ഛത്തീസ്ഗഡില്‍ ഒന്‍പത് മാവോയിസ്റ്റുകള്‍ അറസ്റ്റില്‍

ഛത്തീസ്ഗഡില്‍ ബിജാപൂര്‍ ജില്ലയിലെ വിവിധ സ്ഥലങ്ങളില്‍ നിന്ന് ഞായറാഴ്ച മാവോയിസ്റ്റുകളെ അറസ്റ്റ് ചെയ്തതായി പോലീസ് അറിയിച്ചു. എട്ടുപേരെ ഉസൂര്‍ പോലീസ് സ്റ്റേഷന്‍ പരിധിയില്‍ നിന്നും നെയിംഡ് പോലീസ് സ്റ്റേഷന്‍ പരിധിയില്‍ നിന്ന് ഒരാളെയുമാണ് പിടികൂടിയത്. അറസ്റ്റിലായ എല്ലാവരും മാവോയിസ്റ്റ് പ്രസ്ഥാനത്തിന്റെ സജീവ അംഗങ്ങളാണെന്ന് പോലീസ് അറിയിച്ചു. CRPFഉം ലോക്കല്‍ പോലീസും ചേര്‍ന്നാണ് മാവോയിസ്റ്റുകളെ പിടികൂടിയത്.

National197 days ago

ഛത്തീസ്ഗഢില്‍ ഇടിമിന്നലേറ്റ് ആറ് കുട്ടികളടക്കം എട്ട് പേര്‍ മരിച്ചു

ഛത്തീസ്ഗഢിലെ രാജ്‌നന്ദ്ഗാവ് മേഖലയില്‍ ഇടിമിന്നലേറ്റ് ആറ് കുട്ടികള്‍ ഉള്‍പ്പെടെ എട്ട് പേര്‍ മരിക്കുകയും ഒരാള്‍ക്ക് ഗുരുതരമായി പരിക്കേല്‍ക്കുകയും ചെയ്തു. പരീക്ഷ കഴിഞ്ഞ് മടങ്ങുകയായിരുന്ന പതിനൊന്നാം ക്ലാസ് വിദ്യാര്‍ത്ഥികളാണ് മരണപ്പെട്ടത്. കനത്ത മഴയെത്തുടര്‍ന്ന് കുട്ടികള്‍ ഷെഡ്ഡിനടിയില്‍ നില്‍ക്കുകയായിരുന്നെന്നും ഇതിന് സമീപത്തുണ്ടായിരുന്ന മരത്തില്‍ ഇടിമിന്നലേല്‍ക്കുകയായിരുന്നെന്നും ജില്ലാ കളക്ടര്‍ സഞ്ജയ് അഗര്‍വാള്‍ പറഞ്ഞു. മരിച്ചവരുടെ കുടുംബങ്ങള്‍ക്ക് സംസ്ഥാന സര്‍ക്കാര്‍ നാല് ലക്ഷം രൂപ ധനസഹായം പ്രഖ്യാപിച്ചു. പരിക്കേറ്റവര്‍ക്ക് നിയമപ്രകാരമുള്ള നഷ്ടപരിഹാരം തീരുമാനിക്കുമെന്നും ഉദ്യോഗസ്ഥര്‍ അറിയിച്ചു.

National92 days ago

2026 മാര്‍ച്ചോടെ നക്സലിസം തുടച്ചുനീക്കും: അമിത് ഷാ

നക്സലിസവും നക്സലിസം എന്ന ആശയവും രാജ്യത്ത് നിന്ന് പിഴുതെറിഞ്ഞ് സമാധാനം സ്ഥാപിക്കുമെന്ന് കേന്ദ്ര ആഭ്യന്തരമന്ത്രി അമിത് ഷാ. ഛത്തീസ്ഗഡിലെ നാല് ജില്ലകളിലൊഴികെ രാജ്യത്ത് നക്സലിസം അവസാനിപ്പിക്കുന്നതില്‍ നരേന്ദ്ര മോദി സര്‍ക്കാര്‍ വിജയിച്ചു. 2026 മാര്‍ച്ചിന് മുമ്പ് രാജ്യത്തെ നക്‌സലിസം അവസാനിപ്പിക്കുമെന്ന് ഉറപ്പുനല്‍കുന്നുവെന്നും അമിത് ഷാ പറഞ്ഞു. മാവോയിസ്റ്റുകള്‍ അക്രമം അവസാനിപ്പണമെന്നും ആയുധങ്ങള്‍ ഉപേക്ഷിച്ച് കീഴടങ്ങണമെന്നും അദ്ദേഹം പറഞ്ഞു.

National95 days ago

വന്ദേഭാരത് ട്രെയിന് നേരെ കല്ലേറ്; അഞ്ച് പേര്‍ അറസ്റ്റില്‍

ഛത്തീസ്ഗഡില്‍ ട്രയല്‍ റണ്ണിനിടെ വന്ദേ ഭാരത് എക്സ്പ്രസ് ട്രെയിനിന് നേരെ കല്ലെറിഞ്ഞ സംഭവത്തില്‍ അഞ്ച് പേരെ അറസ്റ്റ് ചെയ്തു. ഛത്തീസ്ഗഡിലെ ദുര്‍ഗില്‍ നിന്ന് ആന്ധ്രാപ്രദേശിലെ വിശാഖപട്ടണത്തേക്ക് നാളെ മുതല്‍ സര്‍വീസ് ആരംഭിക്കാനിരുന്ന വന്ദേഭാരതിലാണ് കല്ലേറുണ്ടായത്. പരിക്കുകളൊന്നും റിപ്പോര്‍ട്ട് ചെയ്തിട്ടില്ലെങ്കിലും ട്രെയിനിന്റെ മൂന്ന് കോച്ചുകളുടെ ജനാലകള്‍ക്ക് കേടുപാടുകള്‍ സംഭവിച്ചിട്ടുണ്ടെന്നും പ്രതികള്‍ക്കെതിരെ റെയില്‍വെ ആക്ട് പ്രകാരം കേസെടുത്തിട്ടുണ്ടെന്നും അധികൃതര്‍ അറിയിച്ചു.

National101 days ago

പോലീസിന് വിവരങ്ങൾ നൽകി എന്നാരോപിച്ച് ഛത്തീസ്ഗഢിൽ മാവോയിസ്റ്റുകൾ രണ്ട് പേരെ കൊലപ്പെടുത്തി

ഛത്തീസ്ഗഡിലെ ബിജാപൂർ ജില്ലയിലുള്ള ഒരു ഉൾ ഗ്രാമത്തിലാണ് സംഭവം. പോലീസിന് വിവരം നൽകുന്നവർ എന്നാരോപിച്ചാണ് മാവോയിസ്റ്റുകൾ രണ്ടുപേരെ കൊലപ്പെടുത്തിയത്. സംഭവത്തെക്കുറിച്ചുള്ള വിവരങ്ങൾ പോലീസിന് ലഭിച്ചിട്ടുണ്ടെന്നും ഇത് സംബന്ധിച്ച വിശദാംശങ്ങൾ ശേഖരിച്ചുവരികയാണെന്നും മുതിർന്ന പോലീസ് ഉദ്യോഗസ്ഥൻ പറഞ്ഞു. പ്രാഥമിക വിവരമനുസരിച്ച് മിർതൂർ പോലീസ് സ്റ്റേഷൻ പരിധിയിലെ ജപ്പേമർക ഗ്രാമത്തിൽ നിന്ന് ഒരു സ്കൂൾ വിദ്യാർത്ഥി ഉൾപ്പെടെ മൂന്ന് ഗ്രാമീണരെ മാവോയിസ്റ്റുകൾ തട്ടിക്കൊണ്ടുപോകുകയും പിന്നീട് സ്‌കൂൾ വിദ്യാർത്ഥിയെ മോചിപ്പിക്കുകയും മറ്റ് രണ്ട് പേരെ കൊല്ലുകയുമായിരുന്നു. കൊലപാതകത്തിൻ്റെ ഉത്തരവാദിത്തം മാവോയിസ്റ്റുകളുടെ ഭൈരംഗഡ് ഏരിയ കമ്മിറ്റി ഏറ്റെടുത്തു.

National103 days ago

ഛത്തീസ്ഗഢിൽ സുരക്ഷാ സേനയുമായി ഏറ്റുമുട്ടൽ; ഒമ്പത് മാവോയിസ്റ്റുകൾ കൊല്ലപ്പെട്ടു

ഛത്തീസ്ഗഡിലെ ബസ്തർ മേഖലയിലാണ് സുരക്ഷാ ഉദ്യോഗസ്ഥരും മാവോയിസ്റ്റുകളും തമ്മിൽ ഏറ്റുമുട്ടലുണ്ടായത്. ഏറ്റുമുട്ടലിൽ 9 മാവോയിസ്റ്റുകളെ സുരക്ഷാ സേന വധിച്ചു. ദന്തേവാഡ, ബിജാപൂർ ജില്ലകളുടെ അതിർത്തിയിലുള്ള വനപ്രദേശത്ത് ഇന്ന് രാവിലെയാണ് സുരക്ഷ സേനയുടെ സംയുക്ത സംഘം മാവോയിസ്റ്റുകളുണ്ടെന്ന രഹസ്യവിവരത്തെ തുടർന്ന് ഓപ്പറേഷൻ ആരംഭിച്ചത്. സുരക്ഷാ ഉദ്യോഗസ്ഥരും മാവോയിസ്റ്റുകളും തമ്മിലുള്ള വെടിവെപ്പ് ദീർഘ നേരം നീണ്ടു നിന്നു. തുടർന്ന് നടത്തിയ പരിശോധനയില്‍ 9 മാവോയിസ്റ്റുകളുടെ മൃതദേഹങ്ങളും നിരവധി ആയുധങ്ങളും കണ്ടെത്തി.

National112 days ago

നിരാഹാര സമരം: ജയിലിൽ കഴിയുന്ന മാവോയിസ്റ്റ് നേതാവ് സോമൻ്റെ ആരോഗ്യസ്ഥിതി മോശമായി

ജയിലിൽ നിരാഹാര സമരം നടത്തി ആരോഗ്യസ്ഥിതി മോശമായതിനെ തുടർന്ന് മാവോയിസ്റ്റ് നേതാവ് സോമനെ തൃശൂർ മെഡിക്കൽ കോളേജിൽ എത്തിച്ച് ചികിത്സ നൽകി. നിരാഹാര സമരം നടത്തിയതിന് പിന്നാലെ നെഞ്ചുവേദനയും ശരീരത്തിൽ പഞ്ചസാരയുടെ അളവ് കുറഞ്ഞതുമാണ് ആരോഗ്യസ്ഥിതി മോശമാകാൻ കാരണമായത്. കാർഡിയോളജി വിഭാഗത്തിലെ ഡോക്ടർമാർ സോമനെ പരിശോധിച്ച് ചികിത്സ നൽകിയതിനു ശേഷം സോമനെ അതിസുരക്ഷാ ജയിലിലേക്ക് മാറ്റി. കോടതികളില്‍ കൊണ്ടു പോയി തിരികെ കൊണ്ടുവരുമ്പോള്‍ ദേഹപരിശോധനകള്‍ നടത്തുന്നത് നിര്‍ത്തണമെന്നാവശ്യപ്പെട്ടാണ് സോമൻ നിരാഹാരം കിടന്നത്.

Kerala142 days ago

കൊച്ചിയില്‍ അറസ്റ്റിലായ മാവോയിസ്റ്റ് പ്രവര്‍ത്തകനെ റിമാന്‍ഡ് ചെയ്തു

സംസ്ഥാന ഭീകര വിരുദ്ധ സേനയുടെ വാണ്ടഡ് ലിസ്റ്റില്‍ ഉണ്ടായിരുന്ന മാവോയിസ്റ്റ് പ്രവര്‍ത്തകന്‍ മനോജിനെ ഇന്നലെ എറണാകുളം സൗത്ത് റെയില്‍വേ സ്റ്റേഷനില്‍ നിന്നായിരുന്നു പിടികൂടിയത്. ഇന്ന് കോടതിയില്‍ ഹാജരാക്കിയപ്പോഴും ഇയാള്‍ മാവോയിസ്റ്റ് അനുകൂല മുദ്രാവാക്യങ്ങള്‍ വിളിച്ചു. വയനാട്ടില്‍ മാവോയിസ്റ്റുകള്‍ കുഴിബോംബ് സ്ഥാപിച്ചത് കണ്ടെത്തിയതിന് പിന്നാലെ മനോജ് അടക്കമുള്ള വാണ്ടഡ് ലിസ്റ്റിലുള്ളവര്‍ക്കായി നിരീക്ഷണം ശക്തമാക്കിയിരുന്നു. ഇതിന് പിന്നാലെ മനോജ് കൊച്ചിയിലെത്തിയെന്ന വിവരം പിന്തുടര്‍ന്നായിരുന്നു അറസ്റ്റ്.

Kerala158 days ago

എറണാകുളത്ത് മാവോയിസ്റ്റ് പ്രവർത്തകൻ പിടിയിൽ

എറണാകുളം സൗത്ത് റെയിൽവേ സ്റ്റേഷനിൽ നിന്ന് ഭീകരവിരുദ്ധ സ്ക്വാഡാണ് മാവോയിസ്റ്റ് ബന്ധമുള്ളയാളെ പിടികൂടിയത്. വയനാട് സ്വദേശി മനോജാണ് പിടിയിലായത്. വയനാട്ടിലെ കുഴിബോംബ് സംഭവത്തിന് ശേഷം ഭീകരവിരുദ്ധ സ്‌ക്വാഡ് മനോജിനെ നിരീക്ഷിക്കുന്നുണ്ടായിരുന്നു. ഇതിന് പിന്നാലെയാണ് ഇയാളെ കസ്റ്റഡിയിലെടുത്തത്. സംഘടനാ പ്രവർത്തനത്തിന് പണം വാങ്ങുന്നതുമായി ബന്ധപ്പെട്ടാണ് ഇയാൾ കൊച്ചിയിൽ എത്തിയത് എന്നാണ് പോലീസ് വൃത്തങ്ങൾ നിന്ന് ലഭിക്കുന്ന പ്രാഥമിക വിവരം.

Kerala159 days ago

ഛത്തീസ്ഗഢില്‍ മാവോയിസ്റ്റ് സ്‌ഫോടനം; രണ്ട് ജവാന്മാര്‍ക്ക് വീരമൃത്യു

ഛത്തീസ്ഗഢിലെ ബിജാപുര്‍ ജില്ലയില്‍ മാവോയിസ്റ്റുകള്‍ നടത്തിയ IED സ്‌ഫോടനത്തിലാണ് രണ്ട് ജവാന്മാര്‍ വീരമൃത്യു വരിച്ചത്. നാല് ജവാന്മാര്‍ക്ക് പരിക്കേറ്റിട്ടുണ്ട്. സ്റ്റേറ്റ് ടാസ്‌ക് ഫോഴ്‌സിലെ ചീഫ് കോണ്‍സ്റ്റബിള്‍ ഭരത് ലാല്‍ സാഹു, കോണ്‍സ്റ്റബിള്‍ സതേര്‍ സിങ്ങ് എന്നിവരാണ് വീരമൃത്യു വരിച്ചത്. നക്‌സല്‍ വിരുദ്ധ ഓപ്പറേഷന്‍ കഴിഞ്ഞ് തിരിച്ചു വരുന്നതിനിടെയായിരുന്നു സ്‌ഫോടനം. ബുധനാഴ്ച രാത്രിയോടെയായിരുന്നു സ്‌ഫോടനം ഉണ്ടായത്.

National160 days ago

മഹാരാഷ്ട്രയില്‍ ഏറ്റുമുട്ടല്‍; 12 മാവോയിസ്റ്റുകളെ വധിച്ചു

മഹാരാഷ്ട്രയിലെ ഗഡ്ചിരോളി ജില്ലയിലാണ് ആറ് മണിക്കൂറോളം നീണ്ടുനിന്ന ഏറ്റുമുട്ടലുണ്ടായത്. ഛത്തീസ്ഗഢ് അതിര്‍ത്തിയോട് ചേര്‍ന്ന വന്ദോലി ഗ്രാമത്തിന് സമീപം പതിനഞ്ചോളം മാവോയിസ്റ്റുകള്‍ ക്യാമ്പ് ചെയ്യുന്നതായി വിവരം ലഭിച്ചതിനെ തുടര്‍ന്നാണ് മഹാരാഷ്ട്ര പോലീസ് രാവിലെ മുതല്‍ തിരച്ചില്‍ നടത്തിയത്. തുടര്‍ന്ന് നടന്ന ഏറ്റുമുട്ടലില്‍ 12 മാവോയിസ്റ്റുകളെ വധിക്കുകയും നിരവധി ആയുധങ്ങള്‍ കണ്ടെടുക്കുകയും ചെയ്തു. വെടിവെയ്പില്‍ രണ്ട് ഉദ്യോഗസ്ഥര്‍ക്കും പരിക്കേറ്റിട്ടുണ്ട്.

National160 days ago