രാജ്യസഭാ തിരഞ്ഞെടുപ്പ്: UDF സ്ഥാനാർത്ഥി നാമനിർദേശ പത്രിക സമർപ്പിച്ചു

രാജ്യസഭാ തിരഞ്ഞെടുപ്പിൽ മത്സരിക്കുന്ന UDF സ്ഥാനാർത്ഥി ഹാരിസ് ബീരാൻ നാമനിർദേശ പത്രിക സമർപ്പിച്ചു. രാജ്യസഭാ തിരഞ്ഞെടുപ്പ് വരണാധികാരിയും നിയമസഭാ സ്പെഷ്യൽ സെക്രട്ടറിയുമായ ഷാജി സി ബേബി മുൻപാകെയാണ് പത്രിക സമർപ്പിച്ചത്. പ്രതിപക്ഷനേതാവ് വി.ഡി. സതീശൻ, പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി, UDF നേതാക്കളായ രമേശ് ചെന്നിത്തല, ഡോ.എം.കെ. മുനീർ, പി.സി. വിഷ്ണുനാഥ്‌, അൻവർ സാദത്ത് തുടങ്ങിയ നേതാക്കളുടെ സാന്നിധ്യത്തിലായിരുന്നു പത്രിക സമർപ്പണം.

Kerala313 days ago

കേന്ദ്ര മന്ത്രി ജോര്‍ജ് കുര്യൻ മധ്യപ്രദേശിൽ നിന്ന് രാജ്യസഭയിലേക്ക്

രാജ്യസഭാ ഉപതിരഞ്ഞെടുപ്പുകള്‍ക്കുള്ള സ്ഥാനാർത്ഥികളെ പ്രഖ്യാപിച്ച് BJP. സഹമന്ത്രിയായി കേന്ദ്രമന്ത്രിസഭയിലേക്കെത്തിയ ജോർജ് കുര്യൻ മധ്യപ്രദേശിൽനിന്ന് രാജ്യസഭയിലേക്ക് മത്സരിക്കും. ജോർജ് കുര്യനെ കൂടാതെ രാജ്യസഭയിലേക്ക് മത്സരിക്കുന്ന മറ്റ് ഒമ്പത് സ്ഥാനാർത്ഥികളുടെ പേരും BJP പ്രഖ്യാപിച്ചു. അസമില്‍ നിന്ന് രഞ്ജന്‍ ദാസും രാമേശ്വര്‍ തേലിയും മത്സരിക്കും. ബിഹാറില്‍ മനൻ കുമാര്‍ മിശ്ര, മഹാരാഷ്ട്രയില്‍ ധൈര്യശീൽ പട്ടേല്‍, രാജസ്ഥാനില്‍ സര്‍ദാര്‍ രവനീത് സിംഗ് ബിട്ടു, ഹരിയാനയില്‍ കിരണ്‍ ചൗധരി, ത്രിപുരയില്‍ രജീബ് ഭട്ടാചാരി, ഒഡീഷയില്‍ മമത മൊഹന്ത എന്നിവരാണ് BJP സ്ഥാനാര്‍ത്ഥികൾ.

Kerala243 days ago

UDF എംഎല്‍എമാര്‍ ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കും

മുഖ്യമന്ത്രിയുടെ ദുരിതാശ്വാസനിധിയുടെ കാര്യത്തില്‍ അഭിപ്രായവ്യത്യാസമില്ലെന്നും UDFലെ എല്ലാ എംഎല്‍എമാരും ഒരു മാസത്തെ ശമ്പളം അതിലേക്ക് സംഭാവന ചെയ്യുമെന്നും പ്രതിപക്ഷനേതാവ് വി.ഡി. സതീശന്‍ പറഞ്ഞു. രാഹുല്‍ ഗാന്ധി 100 വീടുകള്‍ നിര്‍മിച്ചു നല്‍കുമെന്ന് പ്രഖ്യാപിച്ചതിന് പുറമെ മുസ്ലിം ലീഗും വലിയൊരു പുനരധിവാസ പ്രക്രിയ പ്രഖ്യാപിച്ചിട്ടുണ്ട്. വയനാടിന്റെ പുനര്‍നിര്‍മാണത്തിന് UDFലെ എല്ലാ ഘടകകക്ഷികളും ഒറ്റക്കെട്ടായി പ്രവര്‍ത്തിക്കുമെന്നും അദ്ദേഹം കൂട്ടിച്ചേര്‍ത്തു.

Kerala259 days ago

ജോസ് കെ. മാണി, പി.പി. സുനീര്‍, ഹാരിസ് ബീരാൻ രാജ്യസഭയിലേക്ക്: വിജയം എതിരില്ലാതെ

രാജ്യസഭയിലേക്ക് സംസ്ഥാനത്ത് നിന്ന് ഒഴിവ് വന്ന മൂന്ന് സീറ്റുകളിലേക്ക് LDFൽ നിന്ന് കേരള കോണ്‍ഗ്രസ് എം നേതാവ് ജോസ് കെ മാണിയും CPI നേതാവ് പി.പി സുനീറും UDFല്‍ നിന്ന് മുസ്ലിം ലീഗിന്റെ ഹാരിസ് ബീരാനും എതിരില്ലാതെ തിരഞ്ഞെടുക്കപ്പെട്ടു. നാമനിര്‍ദേശ പത്രിക പിന്‍വലിക്കാനുള്ള സമയപരിധി ഇന്ന് മൂന്ന് മണിക്ക് അവസാനിച്ച സാഹചര്യത്തിൽ മറ്റാരും പത്രിക നല്‍കാത്തതിനെ തുടർന്ന് ഇവരെ മൂന്നുപേരെയും വിജയികളായി പ്രഖ്യാപിക്കുകയായിരുന്നു.

Kerala306 days ago

രാഹുൽ ഗാന്ധിയുടെ വയനാട് സന്ദർശനം: UDF നിയമസഭാ മാർച്ച് മാറ്റിവെച്ചു

ബാർക്കോഴ അഴിമതിയാരോപണത്തിൽ LDF സർക്കാരിനെതിരെ UDF ജൂൺ 12ന് നിയമസഭയിലേക്ക് നടത്താനിരുന്ന പ്രതിഷേധ മാർച്ച് മാറ്റിവെച്ചു. അന്നേ ദിവസം വൈകിട്ട് മൂന്നിന് ചേരാനിരുന്ന UDF നേതൃയോഗവും ചേരില്ല. ജൂൺ 12ന് രാഹുൽ ഗാന്ധിയുടെ വയനാട് സന്ദർശനം നടക്കുന്നതിനാലാണ് മാർച്ചും യോഗവും മാറ്റിവെച്ചതെന്ന് UDF കൺവീനർ എം.എം. ഹസൻ അറിയിച്ചു.

Kerala314 days ago

കേരളത്തിൽ UDF തരംഗം

ലോക്സഭാ തിരഞ്ഞെടുപ്പിൽ കേരളത്തിൽ UDF ന്റെ കുതിപ്പ്. 20 സീറ്റിൽ പതിനെട്ടിലും UDF വിജയിച്ചു. പൊന്നാനി, എറണാകുളം മണ്ഡലങ്ങളില്‍ ഭൂരിപക്ഷം രണ്ട് ലക്ഷത്തിന് മുകളിലും മലപ്പുറം, വയനാട് മണ്ഡലങ്ങളിൽ മൂന്ന് ലക്ഷത്തിന് മുകളിലുമാണ് UDF ന്റെ ഭൂരിപക്ഷം. LDF ഉം NDA യും ഓരോ സീറ്റ് വീതം നേടി. ആലത്തൂരിൽ 20,111 വോട്ടുകളുടെ ഭൂരിപക്ഷത്തോടെ കോൺഗ്രസിന്റെ സിറ്റിങ് MP യായ രമ്യ ഹരിദാസിനെ പരാജയപ്പെടുത്തി LDF ന്റെ കെ. രാധാകൃഷ്‌ണൻ വിജയിച്ചു. തൃശൂരിൽ 74,686 വോട്ടുകളുടെ ഭൂരിപക്ഷത്തോടെ NDA സ്ഥാനാർത്ഥി സുരേഷ് ഗോപിയാണ് വിജയിച്ചത്.

Kerala320 days ago

UDF സ്ഥാനാര്‍ത്ഥികളായ ഡീന്‍ കുര്യാക്കോസ്, ഹൈബി ഈഡന്‍, കെ. സുധാകരന്‍ എന്നിവര്‍ വിജയിച്ചു

133727 വോട്ടിന്റെ ഭൂരിപക്ഷത്തിനാണ് ഇടുക്കിയില്‍ ഡീന്‍ കുര്യാക്കോസ് വിജയിച്ചത്. 248930 വോട്ടിന്റെ ഭൂരിപക്ഷത്തിനാണ് ഏറണാകുളത്ത് ഹൈബി ഈഡന്‍ വിജയിച്ചത്. 107726 വോട്ടിന്റെ ഭൂരിപക്ഷത്തിനാണ് കണ്ണൂരില്‍ കെ. സുധാകരന്‍ വിജയിച്ചത്. 17 സീറ്റ് UDFനും 2 സീറ്റ് LDFനും ഒരു സീറ്റ് NDAയ്ക്കും എന്ന തരത്തിലാണ് വോട്ടെണ്ണല്‍ അവസാന ഘട്ടത്തിലെത്തുമ്പോള്‍ കേരളത്തിലെ സാഹചര്യം. പല സ്ഥാനാര്‍ത്ഥികളും വിജയാഘോഷങ്ങള്‍ ആരംഭിച്ചു കഴിഞ്ഞു.

Kerala320 days ago

കേരളത്തിൽ രാജ്യസഭാ തിരഞ്ഞെടുപ്പ് ജൂൺ 25ന്

കേരളത്തിലെ മൂന്ന് രാജ്യസഭാ സീറ്റുകളിലേക്കുള്ള തിരഞ്ഞെടുപ്പാണ് പ്രഖ്യാപിച്ചത്. CPI സംസ്ഥാന സെക്രട്ടറി ബിനോയ് വിശ്വം, എളമരം കരീം, ജോസ് കെ മാണി എന്നിവരുടെ രാജ്യസഭാ കാലാവധി ജൂലൈ ഒന്നിന് അവസാനിക്കുന്നതിനെ തുടർന്ന് ഒഴിവ് വരുന്ന സീറ്റുകളിലേക്കാണ് തിരഞ്ഞെടുപ്പ് നടക്കുന്നത്. ജൂൺ 13 വരെ പത്രിക സമർപ്പിക്കാം. ജൂൺ 18 ആണ് പത്രിക പിൻവലിക്കാനുള്ള അവസാന തീയതി.

Kerala328 days ago

ലോക്‌സഭാ തിരഞ്ഞെടുപ്പ്: UDF 20 ല്‍ 20 സീറ്റും നേടുമെന്ന് വി.ഡി. സതീശന്‍

കേന്ദ്ര സംസ്ഥാന സര്‍ക്കാരുകള്‍ക്ക് എതിരായ തരംഗം കേരളത്തിലുണ്ടെന്നും പ്രതിപക്ഷ നേതാവ് വി.ഡി. സതീശന്‍ പറഞ്ഞു. നമ്മുടെ ഇന്ത്യ ജീവിക്കണോ മരിക്കണോ എന്ന് തീരുമാനിക്കുന്ന തിരഞ്ഞെടുപ്പാണിതെന്നും എല്ലാവരും വോട്ട് ചെയ്യണമെന്നും അദ്ദേഹം അഭ്യര്‍ത്ഥിച്ചു. എറണാകുളം മണ്ഡലത്തിലെ പറവൂര്‍ കേസരി ബാലകൃഷ്ണപിള്ള ഹാളില്‍ 109 നമ്പര്‍ ബൂത്തില്‍ വോട്ട് ചെയ്തതിന് പിന്നാലെ പ്രതികരിക്കുകയായിരുന്നു അദ്ദേഹം.

Kerala359 days ago

വിദ്വേഷ പ്രസംഗം; കോണ്‍ഗ്രസ് നേതാവ് ഷമ മുഹമ്മദിനെതിരെ കേസ്

UDF സ്ഥാനാര്‍ത്ഥി എം.കെ. രാഘവന്റെ തിരഞ്ഞെടുപ്പ് പര്യടനത്തില്‍ ഷമ മുഹമ്മദ് നടത്തിയ പ്രസംഗം വിദ്വേഷം പ്രചരിപ്പിക്കുന്നതാണെന്ന് കാട്ടി തിരുവനന്തപുരം സ്വദേശി അരുണ്‍ജിത് തിരഞ്ഞെടുപ്പ് കമ്മീഷന്‍ നല്‍കിയ പരാതിയെ തുടര്‍ന്നാണ് നടപടി. കോഴിക്കോട് സിറ്റി പോലീസാണ് ഷമ മുഹമ്മദിനെതിരെ കേസെടുത്തത്. BJP വീണ്ടും അധികാരത്തിലെത്തിയാല്‍ ക്രിസ്ത്യന്‍, മുസ്ലീം പളളികള്‍ ഉണ്ടാകില്ലെന്നായിരുന്നു ഷമാ മുഹമ്മദിന്റെ പ്രസംഗത്തിലെ പരാമര്‍ശം.

Kerala367 days ago

പെന്‍ഷന്‍ നല്‍കുകയെന്നത് ക്ഷേമ രാഷ്ട്രത്തിന്റെ കടമയാണ്, അല്ലാതെ മുഖ്യമന്ത്രിയുടെ ഔദാര്യമല്ല: വി.ഡി. സതീശന്‍

എട്ടു വര്‍ഷത്തെ ഭരണനേട്ടങ്ങള്‍ ജനങ്ങളോട് പറയേണ്ട മുഖ്യമന്ത്രി എന്തുകൊണ്ടാണ് തിരഞ്ഞെടുപ്പ് പ്രചരണത്തില്‍ കേരളത്തെപ്പറ്റി ഒന്നും മിണ്ടാത്തതെന്ന് പ്രതിപക്ഷ നേതാവ് വി.ഡി. സതീശന്‍ ചോദിച്ചു. പരമദയനീയമായ അവസ്ഥയിലേക്ക് സംസ്ഥാനം കൂപ്പുകുത്തിയിരിക്കുകയാണെന്നും അദ്ദേഹം കൂട്ടിച്ചേര്‍ത്തു. സംസ്ഥാനത്ത് ഭരണവിരുദ്ധ വികാരം പ്രകടമാണെന്നും മതേതര കേരളം സടകുടഞ്ഞെഴുന്നേറ്റ് UDFന് വോട്ട് ചെയ്യുമെന്നും അദ്ദേഹം പറഞ്ഞു.

Kerala375 days ago