മണിപ്പൂരിൽ മുൻ MLA യുടെ വീട്ടിൽ ബോംബ് സ്ഫോടനം

മണിപ്പൂരിലെ കാംങ്പോക്പി ജില്ലയിൽ മുൻ MLA യാംതോംഗ് ഹാവോക്കിപ്പിൻ്റെ വീട്ടിലാണ് ബോംബ് സ്ഫോടനമുണ്ടായത്. സ്ഫോടനത്തിൽ MLA യുടെ ഭാര്യ സപം ചാരുബാല (59) കൊല്ലപ്പെട്ടു. ഇന്നലെ വൈകിട്ടാണ് MLA യുടെ വീട്ടിൽ സ്ഫോടനമുണ്ടായത്. സ്ഫോടനത്തിൽ ഗുരുതരമായി പരിക്കേറ്റ ചാരുബാലയെ ആശുപത്രിയിൽ പ്രവേശിപ്പിച്ചെങ്കിലും പിന്നീട് മരണത്തിന് കീഴടങ്ങുകയായിരുന്നു. സ്ഫോടനം നടക്കുമ്പോൾ ഹാവോക്കിപ്പും വീട്ടിലുണ്ടായിരുന്നെങ്കിലും അദ്ദേഹത്തിന് പരിക്കില്ല. സംഭവത്തിൽ പോലീസ് അന്വേഷണം നടത്തിവരികയാണ്.

National250 days ago

മണിപ്പൂരില്‍ മന്ത്രിയുടെ പേഴ്സണല്‍ അസിസ്റ്റന്റിനെ തട്ടിക്കൊണ്ടുപോയി

മണിപ്പൂര്‍ ഉപഭോക്തൃകാര്യ മന്ത്രി എല്‍. സുസിന്ദ്രോയുടെ പേഴ്സണല്‍ അസിസ്റ്റന്റ് എസ്. സോമോറെന്‍ഡ്രോയെ ഇംഫാല്‍ ഈസ്റ്റ് ജില്ലയിലെ അദ്ദേഹത്തിന്റെ വസതിക്ക് സമീപം വെച്ച് അജ്ഞാതര്‍ തട്ടിക്കൊണ്ടുപോയതായി പോലീസ് അറിയിച്ചു. സംഭവത്തിന്റെ ഉത്തരവാദിത്തം ഒരു ഗ്രൂപ്പും ഏറ്റെടുത്തിട്ടില്ലെന്നും അന്വേഷണം പുരോഗമിക്കുകയാണെന്നും പോലീസ് അറിയിച്ചു. വ്യാഴാഴ്ച്ച ബിഷ്ണുപൂര്‍ ജില്ലയില്‍ മുന്‍ ചീഫ് സെക്രട്ടറി ഒയിനം നബകിഷോറിന്റെ വസതിക്ക് നേരെ ആയുധധാരികളായ അക്രമികള്‍ അഞ്ച് റൗണ്ട് വെടിയുതിര്‍ത്തതിന് പിന്നാലെയാണ് ഈ സംഭവം.

National210 days ago

സംഘര്‍ഷം; മണിപ്പൂരില്‍ മൂന്ന് ജില്ലകളില്‍ നിരോധനാജ്ഞ

മണിപ്പുരില്‍ ഇരുവിഭാഗങ്ങള്‍ തമ്മിലുള്ള സംഘര്‍ഷം രൂക്ഷമാകുന്ന സാഹചര്യത്തെ തുടര്‍ന്ന് മൂന്ന് ജില്ലകളില്‍ അനിശ്ചിതകാലത്തേക്ക് നിരോധനാജ്ഞ പ്രഖ്യാപിച്ചു. ഇംഫാല്‍ വെസ്റ്റ്, ഇംഫാല്‍ ഈസ്റ്റ്, തൗബാല്‍ ജില്ലകളിലാണ് നിരോധനാജ്ഞ പുറപ്പെടുവിച്ചിരിക്കുന്നത്. രാവിലെ 11 മണി മുതല്‍ നിരോധനാജ്ഞ നിലവില്‍ വന്നു. കങ്പോക്പി ജില്ലയിലുണ്ടായ സംഘര്‍ഷത്തില്‍ ഒരു സ്ത്രീ കൊല്ലപ്പെട്ടിരുന്നു. ഗ്രാമത്തിലെ വീടുകള്‍ അകേരമികള്‍ തീവെച്ച് നശിപ്പിക്കുകയുണ്ടായി.

National221 days ago

മണിപ്പൂരില്‍ വീണ്ടും സംഘര്‍ഷം; ഒരാള്‍ കൊല്ലപ്പെട്ടു

മണിപ്പൂരിലെ കാങ്പോക്പി ജില്ലയിലെ തങ്ബൂഹ് ഗ്രാമത്തില്‍ രണ്ട് സായുധസംഘങ്ങള്‍ തമ്മിലാണ് സംഘര്‍ഷമുണ്ടായത്. ഏറ്റുമുട്ടലില്‍ 46 വയസ്സ് പ്രായമുള്ള ഒരു സ്ത്രീ കൊല്ലപ്പെട്ടതായാണ് റിപ്പോര്‍ട്ട്. അക്രമികള്‍ ഗ്രാമത്തിലെ നിരവധി വീടുകള്‍ക്ക് തീയിട്ടു. സമീപത്തെ സ്‌കൂളില്‍ തമ്പടിച്ചിരുന്ന CRPF ഉദ്യോഗസ്ഥരും അക്രമികളും തമ്മില്‍ വെടിവെയ്പ്പുണ്ടായതായും പോലീസ് അറിയിച്ചു. സംഘര്‍ഷം കണക്കിലെടുത്ത് പ്രദേശത്ത് കൂടുതല്‍ പോലീസിനെ വിന്യസിച്ചിട്ടുണ്ട്.

National221 days ago

പാനൂർ ബോംബ് സ്ഫോടനം: ജാമ്യം ലഭിച്ച പ്രതികൾക്കെതിരെ കാപ്പ ചുമത്തി

പാനൂർ ബോംബ് സ്ഫോടനക്കേസിലെ നാല് പ്രതികൾക്കെതിരെ പോലീസ് കാപ്പ ചുമത്തി. നാലാം പ്രതി സിബിൻ ലാൽ, ആറാം പ്രതി സായൂജ്, എട്ടാം പ്രതി ഷിജിൽ, പതിനൊന്നാം പ്രതി അക്ഷയ് എന്നിവർക്ക് എതിരെയാണ് കാപ്പ നിയമപ്രകാരം കേസെടുത്തത്. ഇതിൽ സായൂജിനും സിബിൻ ലാലിനും കേസിൽ 90 ദിവസം കഴിഞ്ഞിട്ടും പോലീസ് കുറ്റപത്രം നൽകാത്തതിനാൽ കോടതി കഴിഞ്ഞ ദിവസം ജാമ്യം അനുവദിച്ചിരുന്നു. കാപ്പ ചുമത്തിയതിനാൽ ഇരുവർക്കും ജയിൽ മോചിതരാകാൻ സാധിക്കില്ല. മൂന്നിലധികം കേസുകളിൽ പ്രതിയായതിനാലാണ് ഇവർക്കെതിരെ കാപ്പ നിയമപ്രകാരം കേസെടുക്കാൻ തീരുമാനിച്ചത്.

Kerala282 days ago

മണിപ്പൂരിലെ കലാപബാധിത പ്രദേശങ്ങള്‍ സന്ദര്‍ശിച്ച് രാഹുല്‍ ഗാന്ധി

ഈ അടുത്ത് സംഘര്‍ഷം നടന്ന ജിരിബാമിലെ ക്യാമ്പാണ് രാഹുല്‍ ഗാന്ധി ആദ്യം സന്ദര്‍ശിച്ചത്. ഇന്ന് പുലര്‍ച്ചെയും ജിരിബാമില്‍ അക്രമികള്‍ സുരക്ഷാ സേനയ്ക്ക് നേരെ വെടിയുതിര്‍ത്തിരുന്നു. നേരത്തെ പ്രശ്‌നങ്ങളില്ലാതിരുന്ന ജിരിബാം മേഖലയിലേക്ക് ഈയിടെയാണ് സംഘര്‍ഷം വ്യാപിച്ചത്. ചുരാചന്ദ്പൂര്‍, മൊയ്‌റാങ് എന്നിവിടങ്ങളിലെ ക്യാമ്പുകളും സന്ദര്‍ശിക്കുന്ന രാഹുല്‍ ഗാന്ധി വൈകീട്ട് ആറ് മണിക്ക് ഗവര്‍ണര്‍ അനസൂയ ഉയിക്കയെ കാണും. അസമിലെ കാച്ചാര്‍, സില്‍ച്ചര്‍ എന്നിവിടങ്ങളിലെ പ്രളയ ബാധിതരെ കണ്ട ശേഷമാണ് രാഹുല്‍ ഗാന്ധി ജിരിബാമിലെത്തിയത്.

National285 days ago

തുമ്പ ബോംബേറ് കേസിൽ ഒരാൾ പിടിയിൽ

തുമ്പ ബോംബേറ് കേസിൽ ഒരാളെ പോലീസ് പിടികൂടി. കഴക്കൂട്ടം സ്വദേശി ഷെബിനാണ് പിടിയിലായത്. നിരവധി കേസുകളിലെ പ്രതിയാണ് ഷെബിൻ. ബോംബെറിയാൻ പ്രതി സഞ്ചരിച്ച സ്കൂട്ടറും പോലീസ് കണ്ടെടുത്തു. പ്രതികൾക്കായുള്ള തിരച്ചിലിനിടെ നാല് നാടൻ ബോംബുകളും പോലീസ് കണ്ടെത്തി. ബൈക്കിൽ എത്തിയ രണ്ടംഗ സംഘമാണ് ബോംബെറിഞ്ഞത്. ആക്രമണത്തിൽ രണ്ട് പേർക്ക് പരിക്കേറ്റിരുന്നു. ഗുണ്ടാ സംഘങ്ങൾ തമ്മിലുള്ള കുടിപ്പകയാണ് ബോംബേറിന് കാരണമെന്നാണ് പോലീസിന്റെ പ്രാഥമിക നിഗമനം.

Kerala285 days ago

തുമ്പയില്‍ ബോംബേറ്; രണ്ടുപേര്‍ക്ക് പരുക്ക്

തിരുവനന്തപുരം തുമ്പയില്‍ നെഹ്റു ജംഗ്ഷന് സമീപം ബെക്കുകളില്‍ എത്തിയ നാലംഗ സംഘമാണ് ബോംബെറിഞ്ഞത്. നെഹ്റു ജംഗ്ഷന്‍ സ്വദേശികളായ അഖില്‍, വിവേക് എന്നിവര്‍ക്കാണ് പരിക്കേറ്റത്. ഇരുവരും ക്രിമിനല്‍ കേസിലെ പ്രതികളാണ്. ഗുണ്ടകള്‍ തമ്മിലുള്ള കുടിപ്പകയാണ് ആക്രമണത്തിന് പിന്നിലെന്നാണ് പോലീസിന്റെ പ്രാഥമിക നിഗമനം.

Kerala286 days ago

പാനൂർ സ്ഫോടനം; പ്രതികൾക്ക് ജാമ്യം

പാനൂർ സ്ഫോടന കേസിലെ പ്രതികൾക്ക് തലശ്ശേരി അഡീഷണൽ ചീഫ് ജുഡീഷ്യൽ മജിസ്ട്രേറ്റ് കോടതി ജാമ്യം അനുവദിച്ചു. മൂന്നാം പ്രതി അരുൺ നാലാം പ്രതി സബിൻ ലാൽ അഞ്ചാം പ്രതി അതുൽ എന്നിവർക്കാണ് ജാമ്യം അനുവദിച്ചത്. 90 ദിവസം പിന്നിട്ടിട്ടും കേസിൽ ഇതുവരെ പോലീസ് കുറ്റപത്രം സമർപ്പിച്ചിട്ടില്ലാത്ത സാഹചര്യത്തിലാണ് കോടതി പ്രതികൾക്ക് ജാമ്യം അനുവദിച്ചത്.

Kerala287 days ago

തൃശൂർ ചാവക്കാടിൽ നാടൻ ബോംബ് പൊട്ടിത്തെറിച്ചു

ചാവക്കാട് റോഡിൽ നാടൻ ബോംബ് പൊട്ടിത്തെറിച്ചു. മുത്തമ്മാവ് സെന്ററിലെ വഴിയരികിലാണ് ബോംബ് പൊട്ടിയത്. ഗുണ്ടിൽ കുപ്പിച്ചില്ല് നിറച്ച നാടൻ ബോംബാണ് പൊട്ടിത്തെറിച്ചത്. സംഭവത്തിൽ പ്രതിയെന്ന് സംശയിക്കുന്ന ഒരു യുവാവിനെ പോലീസ് കസ്റ്റഡിയിലെടുത്തു. ക്രിമിനൽ പശ്ചാത്തമുള്ള ഇയാളെ പോലീസ് ചോദ്യം ചെയ്ത് വരികയാണ്.

Kerala292 days ago

എരഞ്ഞോളി ബോംബ് സ്‌ഫോടനമുണ്ടായ വീടിന്റെ പരിസരത്ത് കാട് വെട്ടി തളിച്ച് പരിശോധന

ബോംബ് സ്‌ഫോടനം നടന്ന വീടിന്റെ പറമ്പിലും പരിസരത്തും കാട് വെട്ടി തളിച്ച് ബോംബ് സ്‌ക്വാഡും ഡോഗ് സ്‌ക്വാഡും സംയുക്തമായാണ് പരിശോധന നടത്തിയത്. തലശേരി എഎസ്പിയുടെ നേതൃത്വത്തിലാണ് സ്‌ഫോടനത്തില്‍ അന്വേഷണം നടത്തുന്നത്. ബോംബ് സ്‌ഫോടനമുണ്ടായ വീടിന്റെ പരിസരം കൂടാതെ തലശ്ശേരിയിലെ വിവിധ പ്രദേശങ്ങളിലും പരിശോധന നടത്തിയിട്ടുണ്ട്. എന്നാല്‍ പരിശോധനയില്‍ ഒന്നും കണ്ടെത്താനായിട്ടില്ല.

Kerala303 days ago