കൂറുമാറിയ MLAമാര്‍ക്ക് പെന്‍ഷനില്ല; ബില്‍ പാസാക്കി ഹിമാചല്‍ നിയമസഭ

മറ്റ് പാര്‍ട്ടികളിലേക്ക് കൂറുമാറിയ MLAമാര്‍ക്ക് പെന്‍ഷന്‍ നല്‍കുന്നത് നിര്‍ത്തലാക്കുന്നതിനുളള പുതിയ ബില്‍ പാസാക്കി ഹിമാചല്‍പ്രദേശിലെ കോണ്‍ഗ്രസ് സര്‍ക്കാര്‍. ഹിമാചല്‍ പ്രദേശ് ലെജിസ്ലേറ്റീവ് അസംബ്ലി (അംഗങ്ങളുടെ അലവന്‍സുകളും പെന്‍ഷനും) ഭേദഗതി ബില്‍ 2024 എന്ന പേരില്‍ മുഖ്യമന്ത്രി സുഖ്‌വീന്ദര്‍ സിംഗ് സുഖുവാണ് ബില്‍ അവതരിപ്പിച്ചത്. കൂറുമാറ്റ നിരോധന നിയമപ്രകാരം അയോഗ്യരാക്കപ്പെട്ട MLA മാര്‍ക്ക് പുതിയ ബില്‍ ബാധകമാകും.

National110 days ago

കഞ്ചാവ് കൃഷി നിയമവിധേയമാക്കാനൊരുങ്ങി ഹിമാചല്‍ പ്രദേശ്

കഞ്ചാവ് കൃഷി നിയമവിധേയമാക്കുന്നതിനുള്ള പ്രമേയം പാസാക്കി ഹിമാചല്‍ പ്രദേശ് സര്‍ക്കാര്‍. ഔഷധ, മെഡിക്കല്‍, വ്യവസായ ആവശ്യങ്ങള്‍ക്കായി നിയന്ത്രിത അളവില്‍ കഞ്ചാവ് കൃഷി ചെയ്യുന്നതിന് അനുമതി നല്‍കുന്നതാണ് പ്രമേയം. റവന്യൂ മന്ത്രി ജഗത് സിങ് നേഗിയാണ് കഞ്ചാവ് കൃഷി നിയമവിധേയമാക്കാനുള്ള പ്രമേയം പാസാക്കിയത്. സംസ്ഥാനത്തിന്റെ സാമ്പത്തിക വളര്‍ച്ചയ്ക്കും തീരുമാനം ഗുണകരമാകുമെന്നാണ് വിലയിരുത്തല്‍.

National107 days ago

KSRTC പെന്‍ഷന്‍; ഓണത്തിന് മുമ്പ് തുക നല്‍കണമെന്ന് ഹൈക്കോടതി

KSRTCയില്‍ നിന്ന് വിരമിച്ച ജീവനക്കാരുടെ ഈ മാസത്തെ പെന്‍ഷന്‍ ഓണത്തിന് മുമ്പ് നല്‍കണമെന്ന് ഹൈക്കോടതി. KSRTC പെന്‍ഷന്‍ വൈകുന്നത് സംബന്ധിച്ച കോടതിയലക്ഷ്യ ഹര്‍ജി പരിഗണിക്കവെയാണ് കോടതി നിര്‍ദേശം. ഹൈക്കോടതി നിര്‍ദേശം പാലിക്കുമെന്നും ഓഗസ്റ്റ് മാസത്തെ പെന്‍ഷന്‍ വിതരണം ആരംഭിച്ചതായും KSRTC കോടതിയില്‍ അറിയിച്ചു. അതേസമയം KSRTCയ്ക്ക് സംസ്ഥാന സര്‍ക്കാര്‍ 30 കോടി രൂപകൂടി അനുവദിച്ചതായി ധനമന്ത്രി കെ.എന്‍. ബാലഗോപാല്‍ അറിയിച്ചു.

Kerala110 days ago

സ്ത്രീകളുടെ കുറഞ്ഞ വിവാഹപ്രായം 21 വയസ്സായി ഉയര്‍ത്തുന്ന ബില്‍ പാസാക്കി ഹിമാചല്‍ പ്രദേശ്

സ്ത്രീകളുടെ കുറഞ്ഞ വിവാഹപ്രായം 18 ല്‍ നിന്ന് 21 വയസ്സായി ഉയര്‍ത്തുന്ന ബില്‍ ആണ് നിയമസഭ പാസാക്കിയത്. ലിംഗസമത്വത്തെയും ഉന്നത വിദ്യാഭ്യാസത്തെയും പിന്തുണയ്ക്കുന്നതിന്റെ ഭാഗമായാണ് നടപടി. പെണ്‍കുട്ടികളുടെ വിവാഹപ്രായം 21 ആക്കി വര്‍ധിപ്പിക്കുന്നതിനുള്ള നിയമനിര്‍മ്മാണം നടത്തുന്ന രാജ്യത്തെ ആദ്യത്തെ സംസ്ഥാനമാണ് ഹിമാചല്‍ പ്രദേശെന്നും സ്ത്രീകളുടെ ഉന്നമനത്തിനായി പ്രവര്‍ത്തിക്കാന്‍ കോണ്‍ഗ്രസ് എന്നും മുന്‍പന്തിയിലാണെന്നും മുഖ്യമന്ത്രി സുഖ്വീന്ദര്‍ സിങ് പറഞ്ഞു.

National117 days ago

ലൈംഗികാതിക്രമ പരാതി; മുകേഷിന്റെ രാജി ആവശ്യപ്പെട്ട് പ്രതിഷേധം ശക്തം

ലൈംഗികാതിക്രമ പരാതിക്ക് പിന്നാലെ കൊല്ലം MLA എം. മുകേഷിന്റെ രാജി ആവശ്യപ്പെട്ട് പ്രതിഷേധം ശക്തമാക്കി പ്രതിപക്ഷം. RYF ജില്ലാ കമ്മിറ്റിയുടെ നേതൃത്വത്തില്‍ MLA ഓഫീസിലേക്ക് നടത്തിയ മാര്‍ച്ചില്‍ സംഘര്‍ഷം. പ്രവര്‍ത്തകരും പോലീസും തമ്മില്‍ ഉന്തും തള്ളും ഉണ്ടായി. പ്രതിഷേധക്കാര്‍ പോലീസിന് നേരെ കല്ലും ചെരിപ്പും എറിഞ്ഞു. ബാരിക്കേഡ് മറികടന്ന പ്രവര്‍ത്തകരെ പോലീസ് അറസ്റ്റ് ചെയ്തു നീക്കി. UDF കൊല്ലം നിയോജകമണ്ഡലം കമ്മിറ്റിയുടെ നേതൃത്വത്തിലും മഹിളാ മോര്‍ച്ചയുടെ നേതൃത്വത്തിലും പ്രതിഷേധ മാര്‍ച്ച് നടത്തി. മുകേഷ് രാജിവെയ്ക്കും വരെ പ്രതിഷേധം തുടരാനാണ് പ്രതിപക്ഷ പാര്‍ട്ടികളുടെ തീരുമാനം.

Kerala117 days ago

ഏകീകൃത പെന്‍ഷന്‍ പദ്ധതിക്ക് അംഗീകാരം

സര്‍ക്കാര്‍ ജീവനക്കാര്‍ക്ക് ഉറപ്പായ പെന്‍ഷന്‍, കുടുംബ പെന്‍ഷന്‍, മിനിമം പെന്‍ഷന്‍ എന്നിവ ലഭിക്കുന്ന ഏകീകൃത പെന്‍ഷന്‍ സ്‌കീം കേന്ദ്ര മന്ത്രിസഭാ യോഗം അംഗീകരിച്ചു. 2025 ഏപ്രില്‍ 1 മുതല്‍ പുതിയ പെന്‍ഷന്‍ പദ്ധതി നിലവില്‍ വരും. 25 വര്‍ഷത്തെ സര്‍വീസ് പൂര്‍ത്തിയാക്കിയ ജീവനക്കാര്‍ക്ക് കഴിഞ്ഞ 12 മാസത്തെ ശരാശരി അടിസ്ഥാന ശമ്പളത്തിന്റെ 50 ശതമാനം പെന്‍ഷനാണ് ഈ പദ്ധതിയിലൂടെ ഉറപ്പ് നല്‍കുന്നത്.

National120 days ago

മുകേഷിനെതിരായ മീ ടൂ ആരോപണം ഓർമ്മിപ്പിച്ച് കാസ്റ്റിംഗ് ഡയറക്ടർ

നടനും MLA യുമായ മുകേഷിനെതിരായ മീ ടൂ ആരോപണം വീണ്ടും ഓർമ്മിപ്പിച്ച് കാസ്റ്റിംഗ് ഡയറക്ടർ ടെസ് ജോസഫ്. 2018 ലാണ് മുകേഷിനെതിരെ ടെസ് ജോസഫ് മീ ടൂ ആരോപണം ഉന്നയിച്ചത്. 19 വർഷങ്ങൾക്ക് മുമ്പ് ഒരു ടെലിവിഷൻ പരിപാടിയുടെ ഷൂട്ടിങ്ങിനിടെ ചെന്നൈയിലെ ഹോട്ടലിൽ വെച്ച് മുകേഷ് മോശമായി പെരുമാറി എന്നായിരുന്നു ടെസ് ജോസഫിന്റെ ആരോപണം. തനിക്കെതിരായ മീ ടൂ ആരോപണം രാഷ്ട്രീയ ഗൂഢാലോചനയുടെ ഭാഗമാണെന്നും ആരോപണം ഉന്നയിച്ച യുവതിയെ ഇതുവരെ കണ്ടിട്ടില്ലയെന്നും മുകേഷ് പറഞ്ഞു.

Kerala120 days ago

ശക്തമായ മഴ; ഉത്തരേന്ത്യയില്‍ വെള്ളപ്പൊക്കം, കനത്ത നാശനഷ്ടം

കനത്തമഴയെ തുടര്‍ന്നുണ്ടായ വെള്ളപ്പൊക്കത്തില്‍ ഉത്തരേന്ത്യയില്‍ വ്യാപക നാശനഷ്ടം. വെള്ളപ്പൊക്കവും മണ്ണിടിച്ചിലും ഹിമാചല്‍ പ്രദേശ്, പഞ്ചാബ്, ഹരിയാന, രാജസ്ഥാന്‍ തുടങ്ങിയ ഉത്തരേന്ത്യന്‍ സംസ്ഥാനങ്ങളിലെ ജനജീവിതം താറുമാറാക്കി. ഹിമാചല്‍ പ്രദേശില്‍ നാല് ദേശീയ പാതകള്‍ ഉള്‍പ്പെടെ 338 റോഡുകള്‍ അടച്ചു. പല പ്രദേശങ്ങളിലും വെള്ളക്കെട്ട് തുടരുകയാണ്. സത്‌ലജ് നദി പലയിടത്തും കരകവിഞ്ഞൊഴുകി. സംസ്ഥാന ദുരന്ത നിവാരണ അതോറിറ്റിയുടെ കണക്കുകള്‍ പ്രകാരം ഹിമാചലില്‍ ഓഗസ്റ്റ് 1 മുതല്‍ 55 പേരെ കാണാതായിട്ടുണ്ട്.

National132 days ago

ഹിമാചല്‍പ്രദേശില്‍ കനത്ത മഴ; മിന്നല്‍പ്രളയവും മണ്ണിടിച്ചിലും

കനത്ത മഴയെ തുടര്‍ന്നുണ്ടായ വെള്ളപ്പൊക്കത്തിലും മണ്ണിടിച്ചിലിലും ഹിമാചല്‍പ്രദേശിലെ കുളു, മണ്ഡി, ഷിംല ജില്ലകളിലെ റോഡ് ഗതാഗതം പൂര്‍ണമായും സ്തംഭിച്ചു. 280ലധികം റോഡുകള്‍ അടച്ചു. മണ്ണിടിച്ചിലിലും വെള്ളപ്പൊക്കത്തിലും നിരവധി പേരെ കാണാതായിട്ടുണ്ട്. ഇവരെ കണ്ടെത്താനുള്ള രക്ഷാപ്രവര്‍ത്തനം പുരോഗമിക്കുകയാണ്. ഇതുവരെ 28 മൃതദേഹങ്ങളാണ് കണ്ടെത്തിയത്.

National134 days ago

കനത്ത മഴ; ഹിമാചല്‍ പ്രദേശില്‍ 128 റോഡുകള്‍ അടച്ചു

ഹിമാചല്‍ പ്രദേശില്‍ ഓഗസ്റ്റ് 16 വരെ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. കനത്തമഴയെത്തുടര്‍ന്നുണ്ടായ മണ്ണിടിച്ചിലിലും വെള്ളപ്പൊക്കത്തിലും സംസ്ഥാനത്ത് 128 റോഡുകള്‍ അടച്ചിട്ടു. 44 വൈദ്യുതി, 67 ജലവിതരണ പദ്ധതികള്‍ തടസപ്പെട്ടതായി സ്റ്റേറ്റ് എമര്‍ജന്‍സി ഓപ്പറേഷന്‍ സെന്റര്‍ അറിയിച്ചു. ജൂണ്‍ അവസാനവാരം മുതല്‍ ആരംഭിച്ച മഴക്കെടുതിയില്‍ സംസ്ഥാനത്ത് നൂറിലധികം പേര്‍ മരണപ്പെട്ടതായും ഏകദേശം 842 കോടി രൂപയുടെ നാശനഷ്ടം ഉണ്ടായതായും അധികൃതര്‍ കൂട്ടിച്ചേര്‍ത്തു.

National135 days ago

മേഘവിസ്‌ഫോടനം; ഹിമാചലില്‍ മരിച്ചവരുടെ എണ്ണം 22 ആയി

ഹിമാചല്‍പ്രദേശിലെ ഷിംല, കുളു, മാണ്ഡി ജില്ലകളിലുണ്ടായ മേഘവിസ്‌ഫോടനത്തെ തുടര്‍ന്നുണ്ടായ വെള്ളപ്പൊക്കത്തില്‍ 22 പേര്‍ കൊല്ലപ്പെട്ടു. കാണാതായ 30 ഓളം പേര്‍ക്കായുളള തിരച്ചില്‍ പുരോഗമിക്കുകയാണ്. ജൂലൈ 31നുണ്ടായ മേഘവിസ്‌ഫോടനത്തില്‍ കുളുവിലെ നിര്‍മാന്ദ്, സൈഞ്ച്, മലാന, മാണ്ഡിയിലെ പധര്‍, ഷിംലയിലെ രാംപൂര്‍ എന്നിവിടങ്ങളിലാണ് വെള്ളപ്പൊക്കമുണ്ടായത്. മേഘവിസ്‌ഫോടനമുണ്ടായ 85 കിലോമീറ്റര്‍ ചുറ്റളവില്‍ തിരച്ചില്‍ തുടരുകയാണെന്നും അധികൃതര്‍ അറിയിച്ചു.

National137 days ago