ചൈനയുടെ അധിനിവേശം തടയാൻ മോദി സർക്കാർ പരാജയപ്പെട്ടു: ഖാർഗെ

ഇന്ത്യൻ പ്രദേശത്തേക്ക് ചൈനയുടെ നുഴഞ്ഞുകയറ്റ വിഷയത്തിൽ കേന്ദ്ര സർക്കാരിനെ വിമർശിച്ച് കോൺഗ്രസ് അധ്യക്ഷൻ മല്ലികാർജുൻ ഖാർഗെ. ചൈന പാങ്ഗോം തടാക തീരത്ത് സൈനിക ക്യാമ്പ് നിർമിക്കുന്നു എന്ന റിപ്പോർട്ടുകൾ ചൂണ്ടിക്കാട്ടിയാണ് ഖാർഗയുടെ വിമർശനം. 2020 മെയ് വരെ ഇന്ത്യൻ അധിനിവേശത്തിൽ ആയിരുന്ന സ്ഥലത്താണ് ചൈന ക്യാമ്പ് നിർമിക്കുന്നതെന്നും ഖാർഗെ ചൂണ്ടിക്കാട്ടി. ഇന്ത്യയുടെ സ്ഥലം ആരും കയ്യേറിയിട്ടില്ലെന്ന് വാദിക്കുന്ന നരേന്ദ്ര മോദി ചൈനയെ സഹായിക്കുകയാണെന്നും 26 പട്രോളിംഗ് പോയിന്റുകൾ ഇന്ത്യ വിട്ടു കളഞ്ഞത് മോദിയുടെ വീഴ്ചയാണെന്നും ഖാർഗെ കുറ്റപ്പെടുത്തി.

National171 days ago

‘ഒരു രാജ്യം ഒരു തിരഞ്ഞെടുപ്പ്’ ജനാധിപത്യത്തില്‍ അപ്രായോഗികം: ഖാര്‍ഗെ

ഒരു രാജ്യം ഒരു തിരഞ്ഞെടുപ്പ് നിര്‍ദേശം പ്രായോഗികമല്ലെന്നും ജനാധിപത്യവുമായി പൊരുത്തപ്പെടുന്നില്ലെന്നും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ഞങ്ങള്‍ ഇതിനൊപ്പം നില്‍ക്കുന്നില്ല. ഒരു രാജ്യം ഒരു തിരഞ്ഞെടുപ്പ് എന്നതിന് ജനാധിപത്യത്തില്‍ പ്രവര്‍ത്തിക്കാന്‍ കഴിയില്ല. നമ്മുടെ ജനാധിപത്യം നിലനില്‍ക്കണമെങ്കില്‍ ആവശ്യാനുസരണം തിരഞ്ഞെടുപ്പ് നടത്തണമെന്നും അദ്ദേഹം പറഞ്ഞു. രാജ്യത്തുടനീളം ലോക്സഭാ, നിയമസഭാ തിരഞ്ഞെടുപ്പുകള്‍ ഒരേസമയം നടത്താനുള്ള പദ്ധതിയ്ക്ക് കേന്ദ്രമന്ത്രിസഭ അംഗീകാരം നല്‍കിയതിന് പിന്നാലെയാണ് ഖാര്‍ഗെയുടെ പ്രതികരണം.

National98 days ago

മല്ലികാര്‍ജുന്‍ ഖാര്‍ഗയെ പ്രധാനമന്ത്രി അപമാനിക്കുന്നുവെന്ന് രാഹുല്‍ ഗാന്ധി

ലോക്‌സഭ സ്പീക്കര്‍ തിരഞ്ഞെടുപ്പില്‍ പ്രധാനമന്ത്രി നരേന്ദ്ര മോദി ക്രിയാത്മകമായ ഒരു സഹകരണവും ആഗ്രഹിക്കുന്നില്ലെന്ന് രാഹുല്‍ ഗാന്ധി. സ്പീക്കര്‍ പദവിയിലേക്ക് പിന്തുണയ്ക്കണമെന്ന് രാജ്നാഥ് സിങ് മല്ലികാര്‍ജുന്‍ ഖാര്‍ഗെയോട് ആവശ്യപ്പെട്ടിരുന്നു. എന്നാല്‍ ഡെപ്യൂട്ടി സ്പീക്കര്‍ പദവി വേണമെന്ന നിലപാടില്‍ ഖാര്‍ഗെ ഉറച്ചുനിന്നുവെന്നും ഇതോടെ തിരികെ വിളിക്കാമെന്ന് പറഞ്ഞ രാജ്നാഥ് സിങ് ഇതുവരെ ഖാര്‍ഗയുമായി ബന്ധപ്പെട്ടിട്ടില്ലെന്നും അദ്ദേഹം വ്യക്തമാക്കി.Read More

National183 days ago

പശ്ചിമബംഗാള്‍ ട്രെയിന്‍ അപകടത്തിന്റെ ഉത്തരവാദി മോദി സര്‍ക്കാരാണെന്ന് ഖാര്‍ഗെ

കഴിഞ്ഞ 10 വര്‍ഷമായി മോദി സര്‍ക്കാരിന് കീഴില്‍ റെയില്‍വേ മന്ത്രാലയത്തില്‍ കെടുകാര്യസ്ഥതയാണ് നടക്കുന്നതെന്ന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ദുരന്തത്തിന് ഇരയായവര്‍ക്ക് ഉടനടി നഷ്ടപരിഹാരം നല്‍കണമെന്നും ഖാര്‍ഗെ ആവശ്യപ്പെട്ടു. ദുരന്തം വേദനാജനകമാണെന്നും മരിച്ചവരുടെ കുടുംബാംഗങ്ങളുടെ ദുഖത്തില്‍ പങ്കുചേരുന്നതായും പരിക്കേറ്റവര്‍ വേഗത്തില്‍ സുഖം പ്രാപിക്കട്ടെയെന്ന് പ്രാര്‍ത്ഥിക്കുന്നതായും അദ്ദേഹം പറഞ്ഞു.

National191 days ago

NDA സര്‍ക്കാര്‍ അബദ്ധത്തില്‍ രൂപീകരിച്ചത്, നിലനില്‍ക്കില്ല: മല്ലികാര്‍ജുന്‍ ഖാര്‍ഗെ

NDA സര്‍ക്കാര്‍ അബദ്ധത്തില്‍ രൂപീകരിച്ചതാണെന്നും മോദിജിക്ക് ജനവിധി ഇല്ലെന്നും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ഇതൊരു ന്യൂനപക്ഷ സര്‍ക്കാരാണ്. ഈ സര്‍ക്കാര്‍ എപ്പോള്‍ വേണമെങ്കിലും വീഴാമെന്നും ഖാര്‍ഗെ പറഞ്ഞു. 543 അംഗ ലോക്സഭയില്‍ 293 സീറ്റുകള്‍ നേടിയാണ് NDA സര്‍ക്കാര്‍ മൂന്നാം തവണയും അധികാരത്തിലേറിയതെങ്കിലും കഴിഞ്ഞ രണ്ട് തവണയും മികച്ച ഭൂരിപക്ഷം നേടിയ BJPയ്ക്ക് ഇത്തവണ 240 സീറ്റേ നേടാന്‍ കഴിഞ്ഞുളളൂ.

National193 days ago

പാർലമെൻ്റിലും പുറത്തും ഇന്ത്യാ മുന്നണി യോജിച്ച് പ്രവർത്തിക്കണം: മല്ലികാർജുൻ ഖാർഗെ

വിഭജനത്തിൻ്റെയും വിദ്വേഷത്തിൻ്റെയും രാഷ്ട്രീയത്തിൻ്റെ നിർണായകമായ തിരസ്‌കരണമാണ് ലോക്‌സഭാ തിരഞ്ഞെടുപ്പ് ജനവിധിയെന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെ. അധികാരം ഉണ്ടെങ്കിലും ഇല്ലെങ്കിലും ഇന്ത്യ സഖ്യം നിലനിൽക്കേണ്ടത് അനിവാര്യമാണെന്നും ഖാർഗെ പറഞ്ഞു. പാർലമെൻ്റിലും പുറത്തും ജനങ്ങളുടെ പ്രശ്നങ്ങൾ പരിഹരിക്കുന്നതിനായി ഇന്ത്യാ മുന്നണി യോജിച്ച് പ്രവർത്തിക്കണമെന്നും ഖാർഗെ കൂട്ടിച്ചേർത്തു.

National200 days ago

ഭരണഘടനയോട് പ്രതിബദ്ധതയുള്ള എല്ലാ പാര്‍ട്ടികളേയും ‘ഇന്ത്യ’യിലേക്ക് ക്ഷണിച്ച് മല്ലികാര്‍ജുന്‍ ഖാര്‍ഗെ

തിരഞ്ഞെടുപ്പ് ഫലം വിലയിരുത്താന്‍ ഡല്‍ഹിയില്‍ AICC അധ്യക്ഷന്റെ വസതിയില്‍ ചേര്‍ന്ന യോഗത്തില്‍ ഇന്ത്യ സഖ്യത്തിലെ പ്രധാനകക്ഷികളുടെ നേതാക്കളെല്ലാവരും പങ്കെടുത്തു. യോഗത്തില്‍ മറ്റ് കക്ഷികളെ സ്വാഗതം ചെയ്തുകൊണ്ട് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ നടത്തിയ പ്രസ്താവന ഖാര്‍ഗെ തന്നെ എക്സില്‍ പങ്കുവെയ്ക്കുകയായിരുന്നു. ജനങ്ങളുടെ നിശ്ചയദാര്‍ഢ്യത്തെ അട്ടിമറിക്കാനാണ് മോദിയുടെ തീരുമാനമെന്നും അദ്ദേഹം കൂട്ടിച്ചേര്‍ത്തു.

National203 days ago

ലോക്സഭാ തിരഞ്ഞെടുപ്പ്: കോൺഗ്രസിന് 128 സീറ്റ് നേടാനാകുമെന്ന് ഖാർഗെ

തുടർച്ചയായ മൂന്നാം തവണയും BJP അധികാരത്തിൽ എത്തുന്നത് തടയുമെന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെ. ലോക്സഭാ തിരഞ്ഞെടുപ്പിൽ കോൺഗ്രസിന് 128 സീറ്റുകൾ വരെ നേടാനാകുമെന്നാണ് പ്രതീക്ഷിക്കുന്നതെന്നും രാഹുൽ ഗാന്ധിയെയാണ് ഇന്ത്യ സഖ്യത്തിന്റെ പ്രധാനമന്ത്രിയായി താൻ കാണുന്നതെന്നും അദ്ദേഹം പറഞ്ഞു. ഇന്ത്യ സഖ്യത്തിലുള്ള പാർട്ടികൾ തമ്മിൽ പരസ്പരം വോട്ടുകൾ കൈമാറുന്നതിൽ വിജയിച്ചുവെന്നും ഖാർഗെ കൂട്ടിച്ചേർത്തു.

National208 days ago

മോദി സമൂഹത്തെ ഭിന്നിപ്പിക്കുന്നു: മല്ലികാര്‍ജുന്‍ ഖാര്‍ഗെ

തിരഞ്ഞെടുപ്പ് പ്രസംഗങ്ങളിലൂടെ പ്രധാനമന്ത്രി നരേന്ദ്ര മോദി ജനങ്ങളെ പ്രകോപിപ്പിക്കുകയും സമൂഹത്തെ ഭിന്നിപ്പിക്കുകയും ചെയ്യുന്നുവെന്ന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. മോദിക്ക് മുമ്പ് ഒരു പ്രധാനമന്ത്രിയും ഇതുപോലെ ആളുകളെ പ്രകോപിപ്പിക്കുന്നതില്‍ ഏര്‍പ്പെട്ടിട്ടില്ല. അദ്ദേഹം ജനാധിപത്യത്തെക്കുറിച്ച് ആവര്‍ത്തിച്ച് സംസാരിക്കുന്നു, പക്ഷേ ജനാധിപത്യത്തിന്റെ തത്വങ്ങള്‍ പാലിക്കുന്നില്ലെന്നും ഖാര്‍ഗെ ആരോപിച്ചു. മുംബൈയില്‍ നടന്ന ഇന്ത്യ സഖ്യത്തിന്റെ പത്രസമ്മേളനത്തിലായിരുന്നു ഖാര്‍ഗെയുടെ പ്രതികരണം.

National221 days ago

ഖാർഗെ സഞ്ചരിച്ച ഹെലികോപ്റ്റർ തിരഞ്ഞെടുപ്പ് കമ്മീഷൻ പരിശോധിച്ചതിൽ വിമർശനവുമായി കോൺഗ്രസ്

തിരഞ്ഞെടുപ്പ് പ്രചാരണത്തിനായി ബിഹാറിലെ സമസ്തിപൂരിൽ എത്തിയപ്പോഴാണ് കോൺഗ്രസ് അധ്യക്ഷൻ മല്ലികാർജുൻ ഖാർഗെ സഞ്ചരിച്ച ഹെലികോപ്റ്ററിൽ തിരഞ്ഞെടുപ്പ് കമ്മീഷൻ ഉദ്യോഗസ്ഥർ പരിശോധന നടത്തിയത്. ഇതിന് പിന്നാലെ തിരഞ്ഞെടുപ്പ് ഉദ്യോഗസ്ഥരുടെ നടപടി ദുരുദ്ദേശപരമാണെന്ന് കോൺഗ്രസ് വിമർശിച്ചു. NDA നേതാക്കളുടെ വാഹനത്തിൽ ഇതുവരെ പരിശോധന നടത്തിയിട്ടുണ്ടോ എന്ന് വ്യക്തമാക്കണമെന്നും ബിഹാറിലെ കോൺഗ്രസ് വക്താവ് രാജേഷ് റാത്തോഡ് പറഞ്ഞു.

National227 days ago

കോണ്‍ഗ്രസ് പ്രകടനപത്രിക നരേന്ദ്രമോദിയെ കാണിക്കാന്‍ സമയം ആവശ്യപ്പെട്ട് മല്ലികാര്‍ജുന്‍ ഖാര്‍ഗെ

നരേന്ദ്രമോദിയുടെ വിവാദ പ്രസ്താവനയ്ക്ക് മറുപടിയായാണ് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ സന്ദര്‍ശന സമയം ആവശ്യപ്പെട്ടത്. ഇത്തരമൊരു പ്രസംഗത്തിലൂടെ വര്‍ഗീയതയും മതസ്പര്‍ധയും വളര്‍ത്താനാണ് പ്രധാനമന്ത്രി ശ്രമിച്ചതെന്നും മോദി നടത്തിയത് വിദ്വേഷപ്രസംഗമാണെന്നും ഖാര്‍ഗെ പറഞ്ഞു. കോണ്‍ഗ്രസിന്റെ പ്രകടനപത്രിക ഓരോ ഇന്ത്യക്കാരനും വേണ്ടിയുള്ളതാണെന്നും അത് നരേന്ദ്രമോദി കാണണമെന്നും ഖാര്‍ഗെ കൂട്ടിച്ചേര്‍ത്തു.

National247 days ago