ആന്ധ്രാപ്രദേശിലെ TDP വീണ്ടും NDA യില്‍ എത്തുന്നു

ഇതിന്‍റെ ഭാഗമായി മുന്‍ മുഖ്യമന്ത്രി ചന്ദ്രബാബു നായിഡു ഡല്‍ഹിയില്‍ BJP നേതാക്കളുമായി ചര്‍ച്ച നടത്തും. കേന്ദ്ര ആഭ്യന്തരമന്ത്രി അമിത് ഷായടക്കമുള്ള നേതാക്കളെ നായിഡു സന്ദര്‍ശിക്കുന്നുണ്ട്. 2019 ലെ തിരഞ്ഞെടുപ്പിന് മുമ്പ് ആന്ധ്രാപ്രദേശിന് പ്രത്യേക പദവി നല്‍കുന്നില്ലെന്ന് ആരോപിച്ചാണ് BJP സഖ്യം TDP ഉപേക്ഷിച്ചത്.

Tags : NDA,Chandrababu Naidu

National323 days ago

തിരുപ്പതി ലഡുവിലെ മൃഗക്കൊഴുപ്പ്; റിപ്പോര്‍ട്ട് തേടി കേന്ദ്ര ആരോഗ്യമന്ത്രി

തിരുപ്പതി വെങ്കിടേശ്വര ക്ഷേത്രത്തില്‍ പ്രസാദമായി നല്‍കുന്ന ലഡു നിര്‍മ്മിക്കാന്‍ മൃഗക്കൊഴുപ്പും മറ്റ് നിലവാരമില്ലാത്ത ചേരുവകളും ഉപയോഗിച്ചെന്ന ആരോപണത്തില്‍ കേന്ദ്ര ആരോഗ്യമന്ത്രി ജെ.പി. നദ്ദ ആന്ധ്രാപ്രദേശ് മുഖ്യമന്ത്രി എന്‍. ചന്ദ്രബാബു നായിഡുവിനോട് റിപ്പോര്‍ട്ട് തേടി. റിപ്പോര്‍ട്ട് ഫുഡ് സേഫ്റ്റി ആന്‍ഡ് സ്റ്റാന്‍ഡേര്‍ഡ് അതോറിറ്റി ഓഫ് ഇന്ത്യ പരിശോധിച്ച ശേഷം നടപടിയെടുക്കുമെന്നും നദ്ദ പറഞ്ഞു. വൈ.എസ്. ജഗന്‍ മോഹന്‍ റെഡ്ഡിയുടെ നേതൃത്വത്തിലുള്ള മുന്‍ സര്‍ക്കാരിന്റെ കാലത്ത് തിരുപ്പതി ലഡു നിര്‍മ്മിക്കാന്‍ മൃഗക്കൊഴുപ്പും മറ്റ് നിലവാരമില്ലാത്ത ചേരുവകളും ഉപയോഗിച്ചുവെന്ന മുഖ്യമന്ത്രി എന്‍. ചന്ദ്രബാബു നായിഡുവിന്റെ ആരോപണത്തിന് പിന്നാലെയാണ് നടപടി.

National97 days ago

ബിഹാറില്‍ ദളിതരുടെ 21 വീടുകള്‍ക്ക് തീവെച്ചു; ജംഗിള്‍ രാജെന്ന് ആരോപണം

നവാഡ ജില്ലയിലെ ഒരു ദളിത് സെറ്റില്‍മെന്റില്‍ ഭൂമി തര്‍ക്കത്തിന്റെ പേരിലാണ് ആക്രമികള്‍ 21 വീടുകള്‍ തീവെച്ച് നശിപ്പിച്ചത്. സംഭവത്തില്‍ 15 പേര്‍ അറസ്റ്റിലായിട്ടുണ്ട്. ബുധനാഴ്ച രാത്രിയോടെയാണ് സംഭവമുണ്ടായത്. ബിഹാറില്‍ നിലനില്‍ക്കുന്ന ജംഗിള്‍ രാജിന്റെ തെളിവാണ് ഈ സംഭവമെന്ന് RJDയും കോണ്‍ഗ്രസും ആരോപിച്ചു. അക്രമികള്‍ തങ്ങളുടെ സെറ്റില്‍മെന്റിലേക്ക് ഇരച്ചുകയറി നിരവധി ദളിത് കുടുംബങ്ങളെ മര്‍ദ്ദിച്ചതായി ഗ്രാമവാസികള്‍ പറഞ്ഞു.

National98 days ago

സ്പീക്കര്‍ തിരഞ്ഞെടുപ്പ്: ഓം ബിര്‍ളയും കൊടിക്കുന്നില്‍ സുരേഷും സ്ഥാനാര്‍ത്ഥികള്‍

ലോക്‌സഭാ സ്പീക്കര്‍ തിരഞ്ഞെടുപ്പിലേക്ക് ഓം ബിര്‍ളയെ സ്ഥാനാര്‍ത്ഥിയാക്കാന്‍ തീരുമാനിച്ചതായി NDA സഖ്യകക്ഷികളെ അറിയിച്ചു. ഇന്ത്യ സഖ്യത്തിന്റെ സ്ഥാനാര്‍ത്ഥിയായി മുതിര്‍ന്ന കോണ്‍ഗ്രസ് നേതാവ് കൊടിക്കുന്നില്‍ സുരേഷും പത്രിക നല്‍കി. സ്പീക്കര്‍ തെരഞ്ഞെടുപ്പില്‍ പ്രതിപക്ഷവുമായി സമവായത്തിലെത്താന്‍ NDA ശ്രമിച്ചിരുന്നു. ഡെപ്യൂട്ടി സ്പീക്കര്‍ പദവി നല്‍കിയാല്‍ സ്പീക്കര്‍ തിരഞ്ഞെടുപ്പില്‍ സമവായമാകാമെന്ന് പ്രതിപക്ഷം സമ്മതിച്ചിരുന്നു. എന്നാല്‍ ഡെപ്യൂട്ടി സ്പീക്കര്‍ പദവി പ്രതിപക്ഷത്തിന് നല്‍കുന്നത് സംബന്ധിച്ച് ഒരു ഉറപ്പും നല്‍കാന്‍ കേന്ദ്ര സര്‍ക്കാര്‍ തയാറാകാത്തതോടെയാണ് സ്പീക്കര്‍ സ്ഥാനത്തേക്കും മത്സരത്തിന് കളമൊരുങ്ങിയത്.

National184 days ago

YSR കോണ്‍ഗ്രസ് പാര്‍ട്ടിയുടെ ഓഫീസ് ബുള്‍ഡോസര്‍ കൊണ്ട് പൊളിച്ച് ആന്ധ്രാ സര്‍ക്കാര്‍

സംസ്ഥാനത്ത് NDA സര്‍ക്കാര്‍ അധികാരമേറ്റതിന് പിന്നാലെയാണ് ഗുണ്ടൂര്‍ ജില്ലയിലെ തടെപ്പള്ളിയില്‍ നിര്‍മാണത്തിലിരിക്കുന്ന YSR കോണ്‍ഗ്രസ് പാര്‍ട്ടിയുടെ പ്രധാന ഓഫീസ് കെട്ടിടമാണ് ബുള്‍ഡോസര്‍ ഉപയോഗിച്ച് പൊളിച്ചുനീക്കിയത്. കൈയേറ്റ ഭൂമിയിലാണ് ഓഫീസ് നിര്‍മാണം എന്നാരോപിച്ചാണ് ആന്ധ്രാപ്രദേശ് തലസ്ഥാന മേഖല വികസന അതോറിറ്റിയുടെ നടപടി. സംഭവത്തിന് പിന്നില്‍ TDPയുടെ പ്രതികാര നടപടിയാണെന്ന് YSR കോണ്‍ഗ്രസ് ആരോപിച്ചു.

National187 days ago

ലോക്സഭാ സ്‌പീക്കർ തിരഞ്ഞെടുപ്പിൽ NDA യിൽ ഭിന്നതയില്ല: കെ.സി. ത്യാഗി

ലോക്സഭാ സ്പീക്കർ തിരഞ്ഞെടുപ്പുമായി ബന്ധപ്പെട്ട് NDA യിൽ ഭിന്നതയില്ലെന്നും സഖ്യകക്ഷികളെല്ലാം ഒറ്റക്കെട്ടാണെന്നും JDU നേതാവ് കെ.സി. ത്യാഗി പറഞ്ഞു. സ്പീക്കർ തിരഞ്ഞെടുപ്പിൽ NDA യിൽ നിന്ന് ഒറ്റ സ്ഥാനാർത്ഥിയെ മത്സരിക്കുകയുള്ളുവെന്നും കഴിഞ്ഞ ദിവസം ചേർന്ന യോഗത്തിൽ ഇത് തീരുമാനമായതാണെന്നും കെ.സി. ത്യാഗി വ്യക്തമാക്കി.

National192 days ago

NDA സര്‍ക്കാര്‍ അബദ്ധത്തില്‍ രൂപീകരിച്ചത്, നിലനില്‍ക്കില്ല: മല്ലികാര്‍ജുന്‍ ഖാര്‍ഗെ

NDA സര്‍ക്കാര്‍ അബദ്ധത്തില്‍ രൂപീകരിച്ചതാണെന്നും മോദിജിക്ക് ജനവിധി ഇല്ലെന്നും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ഇതൊരു ന്യൂനപക്ഷ സര്‍ക്കാരാണ്. ഈ സര്‍ക്കാര്‍ എപ്പോള്‍ വേണമെങ്കിലും വീഴാമെന്നും ഖാര്‍ഗെ പറഞ്ഞു. 543 അംഗ ലോക്സഭയില്‍ 293 സീറ്റുകള്‍ നേടിയാണ് NDA സര്‍ക്കാര്‍ മൂന്നാം തവണയും അധികാരത്തിലേറിയതെങ്കിലും കഴിഞ്ഞ രണ്ട് തവണയും മികച്ച ഭൂരിപക്ഷം നേടിയ BJPയ്ക്ക് ഇത്തവണ 240 സീറ്റേ നേടാന്‍ കഴിഞ്ഞുളളൂ.

National194 days ago

ആന്ധ്രാപ്രദേശ് മുഖ്യമന്ത്രിയായി ചന്ദ്രബാബു നായിഡു അധികാരമേറ്റു

നാലാമത്തെ തവണയാണ് അദ്ദേഹം ആന്ധ്രാപ്രദേശ് മുഖ്യമന്ത്രിയായി ചുമതല ഏല്‍ക്കുന്നത്. ജനസേനാ മേധാവി പവന്‍ കല്യാണും നായിഡുവിന്റെ മകന്‍ നാരാ ലോകേഷും മന്ത്രിമാരായി സത്യപ്രതിജ്ഞ ചെയ്തു. പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ, കേന്ദ്ര മന്ത്രിമാരായ ജെ. പി. നദ്ദ, നിതിന്‍ ഗഡ്കരി നടന്മാരായ ചിരഞ്ജീവി, രജനി കാന്ത്, നന്ദമുരി ബാലകൃഷ്ണ എന്നിവരും ചടങ്ങില്‍ പങ്കെടുത്തു. കേസരപ്പള്ളി IT പാര്‍ക്കിലായിരുന്നു സത്യപ്രതിജ്ഞാ ചടങ്ങ്.

National197 days ago

ആന്ധ്രയില്‍ ചന്ദ്രബാബു നായിഡു സര്‍ക്കാരിന്റെ സത്യപ്രതിജ്ഞ ഇന്ന്

നാലാം തവണയാണ് തെലുങ്കുദേശം പാര്‍ട്ടി അധ്യക്ഷന്‍ ചന്ദ്രബാബു നായിഡു ആന്ധ്രാപ്രദേശ് മുഖ്യമന്ത്രിയായി ചുമതലയേല്‍ക്കുന്നത്. ജനസേനാ പാര്‍ട്ടി അധ്യക്ഷന്‍ പവന്‍ കല്യാണാകും ഉപമുഖ്യമന്ത്രി. ഗണ്ണവാരം വിമാനത്താവളത്തിന് സമീപമുള്ള കേസരപ്പള്ളി ഐടി പാര്‍ക്കില്‍ രാവിലെ 11.27നാണ് സത്യാപ്രതിജ്ഞാ ചടങ്ങുകള്‍ നടക്കുക. പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ എന്നിവരുള്‍പ്പെടെയുളള NDA നേതാക്കള്‍ ചടങ്ങില്‍ പങ്കെടുക്കുമെന്നാണ് വിവരം.

National197 days ago

അമരാവതിയെ ആന്ധ്രപ്രദേശിന്റെ ഏക തലസ്ഥാനമായി പ്രഖ്യാപിച്ച് ചന്ദ്രബാബു നായിഡു

ആന്ധ്രാപ്രദേശിന്റെ നിയുക്ത മുഖ്യമന്ത്രിയായ TDP നേതാവ് ചന്ദ്രബാബു നായിഡു, അമരാവതി സംസ്ഥാനത്തിൻ്റെ ഏക തലസ്ഥാനമായിരിക്കുമെന്ന് പ്രഖ്യാപിച്ചു. TDP, ജനസേന, BJP സഖ്യത്തിലെ നിയമസഭാ സാമാജികരുടെ സംയുക്ത യോഗത്തിലാണ് ചന്ദ്രബാബു നായിഡു ഇക്കാര്യം അറിയിച്ചത്. മൂന്നു തലസ്ഥാനമെന്ന രീതിയിലുള്ള കളികൾ ജനങ്ങൾക്കു മുന്നിൽ ഞങ്ങൾ നടത്തില്ല എന്നാണ് ചന്ദ്രബാബു നായിഡു പറഞ്ഞത്. 2019 ൽ അധികാരത്തിലേറിയ വൈ.എസ്. ജഗൻ മോഹൻ റെഡ്ഡിയുടെ നേതൃത്വത്തിലുള്ള YSRCP സർക്കാരാണ് മൂന്ന് തലസ്ഥാനങ്ങൾ എന്ന പദ്ധതി ആവിഷ്കരിച്ചത്.

National198 days ago

അമരാവതി ആന്ധ്രാപ്രദേശിന്റെ തലസ്ഥാനമാകും: ചന്ദ്രബാബു നായിഡു

വിജയവാഡയില്‍ ചേര്‍ന്ന NDA ലെജിസ്ലേറ്റീവ് പാര്‍ട്ടി യോഗത്തിലാണ് അദ്ദേഹം ഇക്കാര്യം പ്രഖ്യാപിച്ചത്. അമരാവതി നമ്മുടെ സംസ്ഥാനത്തിന്റെ തലസ്ഥാനമായിരിക്കും. ചില സ്ഥലങ്ങള്‍ മാത്രമല്ല മുഴുവന്‍ സംസ്ഥാനവും വികസിപ്പിക്കാനാണ് ഞങ്ങള്‍ ലക്ഷ്യമിടുന്നത്. മുന്‍ ഭരണകാലത്ത് കുറ്റകൃത്യങ്ങള്‍ ചെയ്തവരെ നിയമത്തിന് മുന്നില്‍ വരുമെന്നും അദ്ദേഹം പറഞ്ഞു.