മഹാരാജാസ് കോളേജിലെ സംഘര്‍ഷം ; 21 വിദ്യാർത്ഥികൾക്ക് സസ്പെൻഷൻ

അന്വേഷണ കമ്മീഷൻ റിപ്പോർട്ട് സമർപ്പിക്കുന്നതുവരെയാണ് 13 KSU - ഫ്രട്ടേണിറ്റി പ്രവർത്തകരെയും എട്ട് SFI പ്രവര്‍ത്തകരെയും സസ്പെൻഡ് ചെയ്തിരിക്കുന്നത്. ഈ കാലയളവിൽ വിദ്യാർത്ഥികൾ ക്യാംപസിനുള്ളിൽ പ്രവേശിക്കരുതെന്നും പ്രിന്‍സിപ്പല്‍ ഇന്‍ ചാര്‍ജിന്റെ ഉത്തരവില്‍ പറയുന്നു.

Tags : KSU,Maharajas College,SFI

Kerala335 days ago

കേരള യൂണിവേഴ്സിറ്റിയില്‍ സെനറ്റ് തിരഞ്ഞെടുപ്പിനിടെ സംഘര്‍ഷം; KSU- SFI പ്രവര്‍ത്തകര്‍ ഏറ്റുമുട്ടല്‍

യൂണിയന്‍ തെരഞ്ഞെടുപ്പില്‍ ഏഴ് സീറ്റുകളില്‍ SFIയ്യും സെനറ്റ് തിരഞ്ഞെടുപ്പില്‍ രണ്ട് സീറ്റുകളില്‍ KSUവും ആണ് വിജയിച്ചത്. KSUവിന്റെ ജയം റിസര്‍വേഷന്‍ സീറ്റുകളിലാണ്. രജിസ്ട്രാറുടെ സഹായത്തോടെ KSU തിരഞ്ഞെടുപ്പ് അട്ടിമറിച്ചെന്നാരോപിച്ചാണ് ഏറ്റുമുട്ടലുണ്ടായത്. 15 ബാലറ്റ് പേപ്പറുകള്‍ കാണാതായതോടെ തിരഞ്ഞെടുപ്പ് താത്കാലികമായി നിര്‍ത്തിവെക്കേണ്ടി വന്നു.

Kerala105 days ago

കേരള സർവകലാശാല സെനറ്റ്: ഗവർണർക്കെതിരെ SFI നൽകിയ ഹർജി ഹൈക്കോടതി ഫയലിൽ സ്വീകരിച്ചു

കേരള സർവകലാശാല സെനറ്റിലേക്ക് ചാൻസലറായ ഗവർണർ ആരിഫ് മുഹമ്മദ് ഖാൻ നിയമിച്ചവർ യോഗ്യരായവർ അല്ലെന്ന് ആരോപിച്ച് SFI ഹൈക്കോടതിയിൽ ഹർജി സമർപ്പിച്ചു. ഹർജി ഫയലിൽ സ്വീകരിച്ച കോടതി ആരോപണത്തിൽ മറുപടി നൽകണമെന്ന് ആവശ്യപ്പെട്ട് ഗവർണർക്ക് നോട്ടീസ് അയച്ചു. നേരത്തെ സെനറ്റിലേക്ക് ഗവർണർ നൽകിയ ശുപാർശ ഹൈക്കോടതി റദ്ദാക്കിയിരുന്നു. ഇതേത്തുടർന്നാണ് ഗവർണർ വീണ്ടും സെനറ്റിലേക്ക് പുതിയ ആളുകളെ നാമനിർദേശം ചെയ്തത്.

Kerala166 days ago

ഇടിമുറിയിലൂടെ വളര്‍ന്നുവന്ന പ്രസ്ഥാനമല്ല SFI എന്ന് മുഖ്യമന്ത്രി

നിയമസഭയില്‍ അടിയന്തര പ്രമേയ നോട്ടീസിന് മറുപടി നല്‍കിയ മുഖ്യമന്ത്രി SFIയെ അധിക്ഷേപിക്കാന്‍ ബോധപൂര്‍വ്വം ശ്രമം നടക്കുന്നുവെന്ന് പറഞ്ഞു. വിദ്യാര്‍ത്ഥി സംഘടനാ പ്രവര്‍ത്തനത്തിന്റെ ഭാഗമായി കൊലചെയ്യപ്പെട്ടവരില്‍ അധികവും SFI പ്രവര്‍ത്തകരാണെന്ന് പറഞ്ഞ മുഖ്യമന്ത്രി ഇത്തരമൊരു അനുഭവം KSUവിന് പറയാനുണ്ടോ എന്നും ചോദിച്ചു. സംഘര്‍ഷം ഉണ്ടാകുമ്പോള്‍ ഒരു പ്രത്യേക വിദ്യാര്‍ത്ഥി സംഘടനയെ താറടിച്ച് കാണിക്കുന്ന കാഴ്ചപ്പാട് പ്രശ്‌നങ്ങളെ സങ്കീര്‍ണമാക്കുമെന്നും അദ്ദേഹം കൂട്ടിച്ചേര്‍ത്തു.

Kerala175 days ago

മന്ത്രി സജി ചെറിയാൻ വിദ്യാർത്ഥികളുടെ നിലവാരം അളക്കാൻ പാടുപെടേണ്ട: മാപ്പ് പറയണമെന്ന് KSU

പത്താം ക്ലാസ് വിജയിച്ച നല്ലൊരു ശതമാനം കുട്ടികൾക്കും എഴുത്തും വായനയും അറിയില്ലെന്നും എല്ലാവരേയും ജയിപ്പിച്ച് വിടുന്നുമെന്ന മന്ത്രി സജി ചെറിയാന്റെ പ്രസ്താവന വിദ്യാർത്ഥികളെ അപമാനിക്കുന്നതാണെന്ന് KSU. ഭരണഘടനയെ അപമാനിച്ച മന്ത്രി സജി ചെറിയാൻ വിദ്യാർത്ഥികളുടെ നിലവാരം അളക്കേണ്ടെന്നും പ്രസ്താവന പിൻവലിച്ച് മാപ്പ് പറയണമെന്നും KSU സംസ്ഥാന അധ്യക്ഷൻ അലോഷ്യസ് സേവ്യർ പറഞ്ഞു.

Kerala178 days ago

പ്ലസ് വണ്‍ സീറ്റ് പ്രതിസന്ധി; സംസ്ഥാനത്ത് നാളെ KSU വിദ്യാഭ്യാസ ബന്ദ്

സംസ്ഥാനത്തെ പ്ലസ് വണ്‍ സീറ്റ് പ്രതിസന്ധിയില്‍ വ്യാപക പ്രതിഷേധവുമായി വിദ്യാര്‍ത്ഥി സംഘടനകള്‍. KSU നാളെ സംസ്ഥാന വ്യാപകമായി വിദ്യാഭ്യാസ ബന്ദ് പ്രഖ്യാപിച്ചു. അതേസമയം സമരം നടത്തുന്ന SFI പ്രവര്‍ത്തകരെ പരിഹസിച്ച് വിദ്യാഭ്യാസ മന്ത്രി വി. ശിവന്‍കുട്ടി രംഗത്തെത്തി. സമരം ചെയ്യാന്‍ എല്ലാവര്‍ക്കും അവകാശമുണ്ട്. കുറെനാളായി സമരം ചെയ്യാതിരിക്കുന്നതല്ലേ, ഉഷാറായി വരട്ടെ എന്നായിരുന്നു ശിവന്‍കുട്ടിയുടെ പ്രതികരണം.

Kerala184 days ago

മുഖ്യമന്ത്രിക്ക് നേരെ കരിങ്കൊടി: KSU, MSF പ്രവർത്തകർ അറസ്റ്റിൽ

മലബാറിലെ സീറ്റ് പ്രതിസന്ധി പരിഹരിക്കണമെന്ന് ആവശ്യപ്പെട്ടാണ് KSU, MSF പ്രവർത്തകർ മുഖ്യമന്ത്രി പിണറായി വിജയനു നേരെ കരിങ്കൊടി വീശി പ്രതിഷേധം നടത്തിയത്. കോഴിക്കോട് ഗസ്റ്റ് ഹൗസിൽ നിന്നും ബീച്ചിലേക്ക് മുഖ്യമന്ത്രി പോകുന്നതിനിടെയായിരുന്നു സംഭവം. NGO യൂണിയൻ സംസ്ഥാന സമ്മേളനം ഉദ്ഘാടനം ചെയ്യാനെത്തിയതായിരുന്നു മുഖ്യമന്ത്രി. സംഭവത്തിൽ KSU, MSF പ്രവർത്തകരെ പോലീസ് കസ്റ്റഡിയിലെടുത്തു.

Kerala186 days ago

പ്ലസ് വൺ സീറ്റ് പ്രതിസന്ധി: KSU സമരത്തിലേക്ക്

മലബാർ ജില്ലകളിലെ പ്ലസ് വൺ സീറ്റ് ക്ഷാമത്തിനെതിരെ പ്രതിഷേധം നടത്തുമെന്ന് KSU അറിയിച്ചു. സംസ്ഥാന വ്യാപകമായ പ്രതിഷേധം ഉടൻ ഉണ്ടാകുമെന്നും തുടക്കം എന്ന നിലയിൽ നാളെ കോഴിക്കോട് വിദ്യാഭ്യാസ ഓഫീസിനു മുന്നിൽ ഉപവാസ സമരം നടത്തുമെന്നും KSU സംസ്ഥാന പ്രസിഡന്റ് അലോഷ്യസ് സേവ്യർ പറഞ്ഞു.

Kerala194 days ago

തനിക്കെതിരെ SFI നടത്തിയത് പ്രതിഷേധമല്ല ആക്രമണമാണെന്ന് ഗവര്‍ണര്‍

SFI തനിക്കെതിരെ നടത്തിയ് പ്രതിഷേധത്തെ കുറിച്ച് രാഷ്ട്രപതിയെ അറിയിച്ചിട്ടുണ്ടെന്ന് ഗവര്‍ണര്‍ ആരിഫ് മുഹമ്മദ് ഖാന്‍ പറഞ്ഞു. പ്രതിഷേധങ്ങള്‍ക്കും എതിര്‍ അഭിപ്രായങ്ങള്‍ക്കും ജനാധിപത്യത്തില്‍ സ്ഥാനമുണ്ടെന്നും പക്ഷെ അക്രമങ്ങള്‍ക്ക് സ്ഥാനമില്ലെന്നും അത് ജനാധിപത്യവിരുദ്ധമാണെന്നും അദ്ദേഹം പറഞ്ഞു. നേരത്തെ ഗവര്‍ണറും SFIയും തമ്മിലുള്ള സംഘര്‍ഷം രൂക്ഷമായ സാഹചര്യത്തില്‍ കേന്ദ്ര ആഭ്യന്തര മന്ത്രാലയം ഇടപെട്ടിരുന്നു.

Kerala249 days ago

കലോത്സവത്തിനിടെ സംഘര്‍ഷം; SFI- KSU പ്രവര്‍ത്തകര്‍ക്കെതിരെ കേസ്

കേരള സര്‍വകലാശാല കലോത്സവത്തിന്റെ വേദിയായ യൂണിവേഴ്‌സിറ്റി സെനറ്റ് ഹാളിലാണ് ഇന്നലെ SFI- KSU പ്രവര്‍ത്തകര്‍ തമ്മില്‍ സംഘര്‍ഷമുണ്ടായത്. KSU പ്രവര്‍ത്തകരെ മര്‍ദ്ദിച്ചതിന് SFI ജില്ലാ ഭാരവാഹികള്‍ അടക്കമുള്ള SFI പ്രവര്‍ത്തകര്‍ക്കെതിരെ പോലീസ് രണ്ട് കേസ് രജിസ്റ്റര്‍ ചെയ്തു. കലോത്സവേദിയില്‍ ഇടിച്ചു കയറിയതിനാണ് KSU പ്രവര്‍ത്തകര്‍ക്കെതിരെ പോലീസ് കേസെടുത്തിരിക്കുന്നത്.

Kerala290 days ago

നാളത്തെ വിദ്യാഭ്യാസ ബന്ദ് പൊതുപരീക്ഷകളെ ബാധിക്കില്ലെന്ന് KSU

സിദ്ധാർത്ഥിന്റെ മരണത്തിൽ പ്രതിഷേധിച്ച് പൂക്കോട് വെറ്ററിനറി സർവകലാശാലയിലേക്ക് നടത്തിയ മാർച്ചിന് നേരെയുണ്ടായ പോലീസ് അതിക്രമത്തിൽ പ്രതിഷേധിച്ചാണ് വിദ്യാഭ്യാസ ബന്ദ് പ്രഖ്യാപിച്ചത്. നാളത്തെ ബന്ദ് SSLC, പ്ലസ് ടു, യൂണിവേഴ്സിറ്റി പരീക്ഷകളെ ബാധിക്കില്ലെന്ന് KSU അറിയിച്ചു. പരീക്ഷകൾ നടക്കുന്ന സാഹചര്യത്തിൽ ബന്ദ് പ്രഖ്യാപിച്ചത് ആശങ്ക ഉണ്ടാക്കിയിരുന്നു. ഇതേത്തുടർന്നാണ് KSU വ്യക്തത വരുത്തിയത്.

Kerala296 days ago