റിപ്പബ്ലിക് ദിനാഘോഷം; മുഖ്യാതിഥിയായി ഫ്രഞ്ച് പ്രസിഡന്റ് ഇമ്മാനുവൽ മാക്രോൺ ഇന്നെത്തും

രണ്ട് ദിവസത്തെ സന്ദർശനത്തിനായെത്തുന്ന മാക്രോൺ രാജസ്ഥാനിലെ ജയ്പൂരിലാണ് ആദ്യം എത്തുന്നത്. തുടർന്ന് ജന്തർമന്ദറിലെത്തി പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച്ച നടത്തുകയും സംഗനേരി ഗേറ്റിലേക്ക് സംയുക്ത റോഡ് ഷോ നടത്തുകയും ചെയ്യും. നാളെ ഡൽഹിയിലെ കർത്തവ്യ പാതയിൽ നടക്കുന്ന റിപ്പബ്ലിക് ദിന പരേഡിൽ മുഖ്യാതിഥിയായും മാക്രോൺ പങ്കെടുക്കും.

Tags : Republic Day,Emmanuel Macron

National453 days ago

UN സുരക്ഷാസമിതിയിൽ സ്ഥിരാംത്വത്തിനുള്ള ഇന്ത്യയുടെ ശ്രമത്തെ പിന്തുണച്ച് ഫ്രഞ്ച് പ്രസിഡന്റ്

ഐക്യരാഷ്ട്ര സഭയുടെ സുരക്ഷാസമിതിയിൽ സ്ഥിരാംഗത്വം നേടാനുള്ള ഇന്ത്യയുടെ ശ്രമത്തെ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ പിന്തുണച്ചു. സുരക്ഷാ സമിതിയെ കൂടുതൽ കാര്യക്ഷമം ആക്കുന്നതിന് കൂടുതൽ രാജ്യങ്ങളുടെ പ്രാതിനിധ്യം ആവശ്യമാണ് അതുകൊണ്ട് സുരക്ഷാ സമിതി വിപുലീകരിക്കുന്നതിന് ഫ്രാൻസ് അനുകൂലമാണെന്ന് UN ജനറൽ അസംബ്ലിയിൽ നടത്തിയ പ്രസംഗത്തിൽ ഇമ്മാനുവൽ മാക്രോൺ പറഞ്ഞു. ഇന്ത്യക്ക് പുറമേ ജർമ്മനി, ജപ്പാൻ, ബ്രസീൽ എന്നീ രാജ്യങ്ങൾക്കും സുരക്ഷാ കൗൺസിലിൽ സ്ഥിരാംഗത്വം നൽകണമെന്നും ഇമ്മാനുവൽ മാക്രോൺ ആവശ്യപ്പെട്ടു.

World207 days ago

ഭക്ഷണം കാത്തുനിന്നവരെ ഇസ്രായേല്‍ കൂട്ടക്കൊല ചെയ്തതിനെതിരെ കടുത്ത വിമര്‍ശനവുമായി ഫ്രഞ്ച് പ്രസിഡന്റ്

ഗസയില്‍ ഇസ്രായേലി സൈനികര്‍ സാധാരണക്കാരെ ലക്ഷ്യമിട്ട് നടത്തിയ അതിക്രമത്തില്‍ കടുത്ത രോഷം രേഖപ്പെടുത്തുന്നതായി ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ പറഞ്ഞു. ഈ കൂട്ടക്കൊലയെ ശക്തമായി അപലപിക്കുന്നുവെന്നും ഉടനടി വെടിനിര്‍ത്തല്‍ നടപ്പാക്കേണ്ടത് അനിവാര്യമാണെന്നും അദ്ദേഹം പറഞ്ഞു. കൂട്ടക്കൊലയുമായി ബന്ധപ്പെട്ട സ്വതന്ത്ര അന്വേഷണത്തിനുള്ള UNന്റെ ആഹ്വാനത്തെ ഫ്രാന്‍സ് പിന്തുണയ്ക്കുന്നതായി ഫ്രാന്‍സ് വിദേശകാര്യ മന്ത്രി സ്റ്റെഫാന്‍ സെജോര്‍ണ്‍ പറഞ്ഞു.

World416 days ago

പ്രധാനമന്ത്രി നരേന്ദ്ര മോദിയും ഫ്രഞ്ച് പ്രസിഡന്റും റോഡ് ഷോ നടത്തി

ഇന്ത്യയുടെ 75-ാമത് റിപ്പബ്ലിക് ദിനത്തിൽ മുഖ്യാതിഥിയായി പങ്കെടുക്കാൻ എത്തിയ ഫ്രഞ്ച് പ്രസിഡന്റ് ഇമ്മാനുവൽ മാക്രോണുമായി പ്രധാനമന്ത്രി നരേന്ദ്ര മോദി രാജസ്ഥാനിലെ ജയ്‌പ്പൂരിൽ റോഡ് ഷോ നടത്തി. ഇത് മൂന്നാം തവണയാണ് മാക്രോൺ ഇന്ത്യ സന്ദർശിക്കുന്നത്.

National452 days ago

ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ ഇന്ത്യയിലെത്തി

റിപ്പബ്ലിക് ദിനാഘോഷത്തിൽ മുഖ്യാതിഥിയായി പങ്കെടുക്കുന്നതിന് ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ ഇന്ത്യയിലെത്തി. രാജസ്ഥാനിലെ ജയ്പൂരിൽ എത്തിയ അദ്ദേഹത്തെ മുഖ്യമന്ത്രി ഭജൻലാൽ ശർമ്മയും കേന്ദ്ര വിദേശകാര്യ മന്ത്രി എസ് ജയശങ്കറും ചേർന്ന് സ്വീകരിച്ചു. രാജസ്ഥാനിലെ ആമ്പർ ഫോർട്ടും ജന്തർ മന്തറും സന്ദർശിച്ച ശേഷം മാക്രോൺ പ്രധാനമന്ത്രി നരേന്ദ്ര മോദിയുമായി ജയ്‌പൂരിൽ റോഡ് ഷോ നടത്തും.

National452 days ago

റിപ്പബ്ലിക് ദിന പരേഡിനുള്ള തയ്യാറെടുപ്പുകൾ കർത്തവ്യപഥിൽ പുരോഗമിക്കുന്നു

രാജ്യത്തിന്റെ 75-ാമത് റിപ്പബ്ലിക്ക് ദിനാഘോഷങ്ങളോട് അനുബന്ധിച്ചുള്ള സേനയുടെ പരേഡിന്റെ തയ്യാറെടുപ്പുകൾ ഡൽഹി കർത്തവ്യപഥിൽ പുരോഗമിക്കുകയാണ്. പരേഡിന് പുറമെ ഇന്ത്യൻ കരസേന യുദ്ധടാങ്കറുകളും സൈനിക വാഹനങ്ങളും മിസൈൽ ലോഞ്ചറുകളും പ്രദർശിപ്പിക്കും.

National456 days ago

റിപ്പബ്ലിക് ദിനാഘോഷം: ഫ്രഞ്ച് പ്രസിഡന്റുമായി പ്രധാനമന്ത്രി റോഡ് ഷോ നടത്തും

റിപ്പബ്ലിക് ദിനത്തിൽ മുഖ്യാതിഥിയായി പങ്കെടുക്കുന്ന ഫ്രഞ്ച് പ്രസിഡന്‍റ് ഇമ്മാനുവൽ മാക്രോണിനൊപ്പം പ്രധാനമന്ത്രി നരേന്ദ്ര മോദി റോഡ് ഷോ നടത്തും. റിപ്പബ്ലിക് ദിനത്തിന്റെ തലേ ദിവസമായ ജനുവരി 25 ന് ജയ്പൂരിൽ വെച്ചാണ് റോഡ് ഷോ നടത്താൻ തീരുമാനിച്ചിരിക്കുന്നത്.

National457 days ago

ഡല്‍ഹി വിമാനത്താവളത്തില്‍ ഈ മാസം 26 വരെ വിമാന സര്‍വീസുകള്‍ക്ക് നിയന്ത്രണം

75ാമത് റിപ്പബ്ലിക് ദിനാഘോഷത്തിന്‍റെ ഭാഗമായി സുരക്ഷ ശക്തമാക്കുന്നതിനാല്‍ ആണ് ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ നിയന്ത്രണങ്ങള്‍ കൊണ്ടു വരുന്നത്. രാവിലെ 10.20 നും ഉച്ചയ്ക്ക് 12.45 നും ഇടയില്‍ വിമാനങ്ങള്‍ ലാന്‍ഡ് ചെയ്യാനോ ടേക്ക് ഓഫ് ചെയ്യാനോ പാടുളളല്ലതെന്ന് അധികൃതര്‍ അറിയിച്ചു.Read More

National458 days ago

റിപബ്ലിക് ദിന പരേഡ്: കേരളത്തിലെ ഇരുനൂറോളം പേർക്ക് ക്ഷണം

കേന്ദ്ര സർക്കാർ പദ്ധതികളുടെ ഗുണഭോക്താക്കളേയും മൻ കി ബാത്തിൽ പരാമർശിച്ചവരേയും വീർഗാഥ 3.0 മത്സര വിജയികളേയും ക്ഷണിച്ചിട്ടുണ്ട്. ISRO ദൗത്യങ്ങളിൽ പങ്കാളികളായ ശാസ്ത്ര‍ജ്ഞരും ക്ഷണിതാക്കളിൽ ഉൾപ്പെടുന്നു. ന്യൂഡൽഹിയിലെ കർത്തവ്യപഥിലാണ് 75-ാം റിപബ്ലിക് ദിന പരേഡ് നടക്കുന്നത്.

Kerala460 days ago

റിപ്പബ്ലിക്ക് ദിന പരേഡിൽ കർണാടകയുടെ നിശ്ചലദൃശ്യത്തിനും അനുമതി നിഷേധിച്ചു

കേരളത്തിനു പിന്നാലെ റിപ്പബ്ലിക്ക് ദിന പരേഡിൽ കർണാടക സമർപ്പിച്ച നിശ്ചലദൃശ്യത്തിനും കേന്ദ്ര ആഭ്യന്തര മന്ത്രാലയം അംഗീകാരം നൽകിയില്ല. നിശ്ചലദൃശ്യത്തിന് അനുമതി നൽകാത്ത കേന്ദ്രത്തിന്റെ പ്രവൃത്തി കന്നഡിഗരെ അപമാനിക്കുന്നതാണെന്ന് കർണാടക മുഖ്യമന്ത്രി സിദ്ധരാമയ്യ കുറ്റപ്പെടുത്തി.

National467 days ago

2024 റിപ്പബ്ലിക് ദിനം: ഫ്രഞ്ച് പ്രസിഡന്റ് മുഖ്യാതിഥി

വരുന്ന റിപ്പബ്ലിക് ദിനാഘോഷത്തിൽ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ മുഖ്യാതിഥിയാകും. പ്രധാനമന്ത്രി നരേന്ദ്രമോദിയുടെ ക്ഷണം മാക്രോൺ സ്വീകരിച്ചു. ഈ വർഷത്തെ ഫ്രാൻസിൻ്റെ ദേശിയ ദിനാഘോഷത്തിൽ നരേന്ദ്രമോദി വിശിഷ്ടാതിഥിയായി പങ്കെടുത്തിരുന്നു.

National486 days ago