വിവിധ സര്‍ക്കാര്‍ വകുപ്പുകളിലേക്കുള്ള ഓഫീസ് അറ്റന്‍ഡന്റ് തസ്തികയിലേക്ക് അപേക്ഷിക്കാനുള്ള അവസാന തീയതി നാളെ

സെക്രട്ടറിയേറ്റ് അസിസ്റ്റന്റ്, സ്റ്റേറ്റ് ഓഡിറ്റ് ഡിപ്പാര്‍ട്ട്‌മെന്റ് എന്നീ പോസ്റ്റുകളിലേക്കുള്ള പരീക്ഷയാണ് നടക്കുന്നത്. പത്താം ക്ലാസ് മിനിമം യോഗ്യതയുള്ള 18 മുതൽ 36 വയസ് വരെയുള്ളവർക്ക് അപേക്ഷിക്കാം. PSC യുടെ ഔദ്യോഗിക വെബ്സൈറ്റിലൂടെ അപേക്ഷ സമർപ്പിക്കാനാകും.

Tags : PSC,Jobs

Kerala328 days ago

PSC ഗ്രേസ് മാർക്ക്: 12 കായിക ഇനങ്ങൾ കൂടി ഉൾപ്പെടുത്തും

PSC പരീക്ഷയ്ക്ക് ഇനി 12 കായിക ഇനങ്ങൾക്കു കൂടി ഗ്രേസ് മാർക്ക് നൽകാൻ തീരുമാനിച്ചു. ക്ലാസ്സ് III, ക്ലാസ്സ് IV തസ്തികകളിലേക്ക് നടത്തുന്ന നിയമനത്തില്‍ അധിക മാര്‍ക്ക് നല്‍കുന്നതിനാണ് പുതിയ ഇനങ്ങള്‍ കൂട്ടിച്ചേര്‍ത്തത്. ഇന്ന് ചേര്‍ന്ന സംസ്ഥാന മന്ത്രിസഭാ യോഗത്തിലായിരുന്നു തീരുമാനം. റോളർ സ്കേറ്റിംഗ്, ടഗ് ഓഫ് വാർ, റേസ് ബോട്ട് & അമേച്വർ റോവിംഗ്, ആട്യ പാട്യ, ത്രോബോൾ, നെറ്റ്ബോൾ, ആം റെസ്ലിംഗ്, അമേച്വർ ബോക്സിംഗ്, യോഗ, സെപക്താക്ര, റഗ്ലി, റോൾബോൾ എന്നിവയാണ് പുതുതായി ഉള്‍പ്പെടുത്തുക. ഇതോടെ ഗ്രേസ് മാർക്ക് ലഭിക്കുന്ന കായിക ഇനങ്ങളുടെ എണ്ണം 52 ആയി.

Kerala116 days ago

LD ക്ലര്‍ക്ക് രണ്ടാം ഘട്ട പരീക്ഷ നാളെ

LD ക്ലര്‍ക്ക് തസ്തികയിലേക്കുള്ള രണ്ടാംഘട്ട പരീക്ഷ നാളെ നടക്കും. കൊല്ലം, കണ്ണൂര്‍ ജില്ലകള്‍ക്കുള്ള പരീക്ഷയാണ് നാളെ നടക്കുന്നത്. സംസ്ഥാനത്തെ 597 കേന്ദ്രങ്ങളിലായിയാണ് പരീക്ഷ തിരുവനന്തപുരം- 91, കൊല്ലം- 194, ആലപ്പുഴ- 73, കണ്ണൂര്‍- 164, കോഴിക്കോട് - 52, കാസര്‍കോട്- 23 എന്നിങ്ങനെയാണ് പരീക്ഷാ കേന്ദ്രങ്ങള്‍. ഏറ്റവും കൂടുതൽ പരീക്ഷാർത്ഥികളുള്ളത് കൊല്ലം ജില്ലയിൽ നിന്നാണ്. 47,500 പേരാണ് കൊല്ലം ജില്ലയിൽ നിന്ന് പരീക്ഷയ്ക്കായി കണ്‍ഫര്‍മേഷന്‍ നല്‍കിയത്. എട്ട് ഘട്ടമായാണ് പരീക്ഷ. കഴിഞ്ഞ മാസം തിരുവനന്തപുരം ജില്ലയിലെ ആദ്യഘട്ട പരീക്ഷ നടന്നിരുന്നു. പത്തനംതിട്ട, തൃശൂര്‍, കാസർഗോഡ് ജില്ലകള്‍ക്കുള്ള മൂന്നാംഘട്ട പരീക്ഷ ഓഗസ്റ്റ് 31 നാണ്.

Kerala130 days ago

കാലവര്‍ഷ ദുരന്തം: ഓഗസ്റ്റ് രണ്ട് വരെയുള്ള എല്ലാ PSC പരീക്ഷകളും മാറ്റിവെച്ചു

ജൂലായ് 31 മുതല്‍ ഓഗസ്റ്റ് രണ്ട് വരെ നടത്താനിരുന്ന എല്ലാ PSC പരീക്ഷകളും മാറ്റിവെച്ചു. പുതുക്കിയ തീയതി പിന്നീട് അറിയിക്കുമെന്ന് അധികൃതര്‍ വ്യക്തമാക്കി. അതേസമയം നേരത്തെ നിശ്ചയിച്ച അഭിമുഖങ്ങള്‍ക്ക് മാറ്റമുണ്ടാകില്ല. ദുരന്തബാധിത പ്രദേശങ്ങളില്‍നിന്ന് അഭിമുഖത്തില്‍ പങ്കെടുക്കാന്‍ പറ്റാത്തവര്‍ക്ക് മറ്റൊരവസരം നല്‍കുമെന്നും PSC പുറത്തിറക്കിയ വാര്‍ത്താക്കുറിപ്പില്‍ പറയുന്നു.

Kerala146 days ago

LDC പരീക്ഷ: അധിക സര്‍വീസുമായി KSRTC

തിരുവനന്തപുരം ജില്ലയില്‍ PSC നാളെ നടത്തുന്ന LDC പരീക്ഷയ്‌ക്കെത്തുന്ന ഉദ്യോഗാര്‍ത്ഥികള്‍ക്കായി അധിക സര്‍വീസുകളൊരുക്കി KSRTC. റെയില്‍വേ സ്റ്റേഷന്‍, ബസ് സ്റ്റാന്‍ഡ് എന്നിവടങ്ങളില്‍ നിന്ന് പരീക്ഷാ കേന്ദ്രങ്ങളിലേക്ക് പോകാനും തിരികെ വരാനും ആവശ്യാനുസരണമുള്ള സര്‍വ്വീസുകള്‍ KSRTC ഏര്‍പ്പെടുത്തിയിട്ടുണ്ട്. 607 സെന്ററുകളിലായി 1,39,187 ഉദ്യോഗാര്‍ത്ഥികളാണ് പരീക്ഷയ്‌ക്കെത്തുക എന്നാണ് വിലയിരുത്തല്‍.

Kerala150 days ago

നാല് കോടി യുവാക്കള്‍ക്ക് തൊഴിലവസരം; നൈപുണ്യ നയം വികസിപ്പിക്കും

രാജ്യത്ത് തൊഴിലവസരങ്ങള്‍ വര്‍ധിപ്പിക്കുമെന്ന് കേന്ദ്ര ധനമന്ത്രി നിര്‍മല സീതാരാമന്‍. നൈപുണ്യ നയം വികസിപ്പിക്കുന്നതിനായി അഞ്ചു വര്‍ഷത്തേക്ക് രണ്ട് ലക്ഷം കോടി രൂപ നീക്കിവെയ്ക്കുമെന്നും മന്ത്രി ബജറ്റ് പ്രസംഗത്തില്‍ പറഞ്ഞു. 1000 വ്യാവസായിക പരിശീലന സ്ഥാപനങ്ങള്‍ നവീകരിക്കും. അഞ്ച് വര്‍ഷത്തിനുള്ളില്‍ ഒരു കോടി യുവാക്കള്‍ക്ക് 500 കമ്പനികളില്‍ ഇന്റേണ്‍ഷിപ്പ് അവസരങ്ങള്‍ ഒരുക്കുമെന്നും ധനമന്ത്രി പ്രഖ്യാപിച്ചു.

National153 days ago

PSC നിയമനത്തില്‍ വഴിവിട്ട രീതികളില്ലെന്ന് മുഖ്യമന്ത്രി

PSCയെ അപകീര്‍ത്തിപ്പെടുത്താന്‍ ഒട്ടേറെ ശ്രമങ്ങള്‍ നടക്കുന്നുണ്ടെന്നും PSC അംഗങ്ങളെ നിയമിക്കുന്നത് ഏതെങ്കിലും തരത്തിലുള്ള അഴിമതിയുടെ ഭാഗമായിട്ടല്ലെന്നും മുഖ്യമന്ത്രി പിണറായി വിജയന്‍ പറഞ്ഞു. നിയമസഭയിലെ ചോദ്യോത്തരവേളയില്‍ PSC അംഗമായി നിയമിക്കാനായി കോഴിക്കോട്ടെ ഭരണകക്ഷി നേതാവ് 60 ലക്ഷം രൂപ കോഴ വാങ്ങിയ സംഭവം മുഖ്യമന്ത്രിയുടെ ശ്രദ്ധയില്‍പ്പെട്ടിരുന്നോ എന്ന UDF അംഗം എന്‍. ഷംസുദ്ദീന്റെ ചോദ്യത്തിനാണ് മുഖ്യമന്ത്രി മറുപടി പറഞ്ഞത്.Read More

Kerala168 days ago

കനത്ത മഴ: PSC കായിക ക്ഷമത പരീക്ഷ മാറ്റിവെച്ചു

കനത്ത മഴ തുടരുന്ന സാഹചര്യത്തിൽ PSC ശാരീരിക അളവെടുപ്പും കായികക്ഷമതാ പരീക്ഷയും മാറ്റിവെച്ചു. വിവിധ ജില്ലകളിൽ ജൂലൈ 1, 2, 3 തീയതികളിലായി ബീറ്റ് ഫോറസ്റ്റ് ഓഫീസർ തസ്തികയിലേക്ക് നടത്താൻ നിശ്ചയിച്ചിരുന്ന ശാരീരിക അളവെടുപ്പും കായികക്ഷമതാ പരീക്ഷയും ആണ് കനത്ത മഴയെ തുടർന്ന് മാറ്റിവച്ചത്. പുതുക്കിയ തീയതി പിന്നീട് അറിയിക്കുമെന്ന് PSC അധികൃതർ അറിയിച്ചു.

Kerala177 days ago

വ്യാജ നിയമന തട്ടിപ്പ്; മുന്നറിയിപ്പ് നല്‍കി KSEB

KSEB യിലെ വിവിധ തസ്തികകളിലേക്ക് നിയമനം നല്‍കാമെന്ന് വാഗ്ദാനം നല്‍കി പണം തട്ടുന്ന സംഘങ്ങള്‍ നവമാധ്യമങ്ങളില്‍ സജീവമാണെന്നും ഇത്തരം തട്ടിപ്പുകളില്‍ കുടുങ്ങരുതെന്നുമാണ് KSEB മുന്നറിയിപ്പ് നല്‍കിയിരിക്കുന്നത്. രജിസ്‌ട്രേഷന്‍ ഫീസായി വന്‍ തുക ഈടാക്കി മുങ്ങുന്നതാണ് ഇവരുടെ ശൈലി. KSEB യിലെ ഒഴിവുകളിലേക്കുള്ള സ്ഥിര നിയമനം PSC വഴിയാണ് നടത്തുന്നതെന്നും താല്‍ക്കാലിക നിയമനം എംപ്ലോയ്‌മെന്റ് എക്‌സ്‌ചേഞ്ച് വഴിയാണെന്നും KSEB അറിയിച്ചു.

Kerala212 days ago

KSEBയില്‍ ജോലി വാഗ്ദാനം ചെയ്ത് തട്ടിപ്പ്; മുന്നറിയിപ്പ്

KSEBയിലെ വിവിധ തസ്തികകളില്‍ ജോലി വാഗ്ദാനം ചെയ്ത് രജിസ്ട്രേഷന്‍ ഫീസായി വന്‍ തുക ഈടാക്കി മുങ്ങുന്ന സംഘങ്ങള്‍ സജീവമാണെന്നും ഇവര്‍ക്കെതിരെ ജാഗ്രത പാലിക്കണമെന്നുമാണ് KSEB മുന്നറിയിപ്പ് നല്‍കിയിരിക്കുന്നത്. KSEBയിലെ തസ്തികകളിലേക്കുള്ള സ്ഥിരം നിയമനം PSC വഴിയും താല്‍ക്കാലിക നിയമനം എംപ്ലോയ്മെന്റ് എക്ചേഞ്ച് വഴിയുമാണ് നടത്തുന്നതെന്നും ഒരുകാരണവശാലും ഇത്തരം തട്ടിപ്പുകളില്‍ കുടുങ്ങരുതെന്നും KSEB അറിയിച്ചു.

Kerala238 days ago

കമ്പൈന്‍ഡ് ഹയര്‍ സെക്കന്‍ഡറി ലെവല്‍ (CHSL) പരീക്ഷയ്ക്ക് വിജ്ഞാപനം പ്രസിദ്ധീകരിച്ചു

പന്ത്രണ്ടാം ക്ലാസ്സ് യോഗ്യതയുള്ളവര്‍ക്ക് കേന്ദ്ര ഗവ. സര്‍വീസില്‍ ഗ്രൂപ്പ് C വിഭാഗത്തില്‍ LD ക്ലാര്‍ക്ക്/ ജൂനിയര്‍ സെക്രട്ടേറിയറ്റ് അസിസ്റ്റന്റ്, ഡേറ്റാ എന്‍ട്രി ഓപ്പറേറ്റര്‍ തസ്തികകളിലേക്കുളള പരീക്ഷയ്ക്ക് ആണ് സ്റ്റാഫ് സെലക്ഷന്‍ കമ്മീഷന്‍ (SSC) വിജ്ഞാപനം പുറപ്പെടുവിച്ചത്. നിലവില്‍ 3712 ഒഴിവുകളാണ് ഉളളത്. SSC യുടെ https://ssc.gov.in എന്ന വെബ്സൈറ്റില്‍ ഒറ്റത്തവണ രജിസ്ട്രേഷന്‍ നടത്തിയശേഷം ഓണ്‍ലൈനായി അപേക്ഷ നല്‍കാം.Read More

National249 days ago