ഷെങ്കന്‍ വിസയില്‍ ഇന്ത്യക്കാര്‍ക്ക് അനുകൂലമായ മാറ്റങ്ങള്‍ വരുത്തി യൂറോപ്യന്‍ യൂണിയന്‍
യൂറോപ്യന്‍ യൂണിയന്‍ പുതുതായി കൊണ്ടുവന്ന 'കാസ്‌കേഡ്' സംവിധാനത്തില്‍ ഇന്ത്യന്‍ പൗരന്‍മാര്‍ക്ക് ആദ്യം രണ്ട് വര്‍ഷത്തെ കാലാവധിയുള്ള മള്‍ട്ടിപ്പിള്‍ എന്‍ട്രി ഷെങ്കന്‍ വിസകള്‍ നല്‍കുന്നതാണ്. കഴിഞ്ഞ മൂന്ന് വര്‍ഷത്തിനിടെ രണ്ട് സാധാരണ ഷെങ്കന്‍ വിസകളില്‍ യാത്ര ചെയ്തവര്‍ക്കാണ് വിസ നല്‍കുന്നത്. ഈ വിസയുടെ കാലാവധി പൂര്‍ത്തിയായ ശേഷം അഞ്ച് വര്‍ഷത്തെ വിസയാണ് തുടര്‍ന്ന് നല്‍കുക. യൂറോപ്യന്‍ രാജ്യങ്ങളിലെ വിസ രഹിത പ്രവേശനമുള്ള എല്ലാ രാജ്യങ്ങളിലും ഈ വിസ കൊണ്ട് യാത്ര ചെയ്യാവുന്നതാണ്. യൂറോപ്പില്‍ സ്വതന്ത്രസഞ്ചാരത്തിനായി 1985ല്‍ ഏഴു രാജ്യങ്ങളാണ് ഷെങ്കന്‍ കരാറില്‍ ഒപ്പിട്ടത്. നിലവില്‍ 29 രാജ്യങ്ങള്‍ ഇതില്‍ ഉള്‍പ്പെടുന്നു. രാജ്യങ്ങളുടെ അതിര്‍ത്തികളുടെ നിയന്ത്രണങ്ങള്‍ കൂടാതെ പാസ്പോര്‍ട്ട് ഇല്ലാതെ യൂറോപ്യന്‍ യൂണിയനില്‍ ഉളള അംഗ രാജ്യങ്ങളിലൂടെ യാത്ര ചെയ്യാന്‍ ഷെങ്കന്‍ വിസയിലൂടെ സാധിക്കും.
Related News
GCC രാജ്യങ്ങളിലേക്കുള്ള ഏകീകൃത ടൂറിസ്റ്റ് വിസ ഈ വര്‍ഷം അവസാനത്തോടെ യാഥാര്‍ത്ഥ്യമാകും
ദുബായിലെ അറേബ്യന്‍ ട്രാവല്‍ മാര്‍ക്കറ്റില്‍ വെച്ചാണ് അധികൃതര്‍ ഇക്കാര്യം വ്യക്തമാക്കിയത്. 10,000-12,000 രൂപയ്ക്ക് ഏകീകൃത വിസ കിട്ടുമെന്നാണ് റിപ്പോര്‍ട്ടുകള്‍. ലോകമെമ്പാടുമുള്ള വിനോദസഞ്ചാരികളെ ഗള്‍ഫ് രാജ്യങ്ങളിലേക്ക് ആകര്‍ഷിക്കുകയാണ് പുതിയ വിസാ സംവിധാനത്തിന്റെ ലക്ഷ്യം. Read More
വിസാ നിയമങ്ങള്‍ കൂടുതല്‍ കര്‍ശനമാക്കി ഓസ്ട്രേലിയ; വിദ്യാര്‍ത്ഥികള്‍ക്ക് അക്കൗണ്ടില്‍ വേണ്ടത് 16.29 ലക്ഷം
2024 മെയ് 10 മുതല്‍ ഈ തുക കാണിക്കേണ്ടി വരും. ഓസ്ട്രേലിയയിലേക്ക് ഉപരിപഠനത്തിനായി പോകാനാഗ്രഹിക്കുന്ന ഇന്ത്യയടക്കമുള്ള രാജ്യങ്ങളില്‍നിന്നുള്ളവര്‍ക്ക് ഇത് വലിയ തിരിച്ചടിയാവും. ഓസ്ട്രേലിയയിലെത്തിയതിനു ശേഷം ചെലവുകള്‍ വഹിക്കാനാകുമെന്ന് ഉറപ്പാക്കാനാണ് ഈ തീരുമാനമെന്നാണ് ഔദ്യോഗിക വിശദീകരണം. ഓസ്ട്രേലിയ ഏഴു മാസത്തിനിടയില്‍ രണ്ടാം തവണയാണ് വിദ്യാര്‍ത്ഥികള്‍ അക്കൗണ്ടില്‍ കാണിക്കേണ്ട തുക വര്‍ധിപ്പിക്കുന്നത്.
ഡിജിറ്റല്‍ നൊമാഡ് വിസകളുമായി തുര്‍ക്കിയും
വര്‍ക്കേഷനായി ടൂറിസം കേന്ദ്രങ്ങളിലേക്ക് പോകുന്ന സഞ്ചാരികളാണ് നൊമാഡ് വിസകള്‍ തിരഞ്ഞെടുക്കാറ്. മനോഹരമായ ഭൂപ്രകൃതിയും സുഖമുള്ള കാലാവസ്ഥയും ഇസ്താംബുള്‍ നഗരവും ഹാഗിയ സോഫിയയും ബ്ലൂ മോസ്‌കും കപ്പഡോഷ്യയിലെ ഹോട്ട് എയര്‍ബലൂണുകളും ഒക്കെയാണ് സഞ്ചാരികളെ തുര്‍ക്കിയിലേക്ക് ആകര്‍ഷിക്കുന്നത്. 21 വയസ്സിനും 55 വയസ്സിനും ഇടയില്‍ പ്രായമുള്ള യൂറോപ്യന്‍ രാജ്യങ്ങള്‍, അമേരിക്ക, UK, ക്യാനഡ എന്നീ രാജ്യങ്ങളില്‍ നിന്നുള്ളവര്‍ക്കാണ് നൊമാഡ് വിസ ലഭിക്കാന്‍ മുന്‍ഗണനയുള്ളത്.
ഫാമിലി വിസയ്ക്കുളള ശമ്പള പരിധി ഉയര്‍ത്തി UK
ഫാമിലി വിസയില്‍ കുടുംബാംഗത്തെ സ്‌പോണ്‍സര്‍ ചെയ്യുന്നതിനുള്ള
വരുമാന പരിധി ഉയര്‍ത്തി UK. പുതുക്കിയ ശമ്പള പരിധി അനുസരിച്ച് അപേക്ഷകര്‍ക്ക് ഏറ്റവും കുറഞ്ഞ വാര്‍ഷിക ശമ്പളം GBP 29,000 (ബ്രിട്ടീഷ് പൗണ്ട്) ഉണ്ടായിരിക്കണം. GBP 18,600 എന്ന മുന്‍ പരിധിയില്‍ നിന്ന് 55 ശതമാനം വര്‍ധനവാണ് ഇപ്പോള്‍ ഉണ്ടായിരിക്കുന്നത്. രാജ്യത്തേക്കുളള കുടിയേറ്റം നിയന്ത്രിക്കുന്നതിന്റെ ഭാഗമായാണ് ഈ നടപടി.
ഓസ്‌ട്രേലിയയിൽ വിദ്യാർത്ഥി വീസയ്ക്കുള്ള മാനദണ്ഡങ്ങൾ കർശനമാക്കി
കുടിയേറ്റം വർധിക്കുന്ന സാഹചര്യത്തിൽ ഓസ്‌ട്രേലിയയിൽ വിദ്യാർത്ഥി വീസയ്ക്ക് ഏർപ്പെടുത്തിയിരുന്ന നിയന്ത്രണങ്ങൾ പ്രാബല്യത്തിലായി. പുതിയ നിയന്ത്രണങ്ങൾ പ്രകാരം വിദ്യാർത്ഥികൾക്കുള്ള ഭാഷാ പ്രാവീണ്യത്തിനുള്ള മാനദണ്ഡങ്ങൾ ഉയർത്തുകയും വിദ്യാർത്ഥി വീസ അപേക്ഷകരുടെ സാമ്പത്തിക ആവശ്യകതകൾ വർദ്ധിപ്പിക്കുകയും ചെയ്തു. കൂടാതെ വിദ്യാർത്ഥി വീസകൾക്കുള്ള താത്കാലിക പ്രവേശന ടെസ്റ്റിന് പകരം ജനുവിൻ സ്റ്റുഡന്റ് ടെസ്റ്റ് എന്ന പുതിയ ടെസ്റ്റ് കൊണ്ടുവരികയും ചെയ്തു.
വിസ റദ്ദാക്കുകയോ കാലാവധി കഴിയുകയോ ചെയ്ത 5 വിഭാഗക്കാര്‍ക്ക് ഇനി 6 മാസം വരെ UAEയില്‍ തുടരാം
പുതുക്കിയ വിസ നിര്‍ദേശം അനുസരിച്ച് ഗോള്‍ഡന്‍ വിസ, ഗ്രീന്‍ വിസ, വിധവകള്‍/ വിവാഹമോചിതര്‍, സ്റ്റുഡന്റ് വിസയില്‍ പഠനം പൂര്‍ത്തിയാക്കിയവര്‍, മാനവശേഷി സ്വദേശിവല്‍ക്കരണ മന്ത്രാലയത്തിന്റെ പ്രൊഫഷനലുകള്‍ എന്നിവര്‍ക്കാണ് ആറ് മാസം വരെ തുടരാനാവുക. വൈദഗ്ധ്യമുള്ള പ്രൊഫഷനുകളുള്ള താമസക്കാര്‍, പ്രോപ്പര്‍ട്ടി ഉടമകള്‍ എന്നിവര്‍ക്ക് വിസ കാലാവധി കഴിഞ്ഞാലും മൂന്ന് മാസത്തേക്ക് UAEയില്‍ താമസിക്കാന്‍ സാധിക്കും.
ലോകകപ്പ് ഹയ്യ വിസയില്‍ ഖത്തറിലുള്ളവര്‍ക്ക് ഫെബ്രുവരി 24 വരെ തുടരാം
ഫെബ്രുവരി 10ന് മുമ്പായി ഹയ്യ വിസയില്‍ ഖത്തറിലെത്തിയവര്‍ക്കാണ് ഫെബ്രുവരി 24 വരെ തുടരാന്‍ അനുമതിയുള്ളത്. ഏഷ്യന്‍ കപ്പ് ഫുട്‌ബോളിന്റെ പശ്ചാത്തലത്തിലായിരുന്നു ജനുവരി 10ന് അവസാനിക്കുമെന്ന് പ്രഖ്യാപിച്ച വിസാ കാലാവധി ഒരു മാസം കൂടി നീട്ടി നല്‍കിയത്. എന്നാല്‍ ടൂറിസ്റ്റ് വിസകളായ ഹയ്യ A ONE, A TWO, A THREE വിസകള്‍ തുടരുമെന്നും അധികൃതര്‍ വ്യക്തമാക്കി.
നിബന്ധനകളോടെ ഇന്ത്യക്കാർക്ക് വിസ രഹിത പ്രവേശനം അനുവദിച്ച് ഇറാൻ
പരമാവധി 15 ദിവസത്തേക്കാണ് വിനോദസഞ്ചാരത്തിനായി വിമാനമാർഗം രാജ്യത്തേക്ക് വരുന്ന ഇന്ത്യക്കാർക്ക് വിസ രഹിത പ്രവേശനം ഇറാൻ അനുവദിച്ചിരിക്കുന്നത്. അതേസമയം കൂടുതൽ കാലം താമസിക്കാനോ ആറ് മാസത്തിനുള്ളിൽ ഒന്നിലധികം എൻട്രികൾ നടത്താനോ സാധിക്കില്ല. കഴിഞ്ഞ മാസമാണ് ഇന്ത്യന്‍ വിദേശകാര്യ മന്ത്രി എസ്. ജയശങ്കർ ഇറാന്‍ സന്ദര്‍ശിച്ചത്.
പുതിയ നിബന്ധനകള്‍ക്കും വ്യവസ്ഥകള്‍ക്കും അനുസരിച്ച് ഇന്ന് മുതല്‍ വിസകള്‍ അനുവദിച്ചു തുടങ്ങും. ഉപപ്രധാനമന്ത്രിയും പ്രതിരോധ മന്ത്രിയുമായ ഷെയ്ഖ് ഫഹദ് അല്‍ യൂസുഫ് അല്‍ സബാഹിന്റെ നിര്‍ദേശ പകാരം രാജ്യത്തെ വാണിജ്യ, സാമ്പത്തിക, വിനോദ സഞ്ചാര മേഖലകളെ വളര്‍ത്തുന്നതിന്റെ ഭാഗമായാണ് ഈ നീക്കം.
ഇന്ത്യ ഉൾപ്പടെ 28 രാജ്യങ്ങളിലെ പൗരന്മാർക്ക് വിസ രഹിത പ്രവേശനം അനുവദിച്ച് ഇറാൻ
UAE, സൗദി അറേബ്യ, ഖത്തർ, കുവൈറ്റ്, ബഹ്‌റൈൻ, ജപ്പാൻ, റഷ്യ തുടങ്ങിയ രാജ്യങ്ങളിലെ പൗരന്മാർക്കാണ് ഇറാൻ വിസ രഹിത പ്രവേശനം അനുവദിച്ചത്. കൂടുതൽ വിനോദസഞ്ചാരികളെ രാജ്യത്തേക്ക് എത്തിക്കുക എന്നതാണ് ഇറാൻ പുതിയ വിസ നയത്തിലൂടെ ലക്ഷ്യമിടുന്നത്. ഇന്ന് മുതൽ പുതിയ വിസ നയം പ്രാബല്യത്തിൽ വരും.
