ജപ്പാനില്‍ അപൂര്‍വവും അപകടകാരിയുമായ ബാക്ടീരിയല്‍ അണുബാധ

രോഗബാധിതര്‍ ആയിരത്തിനടുത്ത് എത്തിയ സാഹചര്യത്തില്‍ കനത്ത ജാഗ്രതാ നിര്‍ദേശമാണ് പുറപ്പെടുവിച്ചിരിക്കുന്നത്. മാംസം ഭക്ഷിക്കുന്ന ബാക്ടീരിയ മൂലമുണ്ടാകുന്ന സ്‌ട്രെപ്‌റ്റോകോക്കല്‍ ടോക്‌സിക് ഷോക്ക് സിന്‍ഡ്രോം എന്ന അവസ്ഥയാണ് പടരുന്നത്. ഈ വര്‍ഷം ജൂണ്‍ വരെയുള്ള കണക്കെടുത്താല്‍ 977 കേസുകളാണ് റിപ്പോര്‍ട്ട് ചെയ്തിട്ടുള്ളത്. കൊഴുപ്പ്, പേശികള്‍, ചര്‍മം എന്നിവയെ നശിപ്പിക്കുന്ന ടോക്‌സിനുകള്‍ ഉത്പാദിപ്പിക്കുന്ന ബാക്ടീരിയല്‍ അണുബാധ ആയതുകൊണ്ടാണ് ഇതിനെ ഫ്‌ളെഷ് ഈറ്റിങ് ബാക്ടീരിയ എന്നുവിളിക്കുന്നത്.

Health188 days ago

ജപ്പാന്റെ പുതിയ പ്രധാനമന്ത്രിയായി ഷിഗെരു ഇഷിബ

ജപ്പാന്റെ 102ാമത് പ്രധാനമന്ത്രിയായി ഷിഗെരു ഇഷിബ തിരഞ്ഞെടുക്കപ്പെട്ടു. ഫ്യൂമിയോ കിഷിദയുടെ പിന്‍ഗാമിയായാണ് സ്ഥാനമേല്‍ക്കുന്നത്. ഷിഗെരു ഇഷിബ ഒക്ടോബര്‍ ഒന്നിന് സത്യപ്രതിജ്ഞ ചെയ്ത് അധികാരമേല്‍ക്കും. ഒമ്പത് സ്ഥാനാര്‍ത്ഥികളാണ് പ്രധാനമന്ത്രി സ്ഥാനത്തേക്ക് മത്സരിച്ചത്.

World87 days ago

രാജി പ്രഖ്യാപിച്ച് ജപ്പാന്‍ പ്രധാനമന്ത്രി ഫുമിയോ കിഷിദ

ജപ്പാന്‍ പ്രധാനമന്ത്രി ഫുമിയോ കിഷിദ സെപ്റ്റംബറില്‍ സ്ഥാനമൊഴിയുമെന്നാണ് പ്രഖ്യാപിച്ചിരിക്കുന്നത്. നിരന്തര അഴിമതി ആരോപണങ്ങളും വിവാദങ്ങളും മൂലം ജനപ്രീതി ഇടിഞ്ഞത് കണക്കിലെടുത്താണ് കിഷിദോ സ്ഥാനമൊഴിയുന്നത്. ഭരണകക്ഷി നേതൃത്വം ഒഴിയുന്നുവെന്നും പുതിയ പ്രധാനമന്ത്രിയെ തെരഞ്ഞെടുക്കാനും കിഷിദ ലിബറല്‍ ഡെമോക്രാറ്റിക് പാര്‍ട്ടി നേതൃത്വത്തോട് അഭ്യര്‍ത്ഥിച്ചു.

World130 days ago

ജപ്പാനില്‍ ഭൂചലനം; സുനാമി മുന്നറിയിപ്പ് നല്‍കി

തെക്കന്‍ ജപ്പാനിലെ ക്യൂഷു ദ്വീപിലാണ് റിക്ടര്‍ സ്‌കെയിലില്‍ 7.1 തീവ്രത രേഖപ്പെടുത്തിയ ഭൂചലനം അനുഭവപ്പെട്ടത്. ക്യൂഷുവിന്റെ കിഴക്കന്‍ തീരത്ത് ഏകദേശം 30 കിലോമീറ്റര്‍ ആഴത്തിലാണ് ഭൂചലനത്തിന്റെ പ്രഭവകേന്ദ്രമെന്നാണ് റിപ്പോര്‍ട്ട്. ഭൂചലനത്തിന് പിന്നാലെ നിരവധി പ്രദേശങ്ങളില്‍ അധികൃതര്‍ സുനാമി മുന്നറിയിപ്പ് നല്‍കി. ഭൂകമ്പത്തില്‍ ഇതുവരെ വലിയ നാശനഷ്ടങ്ങളൊന്നും ഉണ്ടായിട്ടില്ലെന്നും സ്ഥിതിഗതികള്‍ സൂക്ഷ്മമായി നിരീക്ഷിച്ചു വരികയാണെന്നും അധികൃതര്‍ അറിയിച്ചു.

World137 days ago

ജപ്പാനിൽ ഹെലികോപ്റ്ററുകൾ കൂട്ടിയിടിച്ചു; ഒരു മരണം 7 പേരെ കാണാനില്ല

ടോറിഷിമ ദ്വീപിൽ വെച്ച് രാത്രി ഒരു ഹെലികോപ്റ്ററുമായുള്ള ആശയവിനിമയം നഷ്ടപ്പെട്ടു. ഏകദേശം 25 മിനിറ്റിനുശേഷം രണ്ടാമത്തെ ഹെലികോപ്റ്ററുമായുള്ള ബന്ധവും അതേ പ്രദേശത്ത് നിന്ന് നഷ്ടപ്പെടുക ആയിരുന്നു. ജപ്പാന്‍ സൈന്യത്തിന്‍റെ ഹെലികോപ്റ്ററുകൾ ആണ് അപകടത്തില്‍ പെട്ടത്. ഹെലികോപ്റ്ററുകളുടെ ചില ഭാഗങ്ങൾ കടലിൽ നിന്നും ലഭിച്ചതായി ജപ്പാന്‍ സെൽഫ് ഡിഫൻസ് ഫോഴ്‌സ് വക്താവ് പറഞ്ഞു.

World246 days ago

കറാച്ചിയില്‍ ജപ്പാന്‍ പൗരന്മാര്‍ സഞ്ചരിച്ച വാനിനുനേരെ ചാവേറാക്രമണം

ലാന്ധിയിലെ മുര്‍താസ ചോരാംഗിക്ക് സമീപമുള്ള റോഡിലാണ് ആക്രമണമുണ്ടായത്. ചാവേറാക്രമണത്തില്‍ സുസുക്കി മോട്ടോഴ്‌സിന്റെ അഞ്ച് ജാപ്പനീസ് പൗരന്മാര്‍ അത്ഭുതകരമായി രക്ഷപ്പെടുകയും ഒരു സുരക്ഷാ ഉദ്യോഗസ്ഥന്‍ കൊല്ലപ്പെടുകയും ചെയ്തു. ജാപ്പനീസ് പൗരന്‍മാര്‍ സഞ്ചരിച്ച വാനില്‍ വാഹനം ഇടിപ്പിക്കാന്‍ തീവ്രവാദികള്‍ ശ്രമിക്കുകയായിരുന്നുവെന്ന് പോലീസ് വ്യക്തമാക്കി. ഏറ്റുമുട്ടലില്‍ രണ്ടു തീവ്രവാദികളെയും സുരക്ഷസേന വധിച്ചു.

World247 days ago

തായ്‌വാന് പിന്നാലെ ജപ്പാനിലും ഭൂചലനം

ജപ്പാനിലെ ഹോണ്‍ഷുവിലെ കിഴക്കന്‍ തീരത്ത് ഫുകുഷിമ മേഖലയില്‍ റിക്ടര്‍ സ്‌കെയിലില്‍ 6 തീവ്രത രേഖപ്പെടുത്തിയ ഭൂചലനം ഉണ്ടായതായി യൂറോപ്യന്‍ മെഡിറ്ററേനിയന്‍ സീസ്മോളജിക്കല്‍ സെന്റര്‍ അറിയിച്ചു. ഭൂകമ്പത്തില്‍ ഇതുവരെ നാശനഷ്ടങ്ങളോ ആളപായമോ റിപ്പോര്‍ട്ട് ചെയ്തിട്ടില്ല. ജപ്പാന്റെ അയല്‍ പ്രദേശമായ തായ്‌വാനില്‍ കഴിഞ്ഞ ദിവസമുണ്ടായ ശക്തമായ ഭൂകമ്പത്തില്‍ ഒമ്പത് പേര്‍ മരണപ്പെടുകയും ആയിരത്തിലധികം പേര്‍ക്ക് പരിക്കേല്‍ക്കുകയും ചെയ്തിരുന്നു.

World263 days ago

ജപ്പാനില്‍ അപകടകാരിയായ ബാക്ടീരിയല്‍ അണുബാധ വ്യാപിക്കുന്നതായി റിപ്പോര്‍ട്ട്

സ്‌ട്രെപ്‌റ്റോകോക്കല്‍ ടോക്‌സിക് ഷോക്ക് സിന്‍ഡ്രോം എന്ന് അറിയപ്പെടുന്ന രോഗമാണ് ആശങ്ക പടര്‍ത്തി വ്യാപിച്ചു കൊണ്ടിരിക്കുന്നത്. രോഗികളുടെ എണ്ണം കൂടുന്നതിന് പിന്നിലെ കാരണമെന്തെന്ന് വ്യക്തമല്ലെന്ന് നാഷണല്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫെക്ഷ്യസ് ഡിസീസ് വ്യക്തമാക്കി. കഴിഞ്ഞവര്‍ഷം 941 പേര്‍ക്കാണ് രോഗം സ്ഥിരീകരിച്ചതെങ്കില്‍ ഈ വര്‍ഷം രണ്ട് മാസത്തിനുള്ളില്‍ മാത്രം 378 കേസുകളാണ് റിപ്പോര്‍ട്ട് ചെയ്തത്.

World281 days ago

ജപ്പാനിലെ ആദ്യ സ്വകാര്യ റോക്കറ്റ് വിക്ഷേപണത്തിന് പിന്നാലെ പൊട്ടിത്തെറിച്ചു

ജപ്പാനിലെ സ്വകാര്യ കമ്പനി സ്പേസ് വണ്‍ നിര്‍മിച്ച കെയ്റോസ് എന്ന റോക്കറ്റാണ് വിക്ഷേപണത്തിന് തൊട്ടുപിന്നാലെ പൊട്ടിത്തെറിച്ചത്. രാജ്യത്തെ സ്വകാര്യ മേഖലയിലെ ആദ്യ റോക്കറ്റായിരുന്നു ഇത്. പടിഞ്ഞാറന്‍ ജപ്പാനിലെ കി പെനിന്‍സുല വിക്ഷേപണ കേന്ദ്രത്തില്‍ നിന്നായിരുന്നു റോക്കറ്റ് വിക്ഷേപിച്ചത്. സംഭവത്തില്‍ ആളപായമോ മറ്റ് നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല.

Science285 days ago

തങ്ങളുടെ മൂണ്‍ ലാന്‍ഡര്‍ ചാന്ദ്രരാത്രി അതിജീവിച്ചതായി ജപ്പാന്‍ ബഹിരാകാശ ഏജന്‍സി

ആഴ്ചകള്‍ നീണ്ടുനില്‍ക്കുന്ന രണ്ടാമത്തെ ചാന്ദ്ര രാത്രിയെ മൂണ്‍ ലാന്‍ഡര്‍ അതിജീവിച്ചുവെന്നാണ് ജപ്പാന്‍ ബഹിരാകാശ ഏജന്‍സി അറിയിച്ചത്. രണ്ടാഴ്ച നീളുന്ന ചന്ദ്രനിലെ രാത്രിയിലെ കടുത്ത ശൈത്യത്തെ അതിജീവിക്കും വിധം രൂപകല്‍പന ചെയ്യപ്പെട്ടിട്ടില്ലാത്ത പേടകമാണ് വീണ്ടും പ്രവര്‍ത്തിച്ച് തുടങ്ങിയതെന്നും അധികൃതര്‍ വ്യക്തമാക്കി. ചന്ദ്രനില്‍ നിന്നുള്ള പുതിയ ചിത്രങ്ങള്‍ പേടകം ഭൂമിയിലേക്ക് അയക്കുകയും ചെയ്തു.

Science300 days ago

തടി ഉപയോഗിച്ചുള്ള ആദ്യ സാറ്റ്‌ലൈറ്റ് വിക്ഷേപിക്കാനൊരുങ്ങി നാസയും ജപ്പാനും

ലിഗ്‌നോസാറ്റ് എന്ന് പേരിട്ടിരിക്കുന്ന സാറ്റ്‌ലൈറ്റ് അടുത്ത മാസം നാസയുടെ സഹായത്തോടെ വിക്ഷേപിക്കുമെന്നാണ് ജപ്പാന്‍ അറിയിച്ചിരിക്കുന്നത്. മംഗോളിയന്‍വുഡ് കൊണ്ടാണ് സാറ്റ്‌ലൈറ്റ് നിര്‍മ്മിച്ചിരിക്കുന്നത്. പരിസ്ഥിതി സൗഹൃദപരമായ ഉപഗ്രമായതിനാല്‍ ബഹിരാകാശ മാലിന്യം എന്ന അപകടം ഒരുപരിധിവരെ ഇല്ലാതാക്കാന്‍ ലിഗ്‌നോസാറ്റിന് കഴിയുമെന്നാണ് ജപ്പാനിലെ ഗവേഷകര്‍ പറയുന്നത്.

Science307 days ago