UDF സ്ഥാനാര്‍ത്ഥികളായ ഡീന്‍ കുര്യാക്കോസ്, ഹൈബി ഈഡന്‍, കെ. സുധാകരന്‍ എന്നിവര്‍ വിജയിച്ചു

133727 വോട്ടിന്റെ ഭൂരിപക്ഷത്തിനാണ് ഇടുക്കിയില്‍ ഡീന്‍ കുര്യാക്കോസ് വിജയിച്ചത്. 248930 വോട്ടിന്റെ ഭൂരിപക്ഷത്തിനാണ് ഏറണാകുളത്ത് ഹൈബി ഈഡന്‍ വിജയിച്ചത്. 107726 വോട്ടിന്റെ ഭൂരിപക്ഷത്തിനാണ് കണ്ണൂരില്‍ കെ. സുധാകരന്‍ വിജയിച്ചത്. 17 സീറ്റ് UDFനും 2 സീറ്റ് LDFനും ഒരു സീറ്റ് NDAയ്ക്കും എന്ന തരത്തിലാണ് വോട്ടെണ്ണല്‍ അവസാന ഘട്ടത്തിലെത്തുമ്പോള്‍ കേരളത്തിലെ സാഹചര്യം. പല സ്ഥാനാര്‍ത്ഥികളും വിജയാഘോഷങ്ങള്‍ ആരംഭിച്ചു കഴിഞ്ഞു.

Kerala205 days ago

ലോക്‌സഭാ തിരഞ്ഞെടുപ്പ്; കോണ്‍ഗ്രസില്‍ നിന്ന് രാഹുല്‍ ഗാന്ധി കൈപ്പറ്റിയത് 1.40 കോടി രൂപ

2024ലെ ലോക്സഭാ തിരഞ്ഞെടുപ്പില്‍ വയനാട്ടില്‍ നിന്നും റായ്ബറേലിയില്‍ നിന്നും മത്സരിക്കുന്നതിന് രാഹുല്‍ ഗാന്ധി പാര്‍ട്ടി ഫണ്ടില്‍ നിന്നും, ഓരോ മണ്ഡലത്തിലും 70 ലക്ഷം രൂപ വീതം 1.40 കോടി രൂപ കൈപ്പറ്റി. തിരഞ്ഞെടുപ്പ് കമ്മീഷന് നല്‍കിയ റിപ്പോര്‍ട്ടിലാണ് കോണ്‍ഗ്രസ് ഇക്കാര്യം വെളിപ്പെടുത്തിയിരിക്കുന്നത്. പാര്‍ട്ടി ഫണ്ടില്‍ നിന്ന് 87 ലക്ഷം രൂപ കൈപ്പറ്റിയ വിക്രമാദിത്യ സിംഗാണ് ഉയര്‍ന്ന തുക നേടിയ സ്ഥാനാര്‍ത്ഥി. എന്നാല്‍ ഹിമാചല്‍പ്രദേശിലെ മാണ്ഡി സീറ്റില്‍ നിന്ന് BJP സ്ഥാനാര്‍ത്ഥി കങ്കണ റണാവത്തിനാട് അദ്ദേഹം പരാജയപ്പെട്ടു.

National118 days ago

UDF എംഎല്‍എമാര്‍ ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കും

മുഖ്യമന്ത്രിയുടെ ദുരിതാശ്വാസനിധിയുടെ കാര്യത്തില്‍ അഭിപ്രായവ്യത്യാസമില്ലെന്നും UDFലെ എല്ലാ എംഎല്‍എമാരും ഒരു മാസത്തെ ശമ്പളം അതിലേക്ക് സംഭാവന ചെയ്യുമെന്നും പ്രതിപക്ഷനേതാവ് വി.ഡി. സതീശന്‍ പറഞ്ഞു. രാഹുല്‍ ഗാന്ധി 100 വീടുകള്‍ നിര്‍മിച്ചു നല്‍കുമെന്ന് പ്രഖ്യാപിച്ചതിന് പുറമെ മുസ്ലിം ലീഗും വലിയൊരു പുനരധിവാസ പ്രക്രിയ പ്രഖ്യാപിച്ചിട്ടുണ്ട്. വയനാടിന്റെ പുനര്‍നിര്‍മാണത്തിന് UDFലെ എല്ലാ ഘടകകക്ഷികളും ഒറ്റക്കെട്ടായി പ്രവര്‍ത്തിക്കുമെന്നും അദ്ദേഹം കൂട്ടിച്ചേര്‍ത്തു.

Kerala144 days ago

ലോക്‌സഭാ തിരഞ്ഞെടുപ്പില്‍ BJPക്ക് തിരിച്ചടിയായത് അമിത ആത്മവിശ്വാസമാണെന്ന് യോഗി ആദിത്യനാഥ്

അമിത ആത്മവിശ്വാസമാണ് സംസ്ഥാനത്തെ ഈ വര്‍ഷത്തെ തിരഞ്ഞെടുപ്പില്‍ BJPയുടെ പ്രതീക്ഷകളെ വ്രണപ്പെടുത്തിയതെന്നും ആഗ്രഹിച്ച വിജയം നേടുന്നതില്‍ നിന്ന് അത് തടഞ്ഞെന്നും യോഗി ആദിത്യനാഥ് പറഞ്ഞു. ലഖ്‌നൗവിലെ റാം മനോഹര്‍ ലോഹ്യ നാഷണല്‍ ലോ യൂണിവേഴ്സിറ്റിയിലെ ഭീംറാവു അംബേദ്കര്‍ ഓഡിറ്റോറിയത്തില്‍ നടന്ന BJP സംസ്ഥാന പ്രവര്‍ത്തക സമിതി യോഗത്തില്‍ പ്രവര്‍ത്തകരെ അഭിസംബോധന ചെയ്ത് സംസാരിക്കവെയാണ് അദ്ദേഹം ഇക്കാര്യം പറഞ്ഞത്.Read More

National164 days ago

ലോക്സഭാ തിരഞ്ഞെടുപ്പിലെ പരാജയം വിശകലനം ചെയ്യാൻ കോണ്‍ഗ്രസ് ഹൈക്കമാന്‍ഡ് സമിതി രൂപീകരിച്ചു

ഡൽഹി, മധ്യപ്രദേശ്, ഛത്തീസ്ഗഢ്, ഒഡീഷ, ഉത്തരാഖണ്ഡ്, ഹിമാചല്‍ പ്രദേശ്, കര്‍ണാടക, തെലങ്കാന എന്നീ സംസ്ഥാനങ്ങളിലുണ്ടായ പരാജയം പഠിച്ച് റിപ്പോര്‍ട്ട് നല്‍കുന്നതിനാണ് ഹൈക്കമാന്‍ഡ് സമിതി രൂപീകരിച്ചത്. പാര്‍ട്ടി അധികാരത്തിലിരിക്കുന്ന തെലങ്കാന, കർണാടക, ഹിമാചല്‍ പ്രദേശ് എന്നിവിടങ്ങളിൽ നേരിട്ട തിരിച്ചടി കോണ്‍ഗ്രസ് ഗൗരവമായാണ് കാണുന്നത്. ഗൗരവ് ഗൊഗൊയ്, മധുസൂധന്‍ മിസ്ത്രി, ഹൈബി ഈഡന്‍ എന്നിവർക്കാണ് കർണാടകയുടെ ചുമതല. പി.ജെ. കുര്യന്‍, പര്‍ഗത് സിങ്, റക്കിബുള്‍ ഹുസൈന്‍ എന്നിവര്‍ അടങ്ങുന്ന സമിതിക്കാണ് തെലങ്കാനയുടെ ചുമതല. ജഘ പുനിയ, രജനി പട്ടീൽ എന്നിവർ ഡൽഹി, ഉത്തരാഖണ്ഡ്, ഹിമാചല്‍ പ്രദേശ് എന്നിവിടങ്ങളിലെയും പരാജയം പരിശോധിക്കും.

National188 days ago

കേരളത്തിലെ തിരഞ്ഞെടുപ്പ് ഫലം നിരാശാജനകം: സീതാറാം യെച്ചൂരി

ലോക്സഭ തിരഞ്ഞെടുപ്പിൽ സംസ്ഥാനത്ത് CPI(M) ന്റെ പ്രകടനത്തിൽ അതൃപ്തി പ്രകടിപ്പിച്ച് CPI(M) ദേശീയ ജനറല്‍ സെക്രട്ടറി സീതാറാം യെച്ചൂരി. തിരഞ്ഞെടുപ്പ് ഫലം അതീവ നിരാശാജനകമെന്നും പാർട്ടിക്കുണ്ടായ തിരിച്ചടി ഗൗരവമായി പരിശോധിക്കണമെന്നും ദേശീയ തലത്തിലെ തിരഞ്ഞെടുപ്പ് അവലോകന റിപ്പോര്‍ട്ടിൽ പരാമർശിച്ചു. റിപ്പോര്‍ട്ട് സംസ്ഥാന കമ്മിറ്റിയില്‍ അവതരിപ്പിച്ചു.

Kerala191 days ago

രാജ്യസഭാ തിരഞ്ഞെടുപ്പ്: UDF സ്ഥാനാർത്ഥി നാമനിർദേശ പത്രിക സമർപ്പിച്ചു

രാജ്യസഭാ തിരഞ്ഞെടുപ്പിൽ മത്സരിക്കുന്ന UDF സ്ഥാനാർത്ഥി ഹാരിസ് ബീരാൻ നാമനിർദേശ പത്രിക സമർപ്പിച്ചു. രാജ്യസഭാ തിരഞ്ഞെടുപ്പ് വരണാധികാരിയും നിയമസഭാ സ്പെഷ്യൽ സെക്രട്ടറിയുമായ ഷാജി സി ബേബി മുൻപാകെയാണ് പത്രിക സമർപ്പിച്ചത്. പ്രതിപക്ഷനേതാവ് വി.ഡി. സതീശൻ, പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി, UDF നേതാക്കളായ രമേശ് ചെന്നിത്തല, ഡോ.എം.കെ. മുനീർ, പി.സി. വിഷ്ണുനാഥ്‌, അൻവർ സാദത്ത് തുടങ്ങിയ നേതാക്കളുടെ സാന്നിധ്യത്തിലായിരുന്നു പത്രിക സമർപ്പണം.

Kerala198 days ago

രാഹുൽ ഗാന്ധിയുടെ വയനാട് സന്ദർശനം: UDF നിയമസഭാ മാർച്ച് മാറ്റിവെച്ചു

ബാർക്കോഴ അഴിമതിയാരോപണത്തിൽ LDF സർക്കാരിനെതിരെ UDF ജൂൺ 12ന് നിയമസഭയിലേക്ക് നടത്താനിരുന്ന പ്രതിഷേധ മാർച്ച് മാറ്റിവെച്ചു. അന്നേ ദിവസം വൈകിട്ട് മൂന്നിന് ചേരാനിരുന്ന UDF നേതൃയോഗവും ചേരില്ല. ജൂൺ 12ന് രാഹുൽ ഗാന്ധിയുടെ വയനാട് സന്ദർശനം നടക്കുന്നതിനാലാണ് മാർച്ചും യോഗവും മാറ്റിവെച്ചതെന്ന് UDF കൺവീനർ എം.എം. ഹസൻ അറിയിച്ചു.

Kerala199 days ago

രാഹുല്‍ ഗാന്ധി പ്രതിപക്ഷ നേതാവാകണം; പ്രമേയം പാസാക്കി കോണ്‍ഗ്രസ് പ്രവര്‍ത്തക സമിതി

ലോക്‌സഭയിലെ പ്രതിപക്ഷ നേതാവാകാന്‍ കോണ്‍ഗ്രസ് പ്രവര്‍ത്തക സമിതി രാഹുല്‍ ഗാന്ധിയോട് ഏകകണ്ഠമായി അഭ്യര്‍ത്ഥിച്ചതായി കോണ്‍ഗ്രസ് നേതാവും ആലപ്പുഴ MPയുമായ കെ.സി. വേണുഗോപാല്‍ പറഞ്ഞു. തിരഞ്ഞെടുപ്പ് പ്രചാരണത്തില്‍ രാഹുല്‍ ഗാന്ധി നടത്തിയ പ്രവര്‍ത്തനങ്ങളെയും സമിതി പ്രശംസിച്ചു. അതേസമയം രാഹുല്‍ ഗാന്ധി വയനാട് സീറ്റ് ഒഴിഞ്ഞേക്കുമെന്നും റായ്ബറേലിയില്‍ എംപിയായി തുടരുമെന്നുമാണ് റിപ്പോര്‍ട്ട്.

National201 days ago

തിരഞ്ഞെടുപ്പ് വിലയിരുത്തല്‍; കോണ്‍ഗ്രസ് പ്രവര്‍ത്തക സമിതി യോഗം ആരംഭിച്ചു

ഡല്‍ഹിയില്‍ നടക്കുന്ന പ്രവര്‍ത്തക സമിതി യോഗത്തില്‍ കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ, സോണിയ ഗാന്ധി, രാഹുല്‍ ഗാന്ധി, പ്രിയങ്ക ഗാന്ധി എന്നിവരുള്‍പ്പെടെയുളള നിരവധി നേതാക്കളാണ് പങ്കെടുക്കുന്നത്. പാര്‍ട്ടിയുടെ പ്രകടനം വിശകലനം ചെയ്യാനും സംഘടനയെ ശക്തിപ്പെടുത്താനുള്ള നടപടികള്‍ നിര്‍ദ്ദേശിക്കാനുമാണ് യോഗം ലക്ഷ്യമിടുന്നത്. അതേസമയം പുതുതായി തിരഞ്ഞെടുക്കപ്പെട്ട എംപിമാരും രാജ്യസഭാംഗങ്ങളും ഉള്‍പ്പെടുന്ന കോണ്‍ഗ്രസ് പാര്‍ലമെന്ററി പാര്‍ട്ടി യോഗം ഇന്ന് വൈകിട്ട് 5:30ന് പാര്‍ലമെന്റിന്റെ സെന്‍ട്രല്‍ ഹാളില്‍ നടക്കുമെന്ന് കോണ്‍ഗ്രസ് നേതാവ് ജയറാം രമേശ് അറിയിച്ചു.

National201 days ago

മൂന്നാം മോദി സർക്കാരിന്റെ സത്യപ്രതിജ്ഞ ഞായറാഴ്ച

2024ലെ ലോക്‌സഭാ തിരഞ്ഞെടുപ്പിൽ NDA സഖ്യം വിജയച്ചതിനാൽ അടുത്ത കേന്ദ്രസർക്കാർ രൂപീകരിക്കുന്നതിന് NDA സഖ്യത്തിൻ്റെ നേതാവെന്ന നിലയിൽ നരേന്ദ്ര മോദിയെ രാഷ്ട്രപതി ദ്രൗപതി മുർമു ക്ഷണിച്ചു. ഞായറാഴ്ച വൈകുന്നേരം 6 മണിക്ക് പുതിയ മന്ത്രിസഭയിലെ അംഗങ്ങളും മോദിയും സത്യപ്രതിജ്ഞ ചെയ്യും. ഇന്ന് നടന്ന NDA പാര്‍ലമെന്ററി പാര്‍ട്ടി യോഗത്തിൽ നരേന്ദ്ര മോദിയെ നേതാവായി തിരഞ്ഞടുത്തതിന് പിന്നാലെ മോദി രാഷ്ട്രപതി ഭവനിലെത്തി രാഷ്‌ട്രപതിയെ കണ്ട് സര്‍ക്കാര്‍ ഉണ്ടാക്കുന്നതിന് അവകാശവാദം ഉന്നയിക്കുകയായിരുന്നു. തുടർന്നാണ് സർക്കാർ രൂപീകരിക്കുന്നതിനായി മോദിയെ രാഷ്‌ട്രപതി ക്ഷണിച്ചത്.

National201 days ago