JEE മെയിന്‍ പരീക്ഷയുടെ ആദ്യ സെഷന്‍ പരീക്ഷാഫലം പ്രസിദ്ധീകരിച്ചു

ദേശീയ ടെസ്റ്റിങ് ഏജന്‍സിയാണ് എഞ്ചിനീയറിങ് പ്രവേശനത്തിനുള്ള JEE മെയിന്‍ പരീക്ഷയുടെ ഫലം പുറത്തുവിട്ടത്. വിദ്യാര്‍ഥികള്‍ക്ക് jeemains.nta.ac.in എന്ന ഔദ്യോഗിക വെബ്‌സൈറ്റില്‍ ഫലം പരിശോധിക്കാം. പരീക്ഷയെഴുതിയതില്‍ 23 പേര്‍ക്കു നൂറു ശതമാനം മാര്‍ക്ക് ലഭിച്ചു. 12,25,529 വിദ്യാര്‍ഥികളാണ് ഇത്തവണ പരീക്ഷയെഴുതിയത്.

Tags : JEE,Education

Education315 days ago

എട്ടാം ക്ലാസില്‍ ഇനി മുതല്‍ ഓള്‍ പാസ് ഇല്ല

എട്ടാം ക്ലാസ് ജയിക്കാന്‍ മിനിമം മാര്‍ക്ക് നിര്‍ബന്ധമാക്കാന്‍ മന്ത്രിസഭാ യോഗത്തില്‍ തീരുമാനമായി. അടുത്ത വര്‍ഷം മുതല്‍ ഒന്‍പതാം ക്ലാസിലും മിനിമം മാര്‍ക്ക് കൊണ്ടുവരും. എഴുത്തുപരീക്ഷയ്ക്ക് ഓരോ വിഷയത്തിനും 30 ശതമാനം മാര്‍ക്കും നിര്‍ബന്ധമാക്കും. വിദ്യാഭ്യാസ കോണ്‍ക്ലേവിന്റെ ശുപാര്‍ശ അംഗീകരിച്ചാണ് മന്ത്രിസഭ യോഗത്തിലെ ഈ തീരുമാനം. സംസ്ഥാനത്തെ സര്‍ക്കാര്‍ സ്‌കൂളുകളിലെ വിദ്യാഭ്യാസ ഗുണനിലവാരം കുറയുന്നതായി ആരോപണം ഉയരുന്ന സാഹചര്യത്തിലാണ് നടപടി.

Education139 days ago

സ്‌കൂള്‍ സമയമാറ്റം നിലവില്‍ അജണ്ടയില്‍ ഇല്ല: വി. ശിവന്‍കുട്ടി

ഖാദര്‍ കമ്മിറ്റി ശുപാര്‍ശയുടെ ഒരു ഭാഗത്തിനാണ് ക്യാബിനറ്റ് അംഗീകാരം നല്‍കിയത്. എല്ലാ ശുപാര്‍ശയും നടപ്പാക്കില്ല. സ്‌കൂള്‍ സമയമാറ്റം നിലവില്‍ അജണ്ടയില്‍ ഇല്ലെന്നും വിദ്യാഭ്യാസ മന്ത്രി വി. ശിവന്‍കുട്ടി വ്യക്തമാക്കി. സ്‌കൂള്‍ സമയം രാവിലെ എട്ട് മുതല്‍ ഉച്ചയ്ക്ക് ഒരു മണി വരെയായി ക്രമീകരിക്കണമെന്നാണ് ഖാദര്‍ കമ്മിറ്റി ശുപാര്‍ശ. എന്നാല്‍ ഇതിനെതിരെ അധ്യാപക സംഘടനകളില്‍ നിന്നടക്കം എതിര്‍പ്പുകള്‍ ഉയര്‍ന്നിരുന്നു. ഇതിന് പിന്നാലെയാണ് മന്ത്രിയുടെ വിശദീകരണം.

Education144 days ago

ഗേറ്റ് 2025: ഓഗസ്റ്റ് 24 മുതല്‍ അപേക്ഷിക്കാം

ഗേറ്റ് പ്രവേശനപ്പരീക്ഷയ്ക്ക് ഓഗസ്റ്റ് 24 മുതല്‍ ഓണ്‍ലൈനായി അപേക്ഷിക്കാം. സെപ്റ്റംബര്‍ 26 ആണ് അപേക്ഷിക്കുന്നതിനുള്ള അവസാന തീയതി. പിഴ നല്‍കി ഒക്ടോബര്‍ ഏഴ് വരെ അപേക്ഷിക്കാം. ഗേറ്റ് 2025 ഫെബ്രുവരി 1, 2, 15, 16 തീയതികളിലായി നടത്തുമെന്ന് IIT റൂര്‍ക്കി നേരത്തെ അറിയിച്ചിരുന്നു. എഞ്ചിനീയറിങ്, ആര്‍ക്കിടെക്ചര്‍, ടെക്നോളജി, സയന്‍സ്, ഹ്യുമാനിറ്റീസ് ഉള്‍പ്പെടെയുളള വിഷയങ്ങളിലെ ഉപരിപഠനത്തിനുള്ള ദേശീയ യോഗ്യതാ പരീക്ഷയാണ് ഗേറ്റ് (ഗ്രാജ്വേറ്റ് ആപ്റ്റിറ്റിയൂഡ് ടെസ്റ്റ് ഇന്‍ എഞ്ചിനീയറിങ്)

Education153 days ago

സ്‌കൂളില്‍ 220 പ്രവൃത്തിദിനം; അഞ്ചാം ക്ലാസ് വരെയുളളവരെ ഒഴിവാക്കി

സംസ്ഥാനത്തെ ഒന്നു മുതല്‍ അഞ്ച് വരെ ക്ലാസുകളില്‍ സ്‌കൂള്‍ പ്രവൃത്തി ദിനങ്ങള്‍ വീണ്ടും 200 ആക്കും. വിദ്യാഭ്യാസ മന്ത്രി വി. ശിവന്‍കുട്ടിയുടെ നേതൃത്വത്തില്‍ ചേര്‍ന്ന യോഗത്തിലാണ്, പത്താം ക്ലാസ് വരെയുള്ള സ്‌കൂളുകളിലെ പ്രവൃത്തി ദിനം 220 ആക്കി ഉയര്‍ത്തിയ തീരുമാനത്തില്‍ അഞ്ചാം ക്ലാസ് വരെ ഇളവ് വരുത്തിയത്. ഈ അധ്യായന വര്‍ഷത്തെ പ്രവൃത്തി ദിനങ്ങള്‍ 220 ആക്കി കൂട്ടിയതില്‍ അധ്യാപക സംഘടനകള്‍ പ്രതിഷേധം ഉയര്‍ത്തിയ സാഹചര്യത്തിലാണ് മന്ത്രിയുടെ നേതൃത്വത്തില്‍ യോഗം ചേര്‍ന്നത്.

Education186 days ago

സംസ്ഥാനത്ത് ഈ വര്‍ഷം മുതല്‍ നാല് വര്‍ഷ ബിരുദ കോഴ്‌സുകള്‍ ആരംഭിക്കും: മന്ത്രി ആര്‍. ബിന്ദു

നാലുവര്‍ഷ ബിരുദ പ്രോഗ്രാമിന്റെ ക്ലാസുകള്‍ ജൂലൈ ഒന്നിന് ആരംഭിക്കുമെന്ന് ഉന്നത വിദ്യാഭ്യാസ മന്ത്രി ആര്‍. ബിന്ദു അറിയിച്ചു. മെയ് 20ന് മുമ്പ് ഇതിനായുളള അപേക്ഷ ക്ഷണിക്കും. ജൂണ്‍ 15നകം ട്രയല്‍ റാങ്ക് ലിസ്റ്റും അവസാന റാങ്ക് ലിസ്റ്റും പ്രസിദ്ധീകരിക്കുമെന്നും ജൂണ്‍ 20 മുതല്‍ പ്രവേശനം ആരംഭിക്കുമെന്നും മന്ത്രി കൂട്ടിച്ചേര്‍ത്തു. കേരളത്തിന്റെ ഉന്നതവിദ്യാഭ്യാസ മേഖലയിലെ സുപ്രധാനമായ ചുവടുവെപ്പാകും ഈ നാലുവര്‍ഷ ബിരുദ പദ്ധതിയെന്നാണ് വിലയിരുത്തുന്നത്.

Education228 days ago

നൂറുമേനി വിജയം നേടിയ സര്‍ക്കാര്‍ സ്‌കൂളുകളുടെ എണ്ണത്തില്‍ കുറവ്; അന്വേഷണം പ്രഖ്യാപിച്ച് വിദ്യാഭ്യാസ മന്ത്രി

സംസ്ഥാനത്തെ ഹയര്‍ സെക്കണ്ടറി പരീക്ഷാ ഫലം പുറത്തുവന്നപ്പോള്‍ 100 ശതമാനം വിജയം നേടിയത് ഏഴ് സര്‍ക്കാര്‍ സ്‌കൂളുകള്‍ മാത്രമാണ്. ഇക്കാര്യത്തില്‍ അന്വേഷണം നടത്തി രണ്ടാഴ്ചക്കകം റിപ്പോര്‍ട്ട് നല്‍കണമെന്നാണ് വിദ്യാഭ്യാസ മന്ത്രി ആവശ്യപ്പെട്ടിരിക്കുന്നത്. സംസ്ഥാനത്ത് പൊതുവിദ്യാഭ്യാസ രീതി മെച്ചപ്പെടുത്താന്‍ തീരുമാനിച്ചിട്ടുണ്ടെന്നും വിദ്യാഭ്യാസ മന്ത്രി വി. ശിവന്‍കുട്ടി കൂട്ടിച്ചേര്‍ത്തു.

Kerala229 days ago

JEE മെയിന്‍ 2024 സെഷന്‍ 2 ഫലങ്ങള്‍ പ്രഖ്യാപിച്ചു

പരീക്ഷ എഴുതിയ 8.2 ലക്ഷം വിദ്യാര്‍ത്ഥികളില്‍ 56 പേര്‍ 100 ശതമാനം വിജയം നേടിയിട്ടുണ്ട്. JEE അഡ്വാന്‍സ്ഡ് കട്ട് ഓഫ് മാര്‍ക്കും ഇത്തവണ ഉയര്‍ത്തിയിട്ടുണ്ട്. ജനറല്‍ വിഭാഗത്തില്‍ വരുന്ന ഉദ്യോഗാര്‍ത്ഥികള്‍ക്കുള്ള ഏറ്റവും കുറഞ്ഞ കട്ട് ഓഫ് മാര്‍ക്ക് 93.2 ശതമാനമാണ്. വിദ്യാര്‍ത്ഥികള്‍ക്ക് http://jeemain.nta.ac.in ഔദ്യോഗിക വെബ്സൈറ്റ് വഴി പരീക്ഷാ ഫലം പരിശോധിക്കുവാനും സ്‌കോര്‍ കാര്‍ഡുകള്‍ ഡൗണ്‍ലോഡ് ചെയ്യാന്‍ കഴിയും.

Education243 days ago

JEE അഡ്വാന്‍സ്ഡ്‌ പരീക്ഷ മേയ് 26ന്

IIT യിലെ 2024-25 ലെ UG പ്രോഗ്രാമുകളിലേക്ക് നടത്തുന്ന ജോയിന്റ് എൻട്രൻസ് എക്‌സാമിനേഷൻ (JEE) അഡ്വാൻസ്‌ഡ് മെയ് 26ന് നടത്തും. പരീക്ഷയ്ക്കുള്ള രജിസ്‌ട്രേഷൻ ഏപ്രിൽ 27ന് ആരംഭിക്കും. അപേക്ഷിക്കാൻ ആഗ്രഹിക്കുന്ന വിദ്യാർത്ഥികൾക്ക് JEE അഡ്വാൻസ്ഡിൻ്റെ ഔദ്യോഗിക വെബ്‌സൈറ്റായ jeeadv.ac.in-ൽ ലിങ്ക് ലഭിക്കും. മെയ് 7 ആണ് അപേക്ഷിക്കാനുള്ള അവസാന തീയതി. മെയ് 17 മുതൽ അഡ്മിറ്റ് കാർഡുകൾ ലഭ്യമാകും.

Education246 days ago

കേന്ദ്രീയ വിദ്യാലയങ്ങളിലെ ഒറ്റ പെൺകുട്ടി സംവരണം നിർത്തലാക്കരുത്: വിദ്യാഭ്യാസ മന്ത്രി

കേന്ദ്രീയ വിദ്യാലയങ്ങളിൽ ഒറ്റപെൺകുട്ടി സംവരണം പുനഃസ്ഥാപിക്കാന്‍ കേന്ദ്ര വിദ്യാഭ്യാസ മന്ത്രി ഇടപെടണമെന്ന് മന്ത്രി വി. ശിവൻകുട്ടി. ലിംഗസമത്വത്തിൻ്റെയും സ്ത്രീ ശാക്തീകരണത്തിൻ്റെയും ഉന്നമനത്തിനായി തീരുമാനം പുന:പരിശോധിക്കണം. മാതാപിതാക്കളുടെ ഒറ്റ മകൾക്ക് കേന്ദ്രീയ വിദ്യാലയങ്ങളിൽ പ്രവേശനം നേടാനുള്ള അവസരം ഈ തീരുമാനം പരിമിതപ്പെടുത്തുന്നുവെന്നും അദ്ദേഹം പറഞ്ഞു. 2024-25 അധ്യയന വർഷത്തേയ്ക്കുള്ള പ്രവേശന പ്രക്രിയയിലാണ് കേന്ദ്രീയ വിദ്യാലയങ്ങളിൽ ഒറ്റപെൺകുട്ടി സംവരണം നിർത്തലാക്കിയത്.

Education260 days ago

കേന്ദ്രീയവിദ്യാലയത്തില്‍ 2024-25 അധ്യയന വര്‍ഷത്തേക്കുളള പ്രവേശനം ആരംഭിച്ചു

ഒന്നു മുതല്‍ 12 വരെയുളള ക്ലാസുകളിലേക്കുളള പ്രവേശനത്തിനുളള അപേക്ഷാ നടപടികളാണ് ആരംഭിച്ചത്. ഏപ്രില്‍ 15 വൈകിട്ട് അഞ്ച് മണി വരെ ഒന്നാം ക്ലാസിലേക്കുള്ള പ്രവേശനത്തിനായി അപേക്ഷ സമര്‍പ്പിക്കാം. https://kvsonlineadmission.kvs.gov.in എന്ന ഔദ്യോഗിക വെബ്സൈറ്റ് വഴിയാണ് അപേക്ഷ സമര്‍പ്പിക്കേണ്ടത്. പത്താം ക്ലാസ് ബോര്‍ഡ് പരീക്ഷാഫലം പ്രഖ്യാപിച്ച് പത്ത് ദിവസത്തിന് ശേഷം 11ാം ക്ലാസ് പ്രവേശനത്തിനുള്ള രജിസ്‌ട്രേഷന്‍ ആരംഭിക്കും.

Education266 days ago