വിദ്യാർഥി പ്രതിഷേധം: ഫെബ്രുവരി 4 വരെ കോഴിക്കോട് NIT അടച്ചിടുന്നു

വിവാദമായ രീതിയില്‍ ഇന്ത്യയുടെ ഭൂപടം വരച്ചതിന് എതിരെ പ്രതിഷേധിച്ച ദളിത് വിദ്യാർഥിയെ ഒരു വർഷത്തേക്ക് സസ്പെൻഡ് ചെയ്ത നടപടി അധികൃതർ മരവിപ്പിച്ചു. വിദ്യാർഥിയെ സസ്പെൻഡ് ചെയ്ത നടപടിയില്‍ വിവിധ വിദ്യാര്‍ഥി സംഘടനകള്‍ പ്രതിഷേധം സംഘടിപ്പിച്ചിരുന്നു. ക്യാംപസില്‍ SFI നടത്തിയ മാർച്ചിൽ സംഘർഷവുമുണ്ടായി.

Tags : KSU,SFI,NIT Calicut

Kerala326 days ago

കേരള യൂണിവേഴ്സിറ്റിയില്‍ സെനറ്റ് തിരഞ്ഞെടുപ്പിനിടെ സംഘര്‍ഷം; KSU- SFI പ്രവര്‍ത്തകര്‍ ഏറ്റുമുട്ടല്‍

യൂണിയന്‍ തെരഞ്ഞെടുപ്പില്‍ ഏഴ് സീറ്റുകളില്‍ SFIയ്യും സെനറ്റ് തിരഞ്ഞെടുപ്പില്‍ രണ്ട് സീറ്റുകളില്‍ KSUവും ആണ് വിജയിച്ചത്. KSUവിന്റെ ജയം റിസര്‍വേഷന്‍ സീറ്റുകളിലാണ്. രജിസ്ട്രാറുടെ സഹായത്തോടെ KSU തിരഞ്ഞെടുപ്പ് അട്ടിമറിച്ചെന്നാരോപിച്ചാണ് ഏറ്റുമുട്ടലുണ്ടായത്. 15 ബാലറ്റ് പേപ്പറുകള്‍ കാണാതായതോടെ തിരഞ്ഞെടുപ്പ് താത്കാലികമായി നിര്‍ത്തിവെക്കേണ്ടി വന്നു.

Kerala104 days ago

കേരള സർവകലാശാല സെനറ്റ്: ഗവർണർക്കെതിരെ SFI നൽകിയ ഹർജി ഹൈക്കോടതി ഫയലിൽ സ്വീകരിച്ചു

കേരള സർവകലാശാല സെനറ്റിലേക്ക് ചാൻസലറായ ഗവർണർ ആരിഫ് മുഹമ്മദ് ഖാൻ നിയമിച്ചവർ യോഗ്യരായവർ അല്ലെന്ന് ആരോപിച്ച് SFI ഹൈക്കോടതിയിൽ ഹർജി സമർപ്പിച്ചു. ഹർജി ഫയലിൽ സ്വീകരിച്ച കോടതി ആരോപണത്തിൽ മറുപടി നൽകണമെന്ന് ആവശ്യപ്പെട്ട് ഗവർണർക്ക് നോട്ടീസ് അയച്ചു. നേരത്തെ സെനറ്റിലേക്ക് ഗവർണർ നൽകിയ ശുപാർശ ഹൈക്കോടതി റദ്ദാക്കിയിരുന്നു. ഇതേത്തുടർന്നാണ് ഗവർണർ വീണ്ടും സെനറ്റിലേക്ക് പുതിയ ആളുകളെ നാമനിർദേശം ചെയ്തത്.

Kerala165 days ago

ഇടിമുറിയിലൂടെ വളര്‍ന്നുവന്ന പ്രസ്ഥാനമല്ല SFI എന്ന് മുഖ്യമന്ത്രി

നിയമസഭയില്‍ അടിയന്തര പ്രമേയ നോട്ടീസിന് മറുപടി നല്‍കിയ മുഖ്യമന്ത്രി SFIയെ അധിക്ഷേപിക്കാന്‍ ബോധപൂര്‍വ്വം ശ്രമം നടക്കുന്നുവെന്ന് പറഞ്ഞു. വിദ്യാര്‍ത്ഥി സംഘടനാ പ്രവര്‍ത്തനത്തിന്റെ ഭാഗമായി കൊലചെയ്യപ്പെട്ടവരില്‍ അധികവും SFI പ്രവര്‍ത്തകരാണെന്ന് പറഞ്ഞ മുഖ്യമന്ത്രി ഇത്തരമൊരു അനുഭവം KSUവിന് പറയാനുണ്ടോ എന്നും ചോദിച്ചു. സംഘര്‍ഷം ഉണ്ടാകുമ്പോള്‍ ഒരു പ്രത്യേക വിദ്യാര്‍ത്ഥി സംഘടനയെ താറടിച്ച് കാണിക്കുന്ന കാഴ്ചപ്പാട് പ്രശ്‌നങ്ങളെ സങ്കീര്‍ണമാക്കുമെന്നും അദ്ദേഹം കൂട്ടിച്ചേര്‍ത്തു.

Kerala174 days ago

മന്ത്രി സജി ചെറിയാൻ വിദ്യാർത്ഥികളുടെ നിലവാരം അളക്കാൻ പാടുപെടേണ്ട: മാപ്പ് പറയണമെന്ന് KSU

പത്താം ക്ലാസ് വിജയിച്ച നല്ലൊരു ശതമാനം കുട്ടികൾക്കും എഴുത്തും വായനയും അറിയില്ലെന്നും എല്ലാവരേയും ജയിപ്പിച്ച് വിടുന്നുമെന്ന മന്ത്രി സജി ചെറിയാന്റെ പ്രസ്താവന വിദ്യാർത്ഥികളെ അപമാനിക്കുന്നതാണെന്ന് KSU. ഭരണഘടനയെ അപമാനിച്ച മന്ത്രി സജി ചെറിയാൻ വിദ്യാർത്ഥികളുടെ നിലവാരം അളക്കേണ്ടെന്നും പ്രസ്താവന പിൻവലിച്ച് മാപ്പ് പറയണമെന്നും KSU സംസ്ഥാന അധ്യക്ഷൻ അലോഷ്യസ് സേവ്യർ പറഞ്ഞു.

Kerala177 days ago

കോഴിക്കോട് NIT യിലെ ജീവനക്കാരുടെ സമരം അവസാനിച്ചു

കോഴിക്കോട് NIT ക്ക് മുന്നിൽ സെക്യൂരിറ്റി ജീവനക്കാരും ശുചീകരണ തൊഴിലാളികളും നടത്തിയിരുന്ന സമരം അവസാനിപ്പിച്ചു. 55 വയസ്സ് കഴിഞ്ഞവരെ ജോലിയിൽ വെയ്ക്കേണ്ടെന്ന് രജിസ്ട്രാർ കരാർ കമ്പനികൾക്ക് നിർദേശം നൽകിയതാണ് പ്രതിഷേധത്തിന് ഇടയാക്കിയത്. ഇതോടെ 80 ശതമാനം പേർക്കും ജോലി നഷ്ടപ്പെടും എന്ന സാഹചര്യമുണ്ടായതോടെ കഴിഞ്ഞ അഞ്ച് ദിവസമായി ജീവനക്കാർ സമരം ചെയ്യുകയായിരുന്നു. ജീവനക്കാർക്ക് പിന്തുണയായി രാഷ്ട്രീയ പാർട്ടികളും എത്തിയതോടെ NIT അധികൃതരും സമരക്കാരും ചർച്ച നടത്തുകയും നിലവിൽ ജോലി ചെയ്യുന്ന എല്ലാവർക്കും തുടരാൻ അനുമതി നൽകണമെന്ന ആവശ്യം അംഗീകരിക്കുകയും ചെയ്തു. ഇതോടെയാണ് ജീവനക്കാർ സമരം അവസാനിപ്പിച്ചത്.

Kerala179 days ago

പ്ലസ് വണ്‍ സീറ്റ് പ്രതിസന്ധി; സംസ്ഥാനത്ത് നാളെ KSU വിദ്യാഭ്യാസ ബന്ദ്

സംസ്ഥാനത്തെ പ്ലസ് വണ്‍ സീറ്റ് പ്രതിസന്ധിയില്‍ വ്യാപക പ്രതിഷേധവുമായി വിദ്യാര്‍ത്ഥി സംഘടനകള്‍. KSU നാളെ സംസ്ഥാന വ്യാപകമായി വിദ്യാഭ്യാസ ബന്ദ് പ്രഖ്യാപിച്ചു. അതേസമയം സമരം നടത്തുന്ന SFI പ്രവര്‍ത്തകരെ പരിഹസിച്ച് വിദ്യാഭ്യാസ മന്ത്രി വി. ശിവന്‍കുട്ടി രംഗത്തെത്തി. സമരം ചെയ്യാന്‍ എല്ലാവര്‍ക്കും അവകാശമുണ്ട്. കുറെനാളായി സമരം ചെയ്യാതിരിക്കുന്നതല്ലേ, ഉഷാറായി വരട്ടെ എന്നായിരുന്നു ശിവന്‍കുട്ടിയുടെ പ്രതികരണം.

Kerala183 days ago

മുഖ്യമന്ത്രിക്ക് നേരെ കരിങ്കൊടി: KSU, MSF പ്രവർത്തകർ അറസ്റ്റിൽ

മലബാറിലെ സീറ്റ് പ്രതിസന്ധി പരിഹരിക്കണമെന്ന് ആവശ്യപ്പെട്ടാണ് KSU, MSF പ്രവർത്തകർ മുഖ്യമന്ത്രി പിണറായി വിജയനു നേരെ കരിങ്കൊടി വീശി പ്രതിഷേധം നടത്തിയത്. കോഴിക്കോട് ഗസ്റ്റ് ഹൗസിൽ നിന്നും ബീച്ചിലേക്ക് മുഖ്യമന്ത്രി പോകുന്നതിനിടെയായിരുന്നു സംഭവം. NGO യൂണിയൻ സംസ്ഥാന സമ്മേളനം ഉദ്ഘാടനം ചെയ്യാനെത്തിയതായിരുന്നു മുഖ്യമന്ത്രി. സംഭവത്തിൽ KSU, MSF പ്രവർത്തകരെ പോലീസ് കസ്റ്റഡിയിലെടുത്തു.

Kerala185 days ago

പ്ലസ് വൺ സീറ്റ് പ്രതിസന്ധി: KSU സമരത്തിലേക്ക്

മലബാർ ജില്ലകളിലെ പ്ലസ് വൺ സീറ്റ് ക്ഷാമത്തിനെതിരെ പ്രതിഷേധം നടത്തുമെന്ന് KSU അറിയിച്ചു. സംസ്ഥാന വ്യാപകമായ പ്രതിഷേധം ഉടൻ ഉണ്ടാകുമെന്നും തുടക്കം എന്ന നിലയിൽ നാളെ കോഴിക്കോട് വിദ്യാഭ്യാസ ഓഫീസിനു മുന്നിൽ ഉപവാസ സമരം നടത്തുമെന്നും KSU സംസ്ഥാന പ്രസിഡന്റ് അലോഷ്യസ് സേവ്യർ പറഞ്ഞു.

Kerala193 days ago

കോഴിക്കോട് NITയില്‍ വിദ്യാര്‍ത്ഥി ആത്മഹത്യ ചെയ്തു

മുംബൈ സ്വദേശി യോഗേശ്വര്‍ നാഥ് (20) ആണ് ഹോസ്റ്റലില്‍ നിന്നും ചാടി ജീവനൊടുക്കിയത്. ഇന്നു രാവിലെ ആറുമണിയോടെയാണ് NITയിലെ സി ബ്ലോക്ക് ഹോസ്റ്റലിന്റെ ആറാം നിലയില്‍ നിന്നും വിദ്യാര്‍ത്ഥി താഴേക്ക് ചാടിയത്. ഗുരുതരമായി പരിക്കേറ്റ വിദ്യാര്‍ത്ഥിയെ ഉടന്‍ തന്നെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. മൂന്നാം വര്‍ഷ മെക്കാനിക്കല്‍ എഞ്ചിനീയറിങ് വിദ്യാര്‍ത്ഥിയായിരുന്നു യോഗേശ്വര്‍.

Kerala233 days ago

തനിക്കെതിരെ SFI നടത്തിയത് പ്രതിഷേധമല്ല ആക്രമണമാണെന്ന് ഗവര്‍ണര്‍

SFI തനിക്കെതിരെ നടത്തിയ് പ്രതിഷേധത്തെ കുറിച്ച് രാഷ്ട്രപതിയെ അറിയിച്ചിട്ടുണ്ടെന്ന് ഗവര്‍ണര്‍ ആരിഫ് മുഹമ്മദ് ഖാന്‍ പറഞ്ഞു. പ്രതിഷേധങ്ങള്‍ക്കും എതിര്‍ അഭിപ്രായങ്ങള്‍ക്കും ജനാധിപത്യത്തില്‍ സ്ഥാനമുണ്ടെന്നും പക്ഷെ അക്രമങ്ങള്‍ക്ക് സ്ഥാനമില്ലെന്നും അത് ജനാധിപത്യവിരുദ്ധമാണെന്നും അദ്ദേഹം പറഞ്ഞു. നേരത്തെ ഗവര്‍ണറും SFIയും തമ്മിലുള്ള സംഘര്‍ഷം രൂക്ഷമായ സാഹചര്യത്തില്‍ കേന്ദ്ര ആഭ്യന്തര മന്ത്രാലയം ഇടപെട്ടിരുന്നു.

Kerala248 days ago