കങ്കണ റണാവത്തിന്റെ വിജയം ചോദ്യം ചെയ്ത് ഹൈക്കോടതിയില്‍ ഹര്‍ജി

ബോളിവുഡ് നടിയും BJP ലോക്സഭാ MPയുമായ കങ്കണ റണാവത്തിന് ഹിമാചല്‍പ്രദേശ് ഹൈക്കോടതി നോട്ടീസ് അയച്ചു. തന്റെ നാമനിര്‍ദേശ പത്രിക അന്യായമായി നിരസിച്ചെന്ന കിന്നൗര്‍ സ്വദേശി ലായക് റാം നേഗിയുടെ ഹര്‍ജിയിലാണ് നടപടി. സംഭവത്തില്‍ കങ്കണ ഓഗസ്റ്റ് 21നകം മറുപടി നല്‍കണമെന്ന് ജസ്റ്റിസ് ജ്യോത്സന റേവാള്‍ ആവശ്യപ്പെട്ടു. ഹിമാചലിലെ മാണ്ഡി ലോക്സാ മണ്ഡലത്തില്‍ എതിരാളിയായ കോണ്‍ഗ്രസ് സ്ഥാനാര്‍ത്ഥി വിക്രമാദിത്യ സിംഗിനെ 74,755 വോട്ടുകള്‍ക്ക് പരാജയപ്പെടുത്തിയാണ് കങ്കണ വിജയിച്ചത്.

National151 days ago

ചില ഭാഗങ്ങള്‍ ഒഴിവാക്കിയാല്‍ ‘എമര്‍ജന്‍സി’ റിലീസ് ചെയ്യാമെന്ന് സെന്‍സര്‍ ബോര്‍ഡ്

സമിതി നിര്‍ദേശിക്കുന്ന ചില ഭാഗങ്ങള്‍ ഒഴിവാക്കിയാല്‍ കങ്കണ റണാവത്തിന്റെ 'എമര്‍ജന്‍സി' ചിത്രം റിലീസ് ചെയ്യാമെന്ന് സെന്‍സര്‍ ബോര്‍ഡ് ബോംബെ ഹൈക്കോടതിയെ അറിയിച്ചു. ചിത്രത്തിന് സെന്‍സര്‍ സര്‍ട്ടിഫിക്കറ്റ് നല്‍കണമെന്ന് ആവശ്യപ്പെട്ട് 'എമര്‍ജന്‍സി'യുടെ സഹനിര്‍മ്മാതാവായ സീ സ്റ്റുഡിയോസ് നല്‍കിയ ഹര്‍ജിയിലാണ് സെന്‍സര്‍ ബോര്‍ഡിന്റെ പ്രതികരണം. നേരത്തെ സെപ്തംബര്‍ 6 നാണ് ചിത്രത്തിന്റെ റിലീസ് ഷെഡ്യൂള്‍ ചെയ്തിരുന്നത്. എന്നാല്‍ സിനിമയില്‍ തങ്ങളുടെ സമുദായത്തെ തെറ്റായി ചിത്രീകരിക്കുന്നുവെന്ന് ആരോപിച്ച് സിഖ് സംഘടനകള്‍ പ്രതിഷേധം നടത്തിയതോടെയാണ് എമര്‍ജന്‍സ് റിലീസ് അനിശ്ചിതത്വത്തിലായത്.

Entertainment88 days ago

കാര്‍ഷിക നിയമ പരാമര്‍ശം; മാപ്പ് പറഞ്ഞ് കങ്കണ റണാവത്ത്

കര്‍ഷകരുടെ പ്രതിഷേധത്തെത്തുടര്‍ന്ന് റദ്ദാക്കിയ മൂന്ന് കാര്‍ഷിക നിയമങ്ങള്‍ തിരികെ കൊണ്ടുവരണമെന്ന പ്രസ്താവന തിരിച്ചെടുക്കുന്നുവെന്ന് നടിയും BJP എംപിയുമായ കങ്കണ റണാവത്ത്. നടിയുടെ പ്രസ്താവന BJPയെ പ്രതിരോധത്തിലാക്കിയതിന് പിന്നാലെയാണ് താരം മാപ്പ് പറഞ്ഞത്. എന്റെ വാക്കുകള്‍ ചിലരെ നിരാശപ്പെടുത്തി, ഞാന്‍ അവ തിരിച്ചെടുക്കുന്നുവെന്നും കങ്കണ പറഞ്ഞു. കാര്‍ഷിക ബില്ലെനെക്കുറിച്ചുളള അഭിപ്രായങ്ങള്‍ കങ്കണയുടെ വ്യക്തിപരമായ പ്രസ്താവനയാണെന്നും പാര്‍ട്ടിയുടെ നിലപാടിനെ പ്രതിനിധീകരിക്കുന്നില്ലെന്നും BJP വക്താവ് ഗൗരവ് ഭാട്ടിയ പറഞ്ഞിരുന്നു.

National89 days ago

‘എമര്‍ജന്‍സി’ റിലീസ്; കങ്കണ റണാവത്തിന് കോടതി നോട്ടീസ്

BJP എംപിയും നടിയുമായ കങ്കണാ റണാവത്തിന് ഛണ്ഡീഗഡിലെ ജില്ലാ കോടതി നോട്ടീസ് അയച്ചു. കങ്കണയുടെ 'എമര്‍ജന്‍സി' എന്ന സിനിമയില്‍ സിഖുകാരെ അപകീര്‍ത്തിപ്പെടുത്താന്‍ ശ്രമിച്ചെന്ന പരാതിയിലാണ് നടപടി. അഭിഭാഷകനായ രവീന്ദര്‍ സിങ് ബസ്സിയാണ് ഹര്‍ജി സമര്‍പ്പിച്ചത്. ഡിസംബര്‍ അഞ്ചിനകം മറുപടി നല്‍കാനാണ് കോടതി നിര്‍ദേശം. അതേസമയം സെന്‍സര്‍ സര്‍ട്ടിഫിക്കറ്റ് ലഭിക്കാത്തതിനാല്‍ സിനിമയുടെ റിലീസ് അനിശ്ചിതത്വത്തില്‍ തുടരുകയാണ്.

Entertainment96 days ago

കഞ്ചാവ് കൃഷി നിയമവിധേയമാക്കാനൊരുങ്ങി ഹിമാചല്‍ പ്രദേശ്

കഞ്ചാവ് കൃഷി നിയമവിധേയമാക്കുന്നതിനുള്ള പ്രമേയം പാസാക്കി ഹിമാചല്‍ പ്രദേശ് സര്‍ക്കാര്‍. ഔഷധ, മെഡിക്കല്‍, വ്യവസായ ആവശ്യങ്ങള്‍ക്കായി നിയന്ത്രിത അളവില്‍ കഞ്ചാവ് കൃഷി ചെയ്യുന്നതിന് അനുമതി നല്‍കുന്നതാണ് പ്രമേയം. റവന്യൂ മന്ത്രി ജഗത് സിങ് നേഗിയാണ് കഞ്ചാവ് കൃഷി നിയമവിധേയമാക്കാനുള്ള പ്രമേയം പാസാക്കിയത്. സംസ്ഥാനത്തിന്റെ സാമ്പത്തിക വളര്‍ച്ചയ്ക്കും തീരുമാനം ഗുണകരമാകുമെന്നാണ് വിലയിരുത്തല്‍.

National107 days ago

കൂറുമാറിയ MLAമാര്‍ക്ക് പെന്‍ഷനില്ല; ബില്‍ പാസാക്കി ഹിമാചല്‍ നിയമസഭ

മറ്റ് പാര്‍ട്ടികളിലേക്ക് കൂറുമാറിയ MLAമാര്‍ക്ക് പെന്‍ഷന്‍ നല്‍കുന്നത് നിര്‍ത്തലാക്കുന്നതിനുളള പുതിയ ബില്‍ പാസാക്കി ഹിമാചല്‍പ്രദേശിലെ കോണ്‍ഗ്രസ് സര്‍ക്കാര്‍. ഹിമാചല്‍ പ്രദേശ് ലെജിസ്ലേറ്റീവ് അസംബ്ലി (അംഗങ്ങളുടെ അലവന്‍സുകളും പെന്‍ഷനും) ഭേദഗതി ബില്‍ 2024 എന്ന പേരില്‍ മുഖ്യമന്ത്രി സുഖ്‌വീന്ദര്‍ സിംഗ് സുഖുവാണ് ബില്‍ അവതരിപ്പിച്ചത്. കൂറുമാറ്റ നിരോധന നിയമപ്രകാരം അയോഗ്യരാക്കപ്പെട്ട MLA മാര്‍ക്ക് പുതിയ ബില്‍ ബാധകമാകും.

National110 days ago

കങ്കണയുടെ ‘എമർജൻസി’ റിലീസ് അനിശ്ചിതത്വത്തിൽ

BJP എംപിയും നടിയുമായ കങ്കണ റണാവത്ത് സംവിധാനം ചെയ്ത് മുഖ്യവേഷത്തിലെത്തുന്ന എമർജൻസി എന്ന ചിത്രത്തിന്റെ റിലീസ് സെൻസർ ബോർഡ് സർട്ടിഫിക്കറ്റ് നൽകാത്തതിനെ തുടർന്നാണ് അനിശ്ചിതത്വത്തിലായത്. അടിയന്തരവസ്ഥ പശ്ചാത്തലമായി ഒരുക്കിയ ചിത്രത്തിൽ സിഖ് മതത്തെ മോശമായാണ് ചിത്രീകരിക്കുന്നതെന്നും പ്രദർശനം പൂർണമായി തടയണമെന്നും ആവശ്യപ്പെട്ട് സിഖ് മതത്തെ പ്രതിനിധീകരിക്കുന്ന ചിലർ പരാതിയുമായി രംഗത്തെത്തിക്കുന്നു. ചിത്രത്തിൽ ഇന്ദിരാഗാന്ധിയായാണ് കങ്കണയെത്തുന്നത്. നിരവധി തവണ റിലീസ് തീയതി മാറ്റിയ ‘എമർജൻസി’ സെപ്റ്റംബർ ആറിന് റിലീസ് ചെയ്യാനാണ് ഒടുവിൽ നിശ്ചയിച്ചിരുന്നത്. Read More

Entertainment111 days ago

സ്ത്രീകളുടെ കുറഞ്ഞ വിവാഹപ്രായം 21 വയസ്സായി ഉയര്‍ത്തുന്ന ബില്‍ പാസാക്കി ഹിമാചല്‍ പ്രദേശ്

സ്ത്രീകളുടെ കുറഞ്ഞ വിവാഹപ്രായം 18 ല്‍ നിന്ന് 21 വയസ്സായി ഉയര്‍ത്തുന്ന ബില്‍ ആണ് നിയമസഭ പാസാക്കിയത്. ലിംഗസമത്വത്തെയും ഉന്നത വിദ്യാഭ്യാസത്തെയും പിന്തുണയ്ക്കുന്നതിന്റെ ഭാഗമായാണ് നടപടി. പെണ്‍കുട്ടികളുടെ വിവാഹപ്രായം 21 ആക്കി വര്‍ധിപ്പിക്കുന്നതിനുള്ള നിയമനിര്‍മ്മാണം നടത്തുന്ന രാജ്യത്തെ ആദ്യത്തെ സംസ്ഥാനമാണ് ഹിമാചല്‍ പ്രദേശെന്നും സ്ത്രീകളുടെ ഉന്നമനത്തിനായി പ്രവര്‍ത്തിക്കാന്‍ കോണ്‍ഗ്രസ് എന്നും മുന്‍പന്തിയിലാണെന്നും മുഖ്യമന്ത്രി സുഖ്വീന്ദര്‍ സിങ് പറഞ്ഞു.

National117 days ago

വിവാദ പരാമർശം: കങ്കണ റണാവത്ത് മാപ്പ് പറയണമെന്ന് കർഷക സംഘടനകൾ

കർഷക സമരത്തെ അധിക്ഷേപിക്കുന്ന പരാമർശം നടത്തിയ BJP എംപിയായ കങ്കണ റണാവത്ത് മാപ്പ് പറയണമെന്ന് വിവിധ കർഷക സംഘടനകൾ ആവശ്യപ്പെട്ടു. കങ്കണയുടെ പരാമർശം വസ്തുതാ വിരുദ്ധവും അധിക്ഷേപകരവുമാണെന്ന് കർഷകർ കുറ്റപ്പെടുത്തി. സർക്കാർ ശക്തമായ നടപടി സ്വീകരിച്ചില്ലായിരുന്നുവെങ്കിൽ കർഷകരുടെ പ്രതിഷേധം ഇന്ത്യയെ ബംഗ്ലാദേശിലെ പോലെ പ്രതിസന്ധിയിലേക്ക് നയിക്കും എന്നായിരുന്നു കങ്കണ പറഞ്ഞത്. കങ്കണയ്ക്കെതിരെ ഈ മാസം 31ന് രാജ്യവ്യാപക പ്രതിഷേധ സമരം സംഘടിപ്പിക്കുമെന്ന് കർഷക സംഘടനകൾ അറിയിച്ചു.

National118 days ago

വയനാട്ടിൽ ലോക്സഭാ ഉപതിരഞ്ഞെടുപ്പ് ഉടനില്ല

രാഹുൽ ഗാന്ധി രാജി വെച്ചതിനെ തുടർന്ന് ഒഴിവ് വന്ന വയനാട് മണ്ഡലത്തിലെ ലോക്സഭാ സീറ്റിലേക്ക് ഉടൻ ഉപതിരഞ്ഞെടുപ്പ് ഉണ്ടാകില്ലന്ന് മുഖ്യ തിതെരഞ്ഞെടുപ്പ് കമ്മീഷണര്‍ രാജീവ് കുമാര്‍ പറഞ്ഞു. 47 ഇടങ്ങളിൽ ഉപതിരഞ്ഞെടുപ്പുകൾ നടത്താനുണ്ടെന്നും പ്രകൃതിദുരന്തം ഉണ്ടായ വയനാട്ടിൽ ഉടൻ തിരഞ്ഞെടുപ്പിനുള്ള സാഹചര്യം അല്ലെന്നും അദ്ദേഹം വ്യക്തമാക്കി. കലാവസ്ഥയടക്കമുള്ള സാഹചര്യങ്ങൾ പരിശോധിച്ച ശേഷം എല്ലാ സ്ഥലങ്ങളിലും ഒന്നിച്ച് ഉപതിരഞ്ഞെടുപ്പുകള്‍ നടത്തുന്നതിനെ കുറിച്ച് ആലോചിക്കുമെന്നും മുഖ്യതിരഞ്ഞെടുപ്പ് കമ്മീഷണര്‍ രാജീവ് കുമാര്‍ അറിയിച്ചു.

Kerala129 days ago

ശക്തമായ മഴ; ഉത്തരേന്ത്യയില്‍ വെള്ളപ്പൊക്കം, കനത്ത നാശനഷ്ടം

കനത്തമഴയെ തുടര്‍ന്നുണ്ടായ വെള്ളപ്പൊക്കത്തില്‍ ഉത്തരേന്ത്യയില്‍ വ്യാപക നാശനഷ്ടം. വെള്ളപ്പൊക്കവും മണ്ണിടിച്ചിലും ഹിമാചല്‍ പ്രദേശ്, പഞ്ചാബ്, ഹരിയാന, രാജസ്ഥാന്‍ തുടങ്ങിയ ഉത്തരേന്ത്യന്‍ സംസ്ഥാനങ്ങളിലെ ജനജീവിതം താറുമാറാക്കി. ഹിമാചല്‍ പ്രദേശില്‍ നാല് ദേശീയ പാതകള്‍ ഉള്‍പ്പെടെ 338 റോഡുകള്‍ അടച്ചു. പല പ്രദേശങ്ങളിലും വെള്ളക്കെട്ട് തുടരുകയാണ്. സത്‌ലജ് നദി പലയിടത്തും കരകവിഞ്ഞൊഴുകി. സംസ്ഥാന ദുരന്ത നിവാരണ അതോറിറ്റിയുടെ കണക്കുകള്‍ പ്രകാരം ഹിമാചലില്‍ ഓഗസ്റ്റ് 1 മുതല്‍ 55 പേരെ കാണാതായിട്ടുണ്ട്.

National132 days ago