BJP എംപിയും നടിയുമായ കങ്കണ റണാവത്ത് സംവിധാനം ചെയ്ത് മുഖ്യവേഷത്തിലെത്തുന്ന എമർജൻസി എന്ന ചിത്രത്തിന്റെ റിലീസ് സെൻസർ ബോർഡ് സർട്ടിഫിക്കറ്റ് നൽകാത്തതിനെ തുടർന്നാണ് അനിശ്ചിതത്വത്തിലായത്. അടിയന്തരവസ്ഥ പശ്ചാത്തലമായി ഒരുക്കിയ ചിത്രത്തിൽ സിഖ് മതത്തെ മോശമായാണ് ചിത്രീകരിക്കുന്നതെന്നും പ്രദർശനം പൂർണമായി തടയണമെന്നും ആവശ്യപ്പെട്ട് സിഖ് മതത്തെ പ്രതിനിധീകരിക്കുന്ന ചിലർ പരാതിയുമായി രംഗത്തെത്തിക്കുന്നു. ചിത്രത്തിൽ ഇന്ദിരാഗാന്ധിയായാണ് കങ്കണയെത്തുന്നത്. നിരവധി തവണ റിലീസ് തീയതി മാറ്റിയ ‘എമർജൻസി’ സെപ്റ്റംബർ ആറിന് റിലീസ് ചെയ്യാനാണ് ഒടുവിൽ നിശ്ചയിച്ചിരുന്നത്. അടിയന്തരവസ്ഥയെ പ്രമേയമാക്കി വരുന്ന ആദ്യത്തെ സിനിമയല്ല തന്റേതെന്നും മധൂർ ഭണ്ഡാർക്കറുടെ ഇന്ദു സർക്കാർ, മേഘ്ന ഗുൽസാറിന്റെ സാം ബഹാദൂർ എന്നിവ അടിയന്തരവസ്ഥയെ പശ്ചാതലമാക്കി വന്നതാണെന്നും കങ്കണ പ്രതികരിച്ചു. ആദ്യം ചിത്രത്തിന് സർട്ടിഫിക്കറ്റ് നൽകിയിരുന്നുവെന്നും ചിലർ നൽകിയ പരാതിയെ തുടർന്ന് അത് റദ്ദാക്കിയതാണെന്നും കങ്കണ കൂട്ടിച്ചേർത്തു.
Related News
ചില ഭാഗങ്ങള്‍ ഒഴിവാക്കിയാല്‍ ‘എമര്‍ജന്‍സി’ റിലീസ് ചെയ്യാമെന്ന് സെന്‍സര്‍ ബോര്‍ഡ്
സമിതി നിര്‍ദേശിക്കുന്ന ചില ഭാഗങ്ങള്‍ ഒഴിവാക്കിയാല്‍ കങ്കണ റണാവത്തിന്റെ 'എമര്‍ജന്‍സി' ചിത്രം റിലീസ് ചെയ്യാമെന്ന് സെന്‍സര്‍ ബോര്‍ഡ് ബോംബെ ഹൈക്കോടതിയെ അറിയിച്ചു. ചിത്രത്തിന് സെന്‍സര്‍ സര്‍ട്ടിഫിക്കറ്റ് നല്‍കണമെന്ന് ആവശ്യപ്പെട്ട് 'എമര്‍ജന്‍സി'യുടെ സഹനിര്‍മ്മാതാവായ സീ സ്റ്റുഡിയോസ് നല്‍കിയ ഹര്‍ജിയിലാണ് സെന്‍സര്‍ ബോര്‍ഡിന്റെ പ്രതികരണം. നേരത്തെ സെപ്തംബര്‍ 6 നാണ് ചിത്രത്തിന്റെ റിലീസ് ഷെഡ്യൂള്‍ ചെയ്തിരുന്നത്. എന്നാല്‍ സിനിമയില്‍ തങ്ങളുടെ സമുദായത്തെ തെറ്റായി ചിത്രീകരിക്കുന്നുവെന്ന് ആരോപിച്ച് സിഖ് സംഘടനകള്‍ പ്രതിഷേധം നടത്തിയതോടെയാണ് എമര്‍ജന്‍സ് റിലീസ് അനിശ്ചിതത്വത്തിലായത്.
കാര്‍ഷിക നിയമ പരാമര്‍ശം; മാപ്പ് പറഞ്ഞ് കങ്കണ റണാവത്ത്
കര്‍ഷകരുടെ പ്രതിഷേധത്തെത്തുടര്‍ന്ന് റദ്ദാക്കിയ മൂന്ന് കാര്‍ഷിക നിയമങ്ങള്‍ തിരികെ കൊണ്ടുവരണമെന്ന പ്രസ്താവന തിരിച്ചെടുക്കുന്നുവെന്ന് നടിയും BJP എംപിയുമായ കങ്കണ റണാവത്ത്. നടിയുടെ പ്രസ്താവന BJPയെ പ്രതിരോധത്തിലാക്കിയതിന് പിന്നാലെയാണ് താരം മാപ്പ് പറഞ്ഞത്. എന്റെ വാക്കുകള്‍ ചിലരെ നിരാശപ്പെടുത്തി, ഞാന്‍ അവ തിരിച്ചെടുക്കുന്നുവെന്നും കങ്കണ പറഞ്ഞു. കാര്‍ഷിക ബില്ലെനെക്കുറിച്ചുളള അഭിപ്രായങ്ങള്‍ കങ്കണയുടെ വ്യക്തിപരമായ പ്രസ്താവനയാണെന്നും പാര്‍ട്ടിയുടെ നിലപാടിനെ പ്രതിനിധീകരിക്കുന്നില്ലെന്നും BJP വക്താവ് ഗൗരവ് ഭാട്ടിയ പറഞ്ഞിരുന്നു.
‘എമര്‍ജന്‍സി’ റിലീസ്; കങ്കണ റണാവത്തിന് കോടതി നോട്ടീസ്
BJP എംപിയും നടിയുമായ കങ്കണാ റണാവത്തിന് ഛണ്ഡീഗഡിലെ ജില്ലാ കോടതി നോട്ടീസ് അയച്ചു. കങ്കണയുടെ 'എമര്‍ജന്‍സി' എന്ന സിനിമയില്‍ സിഖുകാരെ അപകീര്‍ത്തിപ്പെടുത്താന്‍ ശ്രമിച്ചെന്ന പരാതിയിലാണ് നടപടി. അഭിഭാഷകനായ രവീന്ദര്‍ സിങ് ബസ്സിയാണ് ഹര്‍ജി സമര്‍പ്പിച്ചത്. ഡിസംബര്‍ അഞ്ചിനകം മറുപടി നല്‍കാനാണ് കോടതി നിര്‍ദേശം. അതേസമയം സെന്‍സര്‍ സര്‍ട്ടിഫിക്കറ്റ് ലഭിക്കാത്തതിനാല്‍ സിനിമയുടെ റിലീസ് അനിശ്ചിതത്വത്തില്‍ തുടരുകയാണ്.
വിവാദ പരാമർശം: കങ്കണ റണാവത്ത് മാപ്പ് പറയണമെന്ന് കർഷക സംഘടനകൾ
കർഷക സമരത്തെ അധിക്ഷേപിക്കുന്ന പരാമർശം നടത്തിയ BJP എംപിയായ കങ്കണ റണാവത്ത് മാപ്പ് പറയണമെന്ന് വിവിധ കർഷക സംഘടനകൾ ആവശ്യപ്പെട്ടു. കങ്കണയുടെ പരാമർശം വസ്തുതാ വിരുദ്ധവും അധിക്ഷേപകരവുമാണെന്ന് കർഷകർ കുറ്റപ്പെടുത്തി. സർക്കാർ ശക്തമായ നടപടി സ്വീകരിച്ചില്ലായിരുന്നുവെങ്കിൽ കർഷകരുടെ പ്രതിഷേധം ഇന്ത്യയെ ബംഗ്ലാദേശിലെ പോലെ പ്രതിസന്ധിയിലേക്ക് നയിക്കും എന്നായിരുന്നു കങ്കണ പറഞ്ഞത്. കങ്കണയ്ക്കെതിരെ ഈ മാസം 31ന് രാജ്യവ്യാപക പ്രതിഷേധ സമരം സംഘടിപ്പിക്കുമെന്ന് കർഷക സംഘടനകൾ അറിയിച്ചു.
കങ്കണ റണാവത്തിന്റെ വിജയം ചോദ്യം ചെയ്ത് ഹൈക്കോടതിയില്‍ ഹര്‍ജി
ബോളിവുഡ് നടിയും BJP ലോക്സഭാ MPയുമായ കങ്കണ റണാവത്തിന് ഹിമാചല്‍പ്രദേശ് ഹൈക്കോടതി നോട്ടീസ് അയച്ചു. തന്റെ നാമനിര്‍ദേശ പത്രിക അന്യായമായി നിരസിച്ചെന്ന കിന്നൗര്‍ സ്വദേശി ലായക് റാം നേഗിയുടെ ഹര്‍ജിയിലാണ് നടപടി. സംഭവത്തില്‍ കങ്കണ ഓഗസ്റ്റ് 21നകം മറുപടി നല്‍കണമെന്ന് ജസ്റ്റിസ് ജ്യോത്സന റേവാള്‍ ആവശ്യപ്പെട്ടു. ഹിമാചലിലെ മാണ്ഡി ലോക്സാ മണ്ഡലത്തില്‍ എതിരാളിയായ കോണ്‍ഗ്രസ് സ്ഥാനാര്‍ത്ഥി വിക്രമാദിത്യ സിംഗിനെ 74,755 വോട്ടുകള്‍ക്ക് പരാജയപ്പെടുത്തിയാണ് കങ്കണ വിജയിച്ചത്.
കങ്കണയെ തല്ലിയ CISF ഉദ്യോഗസ്ഥ അറസ്റ്റിൽ
നടിയും MP യുമായ കങ്കണ റണാവത്തിനെ ചണ്ഡീഗഢ് വിമാനത്താവളത്തില്‍ വെച്ച് മുഖത്തടിച്ച CISF വനിതാ കോൺസ്റ്റബിൾ കുല്‍വീന്ദര്‍ കൗറിനെ അറസ്റ്റ് ചെയ്തു. സംഭവത്തിന് പിന്നാലെ CISF കുൽവീന്ദർ കൗറിനെ സസ്‌പെൻഡ് ചെയ്തിരുന്നു. കർഷകരെ അപമാനിക്കുന്ന തരത്തിൽ കങ്കണ നടത്തിയ പ്രസ്താവനയെ തുടർന്നാണ് അടിച്ചതെന്ന് കുൽവീന്ദർ കൗർ വിശദീകരണം നൽകി. അതേസമയം കുൽവീന്ദർ കൗറിന് പിന്തുണയുമായി വിവിധ കർഷക സംഘടനകൾ രംഗത്തെത്തി.
കങ്കണയെ അടിച്ച സംഭവം: CISF വനിതാ കോൺസ്റ്റബിളിന് പിന്തുണയുമായി കർഷക സംഘടനകൾ
ചണ്ഡീഗഡ് വിമാനത്താവളത്തിൽ വെച്ച് നടിയും BJP എംപിയുമായ കങ്കണ റണാവത്തിനെ അടിച്ച സംഭവത്തിൽ CISF വനിതാ കോൺസ്റ്റബിൾ കുൽവീന്ദർ കൗറിന് പിന്തുണയുമായി നിരവധി കർഷക സംഘടനകൾ രംഗത്തെത്തി. വിഷയത്തിൽ കൃത്യമായ അന്വേഷണം വേണമെന്ന് സംയുക്ത കിസാൻ മോർച്ചയും (രാഷ്ട്രീയേതര) കിസാൻ മസ്ദൂർ മോർച്ചയും ഉൾപ്പെടെയുള്ള കർഷക സംഘടനകൾ ആവശ്യപ്പെട്ടു. കോൺസ്റ്റബിളിനോട് ഒരു അനീതിയും കാണിക്കരുതെന്ന് ആവശ്യപ്പെട്ട് ജൂൺ 9 ന് മൊഹാലിയിൽ മൊഹാലി സീനിയർ പോലീസ് സൂപ്രണ്ട് ഓഫീസിലേക്ക് മാർച്ച് നടത്തുമെന്ന് SKM (രാഷ്ട്രീയേതര) നേതാവ് ജഗ്ജിത് സിംഗ് ദല്ലേവാൾ പറഞ്ഞു.
കങ്കണ റണാവത്തിനെ CISF ഉദ്യോഗസ്ഥ മർദ്ദിച്ചെന്ന് പരാതി
ഡൽഹിയിലേക്കുള്ള യാത്രയ്ക്കിടെ ചണ്ഡിഗഡ് വിമാനത്താവളത്തിൽ വെച്ച് നിയുക്ത BJP എംപിയും നടിയുമായ കങ്കണ റണാവത്തിനെ സുരക്ഷ പരിശോധനക്കിടെ CISF വനിതാ കോൺസ്റ്റബിൾ മുഖത്തടിച്ചു. കുൽവീന്ദർ കൗർ എന്ന ഉദ്യോഗസ്ഥയാണ് കങ്കണയുടെ മുഖത്തടിച്ചത്. ഇന്ന് വൈകിട്ടോടെയായിരുന്നു സംഭവം. കർഷകരെ അപമാനിച്ചതിനാണ് മർദ്ദിച്ചതെന്നു ഉദ്യോഗസ്ഥ പറഞ്ഞു. സംഭവത്തിൽ ഉദ്യോഗസ്ഥയെ CISF സസ്‌പെൻഡ് ചെയ്തു.
ലോക്സഭാ തിരഞ്ഞെടുപ്പ്: വിജയമുറപ്പിച്ച് കങ്കണ
ഹിമാചല്‍ പ്രദേശിലെ മാണ്ഡി മണ്ഡലത്തിലാണ് NDA സ്ഥാനാര്‍ത്ഥിയും ബോളിവുഡ് നടിയുമായ കങ്കണ റണാവത്ത് ലീഡ് ചെയ്യുന്നത്. കോണ്‍ഗ്രസ് സ്ഥാനാര്‍ത്ഥി വിക്രമാദിത്യ സിങ്ങിനെതിരെ 72,000ലധികം വോട്ടുകള്‍ക്കാണ് കങ്കണ മുന്‍പിലുളളത്. നരേന്ദ്ര മോദിയുടെ പേരിലാണ് ഈ തിരഞ്ഞെടുപ്പില്‍ മത്സരിച്ചതെന്നും ജനങ്ങള്‍ക്ക് അദ്ദേഹത്തിലുള്ള വിശ്വാസത്തിന്റെ ഫലമാണ് മൂന്നാം തവണയും NDA സര്‍ക്കാര്‍ രൂപീകരിക്കാന്‍ പോകുന്നതെന്നും കങ്കണ പറഞ്ഞു.
അപകീര്‍ത്തി പരാമര്‍ശം; ദിലീപ് ഘോഷിനും സുപ്രിയ ശ്രീനേതിനും തിരഞ്ഞെടുപ്പ് കമ്മീഷന്റെ താക്കീത്
പശ്ചിമ ബംഗാള്‍ മുഖ്യമന്ത്രി മമത ബാനര്‍ജിക്കും ബോളിവുഡ് നടി കങ്കണ റണാവത്തിനും എതിരെ അപകീര്‍ത്തി പരാമര്‍ശം നടത്തിയതിനാണ് BJP MP ദിലീപ് ഘോഷിനെയും കോണ്‍ഗ്രസ് നേതാവ് സുപ്രിയ ശ്രീനേതിനെയും തിരഞ്ഞെടുപ്പ് കമ്മീഷന്‍ താക്കീത് ചെയ്തത്. നേതാക്കാള്‍ വ്യക്തിപരമായ ആക്രമണങ്ങള്‍ നടത്തിയതായി ബോധ്യപ്പെട്ടതായും തിരഞ്ഞെടുപ്പ് പെരുമാറ്റച്ചട്ടം നിലനില്‍ക്കവെ പൊതു ഇടങ്ങളില്‍ സംസാരിക്കുമ്പോള്‍ ജാഗ്രത പാലിക്കണമെന്നും കമ്മീഷന്‍ മുന്നറിയിപ്പ് നല്‍കി.
