പെന്‍ഷന്‍ നല്‍കുകയെന്നത് ക്ഷേമ രാഷ്ട്രത്തിന്റെ കടമയാണ്, അല്ലാതെ മുഖ്യമന്ത്രിയുടെ ഔദാര്യമല്ല: വി.ഡി. സതീശന്‍

എട്ടു വര്‍ഷത്തെ ഭരണനേട്ടങ്ങള്‍ ജനങ്ങളോട് പറയേണ്ട മുഖ്യമന്ത്രി എന്തുകൊണ്ടാണ് തിരഞ്ഞെടുപ്പ് പ്രചരണത്തില്‍ കേരളത്തെപ്പറ്റി ഒന്നും മിണ്ടാത്തതെന്ന് പ്രതിപക്ഷ നേതാവ് വി.ഡി. സതീശന്‍ ചോദിച്ചു. പരമദയനീയമായ അവസ്ഥയിലേക്ക് സംസ്ഥാനം കൂപ്പുകുത്തിയിരിക്കുകയാണെന്നും അദ്ദേഹം കൂട്ടിച്ചേര്‍ത്തു. സംസ്ഥാനത്ത് ഭരണവിരുദ്ധ വികാരം പ്രകടമാണെന്നും മതേതര കേരളം സടകുടഞ്ഞെഴുന്നേറ്റ് UDFന് വോട്ട് ചെയ്യുമെന്നും അദ്ദേഹം പറഞ്ഞു.

Kerala260 days ago

വി.ഡി. സതീശനെതിരായ അപകീർത്തി കേസ് കോടതി തള്ളി

പ്രതിപക്ഷ നേതാവ് വി.ഡി. സതീശനെതിരെ CPI നേതാവും മുന്‍ MLA യുമായ പി. രാജു നല്‍കിയ അപകീര്‍ത്തി കേസിൽ വി.ഡി. സതീശൻ കുറ്റക്കാരനല്ലെന്ന് വിധിച്ച് കോടതി. എറണാകുളം സ്‌പെഷ്യല്‍ അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റ് കോടതിയുടേതാണ് ഉത്തരവ്. 2012ല്‍ പറവൂരില്‍ വി.ഡി. സതീശന്‍ നടത്തിയ വാർത്താസമ്മേളനത്തിൽ തനിക്കെതിര അപകീര്‍ത്തികരമായ ആരോപണങ്ങള്‍ ഉന്നയിച്ചുവെന്ന് ആരോപിച്ചാണ് പി. രാജു അപകീർത്തി കേസ് നൽകിയത്. വിചാരണ വേളയിൽ കേസുമായി ബന്ധപ്പെട്ട് ആറ് സാക്ഷികളെ വിസ്തരിച്ചു. ഇതിന് ശേഷമാണ് ശേഷമാണ് വി.ഡി. സതീശൻ കുറ്റക്കാരനല്ലെന്ന് കണ്ട് കോടതി വെറുതെ വിട്ടത്.

Kerala90 days ago

തൃശൂർ പൂരം അലങ്കോലപ്പെട്ട സംഭവത്തിൽ ജുഡീഷ്യൽ അന്വേഷണം വേണം: വി.ഡി. സതീശൻ

തൃശൂർ പൂരം അലങ്കോലപ്പെട്ട സംഭവത്തിൽ ADGP എം.ആർ. അജിത് കുമാറിന്റെ അന്വേഷണ റിപ്പോർട്ട് തള്ളി പ്രതിപക്ഷം. ആരോപണ വിധേയനായ വ്യക്തി തന്നെയാണ് അന്വേഷണം നടത്തിയതെന്നും അന്വേഷണം പ്രഹസനമായിരുന്നുവെന്നും പ്രതിപക്ഷ നേതാവ് വി.ഡി. സതീശൻ വിമർശിച്ചു. മുഖ്യമന്ത്രിയുടെയും ADGP യുടെയും അറിവോടെയാണ് പൂരം കലക്കാൻ ഗൂഢാലോചന നടന്നതെന്ന് ആരോപിച്ച വി.ഡി. സതീശന്‍ തൃശൂര്‍ പൂരം അലങ്കോലപ്പെട്ട സംഭവത്തില്‍ ജുഡീഷ്യല്‍ അന്വേഷണം ആവശ്യപ്പെട്ടു.

Kerala95 days ago

RSS-ADGP കൂടിക്കാഴ്ച്ച; മുഖ്യമന്ത്രിക്കെതിരെ രൂക്ഷവിമര്‍ശനവുമായി വി.ഡി. സതീശന്‍

എഡിജിപി RSS നേതാവിനെ കാണാന്‍ പോയത് മുഖ്യമന്ത്രി പിണറായി വിജയന്റെ ദൂതനായിട്ടാണെന്നും അതിനു ശേഷമാണ് തൃശൂര്‍ പൂരം കലക്കിയതെന്നും പ്രതിപക്ഷ നേതാവ് വി.ഡി. സതീശന്‍ പറഞ്ഞു. മുഖ്യമന്ത്രിയുടെ ദൂതന്‍ ആയിട്ടല്ല പോയതെങ്കില്‍ ഇന്റലിജന്‍സ് റിപ്പോര്‍ട്ട് എന്തിന് പൂഴ്ത്തിയെന്നും സതീശന്‍ ചോദിച്ചു. പൂരം കലക്കാന്‍ മുഖ്യമന്ത്രി കൂട്ടുനില്‍ക്കുകയും BJP ക്ക് ജയിക്കാന്‍ അന്തരീക്ഷം ഒരുക്കി കൊടുക്കുകയും ചെയ്തു. മുഖ്യമന്ത്രി ആഭ്യന്തരവകുപ്പ് സ്ഥാനം ഒഴിയണമെന്നും പ്രതിപക്ഷ നേതാവ് ആവശ്യപ്പെട്ടു.

Kerala96 days ago

തൃശൂര്‍ പൂരം കലക്കിയതില്‍ ജുഡീഷ്യല്‍ അന്വേഷണം വേണം: വി.ഡി. സതീശന്‍

പോലീസ് തൃശൂര്‍ പൂരം കലക്കിയത് BJPക്ക് കേരളത്തില്‍ അക്കൗണ്ട് തുറക്കാനുള്ള പ്ലാനിന്റെ ഭാഗമായിരുന്നെന്ന് പ്രതിപക്ഷ നേതാവ് വി.ഡി. സതീശന്‍. തൃശൂരില്‍ സഹായിക്കാം. അതിന് പകരം ഞങ്ങളെ ഉപദ്രവിക്കരുത് എന്നായിരുന്നു BJPയോടുളള CPIMന്റെ ഡിമാന്‍ഡ്. പൂരം കലക്കിയത് നിസാര കാര്യമല്ലെന്നും ഇക്കാര്യത്തില്‍ ജുഡീഷ്യല്‍ അന്വേഷണം വേണമെന്നും സതീശന്‍ പറഞ്ഞു. RSS നേതാവ് റാം മാധവും ADGP എം.ആര്‍. അജിത് കുമാറുമായുള്ള കൂടിക്കാഴ്ചയില്‍ അദ്ദേഹത്തിനൊപ്പം ഉണ്ടായിരുന്നവരുടെ പേരുകള്‍ പുറത്തുവന്നാല്‍ കേരളം ഞെട്ടുമെന്നും പ്രതിപക്ഷ നേതാവ് കൂട്ടിച്ചേര്‍ത്തു.

Kerala108 days ago

മുകേഷ് രാജിവെക്കണമെന്ന് പ്രതിപക്ഷ നേതാവ് വി.ഡി. സതീശന്‍

മുകേഷിന്റെ രാജിയില്‍ തീരുമാനം എടുക്കേണ്ടത് CPIM ആണെന്ന് പ്രതിപക്ഷ നേതാവ് വി.ഡി. സതീശന്‍. മുകേഷ് രാജിവെക്കാന്‍ തയ്യാറല്ല, CPIM മുകേഷിനോട് രാജി ആവശ്യപ്പെടണം. എന്നാല്‍ മുകേഷിന് കുട ചൂടി നില്‍ക്കുകയാണ് പാര്‍ട്ടി. ഘടകകക്ഷികളില്‍ നിന്നടക്കം ആവശ്യം വന്നിട്ടും CPIM അവരെ സംരക്ഷിക്കുകയാണെന്നും അദ്ദേഹം കുറ്റപ്പെടുത്തി. മുകേഷിന്റെ രാജി എന്ന ആവശ്യവുമായി സമര പരിപാടികളുമായി മുന്നോട്ടു പോകുമെന്നും വി.ഡി. സതീശന്‍ പറഞ്ഞു.

Kerala119 days ago

വിലങ്ങാടിന് പ്രത്യേക പാക്കേജ് പ്രഖ്യാപിക്കണം; വി.ഡി. സതീശൻ മുഖ്യമന്ത്രിക്ക് നിവേദനം നൽകി

പ്രതിപക്ഷ നേതാവ് വി.ഡി. സതീശൻ ഉരുൾപൊട്ടലുണ്ടായ വിലങ്ങാടിന് പ്രത്യേക ദുരിതാശ്വാസ പാക്കേജ് പ്രഖ്യാപിക്കണമെന്ന് ആവശ്യപ്പെട്ട് മുഖ്യമന്ത്രിക്ക് നിവേദനം നൽകി. വയനാട് ഉരുൾപൊട്ടൽ നടന്ന അതേ ദിവസം തന്നെ കോഴിക്കോട് വിലങ്ങാടും ഉരുൾപൊട്ടലുണ്ടായി. വയനാട് വൻ ദുരന്തമുണ്ടായപ്പോൾ വേണ്ടത്ര ശ്രദ്ധ വിലങ്ങാടിന് നൽകിയില്ല. വയനാടിന്റെ വിലാപത്തോട് പ്രതികരിച്ച അതേ രീതിയില്‍ വിലങ്ങാടിന്റെ ദുഖഃവും കാണണമെന്നും അടിയന്തര പുനരധിവാസം ഉറപ്പാക്കണമെന്നും വി.ഡി. സതീശൻ പറഞ്ഞു. വയനാട്ടിലും വിലങ്ങാടിലുമുണ്ടായ ദുരന്തം മറികടക്കാൻ പ്രതിപക്ഷം എല്ലാവിധ സഹായവും സഹകരണവും നൽകുമെന്നും അദ്ദേഹം അറിയിച്ചു.

Kerala135 days ago

വയനാടിന് പ്രത്യേക സാമ്പത്തിക പാക്കേജ് നല്‍കണം: വി.ഡി. സതീശന്‍

പ്രധാനമന്ത്രിയുടെ സന്ദര്‍ശനത്തിന് ശേഷം കേന്ദ്രം വയനാടിന് പ്രത്യേക സാമ്പത്തിക പാക്കേജ് നല്‍കുമെന്ന കാര്യത്തില്‍ പ്രതീക്ഷയുണ്ടെന്ന് പ്രതിപക്ഷ നേതാവ് വി.ഡി. സതീശന്‍. ദുരന്തബാധിതര്‍ക്ക് പുനരധിവാസം ഉറപ്പാക്കണം. മുന്നറിയിപ്പ് സംവിധാനങ്ങള്‍ ഇല്ലാത്തതാണ് പ്രശ്‌നമായത്. അതിനാല്‍ വ്യക്തമായ മുന്നറിയിപ്പ് നല്‍കാന്‍ സംവിധാനമുണ്ടാക്കണം. ഭാവിയില്‍ ദുരന്തങ്ങളില്‍ ഇത്രയും ജീവന്‍ നഷ്ടപ്പെടില്ലെന്ന് ഉറപ്പു വരുത്തണമെന്നും അദ്ദേഹം പറഞ്ഞു.

Kerala137 days ago

UDF എംഎല്‍എമാര്‍ ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കും

മുഖ്യമന്ത്രിയുടെ ദുരിതാശ്വാസനിധിയുടെ കാര്യത്തില്‍ അഭിപ്രായവ്യത്യാസമില്ലെന്നും UDFലെ എല്ലാ എംഎല്‍എമാരും ഒരു മാസത്തെ ശമ്പളം അതിലേക്ക് സംഭാവന ചെയ്യുമെന്നും പ്രതിപക്ഷനേതാവ് വി.ഡി. സതീശന്‍ പറഞ്ഞു. രാഹുല്‍ ഗാന്ധി 100 വീടുകള്‍ നിര്‍മിച്ചു നല്‍കുമെന്ന് പ്രഖ്യാപിച്ചതിന് പുറമെ മുസ്ലിം ലീഗും വലിയൊരു പുനരധിവാസ പ്രക്രിയ പ്രഖ്യാപിച്ചിട്ടുണ്ട്. വയനാടിന്റെ പുനര്‍നിര്‍മാണത്തിന് UDFലെ എല്ലാ ഘടകകക്ഷികളും ഒറ്റക്കെട്ടായി പ്രവര്‍ത്തിക്കുമെന്നും അദ്ദേഹം കൂട്ടിച്ചേര്‍ത്തു.

Kerala144 days ago

AKG സെന്റര്‍ സ്‌ഫോടനം; കെ. സുധാകരനും വി.ഡി. സതീശനും സമന്‍സ്

AKG സെന്റര്‍ സ്‌ഫോടനവുമായി ബന്ധപ്പെട്ട കേസില്‍ KPCC പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി. സതീശനും തിരുവനന്തപുരം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി സമന്‍സ് അയച്ചു. ഇരുവരും അടുത്ത മാസം 28ന് ഹാജരാകണമെന്നാണ് കോടതിയുടെ നിര്‍ദേശം. കേസിലെ സാക്ഷികളാണ് ഇരുവരും. അതേസമയം AKG സെന്റര്‍ ആക്രമണ കേസിലെ പ്രതിയായ യൂത്ത് കോണ്‍ഗ്രസ് നേതാവ് സുഹൈല്‍ ഷാജഹാന് ഹൈക്കോടതി കഴിഞ്ഞ ദിവസം ജാമ്യം അനുവദിച്ചിരുന്നു.

Kerala159 days ago

ആധാർ മസ്റ്ററിങ്: ഉപഭോക്താക്കൾക്ക് ബുദ്ധിമുട്ടുണ്ടാക്കില്ലെന്ന് കേന്ദ്ര പെട്രോളിയം മന്ത്രി ഹർദീപ് സിങ് പുരി

ആധാർ മസ്റ്ററിങ്ങിന്റെ പേരിൽ പാചകവാതക ഉപഭോക്താക്കളെ ബുദ്ധിമുട്ടിക്കില്ലെന്ന് കേന്ദ്ര സർക്കാർ വ്യക്തമാക്കി. കേന്ദ്ര പെട്രോളിയം മന്ത്രി ഹർദീപ് സിങ് പുരിയ്ക്ക് പ്രതിപക്ഷ നേതാവ് വി.ഡി. സതീശൻ മസ്റ്ററിങ്ങുമായി ബന്ധപ്പെട്ട് LPG ഉപാഭോക്താക്കൾക്ക് ഉണ്ടാകുന്ന ബുദ്ധിമുട്ട് ശ്രദ്ധയിൽപ്പെടുത്തി കത്ത് നൽകിയിരുന്നു. ഇതിന് നൽകിയ മറുപടിയിലാണ് ആധാർ മസ്റ്ററിങ് ഉപഭോക്താക്കൾക്ക് ബുദ്ധിമുട്ടുണ്ടാക്കില്ലെന്ന് കേന്ദ്ര പെട്രോളിയം മന്ത്രി ഉറപ്പ് നൽകിയത്.

Kerala168 days ago