പോലീസിന്റെ സൈബര്‍ ഡിവിഷന്‍ ഉദ്ഘാടനം ചെയ്ത് മുഖ്യമന്ത്രി

കേരള പോലീസില്‍ പുതിയതായി സൈബര്‍ ഡിവിഷന്‍ ആരംഭിച്ചത് വര്‍ദ്ധിച്ചുവരുന്ന സൈബര്‍ അതിക്രമങ്ങള്‍ക്കെതിരെ നടപടി സ്വീകരിക്കുന്നതിന്റെ ഭാഗമായാണ്.സൈബര്‍ ഓപ്പറേഷന്‍ ചുമതലയുള്ള IGയുടെ കീഴില്‍ 465 പോലീസ് ഉദ്യോഗസ്ഥരാണ് ഈ ഡിവിഷനില്‍ ഉണ്ടാവുക. സൈബര്‍ പോലീസ് സ്റ്റേഷനുകള്‍, ഗവേഷണപഠന സംവിധാനങ്ങള്‍, പരിശീലനവിഭാഗം, സൈബര്‍ പട്രോളിങ് യൂണിറ്റുകള്‍ തുടങ്ങിയവയാണ് ഡിവിഷന്റെ ഭാഗമായി നിലവില്‍ വരുന്നത്.

Tags : Police,Cyber crime

Kerala324 days ago

മുകേഷ്, ജയസൂര്യ,ഇടവേള ബാബു തുടങ്ങിയവര്‍ക്കെതിരായ പരാതി; 7 കേസുകള്‍ രജിസ്റ്റര്‍ ചെയ്യുമെന്ന് പോലീസ്

മുകേഷ്, ജയസൂര്യ, ഇടവേള ബാബു തുടങ്ങിയവര്‍ ഉള്‍പ്പെടെ ഏഴുപേര്‍ക്കെതിരെ പരാതി നല്‍കിയ നടിയുടെ മൊഴിയെടുപ്പ് പൂര്‍ത്തിയായി. പത്ത് മണിക്കൂര്‍ നീണ്ടു നിന്ന മൊഴിയെടുപ്പാണ് ഉണ്ടായത്. പ്രത്യേക അന്വേഷണ സംഘമാണ് പരാതിക്കാരിയുടെ മൊഴിയെടുത്തത്. ആറ് കേസുകള്‍ കൊച്ചിയിലും ഒന്നു തിരുവനന്തപുരത്തും ആണെന്ന് മൊഴിയെടുത്തതിന് ശേഷം പൊലീസ് പറഞ്ഞു.

Kerala120 days ago

IAS കോച്ചിങ് സെന്ററില്‍ വെള്ളം കയറി വിദ്യാര്‍ത്ഥികള്‍ മരിച്ച സംഭവം; 2 പേര്‍ കസ്റ്റഡിയില്‍

റാവൂസ് കോച്ചിങ് സെന്റര്‍ ഉടമ, കോര്‍ഡിനേറ്റര്‍ എന്നിവരെയാണ് പോലീസ് കസ്റ്റഡിയിലെടുത്തത്. ഭാരതീയ ന്യാസ സംഹിതയിലെ 105, 106 (1), 115 (2), 290, 35 എന്നീ വകുപ്പുകള്‍ പ്രകാരമാണ് കേസെടുത്തിരിക്കുന്നത്. ഡല്‍ഹിയിലെ IAS പരിശീലന കേന്ദ്രത്തിന്റെ ബേസ്മെന്റില്‍ വെള്ളം കയറി ഒരു മലയാളി ഉള്‍പ്പടെ മൂന്ന് വിദ്യാര്‍ത്ഥികളാണ് മരിച്ചത്.

National152 days ago

KSEB ജീവനക്കാര്‍ക്കെതിരെ പരാതി നല്‍കി അജ്മലിന്റെ മാതാവ്

KSEB ഓഫീസ് അതിക്രമവുമായി ബന്ധപ്പെട്ട കേസിലെ പ്രതിയുടെ വീട്ടിലെ വൈദ്യുതി കണക്ഷന്‍ വിച്ഛേദിച്ച സംഭവത്തിലാണ് പരാതി. വൈദ്യുതി വിച്ഛേദിക്കാന്‍ വീട്ടിലെത്തിയ ജീവനക്കാര്‍ അപമര്യാദയായി പെരുമാറിയെന്നാണ് അജ്മലിന്റെ മാതാവ് തിരുവമ്പാടി പോലീസ് സ്റ്റേഷനില്‍ നേരിട്ടെത്തി പരാതി നല്‍കിയിരിക്കുന്നത്. അതേസമയം ഉദ്യോഗസ്ഥര്‍ എത്തിയാല്‍ അക്രമം ഉണ്ടാവില്ലെന്ന് ഉറപ്പ് നല്‍കിയാല്‍ വൈദ്യുതി പുനഃസ്ഥാപിക്കുമെന്ന് മന്ത്രി കെ. കൃഷ്ണന്‍ കുട്ടി പറഞ്ഞു.

Kerala173 days ago

ജമ്മു കശ്മീരില്‍ സൈനികര്‍ പോലീസുകാരെ സ്‌റ്റേഷനില്‍ കയറി മര്‍ദിച്ചതായി പരാതി

ഒരു ഉദ്യോഗസ്ഥന്റെ നേതൃത്വത്തില്‍ എത്തിയ സൈനികര്‍ കുപ്‌വാരയിലെ പോലീസ് സ്റ്റേഷനില്‍ കയറുകയും പോലീസുകാരെ മര്‍ദിക്കുകയുമായിരുന്നു എന്നാണ് പാരതി. സൈനികരുടെ മര്‍ദനമേറ്റ നാല് പോലീസുകാര്‍ ആശുപത്രിയില്‍ ചികിത്സയിലാണ്. ചൊവ്വാഴ്ച രാത്രിയോടെ ആയിരുന്നു സംഭവം. മര്‍ദനത്തിന് പിന്നിലെ കാരണം എന്താണെന്ന് പോലീസോ സൈന്യമോ ഇതുവരെ വെളിപ്പെടുത്തിയിട്ടില്ല.

National211 days ago

രാജ്യത്ത് 18ലക്ഷം മൊബൈല്‍ കണക്ഷനുകള്‍ ഉടന്‍ റദ്ദാക്കിയേക്കും

സൈബര്‍ കുറ്റകൃത്യങ്ങളും ഓണ്‍ലൈന്‍ തട്ടിപ്പുകളും തടയാന്‍ കേന്ദ്രസര്‍ക്കാര്‍ സ്വീകരിച്ച നടപടികളുടെ ഭാഗമായിട്ടാണ് തീരുമാനം. രാജ്യത്താകെ 18 ലക്ഷം മൊബൈല്‍ കണക്ഷനുകള്‍ ടെലികോം കമ്പനികള്‍ ഉടന്‍ തന്നെ റദ്ദാക്കിയേക്കുമെന്നാണ് റിപ്പോര്‍ട്ട്. മൊബൈല്‍ നെറ്റ്വര്‍ക്ക് ദുരുപയോഗം ചെയ്ത് നടത്തിയ സാമ്പത്തിക തട്ടിപ്പുകളും സൈബര്‍ കുറ്റകൃത്യങ്ങളും അന്വേഷണ ഏജന്‍സികള്‍ കണ്ടെത്തിയിരുന്നു. ഇതിന്റെ ഭാഗമായി മെയ് 9ന് 28,200 മൊബൈല്‍ ഫോണുകള്‍ പ്രവര്‍ത്തനരഹിതമാക്കാന്‍ ടെലികോം കമ്പനികളോട് ടെലികമ്മ്യൂണിക്കേഷന്‍സ് ഡിപ്പാര്‍ട്ട്മെന്റ് ആവശ്യപ്പെട്ടിരുന്നു.

National220 days ago

കളമശ്ശേരി സ്ഫോടനക്കേസില്‍ കുറ്റപത്രം സമര്‍പ്പിച്ചു

തമ്മനം സ്വദേശി ഡൊമനിക് മാര്‍ട്ടിനെ ഏക പ്രതിയാക്കി എറണാകുളം പ്രിന്‍സിപ്പല്‍ സെഷന്‍സ് കോടതിയിലാണ് പോലീസ് കുറ്റപത്രം സമര്‍പ്പിച്ചത്. യഹോവ സാക്ഷി പ്രസ്ഥാനത്തോടുള്ള എതിര്‍പ്പാണ് സ്‌ഫോടനത്തിന് പ്രേരിപ്പിച്ചതെന്നും സംഭവത്തില്‍ മറ്റാര്‍ക്കും ബന്ധമില്ലെന്നും കുറ്റപത്രത്തില്‍ പറയുന്നു. 2023 ഒക്ടോബര്‍ 29നാണ് സാമ്ര കണ്‍വെന്‍ഷന്‍ സെന്ററില്‍ യഹോവ സാക്ഷികളുടെ സമ്മേളനത്തിനിടെ സ്‌ഫോടനം നടന്നത്. ഇതില്‍ എട്ടുപേര്‍ കൊല്ലപ്പെട്ടിരുന്നു.

Kerala248 days ago

സൈബര്‍ ആക്രമണത്തില്‍ പ്രതികരണവുമായി കെ.കെ. ഷൈലജ

മോര്‍ഫ് ചെയ്ത വീഡിയോ ഉണ്ടെന്ന് പറഞ്ഞിട്ടില്ലെന്നും തലമാറ്റി ഒട്ടിച്ച പോസ്റ്റര്‍ പ്രചരിക്കുന്നുവെന്നാണ് വാര്‍ത്താസമ്മേളനത്തില്‍ പറഞ്ഞതെന്നും വടകരയിലെ LDF സ്ഥാനാര്‍ത്ഥി കെ.കെ. ശൈലജ വ്യക്തമാക്കി. ഇവ പല കുടുംബഗ്രൂപ്പുകളിലും പ്രചരിക്കുന്നുണ്ട്. ഇപ്പോള്‍ എല്ലാവരും ചോദിക്കുന്നത് ആ വീഡിയോ എവിടെയെന്നാണെന്നാണ്. നിപയ്ക്ക് മുന്നില്‍ ഇടറിയിട്ടില്ല, പിന്നയല്ലേ ഇതിന് മുന്നിലെന്നും സൈബര്‍ ആക്രമണത്തില്‍ കാര്യക്ഷമമായി പോലീസ് അന്വേഷണം നടക്കുന്നുണ്ടെന്നും അവര്‍ പറഞ്ഞു.

Kerala250 days ago

കെ.കെ. ശൈലജയ്ക്കെതിരായ സൈബര്‍ ആക്രമണത്തില്‍ വീണ്ടും കേസ്

കോഴിക്കോട് തൊട്ടില്‍പാലം സ്വദേശി മെബിന്‍ തോമസിനെതിരെയാണ് കേസെടുത്തിരിക്കുന്നത്. വടകരയിലെ LDF സ്ഥാനാര്‍ത്ഥിയായ കെ.കെ ശൈലജയ്‌ക്കെതിരെ സാമൂഹ്യ മാധ്യമങ്ങളിലൂടെ അശ്ലീല പരാമര്‍ശം നടത്തിയെന്ന് ആരോപിച്ച് DYFI പ്രാദേശിക നേതൃത്വം നല്‍കിയ പരാതിയിലാണ് നടപടി. കലാപാഹ്വാനം, സ്ത്രീകളെ അധിക്ഷേപിക്കല്‍ എന്നിവയാണ് ചുമത്തിയിരിക്കുന്ന കുറ്റങ്ങള്‍. കെ.കെ. ഷൈലജയ്‌ക്കെതിരായ സൈബര്‍ ആക്രമണവുമായി ബന്ധപ്പെട്ട് രജിസ്റ്റര്‍ ചെയ്ത ആറാമത്തെ കേസാണിത്.

Kerala251 days ago

ലോക്‌സഭാ തിരഞ്ഞെടുപ്പ്: സൈബര്‍ ആക്രമണത്തില്‍ കര്‍ശന നടപടിയുമായി കേരള പോലീസ്

സാമൂഹ്യ മാധ്യമങ്ങളിലൂടെ സൈബര്‍ ആക്രമണം, വ്യാജവാര്‍ത്ത പ്രചരിപ്പിക്കല്‍, സ്ത്രീത്വത്തെ അപമാനിക്കല്‍ തുടങ്ങിയ കുറ്റകൃത്യങ്ങള്‍ ചെയ്തവര്‍ക്കെതിരെ സംസ്ഥാനത്ത് ഇതുവരെ 42 കേസുകള്‍ രജിസ്റ്റര്‍ ചെയ്തതായി കേരള പോലീസ് അറിയിച്ചു. സമൂഹത്തില്‍ വിദ്വേഷവും സ്പര്‍ധയും വളര്‍ത്തുന്ന തരത്തിലുള്ള പോസ്റ്റുകള്‍ ഇടുന്നവര്‍ക്കും അവ പങ്കുവെക്കുന്നവര്‍ക്കും എതിരെ കര്‍ശന നടപടി സ്വീകരിക്കും. എല്ലാ സാമൂഹ്യമാധ്യമങ്ങളും 24 മണിക്കൂറും നിരീക്ഷണത്തിലായിരിക്കുമെന്നും പോലീസ് മുന്നറിയിപ്പ് നല്‍കി.

Kerala252 days ago

ആന്ധ്രാ മുഖ്യമന്ത്രിയെ കല്ലെറിഞ്ഞവരെക്കുറിച്ച് വിവരം നല്‍കുന്നവര്‍ക്ക് രണ്ടു ലക്ഷം രൂപ പാരിതോഷികം

ആന്ധ്രാപ്രദേശ് മുഖ്യമന്ത്രി വൈ.എസ്. ജഗന്‍ മോഹന്‍ റെഡ്ഡിയെ കല്ലെറിഞ്ഞവരെക്കുറിച്ച് വിവരം നല്‍കുന്നവര്‍ക്ക് രണ്ട് ലക്ഷം രൂപ പാരിതോഷികം പ്രഖ്യാപിച്ച് NTR പോലീസ്. വിവരങ്ങള്‍ നല്‍കാന്‍ ആഗ്രഹിക്കുന്നവര്‍ക്ക് DCP കാഞ്ചി ശ്രീനിവാസ റാവു, ടാസ്‌ക് ഫോഴ്സ് ADCP ആര്‍. ശ്രീഹരിബാബു എന്നിവരുമായി 9490619342, 9440627089 എന്നീ നമ്പരുകളില്‍ യഥാക്രമം ബന്ധപ്പെടാമെന്നും വിവരം നല്‍കുന്നവരുടെ പേരുകള്‍ വെളിപ്പെടുത്തില്ലെന്നും പോലീസ് അറിയിച്ചു.Read More

National255 days ago