ലോകകപ്പ് ഹയ്യ വിസയില്‍ ഖത്തറിലുള്ളവര്‍ക്ക് ഫെബ്രുവരി 24 വരെ തുടരാം

ഫെബ്രുവരി 10ന് മുമ്പായി ഹയ്യ വിസയില്‍ ഖത്തറിലെത്തിയവര്‍ക്കാണ് ഫെബ്രുവരി 24 വരെ തുടരാന്‍ അനുമതിയുള്ളത്. ഏഷ്യന്‍ കപ്പ് ഫുട്‌ബോളിന്റെ പശ്ചാത്തലത്തിലായിരുന്നു ജനുവരി 10ന് അവസാനിക്കുമെന്ന് പ്രഖ്യാപിച്ച വിസാ കാലാവധി ഒരു മാസം കൂടി നീട്ടി നല്‍കിയത്. എന്നാല്‍ ടൂറിസ്റ്റ് വിസകളായ ഹയ്യ A ONE, A TWO, A THREE വിസകള്‍ തുടരുമെന്നും അധികൃതര്‍ വ്യക്തമാക്കി.

Tags : Visa,Qatar

World314 days ago

മിറാഷ് 2005-5 യുദ്ധവിമാനങ്ങള്‍ ഇന്ത്യ വില്‍ക്കാനൊരുങ്ങി ഖത്തര്‍

ഖത്തറില്‍ നിന്നുള്ള പ്രതിരോധ സംഘം ഡല്‍ഹിയില്‍ ഇന്ത്യന്‍ അധികൃതരുമായി കൂടിക്കാഴ്ച നടത്തി. 12 മിറാഷ് 2000-5 യുദ്ധവിമാനങ്ങള്‍ കൈമാറാനാണ് ഖത്തര്‍ ഒരുങ്ങുന്നത്. നിലവില്‍ ഖത്തര്‍ ഉപയോഗിച്ചുകൊണ്ടിരിക്കുന്നതും നല്ല നിലയില്‍ പ്രവര്‍ത്തിക്കുന്നതുമായ യുദ്ധവിമാനങ്ങളാണ് ഇന്ത്യക്ക് നല്‍കാനായി തയാറെടുക്കുന്നത്. എയര്‍ക്രാഫ്റ്റുകള്‍ കൈമാറാന്‍ ഖത്തര്‍ 5000 കോടി രൂപയാണ് ആവശ്യപ്പെട്ടതെന്നാണ് റിപ്പോര്‍ട്ടുകള്‍.

National185 days ago

ഖത്തറില്‍ വാഹനാപകടത്തില്‍ രണ്ടു മലയാളി യുവാക്കള്‍ക്ക് ദാരുണാന്ത്യം

തൃശൂര്‍ സ്വദേശികളായ മുഹമ്മദ് ത്വയ്യിബ് (21), മുഹമ്മദ് ഹബീല്‍ (21) എന്നിവരാണ് മരിച്ചത്. മാള്‍ ഓഫ് ഖത്തറിന് സമീപം ഇവര്‍ സഞ്ചരിച്ചിരുന്ന വാഹനം മറിഞ്ഞാണ് അപകടമുണ്ടായത്. മുഹമ്മദ് ത്വയ്യിബ് ഖത്തര്‍ മിലിട്ടറി ജീവനക്കാരനും മുഹമ്മദ് ഹബീല്‍ ദോഹ യൂണിവേഴ്‌സിറ്റി വിദ്യാര്‍ത്ഥിയുമാണ്. വാഹനത്തിലുണ്ടായിരുന്ന മറ്റ് മൂന്ന് പേര്‍ ചികിത്സയിലാണ്.

Kerala192 days ago

GCC രാജ്യങ്ങളിലേക്കുള്ള ഏകീകൃത ടൂറിസ്റ്റ് വിസ ഈ വര്‍ഷം അവസാനത്തോടെ യാഥാര്‍ത്ഥ്യമാകും

ദുബായിലെ അറേബ്യന്‍ ട്രാവല്‍ മാര്‍ക്കറ്റില്‍ വെച്ചാണ് അധികൃതര്‍ ഇക്കാര്യം വ്യക്തമാക്കിയത്. 10,000-12,000 രൂപയ്ക്ക് ഏകീകൃത വിസ കിട്ടുമെന്നാണ് റിപ്പോര്‍ട്ടുകള്‍. ലോകമെമ്പാടുമുള്ള വിനോദസഞ്ചാരികളെ ഗള്‍ഫ് രാജ്യങ്ങളിലേക്ക് ആകര്‍ഷിക്കുകയാണ് പുതിയ വിസാ സംവിധാനത്തിന്റെ ലക്ഷ്യം. Read More

Travel227 days ago

വിസാ നിയമങ്ങള്‍ കൂടുതല്‍ കര്‍ശനമാക്കി ഓസ്‌ട്രേലിയ; വിദ്യാര്‍ത്ഥികള്‍ക്ക് അക്കൗണ്ടില്‍ വേണ്ടത് 16.29 ലക്ഷം

2024 മെയ് 10 മുതല്‍ ഈ തുക കാണിക്കേണ്ടി വരും. ഓസ്ട്രേലിയയിലേക്ക് ഉപരിപഠനത്തിനായി പോകാനാഗ്രഹിക്കുന്ന ഇന്ത്യയടക്കമുള്ള രാജ്യങ്ങളില്‍നിന്നുള്ളവര്‍ക്ക് ഇത് വലിയ തിരിച്ചടിയാവും. ഓസ്ട്രേലിയയിലെത്തിയതിനു ശേഷം ചെലവുകള്‍ വഹിക്കാനാകുമെന്ന് ഉറപ്പാക്കാനാണ് ഈ തീരുമാനമെന്നാണ് ഔദ്യോഗിക വിശദീകരണം. ഓസ്ട്രേലിയ ഏഴു മാസത്തിനിടയില്‍ രണ്ടാം തവണയാണ് വിദ്യാര്‍ത്ഥികള്‍ അക്കൗണ്ടില്‍ കാണിക്കേണ്ട തുക വര്‍ധിപ്പിക്കുന്നത്.

World228 days ago

ലോകത്തിലെ സമ്പന്ന രാജ്യങ്ങളുടെ പട്ടികയില്‍ ഖത്തറും UAEയും

ഗ്ലോബല്‍ ഫിനാന്‍സിന്റെ പട്ടികയില്‍ അഞ്ചാം സ്ഥാനത്താണ് ഖത്തര്‍. UAEയും ആദ്യ പത്തില്‍ ഇടം നേടിയിട്ടുണ്ട്. ഖത്തറിന്റെ പ്രതിശീര്‍ഷ മൊത്ത ആഭ്യന്തര ഉല്‍പാദനം 2014ല്‍ ഗണ്യമായ ഇടിവിന് മുന്‍പേ തന്നെ 1,43,000 ഡോളറിലെത്തിയിരുന്നു. കോവിഡ് ഉള്‍പ്പെടെയുള്ള പ്രതിസന്ധികള്‍ നേരിടേണ്ടി വന്നെങ്കിലും മാറ്റങ്ങളെ ഉള്‍ക്കൊള്ളാനുള്ള ഖത്തറിന്റെ സമ്പദ് വ്യവസ്ഥയുടെ പ്രതിരോധ ശേഷിയേയും റിപ്പോര്‍ട്ടില്‍ ചൂണ്ടിക്കാട്ടിയിട്ടുണ്ട്.

Business229 days ago

ഷെങ്കന്‍ വിസയില്‍ ഇന്ത്യക്കാര്‍ക്ക് അനുകൂലമായ മാറ്റങ്ങള്‍ വരുത്തി യൂറോപ്യന്‍ യൂണിയന്‍

യൂറോപ്യന്‍ യൂണിയന്‍ പുതുതായി കൊണ്ടുവന്ന 'കാസ്‌കേഡ്' സംവിധാനത്തില്‍ ഇന്ത്യന്‍ പൗരന്‍മാര്‍ക്ക് ആദ്യം രണ്ട് വര്‍ഷത്തെ കാലാവധിയുള്ള മള്‍ട്ടിപ്പിള്‍ എന്‍ട്രി ഷെങ്കന്‍ വിസകള്‍ നല്‍കുന്നതാണ്. കഴിഞ്ഞ മൂന്ന് വര്‍ഷത്തിനിടെ രണ്ട് സാധാരണ ഷെങ്കന്‍ വിസകളില്‍ യാത്ര ചെയ്തവര്‍ക്കാണ് വിസ നല്‍കുന്നത്. ഈ വിസയുടെ കാലാവധി പൂര്‍ത്തിയായ ശേഷം അഞ്ച് വര്‍ഷത്തെ വിസയാണ് തുടര്‍ന്ന് നല്‍കുക. യൂറോപ്യന്‍ രാജ്യങ്ങളിലെ വിസ രഹിത പ്രവേശനമുള്ള എല്ലാ രാജ്യങ്ങളിലും ഈ വിസ കൊണ്ട് യാത്ര ചെയ്യാവുന്നതാണ്.Read More

World245 days ago

ഡിജിറ്റല്‍ നൊമാഡ് വിസകളുമായി തുര്‍ക്കിയും

വര്‍ക്കേഷനായി ടൂറിസം കേന്ദ്രങ്ങളിലേക്ക് പോകുന്ന സഞ്ചാരികളാണ് നൊമാഡ് വിസകള്‍ തിരഞ്ഞെടുക്കാറ്. മനോഹരമായ ഭൂപ്രകൃതിയും സുഖമുള്ള കാലാവസ്ഥയും ഇസ്താംബുള്‍ നഗരവും ഹാഗിയ സോഫിയയും ബ്ലൂ മോസ്‌കും കപ്പഡോഷ്യയിലെ ഹോട്ട് എയര്‍ബലൂണുകളും ഒക്കെയാണ് സഞ്ചാരികളെ തുര്‍ക്കിയിലേക്ക് ആകര്‍ഷിക്കുന്നത്. 21 വയസ്സിനും 55 വയസ്സിനും ഇടയില്‍ പ്രായമുള്ള യൂറോപ്യന്‍ രാജ്യങ്ങള്‍, അമേരിക്ക, UK, ക്യാനഡ എന്നീ രാജ്യങ്ങളില്‍ നിന്നുള്ളവര്‍ക്കാണ് നൊമാഡ് വിസ ലഭിക്കാന്‍ മുന്‍ഗണനയുള്ളത്.

Travel246 days ago

ലോകത്തിലെ ഏറ്റവും മികച്ച വിമാനത്താവളം; ഒന്നാം സ്ഥാനം ഖത്തറിന്

ലോകത്തിലെ ഏറ്റവും മികച്ച എയര്‍പോര്‍ട്ട് എന്ന സ്ഥാനം സ്വന്തമാക്കി ദോഹയിലെ ഹമദ് ഇന്റര്‍നാഷണല്‍ എയര്‍പോര്‍ട്ട്. 12 തവണ ജേതാവായ സിംഗപ്പൂരിലെ ചാംഗി എയര്‍പോര്‍ട്ടിനെ പിന്തള്ളിയാണ് ഖത്തറിന്റെ നേട്ടം. സൗത്ത് കൊറിയയിലെ സിയോള്‍ ഇഞ്ചിയോണിനാണ് മൂന്നാം സ്ഥാനം. ചെക്ക്-ഇന്‍, സെക്യൂരിറ്റി, ഇമിഗ്രേഷന്‍, പുറപ്പെടല്‍ തുടങ്ങി നിരവധി വിഭാഗങ്ങളിലെ യാത്രക്കാരുടെ അഭിപ്രായ സര്‍വേ അടിസ്ഥാനമാക്കി സ്‌കൈട്രാക്‌സ് വേള്‍ഡ് എയര്‍പോര്‍ട്ടാണ് ഈ ഫലം പുറത്തുവിട്ടിരിക്കുന്നത്.

World249 days ago

ഫാമിലി വിസയ്ക്കുളള ശമ്പള പരിധി ഉയര്‍ത്തി UK

ഫാമിലി വിസയില്‍ കുടുംബാംഗത്തെ സ്‌പോണ്‍സര്‍ ചെയ്യുന്നതിനുള്ള വരുമാന പരിധി ഉയര്‍ത്തി UK. പുതുക്കിയ ശമ്പള പരിധി അനുസരിച്ച് അപേക്ഷകര്‍ക്ക് ഏറ്റവും കുറഞ്ഞ വാര്‍ഷിക ശമ്പളം GBP 29,000 (ബ്രിട്ടീഷ് പൗണ്ട്) ഉണ്ടായിരിക്കണം. GBP 18,600 എന്ന മുന്‍ പരിധിയില്‍ നിന്ന് 55 ശതമാനം വര്‍ധനവാണ് ഇപ്പോള്‍ ഉണ്ടായിരിക്കുന്നത്. രാജ്യത്തേക്കുളള കുടിയേറ്റം നിയന്ത്രിക്കുന്നതിന്റെ ഭാഗമായാണ് ഈ നടപടി.

World256 days ago

ഖത്തറില്‍ കൂടുതല്‍ കാര്‍ മോഡലുകള്‍ തിരിച്ചുവിളിച്ച് വാണിജ്യ വ്യവസായ മന്ത്രാലയം

വിതരണക്കാരായ മസ്ദയുമായി സഹകരിച്ച് മസ്ദ CX-60, CX-90 എന്നിവയുടെ 2023 മോഡലുകളാണ് വാണിജ്യ വ്യവസായ മന്ത്രാലയം തിരിച്ചുവിളിച്ചത്. സ്റ്റിയറിംഗ് ഗിയര്‍ സ്പ്രിംഗിന് ബലക്കുറവ് കണ്ടെത്തിയതിനെ തുടര്‍ന്നാണ് തീരുമാനം. കഴിഞ്ഞ ദിവസവും ലെക്സസ് LX, ടൊയോട്ട ലാന്‍ഡ് ക്രൂയിസര്‍ വാഹനങ്ങളുടെ 2022-2024 മോഡലുകള്‍, സുസുക്കി ജിംനിയുടെ 2018-2019 മോഡലുകള്‍, ഫോര്‍ഡ് F 150 2023 മോഡല്‍ എന്നിവ തിരിച്ചു വിളിച്ചിരുന്നു.

World271 days ago