ജെസ്‌ന തിരോധാനക്കേസ്: തുടരന്വേഷണത്തിന് തയ്യാറെന്ന് CBI

ജെസ്നയുടെ അച്ഛന്‍ ഉന്നയിക്കുന്ന കാര്യങ്ങള്‍ അന്വേഷിക്കാന്‍ തയ്യാറാണെന്നും അതിനുള്ള തെളിവുകള്‍ ജെസ്നയുടെ അച്ഛന്‍ മുദ്ര വെച്ച കവറില്‍ കോടതിയില്‍ സമര്‍പ്പിക്കണമെന്നും CBI ആവശ്യപ്പെട്ടു. തുടര്‍ന്ന് ആരോപണങ്ങളില്‍ തെളിവുകള്‍ നല്‍കാന്‍ ജെസ്നയുടെ പിതാവിനോട് നിര്‍ദേശിച്ച കോടതി കേസ് പരിഗണിക്കുന്നത് അടുത്ത മാസം മൂന്നിലേക്ക് മാറ്റി. CBI അന്വേഷണത്തിലെ കാര്യക്ഷമത ചോദ്യം ചെയ്ത് ജെസ്നയുടെ പിതാവ് നല്‍കിയ ഹര്‍ജിയാണ് തിരുവനന്തപുരം CJM കോടതി ഇന്ന് പരിഗണിച്ചത്.

Kerala362 days ago

ഷുക്കൂര്‍ വധക്കേസ്: പി. ജയരാജന്റെയും ടി. വി രാജേഷിന്റെയും ഹര്‍ജി തള്ളി

അരിയില്‍ ഷുക്കൂര്‍ വധക്കേസില്‍ CPM നേതാവ് പി. ജയരാജനും മുന്‍ MLA ടി. വി. രാജേഷും തങ്ങളെ കുറ്റവിമുക്തരാക്കണമെന്ന് ചൂണ്ടിക്കാട്ടി നല്‍കിയ വിടുതല്‍ ഹര്‍ജിയാണ് കോടതി തള്ളിയത്. ഇതോടെ ഇരു നേതാക്കളും കേസില്‍ വിചാരണ നേരിടണം. കൊച്ചിയിലെ പ്രത്യേക CBI കോടതിയുടേതാണ് നടപടി. ഇരുവര്‍ക്കുമെതിരെ ഗൂഢാലോചനക്കുറ്റമാണ് CBI ചുമത്തിയിരുന്നത്.

Kerala213 days ago

കൊല്‍ക്കത്തയിലെ വനിത ഡോക്ടറുടെ കൊലപാതകം; DNA ഫലം കിട്ടിയാല്‍ അന്വേഷണം പൂര്‍ത്തിയാകുമെന്ന് CBI

കൊല്‍ക്കത്തയിലെ ആര്‍.ജി. കര്‍ മെഡിക്കല്‍ കോളേജിലെ യുവ വനിതാ ഡോക്ടറുടെ ബലാത്സംഗക്കൊലക്കേസില്‍ DNA ഫലം ലഭിക്കുന്നതോടെ അന്വേഷണം പൂര്‍ത്തിയാകുമെന്നും ഒരാഴ്ചയ്ക്കുള്ളില്‍ അന്തിമ റിപ്പോര്‍ട്ട് തയ്യാറാകുമെന്നും CBI. പോലീസ് അറസ്റ്റ് ചെയ്ത പ്രതിയെ കേന്ദ്രീകരിച്ച് തന്നെയാണ് CBI അന്വേഷണവും നടക്കുന്നതെന്ന ആരോപണവും ഉയരുന്നുണ്ട്. പ്രതിയുടെ മൊബൈല്‍ ഫോണുമായി ബന്ധപ്പെട്ട വിശദാംശങ്ങള്‍ പരിശോധിച്ചതിന്റെ അടിസ്ഥാനത്തില്‍ ഇയാള്‍ മാത്രമാണ് പ്രതി എന്നാണ് മനസിലാകുന്നതെന്ന് CBI വ്യക്തമാക്കിയിരുന്നു.

National225 days ago

മാമി തിരോധാനക്കേസ്; CBIക്ക് കൈമാറിയേക്കും

കോഴിക്കോട്ടെ റിയല്‍ എസ്റ്റേറ്റ് വ്യാപാരി ആട്ടൂര്‍ മുഹമ്മദിന്റെ (മാമി) തിരോധാനക്കേസ് CBIക്ക് കൈമാറിയേക്കും. കേസ് കൈമാറുന്നതില്‍ എതിര്‍പ്പില്ലെന്ന് അന്വേഷണ സംഘം ഹൈക്കോടതിയെ അറിയിച്ചു. കഴിഞ്ഞ വര്‍ഷം ആഗസ്റ്റില്‍ കാണാതായ മാമിയെക്കുറിച്ച് ഇതുവരെ യാതൊരു വിവരവും ലഭിച്ചിട്ടില്ല. ഇതിനിടയിലാണ് പി.വി അന്‍വര്‍ MLA മാമിയെ കൊലപ്പെടുത്തിയതായിരിക്കാം എന്ന പ്രസ്താവന നടത്തിയത്. തുടര്‍ന്നാണ് കേസ് CBIക്ക് വിടണമെന്നാവശ്യപ്പെട്ട് കുടുംബം കോടതിയെ സമീപിച്ചത്.

Kerala227 days ago

അനധികൃത സ്വത്ത് സമ്പാദന കേസ്: ഡി.കെ. ശിവകുമാറിനെതിരെ അന്വേഷണം തുടരണമെന്ന CBI ഹർജി ഹൈക്കോടതി തള്ളി

കർണാടക ഉപമുഖ്യമന്ത്രിയും കോൺഗ്രസ് സംസ്ഥാന അധ്യക്ഷനുമായ ഡി.കെ. ശിവകുമാറിനെതിരായ അനധികൃത സ്വത്ത് സമ്പാദന കേസിൽ അന്വേഷണം തുടരാൻ അനുമതി തേടി CBI സമർപ്പിച്ച ഹർജി കർണാടക ഹൈക്കോടതി തള്ളി. ഹർജി കോടതിയുടെ അധികാരപരിധിയിൽ വരില്ലെന്നും CBI ക്ക് സുപ്രീംകോടതിയെ സമീപിക്കാമെന്നും ഹർജി തള്ളിക്കൊണ്ട് കോടതി വ്യക്തമാക്കി. സമാന ആവശ്യവുമായി BJP നേതാവ് ബസനഗൗഡ യത്നാൽ സമർപ്പിച്ച ഹർജിയും ഹൈക്കോടതി തള്ളി. 2023 നവംബറിലാണ് ഡി.കെ. ശിവകുമാറിനെതിരായ അനധികൃത സ്വത്ത് സമ്പാദനക്കേസ് അന്വേഷിക്കാൻ CBI ക്ക് അനുമതി നൽകിയിരുന്ന ഉത്തരവ് കർണാടകയിലെ കോൺഗ്രസ് സർക്കാർ പിൻവലിച്ചത്.

National234 days ago

ആർജി കർ മെഡിക്കൽ കോളേജ് മുൻ പ്രിൻസിപ്പലിനെതിരെ FIR രജിസ്റ്റർ ചെയ്തു

കൊൽക്കത്തയിൽ ബാലാത്സംഗത്തിനിരയായി യുവ വനിതാ ഡോക്ടർ കൊല്ലപ്പെട്ട കൊൽക്കത്ത ആർജി കർ മെഡിക്കൽ കോളേജിലെ മുൻ പ്രിൻസിപ്പൽ സന്ദീപ് ഘോഷിനെതിരെ സിബിഐ FIR രജിസ്റ്റർ ചെയ്തു. അഴിമതിക്കേസിലാണ് FIR രജിസ്റ്റർ ചെയ്തിരിക്കുന്നത്. സന്ദീപ് ഘോഷിന്റെ കാലത്ത് ആശുപത്രിയിൽ ഉണ്ടായ സാമ്പത്തിക ക്രമക്കേടുകളെ കുറിച്ച് സ്പെഷ്യൽ ഇൻവെസ്റ്റിഗേഷൻ ടീം (SIT) അന്വേഷണം നടത്തുന്നുണ്ടായിരുന്നു. ഹൈക്കോടതി ഉത്തരവ് പ്രകാരം വെള്ളിയാഴ്ച SIT സിബിഐക്ക് അന്വേഷണം കൈമാറിയിരുന്നു. SIT നൽകിയ രേഖകൾ പരിശോധിച്ച ശേഷമാണ് സിബിഐ FIR രജിസ്റ്റർ ചെയ്തത്. നിലവിൽ ഡോക്ടറുടെ നുണപരിശോധന നടക്കുകയാണ്.

National239 days ago

യുവ ഡോക്ടറുടെ കൊലപാതകം: കൂട്ടബലാത്സംഗത്തിന് തെളിവില്ലെന്ന് CBI

കൊൽക്കത്ത ആർജി.കർ മെഡിക്കൽ കോളജിൽ വനിത ഡോക്ടറെ പീഡിപ്പിച്ച് കൊലപ്പെടുത്തിയ കേസിൽ കൂട്ടബലാത്സംഗത്തിന് തെളിവില്ലെന്ന് CBI. കേസിലെ പ്രതിയായ സഞ്ജയ് റോയിയുടെ ജുഡീഷ്യൽ കസ്റ്റഡി ആവശ്യപ്പെട്ട് വിചാരണ കോടതിയിൽ നൽകിയ അപേക്ഷയിലാണ് CBI ‘കൂട്ടബലാത്സംഗം’ എന്നതിനെ കുറിച്ച് പരാമർശിക്കാതിരുന്നത്. യുവ ഡോക്ടറെ പീഡിപ്പിച്ചത് സഞ്ജയ് റോയ് മാത്രമാണെന്ന നിഗമനത്തിലാണ് CBI. എന്നാൽ ബലാത്സംഗത്തിനിരയായി കൊല്ലപ്പെട്ട വനിത ഡോക്ടറുടെ മാതാപിതാക്കൾ തങ്ങളുടെ മകൾ കൂട്ടബലാത്സംഗത്തിന് ഇരയായി എന്നാണ് വാദിക്കുന്നത്.

National239 days ago

ജെസ്‌ന തിരോധാന കേസ്: മുൻ ലോഡ്ജ് ജീവനക്കാരിയെ നുണപരിശോധനയ്ക്ക് വിധേയയാക്കും

ജെസ്ന തിരോധാന കേസിൽ മുണ്ടക്കയത്തെ മുൻ ലോഡ്ജ് ജീവനക്കാരിയുടെ മൊഴി രേഖപ്പെടുത്തിയ CBI സംഘം ഇവരെ നുണ പരിശോധനയ്ക്ക് വിധേയയാക്കും. ആവശ്യമെങ്കിൽ ലോഡ്ജ് ഉടമയെയും നുണ പരിശോധനയ്ക്ക് വിധേയനാക്കും. CBI കഴിഞ്ഞ ദിവസം ഇരുവരുടെയും മൊഴി രേഖപ്പെടുത്തിയിരുന്നു. ജെസ്നയെ കാണാതാകുന്നതിന് ദിവസങ്ങൾക്ക് മുമ്പ് ജെസ്നയെ മുണ്ടക്കയത്തെ ലോഡ്ജിൽ വെച്ച് കണ്ടെന്നായിരുന്നു മുൻ ജീവനക്കാരിയുടെ വെളിപ്പെടുത്തൽ. ജെസ്നയോടൊപ്പം ഒരു യുവാവും ഉണ്ടായിരുന്നുവെന്നും പിന്നീട് പത്രത്തിൽ ഫോട്ടോ കണ്ടതോടെയാണ് ജെസ്‌നയാണെന്ന് മനസ്സിലായതെന്നാണ് ജീവനക്കാരി പറഞ്ഞത്. Read More

Kerala241 days ago

യുവ ഡോക്ടറുടെ കൊലപാതകം: കേസ് സുപ്രീംകോടതി ഇന്ന് വീണ്ടും പരിഗണിക്കും

കൊൽക്കത്ത ആർജി കർ മെഡിക്കൽ കോളേജിലെ വനിത ഡോക്ടർ പീഡനത്തിനിരയായി കൊല്ലപ്പെട്ട കേസ് സുപ്രീംകോടതി ഇന്ന് വീണ്ടും പരിഗണിക്കും. കേസന്വേഷണത്തിന്റെ ഇതുവരെയുള്ള റിപ്പോർട്ട് ഹാജരാക്കാൻ CBI യോടും, ആശുപത്രി ആക്രമിച്ച സംഭവത്തിലെ അന്വേഷണ റിപ്പോർട്ട് ഹാജരാക്കാൻ ബംഗാൾ സർക്കാരിനോടും കോടതി നിർദേശിച്ചിരുന്നു. സുപ്രീംകോടതി സ്വമേധയാ എടുത്ത കേസ് ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ചാണ് പരിഗണിക്കുന്നത്.

National241 days ago

ജെസ്‌ന തിരോധാനം: CBI സംഘം നാളെ മുണ്ടക്കയത്തെത്തും

ജെസ്നയുടെ തിരോധാനവുമായി ബന്ധപ്പെട്ട മുണ്ടക്കയത്തെ ലോഡ്ജിലെ മുൻ ജീവനക്കാരി നടത്തിയ വെളിപ്പെടുത്തലുകളുടെ വസ്തുതകൾ അന്വേഷിക്കാൻ CBI സംഘം നാളെ മുണ്ടക്കയത്തെത്തും. ലോഡ്ജ് ജീവനക്കാരിയുടെ മൊഴിയെടുക്കാനായി എത്തുന്ന സംഘം ലോഡ്ജിൽ കണ്ടത് ജെസ്നയെത്തന്നെ ആണോയെന്നും കാണാതായതിന് ഇവിടവുമായി ബന്ധമുണ്ടോയെന്നും തുടങ്ങിയ കാര്യങ്ങളാകും പരിശോധിക്കുക. ജെസ്‌നയുടെ അവസാന CCTV ദൃശ്യങ്ങൾ ലഭിച്ചത് ഈ പ്രദേശത്ത് വെച്ചായാതിനാൽ നേരത്തെ പല തവണ ക്രൈംബ്രാഞ്ച് ഇവിടെ പരിശോധന നടത്തിയിരുന്നു.

Kerala244 days ago

യുവ ഡോക്ടറുടെ കൊലപാതകം; പ്രതിയെ നാളെ നുണപരിശോധനയ്ക്ക് വിധേയനാക്കിയേക്കും

കൊൽക്കത്ത മെഡിക്കൽ കോളേജിൽ ജൂനിയർ ഡോക്ടറെ ബലാത്സംഗം ചെയ്ത് കൊലപ്പെടുത്തിയ കേസിലെ പ്രതിയെ നുണ പരിശോധനയ്ക്ക് വിധേയനാക്കുന്നതിന് കൊൽക്കത്ത ഹൈക്കോടതി അന്വേഷണ ഉദ്യോഗസ്ഥർക്ക് അനുമതി നൽകി. കേസിൽ അറസ്റ്റിലായ പ്രതി സഞ്ജയ് റോയിയുടെ നുണപരിശോധന CBI നാളെ നടത്തിയേക്കും. നുണപരിശോധനയ്ക്ക് അനുമതി നൽകിയ ഹൈക്കോടതി കേസിൽ വാദം കേൾക്കുന്നത് ഓഗസ്റ്റ് 29ലേക്ക് മാറ്റി.

National244 days ago