ഫ്ലിപ്കാർട്ട് UPI സേവനം ആരംഭിച്ചു

ഇ-കൊമേഴ്‌സ് കമ്പനിയായ ഫ്ലിപ്കാർട്ട് ആക്സിസ് ബാങ്കിന്റെ പങ്കാളിത്തത്തോടെ ആണ് UPI സേവനമായ ഫ്ലിപ്കാർട്ട് UPI ആരംഭിച്ചത്. ആൻഡ്രോയിഡ് ഉപയോക്താക്കൾക്ക് മാത്രമാണ് തുടക്കത്തിൽ ഈ സേവനം ലഭ്യമാകുക. മറ്റു UPI ആപ്ലിക്കേഷനുകളിലേക്ക് മാറാതെ തന്നെ UPI പേയ്‌മെൻ്റുകൾ നടത്താൻ ഈ സേവനം ഉപയോക്താക്കളെ അനുവദിക്കും.ഫ്ലിപ്കാർട്ട് വിപണിക്ക് പുറത്തും ഫ്ലിപ്കാർട്ട് UPI സേവനം ഉപയോഗിക്കാൻ സാധിക്കുമെന്നും കമ്പനി അറിയിച്ചു.

Business295 days ago

75 ശതമാനം ഉപയോക്താക്കളും UPI ഉപേക്ഷിക്കുമെന്ന് സര്‍വേ

സര്‍വീസ് ചാര്‍ജ് ഈടാക്കാന്‍ തുടങ്ങിയാല്‍ 75 ശതമാനം ഉപയോക്താക്കളും UPI ഉപേക്ഷിക്കുമെന്ന് സര്‍വെ. ഉപയോക്താക്കള്‍ സര്‍വീസ് ചാര്‍ജ് ഈടാക്കുന്നതിന് എതിരാണെന്നാണ് ലോക്കല്‍ സര്‍ക്കിള്‍സിന്റെ സര്‍വേയില്‍ പറയുന്നത്. സര്‍വേയില്‍ പങ്കെടുത്ത 22 ശതമാനം UPI ഉപയോക്താക്കള്‍ മാത്രമാണ് സേവനത്തിന് ട്രാന്‍സാക്ഷന്‍ ഫീസ് ഏര്‍പ്പെടുത്തിയാല്‍ വഹിക്കാന്‍ തയ്യാറായിട്ടുള്ളത്. 38 ശതമാനം ഉപയോക്താക്കളും തങ്ങളുടെ പേയ്‌മെന്റ് ഇടപാടുകളുടെ 50 ശതമാനത്തിലധികവും UPI വഴിയാണ് നടത്തുന്നത്.

Business91 days ago

UPI വഴി 5 ലക്ഷം വരെ നികുതി അടയ്ക്കാം; പുത്തന്‍ മാറ്റങ്ങളുമായി റിസര്‍വ് ബാങ്ക്

രാജ്യത്ത് ഏറ്റവും കൂടുതല്‍ ആളുകള്‍ പണമിടപാടിന് ഉപയോഗിക്കുന്ന UPI (യൂണിഫൈഡ് പേയ്‌മെന്റ്‌സ് ഇന്റര്‍ഫേസ്) സംവിധാനത്തില്‍ ശ്രദ്ധേയമായ മാറ്റങ്ങള്‍ കൊണ്ടുവന്ന് റിസര്‍വ് ബാങ്ക്. UPI വഴി നികുതിയടക്കാനുള്ള പരിധി ഒരുലക്ഷത്തില്‍ നിന്ന് അഞ്ച് ലക്ഷമാക്കി ഉയര്‍ത്തി. അതേസമയം സാധാരണ UPI ഇടപാടുകളുടെ പരിധി ഒരു ലക്ഷമായി തന്നെ തുടരും. കൂടാതെ മറ്റൊരാളുടെ അക്കൗണ്ട് അദ്ദേഹത്തിന്റെ അനുമതിയോടെ UPIയുമായി ബന്ധിപ്പിക്കുന്ന ഡെലിഗേറ്റഡ് പേമെന്റ് സംവിധാനം നടപ്പാക്കുമെന്നും റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ് അറിയിച്ചു. നിലവില്‍ സ്വന്തം അക്കൗണ്ട് മാത്രമാണ് UPIയുമായി ബന്ധപ്പെടുത്താന്‍ കഴിയുക.

National137 days ago

രാജ്യത്തെ UPI ഇടപാടുകളില്‍ 57 ശതമാനം വളര്‍ച്ച

UPI ഇടപാടുകളുടെ എണ്ണം 2019-20ലെ 12.5 ബില്യണില്‍ നിന്ന് 2023-24ല്‍ 131 ബില്യണായി ഉയര്‍ന്നു. ബോസ്റ്റണ്‍ കണ്‍സള്‍ട്ടിംഗ് ഗ്രൂപ്പ് (BCG) ബാങ്കിംഗ് സെക്ടര്‍ റൗണ്ടപ്പ് റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്. ഫോണ്‍ പേ, ഗൂഗിള്‍ പേ എന്നിവയെയാണ് ആളുകള്‍ UPI ഇടപാടുകള്‍ക്കായി കൂടുതല്‍ ആശ്രയിക്കുന്നത്. കഴിഞ്ഞ മൂന്ന് വര്‍ഷത്തിനുള്ളില്‍ ക്രെഡിറ്റ് കാര്‍ഡ് ഇടപാടുകള്‍ ഇരട്ടിയായതായും റിപ്പോര്‍ട്ടില്‍ പറയുന്നു.

Business147 days ago

ഇന്ത്യയിലെത്തുന്ന വിദേശ സഞ്ചാരികള്‍ക്കും ഇനി UPI ഇടപാട് നടത്താം

ഇന്ത്യയിലെത്തുന്ന സഞ്ചാരികള്‍ക്ക് പണമിടപാട് നടത്താനായി വണ്‍ വേള്‍ഡ് UPI ആപ്പാണ് നാഷണല്‍ പേയ്‌മെന്റ്‌സ് കോര്‍പ്പറേഷന്‍ ഓഫ് ഇന്ത്യ (NPCI) അവതരിപ്പിച്ചിരിക്കുന്നത്. ഇന്ത്യന്‍ സിം കാര്‍ഡും ഇന്ത്യന്‍ ബാങ്ക് അക്കൗണ്ടും ഇല്ലാതെ UPI പണമിടപാടുകള്‍ നടത്താന്‍ സഹായിക്കുന്ന ആപ്പാണിത്. പ്രീപെയ്ഡ് പേയ്‌മെന്റ് ഇന്‍സ്ട്രുമെന്റ് (PPI) എന്ന സാങ്കേതിക വിദ്യ ഉപയോഗിച്ചാണ് ഈ സംവിധാനം ഏര്‍പ്പെടുത്തിയിരിക്കുന്നത്. 2023 ല്‍ ജി20 ഇന്ത്യ ഉച്ചകോടിയില്‍ വണ്‍ വേള്‍ഡ് UPI ആപ്പ് പരിചയപ്പെടുത്തിയിരുന്നു.

National153 days ago

ബജാജ് ബൈക്കുകള്‍ ഇനി ഫ്ലിപ്കാർട്ടില്‍ വാങ്ങാം

ഇന്ത്യന്‍ ഇ-കൊമേഴ്സ് ഭീമനായ ഫ്ലിപ്കാര്‍ട്ടുമായുളള സഹകരണം പ്രഖ്യാപിച്ച് ബജാജ് ഓട്ടോ. എല്ലാ ബജാജ് ബൈക്കുകളും ഇനിമുതല്‍ ഫ്ലിപ്കാര്‍ട്ടില്‍ ലഭ്യമാകുമെന്ന് കമ്പനി അറിയിച്ചു. ആദ്യഘട്ടത്തില്‍ ഇന്ത്യയിലെ 25 നഗരങ്ങളില്‍ മാത്രം ലഭ്യമാകുന്ന സേവനം കാലക്രമേണ രാജ്യവ്യാപകമാക്കാനാണ് കമ്പനി പദ്ധിയിടുന്നത്. ലോഞ്ചിന്റെ ഭാഗമായി ഉപഭോക്താക്കള്‍ക്ക് 5,000 രൂപ വരെ കിഴിവ്, 12 മാസത്തെ നോ-കോസ്റ്റ് EMI തുടങ്ങിയ ഓഫറുകള്‍ പരിമിത കാലയളവിലേക്ക് കമ്പനി വാഗ്ദാനം ചെയ്യുന്നുണ്ട്.

Automobile156 days ago

QR കോഡ് അധിഷ്ഠിത UPI പണമിടപാടുകള്‍ ഇനി UAEയിലും

മധ്യേഷ്യയിലും ആഫ്രിക്കയിലും ഡിജിറ്റല്‍ പണമിടപാട് സേവനങ്ങള്‍ എത്തിക്കുന്ന നെറ്റ് വര്‍ക്ക് ഇന്റര്‍നാഷണല്‍ എന്ന കമ്പനിയുമായി സഹകരിച്ചാണ് ഇത് സാധ്യമാക്കിയത്. NPCI ഇന്റര്‍നാഷണല്‍ പേമെന്റ്സ് ലിമിറ്റഡാണ് ഇക്കാര്യം അറിയിച്ചത്. രണ്ട് ലക്ഷത്തോളം POS ടെര്‍മിനലുകളില്‍ ഇനി UPI ഇടപാടുകള്‍ നടത്താനാവും. ഇതുവഴി ഇന്ത്യന്‍ വിനോദ സഞ്ചാരികള്‍ക്കും പ്രവാസികള്‍ക്കും UAEയില്‍ QR കോഡ് സ്‌കാന്‍ ചെയ്ത് പണം നല്‍കാനാവും.

Business172 days ago

സര്‍ക്കാര്‍ ഓഫീസുകളില്‍ ഇനി UPI സൗകര്യം ലഭ്യമാകും

സര്‍ക്കാര്‍ ഓഫീസുകളില്‍ ഇനി UPI വഴി പണം നല്‍കാനാവും. ഗൂഗിള്‍ പേ, ഫോണ്‍ പേ പോലുള്ള UPI മാര്‍ഗങ്ങളിലൂടെ സര്‍ക്കാര്‍ വകുപ്പുകള്‍ക്ക് ജനങ്ങളില്‍ നിന്ന് പണം സ്വീകരിക്കാമെന്നാണ് ധനമന്ത്രാലയത്തിന്റെ ഉത്തരവില്‍ പറയുന്നത്. ഇതിനായി സര്‍ക്കാര്‍ ഓഫീസുകളില്‍ ക്യു ആര്‍ കോഡ് പ്രദര്‍ശിപ്പിക്കും. സ്വീകരിക്കുന്ന പണം ട്രഷറിയില്‍ എത്തിക്കാനുള്ള സാങ്കേതിക ക്രമീകരണം അതത് വകുപ്പുകളാണ് ഒരുക്കേണ്ടത്.

Kerala173 days ago

വിദ്യാര്‍ത്ഥികള്‍ക്കായി വമ്പന്‍ ഓഫറുകളുമായി ഫ്‌ളിപ്കാര്‍ട്ട്

ബാക്ക് ടു ക്യാമ്പസ് എന്ന പേരിലാണ് ഫ്‌ളിപ്കാര്‍ട്ട് വിദ്യാര്‍ത്ഥികള്‍ക്കായി സെയില്‍ ആരംഭിച്ചിരിക്കുന്നത്. ഇതിലൂടെ പ്രമുഖ ബ്രാന്‍ഡുകളുടെ ലാപ്ടോപ്പുകള്‍, ടാബുകള്‍, സ്മാര്‍ട്ട് വാച്ചുകള്‍, ഇയര്‍ഫോണുകള്‍, ഹെഡ്ഫോണുകള്‍ തുടങ്ങി നിരവധി ഉല്‍പ്പന്നങ്ങള്‍ മിതമായ നിരക്കില്‍ ലഭ്യമാകും. പഴയ ലാപ്ടോപ്പുകള്‍ക്ക് എക്സ്ചേഞ്ച് ഓഫറുകള്‍, നോ-കോസ്റ്റ് EMI എന്നിവയും ഫ്‌ളിപ്കാര്‍ട്ട് നല്‍കും. ജൂണ്‍ 27 വരെയാണ് ഓഫറുകള്‍ ലഭ്യമാകുക.

Technology185 days ago

UPI ലൈറ്റ് വാലറ്റ് പരിഷ്‌കരിച്ച് RBI

ബാലന്‍സ് നിശ്ചിത പരിധിയില്‍ താഴെ പോവുകയാണെങ്കില്‍ ഓട്ടോമാറ്റിക്കായി പണം വരവുവെച്ച് UPI ലൈറ്റില്‍ പണം നിറയ്ക്കാനുള്ള സൗകര്യമാണ് RBI ഏര്‍പ്പെടുത്തിയിരിക്കുന്നത്. UPI ലൈറ്റില്‍ ബാലന്‍സ് നിശ്ചയിക്കാന്‍ ഉപഭോക്താവിന് സൗകര്യം ഏര്‍പ്പെടുത്തിയിട്ടുണ്ട്. ഉപയോക്താക്കള്‍ക്ക് മെച്ചപ്പെട്ട സേവനം നല്‍കുന്നതിനും UPI ലൈറ്റ് കൂടുതല്‍ ആളുകളിലേക്ക് എത്തിക്കുന്നതിനും വേണ്ടിയാണ് പുതിയ സംവിധാനം കൊണ്ടുവന്നതെന്ന് RBI അറിയിച്ചു. ഇ-മാന്‍ഡേറ്റ് ചട്ടക്കൂടിന് കീഴില്‍ കൊണ്ടുവന്നാണ് പുതിയ സംവിധാനം അവതരിപ്പിച്ചത്.

Business199 days ago

100 രൂപയില്‍ തഴെയുള്ള ഇടപാടുകളില്‍ SMS അലര്‍ട്ട് നിര്‍ത്തലാക്കി HDFC ബാങ്ക്

ഉപയോക്താവിന്റെ അക്കൗണ്ടിലേക്ക് 100 രൂപയ്ക്ക് മുകളിലുള്ള തുക അയക്കുന്ന UPI ഇടപാടുകളില്‍ മാത്രമെ ഇനി മുതല്‍ SMS അലര്‍ട്ട് ലഭിക്കുകയുള്ളുവെന്ന് HDFC ബാങ്ക് അധികൃതര്‍ വ്യക്തമാക്കി. ജൂണ്‍ 25 മുതല്‍ ഈ രീതി നടപ്പിലാകും. അതേസമയം, എല്ലാതരം UPI ഇടപാടുകള്‍ക്കും ഉപയോക്താവിന് ഇ-മെയില്‍ സന്ദേശം ലഭിക്കും. ഉപയോക്താക്കള്‍ തങ്ങളുടെ ഇ-മെയില്‍ സന്ദേശങ്ങള്‍ ലഭ്യമാകുന്ന വിധം പ്രവര്‍ത്തന സജ്ജമാണെന്ന് ഉറപ്പുവരുത്തണമെന്നും ബാങ്ക് അറിയിച്ചു.

Business208 days ago