സാമ്പത്തിക പ്രതിസന്ധിയെ തുടർന്ന് സ്പൈസ് ജെറ്റ് വിമാന കമ്പനി 1,400 ജീവനക്കാരെ പിരിച്ചുവിടാനായി ഒരുങ്ങുന്നു. 30 വിമാനങ്ങൾ സർവീസ് നടത്തുന്ന എയർ ലൈൻസിൽ 9000 ജീവനക്കാരാണ് നിലവിലുള്ളത്. പലർക്കും ജനുവരി മാസത്തെ ശമ്പളം ലഭിച്ചിട്ടില്ല. 60 കോടിയോളം രൂപയാണ് കമ്പനിക്ക് പ്രതിമാസം ശമ്പളം നൽകുന്നതിന് വേണ്ടി മാത്രം വേണ്ടത്.
വിമാനം വൈകുന്നതിൽ കരിപ്പൂർ വിമാനത്താവളത്തിൽ യാത്രക്കാരുടെ പ്രതിഷേധം
പുലർച്ചെ 4:50ന് പുറപ്പെടേണ്ട സ്‌പൈസ്ജെറ്റിന്റെ കരിപ്പൂർ - ജിദ്ദ വിമാനം ഇതുവരെയും പുറപ്പെടാത്തതിനെ തുടർന്നാണ് യാത്രക്കാരുടെ പ്രതിഷേധം. വിമാനം പുറപ്പെടുന്ന കാര്യം അനിശ്ചിതമായി തുടർന്നിട്ടും ഭക്ഷണവും, വെള്ളവും നൽകിയില്ലെന്ന് യാത്രക്കാർ പരാതിപ്പെട്ടു. 189 യാത്രക്കാരാണ് വിമാനത്തിൽ പോകാനുള്ളത്. ഇതിൽ നൂറിലേറെ പേരും ഉംറ തീർഥാടകരാണ്.
അയോധ്യയിലേക്ക് സ്പൈസ് ജെറ്റിന്‍റെ 8 പുതിയ വിമാനങ്ങള്‍
അയോധ്യ രാമക്ഷേത്രത്തിലേക്ക് എത്തുന്ന സന്ദർശകരുടെ തിരക്ക് കണക്കിലെടുത്താണ് സ്പൈസ് ജെറ്റ് പുതിയ സര്‍വീസുകള്‍ പ്രഖ്യാപിച്ചിരിക്കുന്നത്. ഡൽഹി, ചെന്നൈ, അഹമ്മദാബാദ്, ജയ്പൂർ, പട്ന, ദർബംഗ, മുംബൈ, ബെംഗളൂരു എന്നിവിടങ്ങളില്‍ നിന്ന് ഫെബ്രുവരി 1 മുതൽ പുതിയ വിമാനങ്ങള്‍ സര്‍വീസ് ആരംഭിക്കും. രാമക്ഷേത്രത്തില്‍ ആദ്യ ആഴ്ച തന്നെ 19 ലക്ഷം പേർ എത്തിയെന്നാണ് കണക്കുകൾ.
