ഉപയോക്താക്കള്‍ക്കായി AI ഷോപ്പിംഗ് അസിസ്റ്റന്റിനെ അവതരിപ്പിച്ച് ആമസോണ്‍

ഉപയോക്താക്കളുടെ ഷോപ്പിംഗ് അനുഭവം കൂടുതല്‍ മെച്ചപ്പെടുത്തുന്നതിന് വേണ്ടി കഴിഞ്ഞ ആഴ്ചയാണ് റൂഫസ് എന്ന AI ഷോപ്പിംഗ് അസിസ്റ്റന്റിനെ ആമസോണ്‍ അവതരിപ്പിച്ചത്. റൂഫസ് ചാറ്റ്‌ബോട്ട് ചോദ്യങ്ങള്‍ക്ക് കൃത്യമായ ഉത്തരം നല്‍കുകയും ഉല്‍പ്പന്നങ്ങള്‍ താരതമ്യം ചെയ്യുകയും നിര്‍ദേശങ്ങള്‍ നല്‍കുകയും ചെയ്യുമെന്ന് ആമസോണ്‍ വ്യക്തമാക്കി. നിലവില്‍ usലെ ആമസോണ്‍ ഉപയോക്താക്കള്‍ക്ക് മാത്രമെ സേവനം ലഭ്യമാവുകയുള്ളു.

Tags : Artificial Intelligence,Amazon

Technology439 days ago

വര്‍ക്ക് ഫ്രം ഹോം സംവിധാനം അവസാനിപ്പിക്കാനൊരുങ്ങി ആമസോണ്‍

2025 ജനുവരി 2 മുതല്‍ ജീവനക്കാര്‍ ആഴ്ചയില്‍ അഞ്ച് ദിവസവും ഓഫീസിലെത്തണമെന്നാണ് ആമസോണ്‍ അറിയിച്ചിരിക്കുന്നത്. കോവിഡിനെ തുടര്‍ന്ന് നടപ്പാക്കിയ വര്‍ക്ക് ഫ്രം ഹോം ജോലി രീതി അവസാനിപ്പിക്കുകയാണെന്നും കോവിഡിന് മുമ്പ് എങ്ങനെയായിരുന്നോ ആ രീതിയിലുള്ള ജോലിയിലേക്ക് മടങ്ങാന്‍ തീരുമാനിച്ചിതായും CEO ആന്‍ഡി ജാസ്സി. അസാധാരണമായ സാഹചര്യങ്ങളിലൊഴികെ 2025 ജനുവരി 2 മുതല്‍ എല്ലാ ജീവനക്കാരും ആഴ്ചയിലെ അഞ്ച് ദിവസം ഓഫീസിലുണ്ടായിരിക്കണമെന്നും അദ്ദേഹം പറഞ്ഞു. ജീവനക്കാര്‍ക്ക് അയച്ച കത്തിലൂടെയാണ് ഇക്കാര്യം വ്യക്തമാക്കിയിരിക്കുന്നത്.

Technology215 days ago

ആമസോണ്‍ പ്രൈം ഡേ സെയില്‍ ജൂലൈ 20ന് ആരംഭിക്കും

ആമസോണ്‍ പ്രൈം ഡേ 2024 സെയില്‍ ജൂലൈ 20, ജൂലൈ 21 തീയതികളിലായി നടക്കും. സെയിലില്‍ സ്മാര്‍ട്ട് ഫോണുകള്‍, ഇലക്ട്രോണിക് ഉപകരണങ്ങള്‍, ഹെഡ്‌സെറ്റുകള്‍ തുടങ്ങി നിരവധി ഉല്‍പ്പന്നങ്ങള്‍ ഉപഭോക്താക്കള്‍ക്ക് വന്‍ വില കിഴിവില്‍ വാങ്ങാം. ചില ഉല്‍പ്പന്നങ്ങളില്‍ 80 ശതമാനം വരെ കിഴിവുകള്‍ നേടാനാകും. അതുപോലെ ICICI, SBI ക്രെഡിറ്റ് കാര്‍ഡ് ഉടമകള്‍ക്ക് പ്രത്യേക ഇളവും ലഭിക്കുന്നതായിരിക്കും.

Technology281 days ago

സാംസങ് ഗാലക്സി ബുക്ക് 4 എഡ്ജ് പുറത്തിറക്കി

സാംസങ്ങിന്റെ കോപൈലറ്റ് കീയോടുകൂടിയ ആദ്യ AI പേഴ്സണല്‍ കംപ്യൂട്ടറാണിത്. ക്വാല്‍കോമിന്റെ സ്നാപ്ഡ്രാഗണ്‍ എക്സ് എലൈറ്റ് CPU ആണ് ഈ കംപ്യൂട്ടറിന് ശക്തിപകരുന്നത്. ഈ ലാപ്ടോപ്പിനെ ഗാലക്സി ഫോണുമായി ബന്ധിപ്പിച്ചും പ്രവര്‍ത്തിപ്പിക്കാനാവും. ഒപ്പം ലൈവ് ട്രാന്‍സ്ലേറ്റ്, ചാറ്റ് അസിസ്റ്റ്, സര്‍ക്കിള്‍ ടു സെര്‍ച്ച് തുടങ്ങിയ ഗാലക്സി AI ഫീച്ചറുകളും ഉപയോഗിക്കാം. 14 ഇഞ്ച്, 16 ഇഞ്ച് മോഡലുകളാണ് ഇതിനുള്ളത്. ഇതിന് 16 GB റാമും 1 TB എസ്എസ്ഡി സ്റ്റോറേജുമുണ്ട്.

Technology321 days ago

ആമസോണ്‍ ഗ്രേറ്റ് സമ്മര്‍ സെയില്‍ മെയ് 2 ന് ആരംഭിക്കും

മൊബൈല്‍ ഫോണുകള്‍, ലാപ്ടോപ്പുകള്‍, സ്മാര്‍ട്ട് വാച്ചുകള്‍, സ്മാര്‍ട്ട് ടിവികള്‍, എയര്‍ കണ്ടീഷണറുകള്‍, റെഫ്രിജറേറ്ററുകള്‍, വാഷിങ് മെഷീനുകള്‍ തുടങ്ങി എണ്ണമറ്റ ഉല്‍പ്പന്നങ്ങള്‍ക്ക് ആകര്‍ഷമായ ഓഫറുകളോടെയാണ് ആമസോണ്‍ സമ്മര്‍ സെയില്‍ ആരംഭിക്കുന്നത്. ആമസോണ്‍ പ്രൈം അംഗങ്ങള്‍ക്ക് മേയ് 2 അര്‍ദ്ധരാത്രി മുതലും മറ്റ് ഉപയോക്താക്കള്‍ക്ക് അന്നേ ദിവസം ഉച്ചയ്ക്ക് 12 മണി മുതലും സാധനങ്ങള്‍ വാങ്ങാം. ഇതിന് പുറമെ ICICI , ബാങ്ക് ഓഫ് ബറോഡ തുടങ്ങിയ തിരഞ്ഞെടുത്ത ബാങ്ക് കാര്‍ഡുകള്‍ക്ക് 10 ശതമാനം വരെ ക്യാഷ്ബാക്കും ലഭിക്കും.

Business355 days ago

ഗാഡ്ജറ്റുകള്‍ക്ക് വമ്പന്‍ ഡിസ്‌കൗണ്ടുമായി ആമസോണ്‍ മെഗാ ഇലക്ട്രോണിക് ഡേ സെയില്‍

ഇലക്ട്രോണിക് ഗാഡ്ജറ്റുകള്‍ക്ക് 80 ശതമാനം വരെ ഡിസ്‌കൗണ്ടോടെയാണ് ആമസോണില്‍ മെഗാ ഇലക്ട്രോണിക് ഡേ സെയില്‍ ആരംഭിച്ചിരിക്കുന്നത്. ഹെഡ്‌ഫോണുകള്‍, ലാപ്‌ടോപ്പുകള്‍, സ്മാര്‍ട്ട് വാച്ചുകള്‍, ടാബ്ലെറ്റുകള്‍, ക്യാമറകള്‍ തുടങ്ങി നിരവധി ഉല്‍പ്പന്നങ്ങള്‍ക്കാണ് ആമസോണ്‍ ഓഫറുകളും ഡിസ്‌കൗണ്ടുകളും പ്രഖ്യാപിച്ചിരിക്കുന്നത്. ഇതിന് പുറമെ ICICI, HDFC, SBI, J&K ബാങ്ക് ക്രെഡിറ്റ് കാര്‍ഡ് ഉടമകള്‍ക്ക് അധികം ഡിസ്‌കൗണ്ടും നേടിയെടുക്കാം. ഏപ്രില്‍ 18 വരെയാണ് ഈ ഓഫര്‍ നിലവിലുളളത്.

Technology371 days ago

എന്‍വിഡിയ H100 ചിപ്പുകള്‍ സ്വന്തമാക്കുന്ന ഇന്ത്യയിലെ ആദ്യത്തെ കമ്പനിയായി യോട്ട ഡാറ്റ സര്‍വീസസ്

അന്താരാഷ്ട്ര AI വ്യവസായ രംഗത്ത് ഉപയോഗിക്കുന്ന ശക്തിയേറിയ ചിപ്പുകളുടെ ശ്രേണിയിലാണ് എന്‍വിഡിയയുടെ H100 ഉളളത്. മുംബൈയിലെ സ്റ്റാര്‍ട്ടപ്പ് ആയ യോട്ട ഡാറ്റ സര്‍വീസസിനുള്ള ആദ്യ ബാച്ചില്‍ 4000 ല്‍ ഏറെ H100 ചിപ്പുകളാണ് എത്തിയിരിക്കുന്നത്. AI രംഗത്ത് ശക്തമായ മുന്നേറ്റത്തിന് ഇന്ത്യയെ സഹായിക്കുന്നത് ആകും H100 ചിപ്പുകളുടെ വരവ്.

Technology396 days ago

2029 ഓടെ മനുഷ്യരുടെ ബുദ്ധിയെ AI മറികടക്കുമെന്ന് എലോണ്‍ മസ്‌ക്

കംപ്യൂട്ടേഷണല്‍ ശക്തി, അല്‍ഗൊരിതം, ഡാറ്റാ പ്രൊസസിങ് തുടങ്ങിയ മേഖലകളില്‍ കമ്പ്യൂട്ടര്‍ വന്‍ മുന്നേറ്റമാണ് നടത്തുന്നത്. ചാറ്റ് GPT യുടെ വരവിന് ശേഷം ഗൂഗിള്‍, മെറ്റ, മൈക്രോസോഫ്റ്റ് തുടങ്ങിയ ടെക് കമ്പനികള്‍‌ ജനറേറ്റീവ് AI രംഗത്ത് വന്‍ പരീക്ഷണങ്ങളിലാണ് ഏര്‍പ്പെട്ടുകൊണ്ടിരിക്കുന്നത്. അതിവേഗം പരിഷ്‌കരിക്ക പെട്ടുകൊണ്ടിരിക്കുന്ന ജനറേറ്റീവ് AI മോഡലുകള്‍ യാഥാര്‍ത്ഥ്യമാകുന്ന സമയത്താണ് എലോണ്‍ മസ്‌കിന്‍റെ പ്രസ്താവന എന്നത് ശ്രദ്ധേയമാണ്.

Technology403 days ago

സാംസങ് ഗാലക്‌സി എസ്23 അള്‍ട്രയ്ക്ക് വമ്പന്‍ ഡിസ്‌കൗണ്ടുമായി ആമസോണ്‍

ഇന്ത്യയില്‍ 1,24,990 രൂപയ്ക്ക് ലോഞ്ച് ചെയ്ത ഗാലക്‌സി എസ്23 12GB റാം 256GB സ്റ്റോറേജ് വേരിയന്റ് ഇപ്പോള്‍ 1,09,999 രൂപയ്ക്ക് ആമസോണില്‍ നിന്ന് വാങ്ങാവുന്നതാണ്. അതായത് 14,991 രൂപയുടെ വിലക്കിഴിവാണ് ഉപയോക്താവിന് ലഭിക്കുക. അതുപോലെ 1,34,999 രൂപയ്ക്ക് അവതരിപ്പിച്ച 12GB റാം 512GB സ്റ്റോറേജ് വേരിയന്റിന് ഇപ്പോള്‍ 1,19,999 രൂപയാണ് ആമസോണിലെ വില. ഇതിലൂടെ ഉപയോക്താവിന് 15000 രൂപയുടെ ഡിസ്‌കൗണ്ട് ലഭിക്കും.

Technology411 days ago

ആന്‍ഡ്രോയിഡ് ഡിവൈസുകള്‍ക്കായി AI അടക്കമുള്ള നിരവധി ഫീച്ചറുകള്‍ പ്രഖ്യാപിച്ച് ഗൂഗിള്‍

ഉപയോക്താക്കളുടെ ഉല്‍പ്പാദനക്ഷമത മെച്ചപ്പെടുത്താന്‍ ലക്ഷ്യമിട്ടാണ് പുതിയ ഫീച്ചറുകള്‍ അവതരിപ്പിക്കാന്‍ ഒരുങ്ങുന്നതെന്ന് ഗൂഗിള്‍ വ്യക്തമാക്കി. ജെമിനി AI മെസേജ് ഉള്‍പ്പെടെ ആകെ ഒമ്പത് ഫീച്ചറുകളാണ് ഗൂഗിള്‍ കൊണ്ടുവരുന്നത്. ഗൂഗിള്‍ കാഴ്ച വൈകല്യമുള്ളവരെ സഹായിക്കാനുള്ള AI ഫീച്ചറും അവതരിപ്പിച്ചിട്ടുണ്ട്. ഈ ഫീച്ചറുകള്‍ നിലവില്‍ ബീറ്റ ടെസ്റ്റിങ്ങിലാണ്.

Technology418 days ago

AIയെ നിയന്ത്രിക്കാനുള്ള കരട് നിയമം ജൂണ്‍ ജൂലായ് മാസങ്ങളിലായി പുറത്തിറക്കുമെന്ന് രാജീവ് ചന്ദ്ര ശേഖര്‍

ആര്‍ട്ടിഫിഷ്യല്‍ ഇന്റലിജന്‍സിന്റെ സാധ്യതകള്‍ പൂര്‍ണമായി പ്രയോജനപ്പെടുത്തുക എന്നതും അതോടൊപ്പം AI ദുരുപയോഗം ചെയ്യാതിരിക്കാനുള്ള സംരക്ഷണം ഒരുക്കുക എന്നതുമാണ് കരട് നിയമം കൊണ്ടുവരുന്നതിലൂടെ ലക്ഷ്യമിടുന്നത് എന്ന് ഇലക്ട്രോണിക്സ്, IT സഹമന്ത്രി രാജീവ് ചന്ദ്ര ശേഖര്‍ പറഞ്ഞു. AIയെ നിയന്ത്രിക്കുന്നതിനുള്ള നിയമം രൂപീകരിക്കാനുള്ള ശ്രമം സര്‍ക്കാര്‍ സജീവമായി നടത്തിവരുന്നുണ്ടെന്ന് കഴിഞ്ഞ വര്‍ഷവും മന്ത്രി പറഞ്ഞിരുന്നു.

National424 days ago