ലോക്‌സഭാ തിരഞ്ഞെടുപ്പ്; മണിപ്പൂരില്‍ ആറ് പോളിംഗ് സ്‌റ്റേഷനുകളില്‍ ഇന്ന് റീ പോളിംഗ്

സംഘര്‍ഷവും ബൂത്ത് പിടിത്തവുമുണ്ടായ ഔട്ടര്‍ മണിപ്പൂരിലെ ലോക്സഭാ മണ്ഡലത്തിലെ ആറ് പോളിംഗ് സ്റ്റേഷനുകളിലാണ് ഇന്ന് റീ പോളിംഗ് നടക്കുന്നത്. 26ന് നടന്ന വോട്ടെടുപ്പില്‍ ഈ പോളിംഗ് സ്റ്റേഷനുകളില്‍ നാലെണ്ണത്തില്‍ വോട്ടെടുപ്പ് പൂര്‍ത്തിയാകുന്നതിന് മുമ്പ് അജ്ഞാത സംഘം EVMകളും വിവിപാറ്റുകളും നശിപ്പിക്കുകയും വോട്ടെടുപ്പ് തടസ്സപ്പെടുത്തുകയും ചെയ്തിരുന്നു. റീ പോളിംഗ് നടക്കുന്ന പശ്ചാത്തലത്തില്‍ ആറ് ബൂത്തുകളിലും കനത്ത സുരക്ഷയാണ് ഒരുക്കിയിരിക്കുന്നത്.

National355 days ago

മണിപ്പൂരില്‍ മന്ത്രിയുടെ പേഴ്സണല്‍ അസിസ്റ്റന്റിനെ തട്ടിക്കൊണ്ടുപോയി

മണിപ്പൂര്‍ ഉപഭോക്തൃകാര്യ മന്ത്രി എല്‍. സുസിന്ദ്രോയുടെ പേഴ്സണല്‍ അസിസ്റ്റന്റ് എസ്. സോമോറെന്‍ഡ്രോയെ ഇംഫാല്‍ ഈസ്റ്റ് ജില്ലയിലെ അദ്ദേഹത്തിന്റെ വസതിക്ക് സമീപം വെച്ച് അജ്ഞാതര്‍ തട്ടിക്കൊണ്ടുപോയതായി പോലീസ് അറിയിച്ചു. സംഭവത്തിന്റെ ഉത്തരവാദിത്തം ഒരു ഗ്രൂപ്പും ഏറ്റെടുത്തിട്ടില്ലെന്നും അന്വേഷണം പുരോഗമിക്കുകയാണെന്നും പോലീസ് അറിയിച്ചു. വ്യാഴാഴ്ച്ച ബിഷ്ണുപൂര്‍ ജില്ലയില്‍ മുന്‍ ചീഫ് സെക്രട്ടറി ഒയിനം നബകിഷോറിന്റെ വസതിക്ക് നേരെ ആയുധധാരികളായ അക്രമികള്‍ അഞ്ച് റൗണ്ട് വെടിയുതിര്‍ത്തതിന് പിന്നാലെയാണ് ഈ സംഭവം.

National211 days ago

സംഘര്‍ഷം; മണിപ്പൂരില്‍ മൂന്ന് ജില്ലകളില്‍ നിരോധനാജ്ഞ

മണിപ്പുരില്‍ ഇരുവിഭാഗങ്ങള്‍ തമ്മിലുള്ള സംഘര്‍ഷം രൂക്ഷമാകുന്ന സാഹചര്യത്തെ തുടര്‍ന്ന് മൂന്ന് ജില്ലകളില്‍ അനിശ്ചിതകാലത്തേക്ക് നിരോധനാജ്ഞ പ്രഖ്യാപിച്ചു. ഇംഫാല്‍ വെസ്റ്റ്, ഇംഫാല്‍ ഈസ്റ്റ്, തൗബാല്‍ ജില്ലകളിലാണ് നിരോധനാജ്ഞ പുറപ്പെടുവിച്ചിരിക്കുന്നത്. രാവിലെ 11 മണി മുതല്‍ നിരോധനാജ്ഞ നിലവില്‍ വന്നു. കങ്പോക്പി ജില്ലയിലുണ്ടായ സംഘര്‍ഷത്തില്‍ ഒരു സ്ത്രീ കൊല്ലപ്പെട്ടിരുന്നു. ഗ്രാമത്തിലെ വീടുകള്‍ അകേരമികള്‍ തീവെച്ച് നശിപ്പിക്കുകയുണ്ടായി.

National222 days ago

മണിപ്പൂരില്‍ വീണ്ടും സംഘര്‍ഷം; ഒരാള്‍ കൊല്ലപ്പെട്ടു

മണിപ്പൂരിലെ കാങ്പോക്പി ജില്ലയിലെ തങ്ബൂഹ് ഗ്രാമത്തില്‍ രണ്ട് സായുധസംഘങ്ങള്‍ തമ്മിലാണ് സംഘര്‍ഷമുണ്ടായത്. ഏറ്റുമുട്ടലില്‍ 46 വയസ്സ് പ്രായമുള്ള ഒരു സ്ത്രീ കൊല്ലപ്പെട്ടതായാണ് റിപ്പോര്‍ട്ട്. അക്രമികള്‍ ഗ്രാമത്തിലെ നിരവധി വീടുകള്‍ക്ക് തീയിട്ടു. സമീപത്തെ സ്‌കൂളില്‍ തമ്പടിച്ചിരുന്ന CRPF ഉദ്യോഗസ്ഥരും അക്രമികളും തമ്മില്‍ വെടിവെയ്പ്പുണ്ടായതായും പോലീസ് അറിയിച്ചു. സംഘര്‍ഷം കണക്കിലെടുത്ത് പ്രദേശത്ത് കൂടുതല്‍ പോലീസിനെ വിന്യസിച്ചിട്ടുണ്ട്.

National222 days ago

ലോക്‌സഭാ തിരഞ്ഞെടുപ്പ്; കോണ്‍ഗ്രസില്‍ നിന്ന് രാഹുല്‍ ഗാന്ധി കൈപ്പറ്റിയത് 1.40 കോടി രൂപ

2024ലെ ലോക്സഭാ തിരഞ്ഞെടുപ്പില്‍ വയനാട്ടില്‍ നിന്നും റായ്ബറേലിയില്‍ നിന്നും മത്സരിക്കുന്നതിന് രാഹുല്‍ ഗാന്ധി പാര്‍ട്ടി ഫണ്ടില്‍ നിന്നും, ഓരോ മണ്ഡലത്തിലും 70 ലക്ഷം രൂപ വീതം 1.40 കോടി രൂപ കൈപ്പറ്റി. തിരഞ്ഞെടുപ്പ് കമ്മീഷന് നല്‍കിയ റിപ്പോര്‍ട്ടിലാണ് കോണ്‍ഗ്രസ് ഇക്കാര്യം വെളിപ്പെടുത്തിയിരിക്കുന്നത്. പാര്‍ട്ടി ഫണ്ടില്‍ നിന്ന് 87 ലക്ഷം രൂപ കൈപ്പറ്റിയ വിക്രമാദിത്യ സിംഗാണ് ഉയര്‍ന്ന തുക നേടിയ സ്ഥാനാര്‍ത്ഥി. എന്നാല്‍ ഹിമാചല്‍പ്രദേശിലെ മാണ്ഡി സീറ്റില്‍ നിന്ന് BJP സ്ഥാനാര്‍ത്ഥി കങ്കണ റണാവത്തിനാട് അദ്ദേഹം പരാജയപ്പെട്ടു.

National233 days ago

മണിപ്പൂരിൽ മുൻ MLA യുടെ വീട്ടിൽ ബോംബ് സ്ഫോടനം

മണിപ്പൂരിലെ കാംങ്പോക്പി ജില്ലയിൽ മുൻ MLA യാംതോംഗ് ഹാവോക്കിപ്പിൻ്റെ വീട്ടിലാണ് ബോംബ് സ്ഫോടനമുണ്ടായത്. സ്ഫോടനത്തിൽ MLA യുടെ ഭാര്യ സപം ചാരുബാല (59) കൊല്ലപ്പെട്ടു. ഇന്നലെ വൈകിട്ടാണ് MLA യുടെ വീട്ടിൽ സ്ഫോടനമുണ്ടായത്. സ്ഫോടനത്തിൽ ഗുരുതരമായി പരിക്കേറ്റ ചാരുബാലയെ ആശുപത്രിയിൽ പ്രവേശിപ്പിച്ചെങ്കിലും പിന്നീട് മരണത്തിന് കീഴടങ്ങുകയായിരുന്നു. സ്ഫോടനം നടക്കുമ്പോൾ ഹാവോക്കിപ്പും വീട്ടിലുണ്ടായിരുന്നെങ്കിലും അദ്ദേഹത്തിന് പരിക്കില്ല. സംഭവത്തിൽ പോലീസ് അന്വേഷണം നടത്തിവരികയാണ്.

National252 days ago

ലോക്‌സഭാ തിരഞ്ഞെടുപ്പില്‍ BJPക്ക് തിരിച്ചടിയായത് അമിത ആത്മവിശ്വാസമാണെന്ന് യോഗി ആദിത്യനാഥ്

അമിത ആത്മവിശ്വാസമാണ് സംസ്ഥാനത്തെ ഈ വര്‍ഷത്തെ തിരഞ്ഞെടുപ്പില്‍ BJPയുടെ പ്രതീക്ഷകളെ വ്രണപ്പെടുത്തിയതെന്നും ആഗ്രഹിച്ച വിജയം നേടുന്നതില്‍ നിന്ന് അത് തടഞ്ഞെന്നും യോഗി ആദിത്യനാഥ് പറഞ്ഞു. ലഖ്‌നൗവിലെ റാം മനോഹര്‍ ലോഹ്യ നാഷണല്‍ ലോ യൂണിവേഴ്സിറ്റിയിലെ ഭീംറാവു അംബേദ്കര്‍ ഓഡിറ്റോറിയത്തില്‍ നടന്ന BJP സംസ്ഥാന പ്രവര്‍ത്തക സമിതി യോഗത്തില്‍ പ്രവര്‍ത്തകരെ അഭിസംബോധന ചെയ്ത് സംസാരിക്കവെയാണ് അദ്ദേഹം ഇക്കാര്യം പറഞ്ഞത്.Read More

National279 days ago

മണിപ്പൂരിലെ കലാപബാധിത പ്രദേശങ്ങള്‍ സന്ദര്‍ശിച്ച് രാഹുല്‍ ഗാന്ധി

ഈ അടുത്ത് സംഘര്‍ഷം നടന്ന ജിരിബാമിലെ ക്യാമ്പാണ് രാഹുല്‍ ഗാന്ധി ആദ്യം സന്ദര്‍ശിച്ചത്. ഇന്ന് പുലര്‍ച്ചെയും ജിരിബാമില്‍ അക്രമികള്‍ സുരക്ഷാ സേനയ്ക്ക് നേരെ വെടിയുതിര്‍ത്തിരുന്നു. നേരത്തെ പ്രശ്‌നങ്ങളില്ലാതിരുന്ന ജിരിബാം മേഖലയിലേക്ക് ഈയിടെയാണ് സംഘര്‍ഷം വ്യാപിച്ചത്. ചുരാചന്ദ്പൂര്‍, മൊയ്‌റാങ് എന്നിവിടങ്ങളിലെ ക്യാമ്പുകളും സന്ദര്‍ശിക്കുന്ന രാഹുല്‍ ഗാന്ധി വൈകീട്ട് ആറ് മണിക്ക് ഗവര്‍ണര്‍ അനസൂയ ഉയിക്കയെ കാണും. അസമിലെ കാച്ചാര്‍, സില്‍ച്ചര്‍ എന്നിവിടങ്ങളിലെ പ്രളയ ബാധിതരെ കണ്ട ശേഷമാണ് രാഹുല്‍ ഗാന്ധി ജിരിബാമിലെത്തിയത്.

National286 days ago

ലോക്സഭാ തിരഞ്ഞെടുപ്പിലെ പരാജയം വിശകലനം ചെയ്യാൻ കോണ്‍ഗ്രസ് ഹൈക്കമാന്‍ഡ് സമിതി രൂപീകരിച്ചു

ഡൽഹി, മധ്യപ്രദേശ്, ഛത്തീസ്ഗഢ്, ഒഡീഷ, ഉത്തരാഖണ്ഡ്, ഹിമാചല്‍ പ്രദേശ്, കര്‍ണാടക, തെലങ്കാന എന്നീ സംസ്ഥാനങ്ങളിലുണ്ടായ പരാജയം പഠിച്ച് റിപ്പോര്‍ട്ട് നല്‍കുന്നതിനാണ് ഹൈക്കമാന്‍ഡ് സമിതി രൂപീകരിച്ചത്. പാര്‍ട്ടി അധികാരത്തിലിരിക്കുന്ന തെലങ്കാന, കർണാടക, ഹിമാചല്‍ പ്രദേശ് എന്നിവിടങ്ങളിൽ നേരിട്ട തിരിച്ചടി കോണ്‍ഗ്രസ് ഗൗരവമായാണ് കാണുന്നത്. ഗൗരവ് ഗൊഗൊയ്, മധുസൂധന്‍ മിസ്ത്രി, ഹൈബി ഈഡന്‍ എന്നിവർക്കാണ് കർണാടകയുടെ ചുമതല. പി.ജെ. കുര്യന്‍, പര്‍ഗത് സിങ്, റക്കിബുള്‍ ഹുസൈന്‍ എന്നിവര്‍ അടങ്ങുന്ന സമിതിക്കാണ് തെലങ്കാനയുടെ ചുമതല. ജഘ പുനിയ, രജനി പട്ടീൽ എന്നിവർ ഡൽഹി, ഉത്തരാഖണ്ഡ്, ഹിമാചല്‍ പ്രദേശ് എന്നിവിടങ്ങളിലെയും പരാജയം പരിശോധിക്കും.

National304 days ago

കേരളത്തിലെ തിരഞ്ഞെടുപ്പ് ഫലം നിരാശാജനകം: സീതാറാം യെച്ചൂരി

ലോക്സഭ തിരഞ്ഞെടുപ്പിൽ സംസ്ഥാനത്ത് CPI(M) ന്റെ പ്രകടനത്തിൽ അതൃപ്തി പ്രകടിപ്പിച്ച് CPI(M) ദേശീയ ജനറല്‍ സെക്രട്ടറി സീതാറാം യെച്ചൂരി. തിരഞ്ഞെടുപ്പ് ഫലം അതീവ നിരാശാജനകമെന്നും പാർട്ടിക്കുണ്ടായ തിരിച്ചടി ഗൗരവമായി പരിശോധിക്കണമെന്നും ദേശീയ തലത്തിലെ തിരഞ്ഞെടുപ്പ് അവലോകന റിപ്പോര്‍ട്ടിൽ പരാമർശിച്ചു. റിപ്പോര്‍ട്ട് സംസ്ഥാന കമ്മിറ്റിയില്‍ അവതരിപ്പിച്ചു.

Kerala306 days ago

മണിപ്പൂരിൽ മുഖ്യമന്ത്രിയുടെ വസതിക്ക് സമീപം വൻ തീപിടിത്തം

മണിപ്പൂരിൻ്റെ തലസ്ഥാനമായ ഇംഫാലിൽ മുഖ്യമന്ത്രിയുടെ വസതിക്കും സെക്രട്ടറിയേറ്റിനും സമീപമുള്ള ഉപേക്ഷിക്കപ്പെട്ട കെട്ടിടത്തിലാണ് തീപിടിത്തം ഉണ്ടായത്. സംഭവത്തിൽ ആർക്കും പരിക്കേറ്റിട്ടില്ല. ഗോവ മുൻ ചീഫ് സെക്രട്ടറിയും അന്തരിച്ച IAS ഉദ്യോഗസ്ഥനുമായ ടി. കിപ്ഗൻ്റെ കുടുംബത്തിന്റെ ഒരു വർഷത്തിലേറെയായി ഉപേക്ഷിക്കപ്പെട്ട വീട്ടിലാണ് തീപിടിത്തം ഉണ്ടായത്. തീപിടിത്തത്തിന്റെ കാരണം അന്വേഷിച്ച് വരികയാണെന്ന് അധികൃതർ പറഞ്ഞു.

National308 days ago