NDA സര്‍ക്കാര്‍ അബദ്ധത്തില്‍ രൂപീകരിച്ചത്, നിലനില്‍ക്കില്ല: മല്ലികാര്‍ജുന്‍ ഖാര്‍ഗെ

NDA സര്‍ക്കാര്‍ അബദ്ധത്തില്‍ രൂപീകരിച്ചതാണെന്നും മോദിജിക്ക് ജനവിധി ഇല്ലെന്നും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ഇതൊരു ന്യൂനപക്ഷ സര്‍ക്കാരാണ്. ഈ സര്‍ക്കാര്‍ എപ്പോള്‍ വേണമെങ്കിലും വീഴാമെന്നും ഖാര്‍ഗെ പറഞ്ഞു. 543 അംഗ ലോക്സഭയില്‍ 293 സീറ്റുകള്‍ നേടിയാണ് NDA സര്‍ക്കാര്‍ മൂന്നാം തവണയും അധികാരത്തിലേറിയതെങ്കിലും കഴിഞ്ഞ രണ്ട് തവണയും മികച്ച ഭൂരിപക്ഷം നേടിയ BJPയ്ക്ക് ഇത്തവണ 240 സീറ്റേ നേടാന്‍ കഴിഞ്ഞുളളൂ.

National309 days ago

ബിഹാറില്‍ ദളിതരുടെ 21 വീടുകള്‍ക്ക് തീവെച്ചു; ജംഗിള്‍ രാജെന്ന് ആരോപണം

നവാഡ ജില്ലയിലെ ഒരു ദളിത് സെറ്റില്‍മെന്റില്‍ ഭൂമി തര്‍ക്കത്തിന്റെ പേരിലാണ് ആക്രമികള്‍ 21 വീടുകള്‍ തീവെച്ച് നശിപ്പിച്ചത്. സംഭവത്തില്‍ 15 പേര്‍ അറസ്റ്റിലായിട്ടുണ്ട്. ബുധനാഴ്ച രാത്രിയോടെയാണ് സംഭവമുണ്ടായത്. ബിഹാറില്‍ നിലനില്‍ക്കുന്ന ജംഗിള്‍ രാജിന്റെ തെളിവാണ് ഈ സംഭവമെന്ന് RJDയും കോണ്‍ഗ്രസും ആരോപിച്ചു. അക്രമികള്‍ തങ്ങളുടെ സെറ്റില്‍മെന്റിലേക്ക് ഇരച്ചുകയറി നിരവധി ദളിത് കുടുംബങ്ങളെ മര്‍ദ്ദിച്ചതായി ഗ്രാമവാസികള്‍ പറഞ്ഞു.

National213 days ago

‘ഒരു രാജ്യം ഒരു തിരഞ്ഞെടുപ്പ്’ ജനാധിപത്യത്തില്‍ അപ്രായോഗികം: ഖാര്‍ഗെ

ഒരു രാജ്യം ഒരു തിരഞ്ഞെടുപ്പ് നിര്‍ദേശം പ്രായോഗികമല്ലെന്നും ജനാധിപത്യവുമായി പൊരുത്തപ്പെടുന്നില്ലെന്നും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ഞങ്ങള്‍ ഇതിനൊപ്പം നില്‍ക്കുന്നില്ല. ഒരു രാജ്യം ഒരു തിരഞ്ഞെടുപ്പ് എന്നതിന് ജനാധിപത്യത്തില്‍ പ്രവര്‍ത്തിക്കാന്‍ കഴിയില്ല. നമ്മുടെ ജനാധിപത്യം നിലനില്‍ക്കണമെങ്കില്‍ ആവശ്യാനുസരണം തിരഞ്ഞെടുപ്പ് നടത്തണമെന്നും അദ്ദേഹം പറഞ്ഞു. രാജ്യത്തുടനീളം ലോക്സഭാ, നിയമസഭാ തിരഞ്ഞെടുപ്പുകള്‍ ഒരേസമയം നടത്താനുള്ള പദ്ധതിയ്ക്ക് കേന്ദ്രമന്ത്രിസഭ അംഗീകാരം നല്‍കിയതിന് പിന്നാലെയാണ് ഖാര്‍ഗെയുടെ പ്രതികരണം.

National214 days ago

ചൈനയുടെ അധിനിവേശം തടയാൻ മോദി സർക്കാർ പരാജയപ്പെട്ടു: ഖാർഗെ

ഇന്ത്യൻ പ്രദേശത്തേക്ക് ചൈനയുടെ നുഴഞ്ഞുകയറ്റ വിഷയത്തിൽ കേന്ദ്ര സർക്കാരിനെ വിമർശിച്ച് കോൺഗ്രസ് അധ്യക്ഷൻ മല്ലികാർജുൻ ഖാർഗെ. ചൈന പാങ്ഗോം തടാക തീരത്ത് സൈനിക ക്യാമ്പ് നിർമിക്കുന്നു എന്ന റിപ്പോർട്ടുകൾ ചൂണ്ടിക്കാട്ടിയാണ് ഖാർഗയുടെ വിമർശനം. 2020 മെയ് വരെ ഇന്ത്യൻ അധിനിവേശത്തിൽ ആയിരുന്ന സ്ഥലത്താണ് ചൈന ക്യാമ്പ് നിർമിക്കുന്നതെന്നും ഖാർഗെ ചൂണ്ടിക്കാട്ടി. ഇന്ത്യയുടെ സ്ഥലം ആരും കയ്യേറിയിട്ടില്ലെന്ന് വാദിക്കുന്ന നരേന്ദ്ര മോദി ചൈനയെ സഹായിക്കുകയാണെന്നും 26 പട്രോളിംഗ് പോയിന്റുകൾ ഇന്ത്യ വിട്ടു കളഞ്ഞത് മോദിയുടെ വീഴ്ചയാണെന്നും ഖാർഗെ കുറ്റപ്പെടുത്തി.

National287 days ago

മല്ലികാര്‍ജുന്‍ ഖാര്‍ഗയെ പ്രധാനമന്ത്രി അപമാനിക്കുന്നുവെന്ന് രാഹുല്‍ ഗാന്ധി

ലോക്‌സഭ സ്പീക്കര്‍ തിരഞ്ഞെടുപ്പില്‍ പ്രധാനമന്ത്രി നരേന്ദ്ര മോദി ക്രിയാത്മകമായ ഒരു സഹകരണവും ആഗ്രഹിക്കുന്നില്ലെന്ന് രാഹുല്‍ ഗാന്ധി. സ്പീക്കര്‍ പദവിയിലേക്ക് പിന്തുണയ്ക്കണമെന്ന് രാജ്നാഥ് സിങ് മല്ലികാര്‍ജുന്‍ ഖാര്‍ഗെയോട് ആവശ്യപ്പെട്ടിരുന്നു. എന്നാല്‍ ഡെപ്യൂട്ടി സ്പീക്കര്‍ പദവി വേണമെന്ന നിലപാടില്‍ ഖാര്‍ഗെ ഉറച്ചുനിന്നുവെന്നും ഇതോടെ തിരികെ വിളിക്കാമെന്ന് പറഞ്ഞ രാജ്നാഥ് സിങ് ഇതുവരെ ഖാര്‍ഗയുമായി ബന്ധപ്പെട്ടിട്ടില്ലെന്നും അദ്ദേഹം വ്യക്തമാക്കി.Read More

National299 days ago

സ്പീക്കര്‍ തിരഞ്ഞെടുപ്പ്: ഓം ബിര്‍ളയും കൊടിക്കുന്നില്‍ സുരേഷും സ്ഥാനാര്‍ത്ഥികള്‍

ലോക്‌സഭാ സ്പീക്കര്‍ തിരഞ്ഞെടുപ്പിലേക്ക് ഓം ബിര്‍ളയെ സ്ഥാനാര്‍ത്ഥിയാക്കാന്‍ തീരുമാനിച്ചതായി NDA സഖ്യകക്ഷികളെ അറിയിച്ചു. ഇന്ത്യ സഖ്യത്തിന്റെ സ്ഥാനാര്‍ത്ഥിയായി മുതിര്‍ന്ന കോണ്‍ഗ്രസ് നേതാവ് കൊടിക്കുന്നില്‍ സുരേഷും പത്രിക നല്‍കി. സ്പീക്കര്‍ തെരഞ്ഞെടുപ്പില്‍ പ്രതിപക്ഷവുമായി സമവായത്തിലെത്താന്‍ NDA ശ്രമിച്ചിരുന്നു. ഡെപ്യൂട്ടി സ്പീക്കര്‍ പദവി നല്‍കിയാല്‍ സ്പീക്കര്‍ തിരഞ്ഞെടുപ്പില്‍ സമവായമാകാമെന്ന് പ്രതിപക്ഷം സമ്മതിച്ചിരുന്നു. എന്നാല്‍ ഡെപ്യൂട്ടി സ്പീക്കര്‍ പദവി പ്രതിപക്ഷത്തിന് നല്‍കുന്നത് സംബന്ധിച്ച് ഒരു ഉറപ്പും നല്‍കാന്‍ കേന്ദ്ര സര്‍ക്കാര്‍ തയാറാകാത്തതോടെയാണ് സ്പീക്കര്‍ സ്ഥാനത്തേക്കും മത്സരത്തിന് കളമൊരുങ്ങിയത്.

National299 days ago

YSR കോണ്‍ഗ്രസ് പാര്‍ട്ടിയുടെ ഓഫീസ് ബുള്‍ഡോസര്‍ കൊണ്ട് പൊളിച്ച് ആന്ധ്രാ സര്‍ക്കാര്‍

സംസ്ഥാനത്ത് NDA സര്‍ക്കാര്‍ അധികാരമേറ്റതിന് പിന്നാലെയാണ് ഗുണ്ടൂര്‍ ജില്ലയിലെ തടെപ്പള്ളിയില്‍ നിര്‍മാണത്തിലിരിക്കുന്ന YSR കോണ്‍ഗ്രസ് പാര്‍ട്ടിയുടെ പ്രധാന ഓഫീസ് കെട്ടിടമാണ് ബുള്‍ഡോസര്‍ ഉപയോഗിച്ച് പൊളിച്ചുനീക്കിയത്. കൈയേറ്റ ഭൂമിയിലാണ് ഓഫീസ് നിര്‍മാണം എന്നാരോപിച്ചാണ് ആന്ധ്രാപ്രദേശ് തലസ്ഥാന മേഖല വികസന അതോറിറ്റിയുടെ നടപടി. സംഭവത്തിന് പിന്നില്‍ TDPയുടെ പ്രതികാര നടപടിയാണെന്ന് YSR കോണ്‍ഗ്രസ് ആരോപിച്ചു.

National302 days ago

ലോക്സഭാ സ്‌പീക്കർ തിരഞ്ഞെടുപ്പിൽ NDA യിൽ ഭിന്നതയില്ല: കെ.സി. ത്യാഗി

ലോക്സഭാ സ്പീക്കർ തിരഞ്ഞെടുപ്പുമായി ബന്ധപ്പെട്ട് NDA യിൽ ഭിന്നതയില്ലെന്നും സഖ്യകക്ഷികളെല്ലാം ഒറ്റക്കെട്ടാണെന്നും JDU നേതാവ് കെ.സി. ത്യാഗി പറഞ്ഞു. സ്പീക്കർ തിരഞ്ഞെടുപ്പിൽ NDA യിൽ നിന്ന് ഒറ്റ സ്ഥാനാർത്ഥിയെ മത്സരിക്കുകയുള്ളുവെന്നും കഴിഞ്ഞ ദിവസം ചേർന്ന യോഗത്തിൽ ഇത് തീരുമാനമായതാണെന്നും കെ.സി. ത്യാഗി വ്യക്തമാക്കി.

National307 days ago

പശ്ചിമബംഗാള്‍ ട്രെയിന്‍ അപകടത്തിന്റെ ഉത്തരവാദി മോദി സര്‍ക്കാരാണെന്ന് ഖാര്‍ഗെ

കഴിഞ്ഞ 10 വര്‍ഷമായി മോദി സര്‍ക്കാരിന് കീഴില്‍ റെയില്‍വേ മന്ത്രാലയത്തില്‍ കെടുകാര്യസ്ഥതയാണ് നടക്കുന്നതെന്ന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ദുരന്തത്തിന് ഇരയായവര്‍ക്ക് ഉടനടി നഷ്ടപരിഹാരം നല്‍കണമെന്നും ഖാര്‍ഗെ ആവശ്യപ്പെട്ടു. ദുരന്തം വേദനാജനകമാണെന്നും മരിച്ചവരുടെ കുടുംബാംഗങ്ങളുടെ ദുഖത്തില്‍ പങ്കുചേരുന്നതായും പരിക്കേറ്റവര്‍ വേഗത്തില്‍ സുഖം പ്രാപിക്കട്ടെയെന്ന് പ്രാര്‍ത്ഥിക്കുന്നതായും അദ്ദേഹം പറഞ്ഞു.

National307 days ago

സുരേഷ് ഗോപിക്കൊപ്പം ജോര്‍ജ് കുര്യനും കേന്ദ്ര മന്ത്രിസഭയിലേക്ക്

മൂന്നാം NDA സര്‍ക്കാരില്‍ നിന്ന് കേരളത്തില്‍ നിന്ന് സുരേഷ് ഗോപിയും ജോര്‍ജ് കുര്യനും മന്ത്രിമാരാകുമെന്ന് റിപ്പോര്‍ട്ട്. BJP സംസ്ഥാന ജനറല്‍ സെക്രട്ടറിയാണ് ജോര്‍ജ് കുര്യന്‍. രാവിലെ പ്രധാനമന്ത്രിയുടെ യോഗത്തില്‍ ജോര്‍ജ് കുര്യന്‍ പങ്കെടുത്തിരുന്നു. സുരേഷ് ഗോപിക്ക് ടൂറിസം, സാംസ്‌കാരികം എന്നീ വകുപ്പുകളില്‍ ഏതെങ്കിലുമൊന്ന് ലഭിക്കാനാണ് സാധ്യത.

Kerala315 days ago

അമിത് ഷായും രാജ്‌നാഥ് സിങ്ങും വകുപ്പുകള്‍ നിലനിര്‍ത്തിയേക്കും

ചന്ദ്രബാബു നായിഡുവിന്റെ TDPക്കും നിതീഷ് കുമാറിന്റെ JDUവിനും രണ്ടു വീതം മന്ത്രി സ്ഥാനം ലഭിക്കുമെന്നാണ് റിപ്പോര്‍ട്ടുകള്‍. ഒരു കാബിനറ്റ് ബെര്‍ത്തും ഒരു സഹമന്ത്രിസ്ഥാനവുമായിക്കും നല്‍കിയേക്കുക എന്നാണ് സൂചന. കേരളത്തില്‍ നിന്ന് സുരേഷ് ഗോപി മന്ത്രിയാവും. പുതിയ മന്ത്രിസഭയില്‍ മന്ത്രിമാരാവാന്‍ സാധ്യതയുള്ളവര്‍ക്ക് നരേന്ദ്രമോദിയുടെ വസതിയില്‍ നടത്തിയ ചായസത്കാരം അവസാനിച്ചു.

National315 days ago