ഈ വർഷം 3 പുതിയ ഇലക്ട്രിക് സ്കൂട്ടറുകള്‍ കൂടി അവതരിപ്പിക്കുമെന്ന് ഹീറോ
2024ല്‍ മൂന്ന് പുതിയ ഇലക്ട്രിക് സ്കൂട്ടറുകള്‍ പുറത്തിറക്കുമെന്ന് ഹീറോ മോട്ടോകോർപ് CEO നിരഞ്ജൻ ഗുപ്ത. കാലിഫോർണിയ ആസ്ഥാനമായ സീറോ മോട്ടോർസൈക്കില്‍സുമായുള്ള സഹകരണത്തിലൂടെ ഇലക്ട്രിക് ബൈക്കുകള്‍ പുറത്തിറക്കാനുള്ള സാധ്യതയും കമ്പനി പരിഗണിക്കുന്നുണ്ട്. ഇലക്ട്രിക് സ്കൂട്ടർ വിഭാഗത്തില്‍ 2022 ല്‍ കമ്പനി പുറത്തിറക്കിയ 'വിദ'യാണ് ഇപ്പോള്‍ വിപണിയിലുള്ളത്.
ഡെസ്റ്റിനി 125-ന്റെ നവീകരിച്ച പതിപ്പ് അവതരിപ്പിക്കാന്‍ ഒരുങ്ങി ഹീറോ മോട്ടോകോര്‍പ്പ്
വരാനിരിക്കുന്ന ഡെസ്റ്റിനി 125 ഡിസൈനിന്റെ കാര്യത്തില്‍ അതിന്റെ മുന്‍ഗാമികളില്‍ നിന്ന് വേറിട്ടുനില്‍ക്കും. ഡെസ്റ്റിനി 125 നിലവിലെ മോഡലിന്റെ 124.6 CC സിംഗിള്‍ സിലിണ്ടര്‍ എയര്‍ കൂള്‍ഡ് എഞ്ചിന്‍ തന്നെ നിലനിര്‍ത്തും. ഇത് 9 BHP പവര്‍ ഔട്ട്പുട്ടും 10.4 Nm ടോര്‍ക്കും ഉത്പാദിപ്പിക്കുന്നതാണ്. ഡെസ്റ്റിനി 125-ല്‍ പ്രതീക്ഷിക്കുന്ന പ്രധാന അപ്ഗ്രേഡ് ബ്രേക്കിംഗ് പ്രകടനവും സുരക്ഷയും വര്‍ദ്ധിപ്പിക്കുന്ന ഒരു ഫ്രണ്ട് ഡിസ്‌ക് ബ്രേക്കാണ്.
ഹീറോ സൂം110 കോംബാറ്റ് എഡിഷന്‍ ഇന്ത്യയില്‍ അവതരിപ്പിച്ചു
സൂം 110cc സ്‌കൂട്ടറിന്റെ ഒരു പ്രത്യേക പതിപ്പാണ് അവതരിപ്പിച്ചിരിക്കുന്നത്. 80,967 രൂപയാണ് സ്‌കൂട്ടറിന്റെ എക്‌സ് ഷോറൂം വില. പുതിയ മാറ്റ് ഷാഡോ ഗ്രേ കളര്‍ സ്‌കീമിലാണ് പുതിയ പതിപ്പ് എത്തുന്നത്. ബോഡിയില്‍ സ്‌പോര്‍ട്ടി നിയോണ്‍ യെല്ലോ, ഡാര്‍ക്ക് ഗ്രേ ഗ്രാഫിക്‌സ് ഫീച്ചറമുണ്ട്. ബ്ലൂടൂത്ത് കണക്റ്റിവിറ്റിയുള്ള ഒരു പൂര്‍ണ്ണ ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍ വാഗ്ദാനം ചെയ്യുന്നുണ്ട്. USB ചാര്‍ജിംഗ് പോര്‍ട്ട്, പ്രൊജക്ടര്‍ LED ഹെഡ്ലൈറ്റ്, കോര്‍ണറിംഗ് ലാമ്പുകള്‍, ബൂട്ട് ലൈറ്റ്, LED ടെയില്‍ലൈറ്റ് എന്നിവയാണ് മറ്റു പ്രത്യേകതകള്‍.
