AIയെ നിയന്ത്രിക്കാനുള്ള കരട് നിയമം ജൂണ്‍ ജൂലായ് മാസങ്ങളിലായി പുറത്തിറക്കുമെന്ന് രാജീവ് ചന്ദ്ര ശേഖര്‍

ആര്‍ട്ടിഫിഷ്യല്‍ ഇന്റലിജന്‍സിന്റെ സാധ്യതകള്‍ പൂര്‍ണമായി പ്രയോജനപ്പെടുത്തുക എന്നതും അതോടൊപ്പം AI ദുരുപയോഗം ചെയ്യാതിരിക്കാനുള്ള സംരക്ഷണം ഒരുക്കുക എന്നതുമാണ് കരട് നിയമം കൊണ്ടുവരുന്നതിലൂടെ ലക്ഷ്യമിടുന്നത് എന്ന് ഇലക്ട്രോണിക്സ്, IT സഹമന്ത്രി രാജീവ് ചന്ദ്ര ശേഖര്‍ പറഞ്ഞു. AIയെ നിയന്ത്രിക്കുന്നതിനുള്ള നിയമം രൂപീകരിക്കാനുള്ള ശ്രമം സര്‍ക്കാര്‍ സജീവമായി നടത്തിവരുന്നുണ്ടെന്ന് കഴിഞ്ഞ വര്‍ഷവും മന്ത്രി പറഞ്ഞിരുന്നു.

National424 days ago

കേരളത്തിലുള്ളവർക്ക് ഇവിടെ തന്നെ നീറ്റ് PG പരീക്ഷാ കേന്ദ്രം അനുവദിക്കും: രാജീവ് ചന്ദ്രശേഖർ

കേരളത്തിൽ നിന്ന് നീറ്റ് PG പരീക്ഷ എഴുതുന്ന വിദ്യാർത്ഥികൾക്ക് പരീക്ഷാ കേന്ദ്രങ്ങൾ അനുവദിച്ചത് ഇതരസംസ്ഥാനങ്ങളിൽ ആണെന്ന് വ്യാപക പരാതി ഉയർന്നതോടെ ഇടപെട്ട് മുൻ കേന്ദ്രമന്ത്രി രാജീവ് ചന്ദ്രശേഖർ. ഇക്കാര്യം കേന്ദ്ര ആരോഗ്യമന്ത്രി ജെ.പി. നദ്ദയുമായി സംസാരിച്ചിട്ടുണ്ടെന്നും കേരളത്തിലെ വിദ്യാർത്ഥികൾക്ക് ഇവിടെ തന്നെ സെന്ററുകൾ അനുവദിക്കുന്നതിന് നാഷണൽ ബോർഡ് ഓഫ് എക്സാമിനേഷൻ നടപടികൾ സ്വീകരിച്ചു വരികയാണെന്ന് അദ്ദേഹം അറിയിച്ചുവെന്ന് രാജീവ് ചന്ദ്രശേഖർ പറഞ്ഞു. ഓഗസ്റ്റ് അഞ്ചിന് പുതിയ പരീക്ഷാ കേന്ദ്രങ്ങൾ സംബന്ധിച്ച് വിദ്യാർത്ഥികൾക്ക് അറിയിപ്പ് ലഭിക്കുമെന്നും രാജീവ് ചന്ദ്രശേഖർ എക്‌സിൽ കുറിച്ചു.

Kerala260 days ago

പൊതുപ്രവർത്തനം അവസാനിപ്പിക്കുന്നു എന്ന് രാജീവ് ചന്ദ്രശേഖർ

പതിനെട്ട് വർഷം നീണ്ട് നിന്ന പൊതുപ്രവർത്തനം അവസാനിപ്പിക്കുന്നുവെന്ന് സമൂഹ മാധ്യമമായ എക്‌സിലൂടെയാണ് രാജീവ് ചന്ദ്രശേഖർ അറിയിച്ചത്. എന്നാൽ അൽപസമയത്തിന് ശേഷം പോസ്റ്റ് റിമൂവ് ചെയ്തു. പതിനെട്ട് വർഷം നീണ്ട പൊതുപ്രവർത്തനത്തിന് തിരശ്ശീലയിടുന്നു. കഴിഞ്ഞ മൂന്ന് വർഷം പ്രധാനമന്ത്രി നരേന്ദ്ര മോദിക്കൊപ്പം സേവനമനുഷ്ഠിക്കാൻ സാധിച്ചു എന്നായിരുന്നു രാജീവ് ചന്ദ്രശേഖറിന്റെ ട്വീറ്റ്.

Kerala315 days ago

സാംസങ് ഗാലക്സി ബുക്ക് 4 എഡ്ജ് പുറത്തിറക്കി

സാംസങ്ങിന്റെ കോപൈലറ്റ് കീയോടുകൂടിയ ആദ്യ AI പേഴ്സണല്‍ കംപ്യൂട്ടറാണിത്. ക്വാല്‍കോമിന്റെ സ്നാപ്ഡ്രാഗണ്‍ എക്സ് എലൈറ്റ് CPU ആണ് ഈ കംപ്യൂട്ടറിന് ശക്തിപകരുന്നത്. ഈ ലാപ്ടോപ്പിനെ ഗാലക്സി ഫോണുമായി ബന്ധിപ്പിച്ചും പ്രവര്‍ത്തിപ്പിക്കാനാവും. ഒപ്പം ലൈവ് ട്രാന്‍സ്ലേറ്റ്, ചാറ്റ് അസിസ്റ്റ്, സര്‍ക്കിള്‍ ടു സെര്‍ച്ച് തുടങ്ങിയ ഗാലക്സി AI ഫീച്ചറുകളും ഉപയോഗിക്കാം. 14 ഇഞ്ച്, 16 ഇഞ്ച് മോഡലുകളാണ് ഇതിനുള്ളത്. ഇതിന് 16 GB റാമും 1 TB എസ്എസ്ഡി സ്റ്റോറേജുമുണ്ട്.

Technology320 days ago

രാജീവ് ചന്ദ്രശേഖറിന്റെ പത്രിക തള്ളണം: ഹർജി ഹൈക്കോടതി തള്ളി

തിരുവനന്തപുരം മണ്ഡലം BJP സ്ഥാനാർത്ഥി രാജീവ് ചന്ദ്രശേഖറിന്റെ നാമനിർദേശ പത്രിക തള്ളണം എന്ന് ആവശ്യപ്പെട്ടുള്ള ഹർജി ഹൈക്കോടതി തള്ളി. നാമനിർദേശ പത്രികയിൽ രാജീവ് ചന്ദ്രശേഖർ സ്വത്തു വിവരങ്ങൾ മറച്ചുവെച്ചു എന്നായിരുന്നു ഹർജിയിലെ ആരോപണം. തിരഞ്ഞെടുപ്പ് നടപടിക്രമങ്ങൾ ആരംഭിച്ച സാഹചര്യത്തിൽ ഇടപെടാനാകില്ലെന്നാണ് കോടതി വ്യകത്മാക്കിയത്. പത്രിക സ്വീകരിച്ചതിനാൽ തിരഞ്ഞെടുപ്പ് പ്രക്രിയ പൂർത്തിയായ ശേഷം വിഷയം തിരഞ്ഞെടുപ്പ് ഹർജിയിലൂടെ ഉന്നയിക്കുകയാണ് പോംവഴിയെന്നും കോടതി പറഞ്ഞു.

Kerala362 days ago

രാജീവ് ചന്ദ്രശേഖർ സ്വത്തുവിവരങ്ങൾ മറച്ചു വെച്ചു: പത്രിക തള്ളണമെന്ന് ആവശ്യപ്പെട്ട് ഹർജി

തിരുവനന്തപുരം മണ്ഡലം NDA സ്ഥാനാർത്ഥി രാജീവ് ചന്ദ്രശേഖറിന്റെ നാമനിർദേശ പത്രിക തള്ളണമെന്ന് ആവശ്യപ്പെട്ട് ഹൈക്കോടതിയിൽ ഹർജി. സ്വത്തുവിവരങ്ങൾ മറച്ചുവെച്ച് നാമനിർദേശ പത്രിക സമർപ്പിച്ചത് ചട്ടവിരുദ്ധമാണെന്ന് ഹർജിയിൽ പറയുന്നു. ഇതേവിഷയത്തിൽ നേരത്തെ ജില്ലാ കളക്ടർക്കും ചീഫ് ഇലക്ടറൽ ഓഫീസർക്കും പരാതി നൽകിയിരുന്നെന്നും എന്നാൽ ഇത് പരിഗണിച്ചില്ല എന്നും ഹർജിക്കാരായ മഹിളാ കോൺഗ്രസ് നേതാവും അഭിഭാഷകയുമായ അവനി ബൻസലും ബെംഗളൂരു സ്വദേശി രഞ്ജിത് തോമസും പറഞ്ഞു.

Kerala363 days ago

കേന്ദ്രമന്ത്രി പദവി ദുരുപയോഗം ചെയ്യുന്നു: രാജീവ് ചന്ദ്രശേഖറിനെതിരെ പരാതി

കേന്ദ്രമന്ത്രി പദവി ദുരുപയോഗം ചെയ്യുന്നുവെന്ന് ആരോപിച്ച് തിരുവനന്തപുരം NDA സ്ഥാനാർത്ഥി രാജീവ് ചന്ദ്രശേഖറിനെതിരെ UDF പരാതി നൽകി. തിരഞ്ഞെടുപ്പ് നോഡൽ ഓഫീസർക്കാണ് പരാതി നൽകിയത്. കേന്ദ്രമന്ത്രിയെന്ന് സ്വയം വിശേഷിപ്പിച്ച് ജനങ്ങളെ സ്വാധീനിക്കുന്നുവെന്നും ഇത് തിരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനമാണെന്നും പരാതിയിൽ പറയുന്നു.

Kerala366 days ago

രാജീവ്‌ ചന്ദ്രശേഖറിന്റെ വക്കീൽ നോട്ടീസിൽ ശശി തരൂർ മറുപടി നൽകി

പണം നൽകി വോട്ട് തേടി എന്ന് UDF സ്ഥാനാർത്ഥി ശശി തരൂർ നടത്തിയ ആരോപണത്തിനെതിരെ തിരുവനന്തപുരം NDA സ്ഥാനാർത്ഥി രാജീവ് ചന്ദ്രശേഖർ അയച്ച വക്കീൽ നോട്ടീസിന് തരൂർ മറുപടി നൽകി. NDA സ്ഥാനാർത്ഥി പണം നൽകിയെന്ന് താൻ പറഞ്ഞിട്ടില്ലെന്നും രാജീവ് ചന്ദ്രശേഖറിൻ്റെയോ പാർട്ടിയുടെയോ പേര് പരാമർശിച്ചിട്ടില്ലെന്നും ശശി തരൂർ പറഞ്ഞു. ആരാണ് പണം നല്‍കിയതെന്ന് പറഞ്ഞിട്ടില്ലെന്നും കേട്ടുകേള്‍വിയാണ് പറഞ്ഞതെന്നും ശശി തരൂര്‍ വ്യക്തമാക്കി.

Kerala374 days ago

ശശി തരൂരിനെതിരെ നിയമ നടപടികളുമായി രാജീവ് ചന്ദ്രശേഖർ

അസത്യ പ്രചാരണം നടത്തുന്നു എന്നാരോപിച്ച് തിരുവനന്തപുരം മണ്ഡലത്തിലെ UDF സ്ഥാനാർത്ഥി ശശി തരൂരിനെതിരെ NDA സ്ഥാനാർത്ഥി രാജീവ് ചന്ദ്രശേഖർ വക്കീൽ നോട്ടീസ് അയച്ചു. രാജീവ് ചന്ദ്രശേഖർ വൈദീകർ ഉൾപ്പടെയുള്ളവർക്ക് പണം നൽകി എന്ന് നടത്തിയ പ്രസ്താവന വ്യാജമാണെന്നും സമൂഹത്തില്‍ ഭിന്നിപ്പുണ്ടാക്കി തിരഞ്ഞെടുപ്പില്‍ നേട്ടംകൊയ്യാന്‍ നടത്തുന്ന പ്രവൃത്തിയാണിതെന്നും നോട്ടീസിൽ ആരോപിച്ചു. നോട്ടീസ് ലഭിച്ച് 24 മണിക്കൂറിനകം പ്രസ്താവന പിൻവലിച്ച് തരൂർ മാപ്പ് പറയണമെന്നാണ് ആവശ്യം.

Kerala375 days ago

രാജീവ് ചന്ദ്രശേഖറിനെതിരായ പരാതി പരിശോധിക്കാന്‍ നിര്‍ദേശം നല്‍കി തിരഞ്ഞെടുപ്പ് കമ്മീഷന്‍

തിരുവനന്തപുരത്തെ BJP സ്ഥാനാര്‍ത്ഥിയും കേന്ദ്രമന്ത്രിയുമായ രാജീവ് ചന്ദ്രശേഖറിന്റെ സത്യവാങ്മൂലം പരിശോധിക്കാന്‍ പ്രത്യക്ഷ നികുതി ബോര്‍ഡിന് കേന്ദ്ര തിരഞ്ഞെടുപ്പ് കമ്മീഷന്‍ നിര്‍ദേശം നല്‍കി. തിരഞ്ഞെടുപ്പ് സത്യവാങ്മൂലത്തില്‍ വസ്തുതകള്‍ മറച്ചുവച്ചുവെന്നും തെറ്റായ വിവരങ്ങള്‍ നല്‍കിയെന്നും ചൂണ്ടിക്കാട്ടി കോണ്‍ഗ്രസ്, LDF പ്രവര്‍ത്തകരാണ് രാജീവ് ചന്ദ്രശേഖറിനെതിരെ പരാതി നല്‍കിയത്.

Kerala376 days ago

ലോക്‌സഭാ തിരഞ്ഞെടുപ്പ്: രാജീവ് ചന്ദ്രശേഖറിന്റെ തുറന്ന സംവാദ വെല്ലുവിളി എറ്റെടുത്ത് ശശി തരൂര്‍

സംവാദത്തില്‍ നിന്ന് ഒഴിഞ്ഞുമാറുന്നത് ആരാണെന്ന് തിരുവനന്തപുരത്തെ ജനങ്ങള്‍ക്ക് അറിയാമെന്ന് UDF സ്ഥാനാര്‍ത്ഥി ശശി തരൂര്‍. നമുക്ക് രാഷ്ട്രീയവും വികസനവും ചര്‍ച്ച ചെയ്യാം. വിലക്കയറ്റം, തൊഴിലില്ലായ്മ, അഴിമതി, വര്‍ഗീയത, BJPയുടെ 10 വര്‍ഷത്തെ വെറുപ്പിന്റെ രാഷ്ട്രീയം എന്നിവ ചര്‍ച്ച ചെയ്യാമെന്നും തരൂര്‍ പറഞ്ഞു. മേഖലയിലെ വികസനത്തെക്കുറിച്ച് തരൂരുമായി സംവാദത്തിന് തയ്യാറാണെന്ന് രാജീവ് ചന്ദ്രശേഖര്‍ അടുത്തിടെ പറഞ്ഞിരുന്നു. ഇതിന് മറുപടിയായാണ് തരൂറിന്റെ പ്രതികരണം.

Kerala377 days ago