സുരക്ഷ മുന്‍നിര്‍ത്തി ലക്ഷദ്വീപില്‍ രണ്ട് നാവിക സേനാ താവളങ്ങള്‍ നിര്‍മിക്കാന്‍ തയാറെടുത്ത് ഇന്ത്യ

അഗത്തി, മിനിക്കോയ് ദ്വീപുകളിലാണ് സൈനിക താവളങ്ങള്‍ നിര്‍മിക്കുന്നത്. തെക്കു കിഴക്കന്‍ ഏഷ്യ, വടക്കന്‍ ഏഷ്യ എന്നിവടങ്ങളിലേക്ക് കോടിക്കണക്കിന് മൂല്യമുള്ള ചരക്കു കപ്പലുകളുടെ ഗതാഗതം നടക്കുന്ന ഇന്ത്യന്‍ മഹാസമുദ്രത്തിലെ 9 ഡിഗ്രി ചാനലില്‍ സ്ഥിതി ചെയ്യുന്ന മിനിക്കോയ്, അഗത്തി ദ്വീപുകള്‍ തന്ത്രപ്രധാനമായ കേന്ദ്രമാണ്. ഇന്തോ-പസഫിക് മേഖലയില്‍ ശക്തമായ സാന്നിധ്യം അറിയിക്കുകയാണ് താവളങ്ങള്‍ നിര്‍മിക്കുന്നതിലൂടെ ലക്ഷ്യമിടുന്നത്.

Tags : Lakshadweep,Indian Navy

National429 days ago

DRDO വികസിപ്പിച്ച വെര്‍ട്ടിക്കല്‍ ലോഞ്ച് ഷോര്‍ട്ട് റേഞ്ച് സര്‍ഫസ് ടു എയര്‍ മിസൈലിന്‍റെ പരീക്ഷണം വിജയം

ഡിഫന്‍സ് റിസര്‍ച്ച് ആന്‍ഡ് ഡെവലെപ്മെന്‍റ് ഓര്‍ഗനൈസേഷനും ഇന്ത്യന്‍ നാവിക സേനയും സംയുക്തമായി ഒഡീഷയിലെ ചാന്ദിപ്പൂരിലാണ് പരീക്ഷണപ്പറത്തൽ സംഘടിപ്പിച്ചത്. പുതിയതായി വികസിപ്പിച്ച മിസൈൽ ഘടകങ്ങളുടെ പരീക്ഷണം വിജയമായെന്ന് പ്രതിരോധമന്ത്രാലയവും വ്യക്തമാക്കി. കരയിൽ നിന്ന് ആകാശത്തെ ലക്ഷ്യത്തിലേക്ക് തൊടുക്കുന്ന പരീക്ഷണമാണ് നടന്നത്. മിസൈൽ പരീക്ഷണം വിജയകരമായി പൂർത്തിയാക്കിയതിന് പ്രതിരോധമന്ത്രി രാജ്നാഥ് സിങ്ങ് അഭിനന്ദനം അറിയിച്ചു.

National218 days ago

ബെവ്‌കോ മദ്യം ലക്ഷദ്വീപില്‍ വില്‍ക്കാന്‍ അനുമതി

മദ്യം വില്‍ക്കാനായി സംസ്ഥാന സര്‍ക്കാര്‍ ബെവ്‌ക്കോയ്ക്ക് അനുമതി നല്‍കി ഉത്തരവിറക്കി. ലക്ഷദ്വീപിലെ ബെഗാരം ദ്വീപിലെ ടൂറിസ്റ്റുകള്‍ക്കായി മദ്യവില്‍പ്പന നടത്താനാണ് തീരുമാനം. മദ്യം വാങ്ങാനുള്ള അനുമതി തേടി ലക്ഷദ്വീപ് ഭരണകൂടം സംസ്ഥാന എക്സൈസ് വകുപ്പിനെ സമീപിച്ചിരുന്നു. തുടര്‍ന്ന് എക്‌സൈസ് കമ്മീഷണര്‍ ലക്ഷദ്വീപ് അഡ്മിസ്‌ട്രേഷനുമായി ചര്‍ച്ച നടത്തി. എക്‌സൈസ് കമ്മീഷണറുടെ അപേക്ഷ പരിഗണിച്ച സര്‍ക്കാര്‍ ഒറ്റത്തവണയായി ലക്ഷദ്വീപിലേക്ക് മദ്യവില്‍പ്പന നടത്താന്‍ ബെവ്‌ക്കോയ്ക്ക് അനുമതി നല്‍കുകയായിരുന്നു.

Kerala221 days ago

ഉരുള്‍പൊട്ടല്‍: രക്ഷാപ്രവര്‍ത്തനത്തിനായി നാവികസേനയും കരസേനയും

വയനാട് മുണ്ടക്കൈ, ചൂരല്‍മല പ്രദേശങ്ങളിലെ രക്ഷാപ്രവര്‍ത്തനത്തിനായി സെന്യത്തിന്റെ മദ്രാസ് എന്‍ജിനിയറിങ് ഗ്രൂപ്പ് എത്തും. ഉരുള്‍പൊട്ടലില്‍ പാലം തകര്‍ന്ന സാഹചര്യത്തില്‍ ബദല്‍ സംവിധാനം അടക്കമുള്ളവ സൈന്യത്തിന്റെ എന്‍ജിനിയറിങ് വിഭാഗം നടപ്പാക്കും. മുഖ്യമന്ത്രിയുടെ നിര്‍ദേശ പ്രകാരം ഏഴിമലയില്‍ നിന്ന് നാവികസേനാ സംഘവും എത്തും. തിരിച്ചലിനായി പോലീസിന്റെ ഡോഗ് സ്‌ക്വാഡും രംഗത്തിറങ്ങും. ഡ്രോണ്‍ ഉപയോഗിച്ചും തിരച്ചില്‍ നടത്താന്‍ നിര്‍ദേശം നല്‍കിയിട്ടുണ്ട്.

Kerala262 days ago

ജോയിക്കായി തിരച്ചില്‍ ഊര്‍ജിതം; നാവികസേന തിരുവനന്തപുരത്തേക്ക്

നാവിക സേനയുടെ അതിവിദഗ്ധരായ ഡൈവിംഗ് സംഘം കൊച്ചിയില്‍ നിന്ന് തലസ്ഥാനത്തേക്ക് വൈകിട്ടോടെയെത്തുമെന്ന് റവന്യൂ മന്ത്രി കെ. രാജന്‍ അറിയിച്ചു. 5 മുതല്‍ 10 വരെ അംഗങ്ങളുളള നേവിയുടെ വിദഗ്ധ സംഘമാകും തലസ്ഥാനത്ത് എത്തുക. രക്ഷാ പ്രവര്‍ത്തനത്തില്‍ പുരോഗതിയുണ്ടാകാത്ത സാഹചര്യത്തില്‍ സര്‍ക്കാര്‍ സഹായം തേടി നാവിക സേനയ്ക്ക് കത്ത് നല്‍കുക ആയിരുന്നു. നേരത്തെ റോബോട്ടിക് ക്യാമറയില്‍ പതിഞ്ഞത് ചാക്കില്‍ കെട്ടിയ മാലിന്യ കൂമ്പാരമായിരുന്നുവെന്ന് സ്ഥിരീകരിച്ചു.

Kerala278 days ago

ഉഷ്ണതരംഗം; ലക്ഷദ്വീപിലെ പവിഴപ്പുറ്റുകള്‍ നശിക്കുന്നുവെന്ന് പഠനം

ലക്ഷദ്വീപ് മേഖലയിലെ പവിഴപ്പുറ്റിന്റെ ഏറിയ പങ്കും കോറല്‍ ബ്ലീച്ചിങ്ങിന് വിധേയമായെന്നാണ് കേന്ദ്ര സമുദ്ര മത്സ്യഗവേഷണ സ്ഥാപനം നടത്തിയ പഠനത്തില്‍ വ്യക്തമായത്. സമുദ്രജലത്തിലെ താപനിലയിലുണ്ടാവുന്ന വര്‍ധനവാണ് കോറല്‍ ബ്ലീച്ചിങ്ങിന് കാരണമാകുന്നത്. ചൂട് കാരണം പവിഴപ്പുറ്റുകള്‍ അവയ്ക്കുള്ളില്‍ വസിക്കുന്ന സൂസാന്തില്ലകളെന്ന ഭക്ഷണ നിര്‍മാതാക്കളായ സൂക്ഷ്മജീവികളെ പുറന്തള്ളുകയും ഇതോടെ നിറം നഷ്ടമാകുന്ന പവിഴപ്പുറ്റുകള്‍ നശിച്ചുപോവുകയും ചെയ്യുന്ന പ്രതിഭാസമാണിത്.

Environment342 days ago

അഡ്മിറൽ ദിനേശ് കുമാർ ത്രിപാഠി പുതിയ നാവിക സേനാ മേധാവി ആയി ചുമതലയേറ്റു

ഇന്ത്യന്‍ നാവികസേന മേധാവി സ്ഥാനത്ത് നിന്ന് മലയാളിയായ അഡ്മിറൽ ആർ. ഹരികുമാർ വിരമിച്ച ഒഴിവിലാണ് അഡ്മിറൽ ദിനേശ് കുമാർ ത്രിപാഠി പുതിയ നാവിക സേനാ മേധാവി ആയി ചുമതല ഏറ്റിരിക്കുന്നത്. കമ്യൂണിക്കേഷൻ ആന്‍റ് ഇലക്ട്രോണിക്ക് വാർഫെയർ സ്പെഷ്യലിസ്റ്റാണ് ദിനേശ് ത്രിപാഠി. മഹത്തായ രാജ്യത്തിന്‍റെ നാവികസേനയ്ക്ക് നേതൃത്വം കൊടുക്കാന്‍ അവസരം ലഭിച്ചതില്‍ അഭിമാനവും സന്തോഷവും ഉണ്ടെന്ന് 25ാം നാവിക സേന മേധാവി ആയി വിരമിച്ച ഹരികുമാര്‍ പറഞ്ഞു.

National353 days ago

പനാമ പതാകയുള്ള എണ്ണക്കപ്പലിലെ ജീവനക്കാരെ ഇന്ത്യൻ നാവികസേന മിസൈൽ ആക്രമണത്തിൽ നിന്ന് രക്ഷപെടുത്തി

ഹൂതികളുടെ മിസൈൽ ആക്രമണത്തിൽ കുടുങ്ങിയ പനാമയുടെ പതാകയുള്ള എണ്ണക്കപ്പലായ എംവി ആൻഡ്രോമിഡ സ്റ്റാറിലെ ജീവനക്കാരെ ഇന്ത്യൻ നാവികസേന വിജയകരമായി രക്ഷപ്പെടുത്തി. കപ്പലിലുണ്ടായിരുന്ന 22 ഇന്ത്യൻ പൗരന്മാരുൾപ്പെടെ 30 ജീവനക്കാരെയും സുരക്ഷിതമായി രക്ഷപെടുത്തിയെന്ന് നാവികസേന അറിയിച്ചു. ചെങ്കടലിൽ വെച്ചാണ് കപ്പലിന് നേരെ മിസൈൽ ആക്രമണം ഉണ്ടായത്. ആക്രമണത്തിൽ കപ്പലിന് ചെറിയ കേടുപാടുകൾ സംഭവിച്ചു.

National354 days ago

ഇന്ത്യന്‍ നാവികസേനയുടെ പുതിയ മേധാവിയായി വൈസ് അഡ്മിറല്‍ ദിനേശ് ത്രിപാഠിയെ നിയമിച്ചു

നിലവില്‍ നാവികസേനയുടെ ഉപമേധാവിയാണ് ദിനേശ് ത്രിപാഠി. ഏപ്രില്‍ 30ന് അദ്ദേഹം പുതിയ ചുമതല ഏറ്റെടുക്കും. നിലവിലെ മേധാവി അഡ്മിറല്‍ ആര്‍. ഹരികുമാറിന്റെ ഒഴിവിലേക്കാണ് ത്രിപാഠിയുടെ നിയമനം. 1985 ജൂലൈ 1നാണ് അദ്ദേഹം ഇന്ത്യന്‍ നാവികസേനയുടെ ഭാഗമായത്. നാവികസേനയുടെ മുന്‍നിര യുദ്ധക്കപ്പലുകളില്‍ സിഗ്നല്‍ കമ്മ്യൂണിക്കേഷന്‍ ഓഫീസറായും ഇലക്ട്രോണിക് വാര്‍ഫെയര്‍ ഓഫീസറായും അദ്ദേഹം സേവനമനുഷ്ഠിച്ചിട്ടുണ്ട്.

National364 days ago

ലക്ഷദ്വീപില്‍ ഭൂചലനം; 4.1 തീവ്രത രേഖപ്പെടുത്തി

ഇന്നലെ അര്‍ദ്ധരാത്രി 12.15 ഓടെയാണ് റിക്ടര്‍ സ്‌കെയിലില്‍ 4.1 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതെന്ന് ദേശീയ ഭൂകമ്പ നിരീക്ഷണ കേന്ദ്രം അറിയിച്ചു. മിനിക്കോയ് ദ്വീപില്‍ നിന്ന് 195 കിലോമീറ്റര്‍ വടക്ക് 27 കിലോമീറ്റര്‍ ആഴത്തിലാണ് ഭൂചലനത്തിന്റെ പ്രഭവകേന്ദ്രം. ഭൂചലനത്തില്‍ ആളപായമോ മറ്റ് നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല.

National372 days ago

പ്രധാനമന്ത്രിയുടെ സന്ദര്‍ശനത്തിന് പിന്നാലെ ലക്ഷദ്വീപ് ടൂറിസത്തില്‍ വളര്‍ച്ച

പ്രധാനമന്ത്രി നരേന്ദ്രമോദി ലക്ഷദ്വീപ് സന്ദര്‍ശിച്ചതിന് പിന്നാലെ ദ്വീപിലേക്കുള്ള വിനോദ സഞ്ചാരികളുടെ എണ്ണത്തില്‍ വന്‍ വര്‍ധനവ് ഉണ്ടായതായി ടൂറിസം ഓഫീസര്‍ ഇംതിയാസ് മുഹമ്മദ്. ലക്ഷദ്വീപ് ടൂറിസം പാക്കേജുകളെക്കുറിച്ച് അറിയാന്‍ ആളുകള്‍ക്ക് വളരെ ആകാംക്ഷയുണ്ട്. ദേശീയതലത്തില്‍ നിന്ന് മാത്രമല്ല അന്തര്‍ദേശീയ ടൂറിസം വിപണിയില്‍ നിന്നും ദ്വീപിനെക്കുറിച്ചുളള അന്വേഷണങ്ങള്‍ ലഭിക്കുന്നുണ്ടെന്നും അദ്ദേഹം പറഞ്ഞു. 2023 ഡിസംബറിലാണ് മോദി ലക്ഷദ്വീപ് സന്ദര്‍ശിച്ചത്.

National377 days ago