രാജ്യത്ത് 18ലക്ഷം മൊബൈല്‍ കണക്ഷനുകള്‍ ഉടന്‍ റദ്ദാക്കിയേക്കും

സൈബര്‍ കുറ്റകൃത്യങ്ങളും ഓണ്‍ലൈന്‍ തട്ടിപ്പുകളും തടയാന്‍ കേന്ദ്രസര്‍ക്കാര്‍ സ്വീകരിച്ച നടപടികളുടെ ഭാഗമായിട്ടാണ് തീരുമാനം. രാജ്യത്താകെ 18 ലക്ഷം മൊബൈല്‍ കണക്ഷനുകള്‍ ടെലികോം കമ്പനികള്‍ ഉടന്‍ തന്നെ റദ്ദാക്കിയേക്കുമെന്നാണ് റിപ്പോര്‍ട്ട്. മൊബൈല്‍ നെറ്റ്വര്‍ക്ക് ദുരുപയോഗം ചെയ്ത് നടത്തിയ സാമ്പത്തിക തട്ടിപ്പുകളും സൈബര്‍ കുറ്റകൃത്യങ്ങളും അന്വേഷണ ഏജന്‍സികള്‍ കണ്ടെത്തിയിരുന്നു. ഇതിന്റെ ഭാഗമായി മെയ് 9ന് 28,200 മൊബൈല്‍ ഫോണുകള്‍ പ്രവര്‍ത്തനരഹിതമാക്കാന്‍ ടെലികോം കമ്പനികളോട് ടെലികമ്മ്യൂണിക്കേഷന്‍സ് ഡിപ്പാര്‍ട്ട്മെന്റ് ആവശ്യപ്പെട്ടിരുന്നു.

National335 days ago

എല്ലാ രാജ്യാന്തര തട്ടിപ്പ് കോളുകളും തടയണം; ടെലികോം ഓപ്പറേറ്റര്‍മാര്‍ക്ക് നിര്‍ദേശവുമായി കേന്ദ്രം

ഇന്ത്യന്‍ മൊബൈല്‍ നമ്പര്‍ പ്രദര്‍ശിപ്പിച്ച് കൊണ്ടാണ് ഇത്തരത്തില്‍ തട്ടിപ്പ് കോളുകള്‍ വരുന്നതെന്ന് കേന്ദ്രം വ്യക്തമാക്കി. ഇതുമായി ബന്ധപ്പെട്ട് നടക്കുന്ന സൈബര്‍ കുറ്റകൃത്യങ്ങളും സാമ്പത്തിക തട്ടിപ്പുകളും തടയുന്നതിന്റെ ഭാഗമായാണ് കേന്ദ്രസര്‍ക്കാരിന്റെ ഇടപെടല്‍. കോളിങ് ലൈന്‍ ഐഡന്റിറ്റി (CLI) കൃത്രിമമായി ഉപയോഗിച്ച് വിദേശത്ത് നിന്നാണ് സൈബര്‍ കുറ്റവാളികള്‍ വിളിക്കുന്നതെന്നും അധികൃതര്‍ വ്യക്തമാക്കി.

National329 days ago

ടെലികോം കമ്പനികൾ മൊബൈൽ നിരക്ക് വർദ്ധിപ്പിക്കാൻ ഒരുങ്ങുന്നു

സ്പെക്ട്രം ലേലത്തിലെ വലിയ ബാദ്ധ്യതകളും അടിസ്ഥാന സൗകര്യങ്ങൾ മെച്ചപ്പെടുത്താനായി ഉളള വന്‍ നിക്ഷേപങ്ങളും കണക്കിലെടുത്ത് താരിഫ് വർദ്ധന അനിവാര്യമാണ് എന്നാണ് കമ്പനികളുടെ നിലപാട്. പ്രധാന കമ്പനികളായ റിലയൻസ് ജിയോ, ഭാരതി എയർടെൽ, വോഡഫോൺ ഐഡിയ (വി) തുടങ്ങിയവ നിരക്ക് കൂട്ടണമെന്ന് അഭിപ്രായപ്പെടുന്നു. താരിഫ് ഉയർത്തിയില്ലെങ്കിൽ ടെലികോം കമ്പനികളുടെ പ്രവർത്തനം പ്രതിസന്ധിയിലാകുമെന്നും ഇവർ പറയുന്നു. ടെലികോം നിരക്കുകളില്‍ പത്ത് മുതൽ പതിനഞ്ച് ശതമാനം വരെ വര്‍ധന വേണമെന്നാണ് ആവശ്യമുളളത്.

Business355 days ago

സൈബര്‍ ആക്രമണത്തില്‍ പ്രതികരണവുമായി കെ.കെ. ഷൈലജ

മോര്‍ഫ് ചെയ്ത വീഡിയോ ഉണ്ടെന്ന് പറഞ്ഞിട്ടില്ലെന്നും തലമാറ്റി ഒട്ടിച്ച പോസ്റ്റര്‍ പ്രചരിക്കുന്നുവെന്നാണ് വാര്‍ത്താസമ്മേളനത്തില്‍ പറഞ്ഞതെന്നും വടകരയിലെ LDF സ്ഥാനാര്‍ത്ഥി കെ.കെ. ശൈലജ വ്യക്തമാക്കി. ഇവ പല കുടുംബഗ്രൂപ്പുകളിലും പ്രചരിക്കുന്നുണ്ട്. ഇപ്പോള്‍ എല്ലാവരും ചോദിക്കുന്നത് ആ വീഡിയോ എവിടെയെന്നാണെന്നാണ്. നിപയ്ക്ക് മുന്നില്‍ ഇടറിയിട്ടില്ല, പിന്നയല്ലേ ഇതിന് മുന്നിലെന്നും സൈബര്‍ ആക്രമണത്തില്‍ കാര്യക്ഷമമായി പോലീസ് അന്വേഷണം നടക്കുന്നുണ്ടെന്നും അവര്‍ പറഞ്ഞു.

Kerala365 days ago

കെ.കെ. ശൈലജയ്ക്കെതിരായ സൈബര്‍ ആക്രമണത്തില്‍ വീണ്ടും കേസ്

കോഴിക്കോട് തൊട്ടില്‍പാലം സ്വദേശി മെബിന്‍ തോമസിനെതിരെയാണ് കേസെടുത്തിരിക്കുന്നത്. വടകരയിലെ LDF സ്ഥാനാര്‍ത്ഥിയായ കെ.കെ ശൈലജയ്‌ക്കെതിരെ സാമൂഹ്യ മാധ്യമങ്ങളിലൂടെ അശ്ലീല പരാമര്‍ശം നടത്തിയെന്ന് ആരോപിച്ച് DYFI പ്രാദേശിക നേതൃത്വം നല്‍കിയ പരാതിയിലാണ് നടപടി. കലാപാഹ്വാനം, സ്ത്രീകളെ അധിക്ഷേപിക്കല്‍ എന്നിവയാണ് ചുമത്തിയിരിക്കുന്ന കുറ്റങ്ങള്‍. കെ.കെ. ഷൈലജയ്‌ക്കെതിരായ സൈബര്‍ ആക്രമണവുമായി ബന്ധപ്പെട്ട് രജിസ്റ്റര്‍ ചെയ്ത ആറാമത്തെ കേസാണിത്.

Kerala366 days ago

ലോക്‌സഭാ തിരഞ്ഞെടുപ്പ്: സൈബര്‍ ആക്രമണത്തില്‍ കര്‍ശന നടപടിയുമായി കേരള പോലീസ്

സാമൂഹ്യ മാധ്യമങ്ങളിലൂടെ സൈബര്‍ ആക്രമണം, വ്യാജവാര്‍ത്ത പ്രചരിപ്പിക്കല്‍, സ്ത്രീത്വത്തെ അപമാനിക്കല്‍ തുടങ്ങിയ കുറ്റകൃത്യങ്ങള്‍ ചെയ്തവര്‍ക്കെതിരെ സംസ്ഥാനത്ത് ഇതുവരെ 42 കേസുകള്‍ രജിസ്റ്റര്‍ ചെയ്തതായി കേരള പോലീസ് അറിയിച്ചു. സമൂഹത്തില്‍ വിദ്വേഷവും സ്പര്‍ധയും വളര്‍ത്തുന്ന തരത്തിലുള്ള പോസ്റ്റുകള്‍ ഇടുന്നവര്‍ക്കും അവ പങ്കുവെക്കുന്നവര്‍ക്കും എതിരെ കര്‍ശന നടപടി സ്വീകരിക്കും. എല്ലാ സാമൂഹ്യമാധ്യമങ്ങളും 24 മണിക്കൂറും നിരീക്ഷണത്തിലായിരിക്കുമെന്നും പോലീസ് മുന്നറിയിപ്പ് നല്‍കി.

Kerala367 days ago

CBI ഉദ്യോഗസ്ഥര്‍ ചമഞ്ഞ് ഭീഷണി കോളുകള്‍; എല്ലാ മൊബൈല്‍ ഉപയോക്താക്കള്‍ക്കും മുന്നറിയിപ്പ്

വാട്സ്ആപ്പ് മുഖേനയും നേരിട്ടുമുള്ള ഭീഷണി കോളുകള്‍ക്കാണ് കമ്മ്യൂണിക്കേഷന്‍ മന്ത്രാലയത്തിന് കീഴിലുള്ള ടെലി കമ്മ്യൂണിക്കേഷന്‍ വകുപ്പ് (DOT) മുന്നറിയിപ്പ് നല്‍കിയിരിക്കുന്നത്. മൊബൈല്‍ കണക്ഷന്‍ വിച്ഛേദിക്കുമെന്ന തരത്തില്‍ DOTയുടെ പേരിലും ഉപയോക്താക്കള്‍ക്ക് ഭീഷണി കോളുകള്‍ വരുന്നുണ്ടെന്ന് മന്ത്രാലയം വ്യക്തമാക്കി. സൈബര്‍ കുറ്റകൃത്യങ്ങളില്‍ ഇടപെടുന്ന സമാനരീതിയിലുള്ള കോളുകള്‍ക്കെതിരെയും CBI ഉദ്യോഗസ്ഥരാണെന്ന് അവകാശപ്പെട്ടുള്ള ഭീഷണിപ്പെടുത്തലുകള്‍ക്ക് എതിരെയും ജാഗ്രത പാലിക്കണമെന്നും മന്ത്രാലയം വ്യക്തമാക്കി.Read More

National378 days ago

സൈബര്‍ തട്ടിപ്പിനെതിരെ ഹ്രസ്വചിത്രവുമായി കേരള പോലീസ്

ഒരിക്കലും നിങ്ങളുടെ ബാങ്കിങ് വിവരങ്ങള്‍ ആരുമായും പങ്കുവയ്ക്കരുതെന്നും സോഷ്യല്‍ മീഡിയ ട്രേഡിംഗ് പ്ലാറ്റ്ഫോമുകളില്‍ നിക്ഷേപം നടത്തരുതെന്നും പറയുകയാണ് കേരള പോലീസ്. സൈബര്‍ തട്ടിപ്പുകളില്‍ നിന്ന് നിതാന്ത ജാഗ്രത കൊണ്ടുമാത്രമേ രക്ഷപ്പെടാന്‍ കഴിയൂ എന്നും തട്ടിപ്പിനിരയായാല്‍ 1930 എന്ന നമ്പറില്‍ അറിയിക്കണമെന്നും നടി ഭാവന പോലീസ് പങ്കുവെച്ച വീഡിയോയില്‍ പറയുന്നു.

Kerala384 days ago

വിദേശ നമ്പറുകളില്‍ നിന്ന് വരുന്ന വാട്‌സ്ആപ്പ് കോളുകളില്‍ ജാഗ്രത വേണമെന്ന് കേന്ദ്രസര്‍ക്കാര്‍

ടെലികമ്മ്യൂണിക്കേഷന്‍സ് ഡിപ്പാര്‍ട്ട്മെന്റാണ് മുന്നറിയിപ്പ് നല്‍കിയിരിക്കുന്നത്. +92ല്‍ നിന്ന് ആരംഭിക്കുന്ന കോളുകള്‍ പരമാവധി എടുക്കാതിരിക്കാന്‍ ശ്രമിക്കണമെന്നും വ്യക്തിപരമായ വിവരങ്ങള്‍ പങ്കുവെയ്ക്കാന്‍ പാടില്ലെന്നും മുന്നറിയിപ്പില്‍ പറയുന്നു. സര്‍ക്കാര്‍ ഉദ്യോഗസ്ഥരെന്ന വ്യാജേന വിളിച്ച് സ്വകാര്യ വിവരങ്ങള്‍ ചോര്‍ത്തി സാമ്പത്തിക തട്ടിപ്പ് നടത്താനാണ് ഇത്തരക്കാരുടെ ശ്രമം. ഇത്തരത്തില്‍ വിളിക്കാന്‍ സര്‍ക്കാര്‍ ആരെയും ചുമതലപ്പെടുത്തിയിട്ടില്ലെന്നും ജാഗ്രത പുലര്‍ത്തണമെന്നുമാണ് സര്‍ക്കാര്‍ അറിയിച്ചിരിക്കുന്നത്.

National385 days ago

ഏപ്രില്‍ 15 മുതല്‍ USSD അടിസ്ഥാനമാക്കിയുള്ള കോള്‍ ഫോര്‍വേഡിങ് ഉണ്ടാകില്ല

ഏപ്രില്‍ 15 മുതല്‍ *401# ഡയല്‍ ചെയ്ത് കോള്‍ ഫോര്‍വേഡിങ് ചെയ്യുന്ന സംവിധാനം നിര്‍ത്തിവെയ്ക്കാനാണ് കേന്ദ്ര സര്‍ക്കാര്‍ ഉത്തരവിട്ടത്. സൈബര്‍ തട്ടിപ്പുകാര്‍ ഈ സംവിധാനം ദുരുപയോഗം ചെയ്യുന്നതിനാലാണ് ടെലികോം കമ്പനികളോട് കേന്ദ്ര സര്‍ക്കാര്‍ ഇക്കാര്യം ആവശ്യപ്പെട്ടിരിക്കുന്നത്. നിലവില്‍ കോള്‍ ഫോര്‍വേഡിങ് ഉപയോഗിക്കുന്നവര്‍ മറ്റു മാര്‍ഗങ്ങളിലൂടെ ഇത് റീ ആക്ടിവേറ്റ് ചെയ്താല്‍ മാത്രമേ ഏപ്രില്‍ 15ന് ശേഷം ഉപയോഗിക്കാന്‍ സാധിക്കുകയുള്ളു.

National385 days ago

ഇന്ത്യയില്‍ 21 ലക്ഷം സിം കാര്‍ഡുകള്‍ എടുത്തിരിക്കുന്നത് വ്യാജ തിരിച്ചറിയല്‍ കാര്‍ഡ് ഉപയോഗിച്ച്

കേന്ദ്ര വാര്‍ത്താവിതരണ മന്ത്രാലയം നിര്‍മിതബുദ്ധി ഉപയോഗിച്ച് നടത്തിയ സര്‍വേയിലാണ് ഈ കണ്ടെത്തല്‍. ഇത്തരം കണക്ഷനുകള്‍ റദ്ദാക്കുമെന്ന് വാര്‍ത്താവിതരണ മന്ത്രാലയം അറിയിച്ചു. സംശയമുള്ള ഉപയോക്താക്കളുടെ പട്ടിക BSNL, ഭാരതി എയര്‍ടെല്‍, MTNL, റിലയന്‍സ് ജിയോ, വൊഡാഫോണ്‍ ഐഡിയ തുടങ്ങിയ കമ്പനികള്‍ക്ക് കണക്ഷനുകള്‍ റദ്ദാക്കാനായി നല്‍കിക്കഴിഞ്ഞു. ഈ നമ്പരുകള്‍ ക്രിമിനല്‍ പ്രവര്‍ത്തനങ്ങള്‍ക്കോ തട്ടിപ്പുകള്‍ക്കോ ഉപയോഗിക്കുന്നുവെന്നാണ് സംശയം.

National397 days ago