിതിയായാണ്‌ മാക്രോണ്‍ ഇന്ത്യയിലെത്തിയത്.
    National451 days ago

    റിപ്പബ്ലിക്ദിന ആഘോഷ നിറവില്‍ രാജ്യം

    ഇന്ത്യ ഇന്ന് 75-ാമത് റിപ്പബ്ലിക് ദിനം ആഘോഷിക്കുന്നു. രാഷ്‌ട്രപതി ദ്രൗപദി മുർമു ഡൽഹിയിലെ കർത്തവ്യപഥിൽ എത്തി ദേശീയ പതാക ഉയർത്തിയതോടെ റിപ്പബ്ലിക് ദിന പരേഡിന് തുടക്കമായി. ഫ്രഞ്ച് പ്രസിഡന്റ് ഇമ്മാനുവൽ മാക്രോൺ ആണ് ചടങ്ങിലെ മുഖ്യാഥിതി. “ഇന്ത്യ - ജനാധിപത്യത്തിന്റെ മാതാവ്”, “വികസിത് ഭാരത്” എന്നിവയാണ് ഇത്തവണത്തെ പരേഡിന്റെ തീം.
    National451 days ago

    സംസ്ഥാനത്ത് 75–ാം റിപ്പബ്ലിക് ദിനാഘോഷങ്ങൾക്ക് തുടക്കമായി

    തിരുവനന്തപുരം സെൻട്രല്‍ സ്റ്റേഡിയത്തിൽ ഗവർണർ ആരിഫ് മുഹമ്മദ് ഖാൻ പതാക ഉയർത്തിയതോടെ സംസ്ഥാനത്ത് റിപ്പബ്ലിക് ദിനാഘോഷങ്ങൾക്ക് തുടക്കമായി. മുഖ്യമന്ത്രി പിണറായി വിജയനും ചടങ്ങില്‍ സന്നിഹിതനായി. വിവിധ സേനാ വിഭാഗങ്ങളുടെയും അശ്വാരുഢ സേന, NCC, സ്കൗട്സ്, ഗൈഡ്സ്, സ്റ്റുഡൻസ് പൊലീസ് കേഡറ്റുകൾ തുടങ്ങിയ വിഭാഗങ്ങളുടെയും അഭിവാദ്യം ഗവർണർ സ്വീകരിച്ചു.
    Kerala451 days ago

    2024 ലെ സൈനിക മെഡലുകൾ പ്രഖ്യാപിച്ചു

    റിപ്പബ്ലിക് ദിനത്തോട് അനുബന്ധിച്ച് സൈനിക പുരസ്‌കാരങ്ങൾ പ്രഖ്യാപിച്ചു. 6 സൈനികർക്ക് കീർത്തി ചക്രയും 8 പേർക്ക് ശൗര്യ ചക്രയും ലഭിച്ചു. നാല് മലയാളികൾ ഉൾപ്പെടെ 22 സൈനികർ പരം വിശിഷ്ട സേവാ മെഡലിനും 4 പേർ യുദ്ധ് സേവാ മെഡലിനും അർഹരായി.
    National452 days ago

    പത്മ പുരസ്‌കാരങ്ങൾ പ്രഖ്യാപിച്ചു

    75-ാം റിപ്പബ്ലിക് ദിനത്തിന് മുന്നോടിയായി 2024ലെ പത്മ പുരസ്‌കാരങ്ങൾ പ്രഖ്യാപിച്ചു. 34 പേർക്ക് പത്മശ്രീ ലഭിച്ചു. കഥകളി ആചാര്യൻ സദനം ബാലകൃഷ്ണൻ, തെയ്യം കലാകാരൻ ഇ.പി.നാരായണൻ, കാസർകോട്ടെ നെൽകർഷകൻ സത്യനാരായണ ബലേരി എന്നിവരാണ് കേരളത്തിൽ നിന്ന് പത്മശ്രീ ലഭിച്ചവർ.
    National452 days ago

    എല്ലാ പൗരന്മാരും രാജ്യപുരോഗതിക്ക് വേണ്ടി പ്രയത്നിക്കണം: രാഷ്ട്രപതി

    രാജ്യം പരിവർത്തനത്തിന്റെ പാതയിലാണെന്നും എല്ലാ പൗരന്മാരും രാജ്യ പുരോഗതിക്ക് വേണ്ടി പ്രയത്നിക്കണമെന്നും 75-ാമത് റിപ്പബ്ലിക് ദിനാഘോഷങ്ങൾക്ക് മുന്നോടിയായി രാജ്യത്തെ അഭിസംബോധന ചെയ്ത് രാഷ്‌ട്രപതി ദ്രൗപദി മുർമു പറഞ്ഞു. ജനാധിപത്യ മൂല്യങ്ങളെ ഉയർത്തി പിടിക്കുന്നതാണ് ഇന്ത്യയുടെ ഭരണഘടനയെന്നും രാഷ്ട്രപതി പറഞ്ഞു.
    National452 days ago