ബെവ്‌കോ മദ്യം ലക്ഷദ്വീപില്‍ വില്‍ക്കാന്‍ അനുമതി

മദ്യം വില്‍ക്കാനായി സംസ്ഥാന സര്‍ക്കാര്‍ ബെവ്‌ക്കോയ്ക്ക് അനുമതി നല്‍കി ഉത്തരവിറക്കി. ലക്ഷദ്വീപിലെ ബെഗാരം ദ്വീപിലെ ടൂറിസ്റ്റുകള്‍ക്കായി മദ്യവില്‍പ്പന നടത്താനാണ് തീരുമാനം. മദ്യം വാങ്ങാനുള്ള അനുമതി തേടി ലക്ഷദ്വീപ് ഭരണകൂടം സംസ്ഥാന എക്സൈസ് വകുപ്പിനെ സമീപിച്ചിരുന്നു. തുടര്‍ന്ന് എക്‌സൈസ് കമ്മീഷണര്‍ ലക്ഷദ്വീപ് അഡ്മിസ്‌ട്രേഷനുമായി ചര്‍ച്ച നടത്തി. എക്‌സൈസ് കമ്മീഷണറുടെ അപേക്ഷ പരിഗണിച്ച സര്‍ക്കാര്‍ ഒറ്റത്തവണയായി ലക്ഷദ്വീപിലേക്ക് മദ്യവില്‍പ്പന നടത്താന്‍ ബെവ്‌ക്കോയ്ക്ക് അനുമതി നല്‍കുകയായിരുന്നു.

Kerala105 days ago

ഓണത്തിന് വിറ്റത് 818.21 കോടിയുടെ മദ്യം

ഓണ സീസണില്‍ മദ്യവില്‍പ്പനയില്‍ റെക്കോര്‍ഡ് നേട്ടമാണ് ഉണ്ടായിരിക്കുന്നത്. ഈ മാസം ആറുമുതല്‍ 17 വരെയുള്ള കണക്കുകള്‍ പ്രകാരം 818.21 കോടിയുടെ മദ്യമാണ് മലയാളികള്‍ കുടിച്ച് തീര്‍ത്തത്. കഴിഞ്ഞ വര്‍ഷം ഇതേ കാലയളവില്‍ 809.25 കോടിയുടെ മദ്യമാണ് വിറ്റത്. കഴിഞ്ഞ വര്‍ഷത്തെ അപേക്ഷിച്ച് ഇത്തവണ 9 കോടിയുടെ വര്‍ധനയാണ് മദ്യവില്‍പ്പനയില്‍ ഇത്തവണ ഉണ്ടായിരിക്കുന്നത്.

Kerala96 days ago

ബെവ്‌കോ ജീവനക്കാര്‍ക്ക് 95,000 രൂപ ബോണസ്

സംസ്ഥാനത്തെ ഉയര്‍ന്ന ബോണസ് നിരക്കാണ് ബെവ്‌കോ ജീവനക്കാര്‍ക്ക് ലഭിക്കുന്നത്. ഇത്തവണ ഒരു ലക്ഷം രൂപ ബോണസായി നല്‍കണം എന്നായിരുന്നു ശുപാര്‍ശ. എക്‌സൈസ് മന്ത്രിയുടെ ചേംബറില്‍ നടന്ന ചര്‍ച്ചയിലാണ് ബോണസ് തീരുമാനമായത്. ഔട്ട്ലെറ്റിലും ഓഫീസിലുമായി 5000 ജീവനക്കാരാണ് ബെവ്‌കോയിലുള്ളത്. സ്വീപ്പര്‍ തൊഴിലാളികള്‍ക്ക് 5000 രൂപയാണ് ബോണസ്.

Kerala102 days ago

IT പാര്‍ക്കുകളില്‍ മദ്യശാല അനുവദിക്കുന്നതിനുളള സര്‍ക്കാര്‍ നിര്‍ദേശങ്ങള്‍ക്ക് അംഗീകാരം

IT പാര്‍ക്കുകളില്‍ മദ്യം വിതരണം ചെയ്യുന്നതിനുളള സര്‍ക്കാര്‍ നിര്‍ദേശങ്ങള്‍ക്ക് നിയമസഭാ സബ്ജക്ട് കമ്മിറ്റി അംഗീകാരം നല്‍കി. തിരഞ്ഞെടുപ്പ് പെരുമാറ്റച്ചട്ടം പിന്‍വലിച്ചതിന് ശേഷം ഇതിനായുള്ള തുടര്‍ നടപടികള്‍ ആരംഭിക്കും. IT പാര്‍ക്കുകള്‍ക്ക് എഫ്എല്‍ 4 സി ലൈസന്‍സ് നല്‍കും. 20 ലക്ഷം ആയിരിക്കും ലൈസന്‍സ് ഫീസ്. IT പാര്‍ക്ക് നേരിട്ടോ, പ്രമോട്ടര്‍ പറയുന്ന കമ്പനിക്കോ ആകും നടത്തിപ്പ് നല്‍കുക. രാവിലെ 11 മണി മുതല്‍ രാത്രി 11 മണിവരെയാകും മദ്യശാലകളുടെ പ്രവര്‍ത്തന സമയം.

Kerala214 days ago

കേരളത്തിലെ ‘ഡ്രൈ ഡേ’ മാറ്റണമെന്ന് ശുപാര്‍ശ

കേരളത്തില്‍് എല്ലാമാസവും ഒന്നാം തീയ്യതിയുള്ള 'ഡ്രൈ ഡേ' മാറ്റണമെന്നാണ് സെക്രട്ടറി തല കമ്മറ്റിയുടെ ശുപാര്‍ശ. ചീഫ് സെക്രട്ടറി വിളിച്ചുചേര്‍ത്ത യോഗത്തിലാണ് എല്ലാ മാസവും ഒന്നാം തീയ്യതി മദ്യശാല തുറന്നാല്‍ 15,000 കോടിയുടെ വരുമാന വര്‍ധനയുണ്ടാകുമെന്ന വിലയിരുത്തല്‍ ഉണ്ടായത്. വരുമാന വര്‍ധന ചര്‍ച്ച ചെയ്യാന്‍ തിങ്കളാഴ്ച വിളിച്ചുചേര്‍ത്ത യോഗത്തില്‍ വില കുറഞ്ഞ- വീര്യം കുറഞ്ഞ മദ്യത്തിന്റെ വില്‍പന, മദ്യ കയറ്റുമതി തുടങ്ങിയ കാര്യങ്ങളും ചര്‍ച്ചയായി.

Kerala215 days ago

കഴിഞ്ഞ സാമ്പത്തിക വര്‍ഷം സംസ്ഥാനത്ത് റെക്കോര്‍ഡ് മദ്യവില്‍പന

കഴിഞ്ഞ സാമ്പത്തിക വര്‍ഷം 19,088.68 കോടിയുടെ മദ്യവില്‍പ്പനയാണ് സംസ്ഥാനത്ത് നടന്നത്. 2022- 23 വര്‍ഷത്തില്‍ ഇത് 18,510.98 കോടിയായിരുന്നു. ഇതോടെ 16,609.63 കോടി രൂപയാണ് മദ്യവില്‍പ്പനയിലെ നികുതി വഴി സര്‍ക്കാര്‍ ഖജനാവില്‍ എത്തിയത്. ബിവറേജസ് കോര്‍പ്പറേഷന്റെ ഉടമസ്ഥതയിലുള്ള 277 റീട്ടേയ്ല്‍ ഔട്ട്ലെറ്റുകള്‍ വഴിയും കണ്‍സ്യൂമര്‍ ഫെഡിന് കീഴിലെ 39 ഔട്ട്ലെറ്റുകള്‍ വഴിയുമാണ് സംസ്ഥാനത്തെ മദ്യവില്‍പന നടക്കുന്നത്.

Kerala222 days ago

ഉഷ്ണതരംഗം; ലക്ഷദ്വീപിലെ പവിഴപ്പുറ്റുകള്‍ നശിക്കുന്നുവെന്ന് പഠനം

ലക്ഷദ്വീപ് മേഖലയിലെ പവിഴപ്പുറ്റിന്റെ ഏറിയ പങ്കും കോറല്‍ ബ്ലീച്ചിങ്ങിന് വിധേയമായെന്നാണ് കേന്ദ്ര സമുദ്ര മത്സ്യഗവേഷണ സ്ഥാപനം നടത്തിയ പഠനത്തില്‍ വ്യക്തമായത്. സമുദ്രജലത്തിലെ താപനിലയിലുണ്ടാവുന്ന വര്‍ധനവാണ് കോറല്‍ ബ്ലീച്ചിങ്ങിന് കാരണമാകുന്നത്. ചൂട് കാരണം പവിഴപ്പുറ്റുകള്‍ അവയ്ക്കുള്ളില്‍ വസിക്കുന്ന സൂസാന്തില്ലകളെന്ന ഭക്ഷണ നിര്‍മാതാക്കളായ സൂക്ഷ്മജീവികളെ പുറന്തള്ളുകയും ഇതോടെ നിറം നഷ്ടമാകുന്ന പവിഴപ്പുറ്റുകള്‍ നശിച്ചുപോവുകയും ചെയ്യുന്ന പ്രതിഭാസമാണിത്.

Environment226 days ago

ലോക്സഭാ തിരഞ്ഞെടുപ്പ്: ബുധനാഴ്ച വൈകിട്ട് 6 മണി മുതൽ മദ്യവിൽപ്പനശാലകൾ പ്രവർത്തിക്കില്ല

ലോക്സഭാ തിരഞ്ഞെടുപ്പിനെ തുടർന്ന് മദ്യവിൽപ്പനശാലകൾ നാളെ വൈകിട്ട് 6 മണി മുതൽ അടച്ചിടും. വോട്ടെടുപ്പ് ദിവസമായ ഏപ്രിൽ 26ന് വൈകിട്ട് 6 മണിക്ക് ശേഷമേ പിന്നീട് തുറന്ന് പ്രവർത്തിക്കൂ. റീ പോളിങ് നടക്കുന്ന പ്രദേശങ്ങളിലും മദ്യവിൽപ്പനശാലകൾ തുറക്കില്ല. വോട്ടെണ്ണൽ ദിവസമായ ജൂൺ നാലിനും മദ്യവിൽപ്പനശാലകൾ പ്രവർത്തിക്കില്ല.

Kerala244 days ago

തൃശൂര്‍ പൂരം; മദ്യനിരോധന സമയക്രമത്തില്‍ മാറ്റം വരുത്തി ജില്ലാ കളക്ടര്‍

ഹൈക്കോടതി വിധിയെ തുടര്‍ന്നാണ് പൂരത്തോടനുബന്ധിച്ച മദ്യനിരോധന സമയക്രമത്തില്‍ ഭേദഗതി വരുത്തിയത്. നാളെ പുലര്‍ച്ചെ രണ്ട് മണി മുതല്‍ മറ്റന്നാള്‍ രാവിലെ 10 മണി വരെയാണ് മദ്യനിരോധനം. തൃശൂര്‍ കോര്‍പറേഷന്‍ പരിധിയില്‍ ഉള്‍പ്പെട്ട എല്ലാ മദ്യവില്‍പനശാലകളും കള്ള് ഷാപ്പ്, ബിയര്‍ ആന്‍ഡ് വൈന്‍ പാര്‍ലറുകള്‍, ബാര്‍ എന്നിവയും പൂര്‍ണമായും ഈ സമയത്ത് അടച്ചിടണം. ഒപ്പം മറ്റ് ലഹരി വസ്തുക്കളുടെ വില്‍പനയും നിരോധിച്ചിട്ടുണ്ട്.

Kerala249 days ago

ലക്ഷദ്വീപില്‍ ഭൂചലനം; 4.1 തീവ്രത രേഖപ്പെടുത്തി

ഇന്നലെ അര്‍ദ്ധരാത്രി 12.15 ഓടെയാണ് റിക്ടര്‍ സ്‌കെയിലില്‍ 4.1 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതെന്ന് ദേശീയ ഭൂകമ്പ നിരീക്ഷണ കേന്ദ്രം അറിയിച്ചു. മിനിക്കോയ് ദ്വീപില്‍ നിന്ന് 195 കിലോമീറ്റര്‍ വടക്ക് 27 കിലോമീറ്റര്‍ ആഴത്തിലാണ് ഭൂചലനത്തിന്റെ പ്രഭവകേന്ദ്രം. ഭൂചലനത്തില്‍ ആളപായമോ മറ്റ് നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല.

National256 days ago

പ്രധാനമന്ത്രിയുടെ സന്ദര്‍ശനത്തിന് പിന്നാലെ ലക്ഷദ്വീപ് ടൂറിസത്തില്‍ വളര്‍ച്ച

പ്രധാനമന്ത്രി നരേന്ദ്രമോദി ലക്ഷദ്വീപ് സന്ദര്‍ശിച്ചതിന് പിന്നാലെ ദ്വീപിലേക്കുള്ള വിനോദ സഞ്ചാരികളുടെ എണ്ണത്തില്‍ വന്‍ വര്‍ധനവ് ഉണ്ടായതായി ടൂറിസം ഓഫീസര്‍ ഇംതിയാസ് മുഹമ്മദ്. ലക്ഷദ്വീപ് ടൂറിസം പാക്കേജുകളെക്കുറിച്ച് അറിയാന്‍ ആളുകള്‍ക്ക് വളരെ ആകാംക്ഷയുണ്ട്. ദേശീയതലത്തില്‍ നിന്ന് മാത്രമല്ല അന്തര്‍ദേശീയ ടൂറിസം വിപണിയില്‍ നിന്നും ദ്വീപിനെക്കുറിച്ചുളള അന്വേഷണങ്ങള്‍ ലഭിക്കുന്നുണ്ടെന്നും അദ്ദേഹം പറഞ്ഞു. 2023 ഡിസംബറിലാണ് മോദി ലക്ഷദ്വീപ് സന്ദര്‍ശിച്ചത്.

National261 days ago