100 വര്‍ഷത്തിനിടെ അലിഗഡ് സര്‍വകലാശാലയുടെ ആദ്യ വനിതാ വൈസ് ചാന്‍സലറായി നൈമ ഖാത്തൂന്‍

അലിഗഡ് മുസ്ലിം യൂണിവേഴ്സിറ്റിയുടെ വൈസ് ചാന്‍സലറായി നൈമ ഖാത്തൂനെ നിയമിച്ചു. പ്രസിഡന്റ് ദ്രൗപതി മുര്‍മുവില്‍ നിന്ന് അനുമതി ലഭിച്ചതിന് ശേഷമാണ് വിമന്‍സ് കോളേജ് പ്രിന്‍സിപ്പല്‍ നൈമ ഖാട്ടൂനെ അഞ്ച് വര്‍ഷത്തേക്ക് വിദ്യാഭ്യാസ മന്ത്രാലയം വൈസ് ചാന്‍സലറായി നിയമിച്ചത്. സര്‍വ്വകലാശാലയുടെ 123 വര്‍ഷത്തെ ചരിത്രത്തില്‍ ഈ തസ്തികയിലേക്ക് നിയമിക്കപ്പെടുന്ന ആദ്യ വനിതയാണ് ഖാത്തൂന്‍.

National245 days ago

വിസി നിയമനത്തിനായി സെര്‍ച്ച് കമ്മിറ്റിയെ നിയോഗിച്ച ഗവര്‍ണറുടെ നടപടി സ്റ്റേ ചെയ്ത് ഹൈക്കോടതി

കേരള, എംജി, മലയാളം സര്‍വകലാശാലകളിലേക്കുളള സെര്‍ച്ച് കമ്മറ്റി രൂപികരിച്ച ഗവര്‍ണര്‍ ആരിഫ് മുഹമ്മദ് ഖാന്റെ നടപടി ഹൈക്കോടതി സ്റ്റേ ചെയ്തു. സെനറ്റംഗങ്ങള്‍ സമര്‍പ്പിച്ച ഹര്‍ജിയിലാണ് ജസ്റ്റിസ് സിയാദ് റഹ്‌മാന്റെ ഉത്തരവ്. നേരത്തെ കേരള സാങ്കേതിക സര്‍വകലാശാല സെര്‍ച്ച് കമ്മറ്റിയുടെ നിയമനം ഹൈക്കോടതി വിലക്കിയിരുന്നു. ഇതോട നാല് സര്‍വകലാശാലകളിലെ സേര്‍ച് കമ്മറ്റികള്‍ക്ക് വിലക്കായി. ആകെ ആറ് സര്‍വകലാശാലകളിലെ വിസി നിയമനത്തിനായാണ് ഗവര്‍ണര്‍ സെര്‍ച്ച് കമ്മറ്റി രൂപീകരിച്ചത്.

Kerala158 days ago

ഡോ. പി. രവീന്ദ്രൻ കാലിക്കറ്റ് സർവകലാശാല താൽകാലിക VC

സർക്കാർ നൽകിയ പാനൽ തള്ളിയ ഗവർണർ ആരിഫ് മുഹമ്മദ് ഖാൻ ഡോ. പി. രവീന്ദ്രനെ കാലിക്കറ്റ് സർവകലാശാലയുടെ താൽകാലിക വൈസ് ചാൻസലറായി നിയമിച്ചു. കാലിക്കറ്റ് സർവകലാശാല വൈസ് ചാൻസലർ ഡോ. എം.കെ. ജയരാജൻ വിരമിക്കുന്ന സാഹചര്യത്തിലാണ് ഡോ. പി. രവീന്ദ്രന് VC യുടെ താൽകാലിക ചുമതല നൽകിയത്. കാലിക്കറ്റ് സര്‍വകലാശാല കെമിസ്ട്രി വിഭാഗം പ്രൊഫസറും, മുന്‍ സയന്‍സ് ഡീനുമാണ് ഡോ. പി. രവീന്ദ്രന്‍.

Kerala165 days ago

ചാന്‍സിലര്‍ക്കെതിരായ കേസിന് മുടക്കിയ ഫണ്ട് തിരിച്ചടക്കണം; വിസിമാരോട് ഗവര്‍ണര്‍

ചാന്‍സിലര്‍ക്കെതിരെ കേസ് നടത്താന്‍ വിസിമാര്‍ ചെലവിട്ട സര്‍വകലാശാല ഫണ്ട് സര്‍ക്കാരിലേക്ക് തിരിച്ചടയ്ക്കണമെന്ന് ഗവര്‍ണര്‍ ആരിഫ് മുഹമ്മദ് ഖാന്‍. സര്‍ക്കാരിന്റെ ചെലവില്‍ കേസ് നടത്തേണ്ടതില്ലെന്നും സ്വന്തം ചെലവിലാണ് കേസ് നടത്തേണ്ടതെന്നും ഗവര്‍ണര്‍ പറഞ്ഞു. കേസ് നടത്താന്‍ ചെലവാക്കിയ 1.13 കോടി രൂപ തിരികെ അടയ്ക്കാനാണ് ഗവര്‍ണര്‍ നിര്‍ദേശം നല്‍കിയിരിക്കുന്നത്. വിസി നിയമനം റദ്ദാക്കിയ ഗവര്‍ണറുടെ നടപടിക്കെതിരെയാണ് വിവിധ സര്‍വകലാശാലകളിലെ വൈസ് ചാന്‍സിലര്‍മാര്‍ കേസിന് പോയത്.

Kerala167 days ago

പശ്ചിമ ബംഗാളിലെ VC നിയമനം: മുൻ ചീഫ് ജസ്റ്റിസ് അധ്യക്ഷനായി സമിതി രൂപീകരിച്ച് സുപ്രീംകോടതി

പശ്ചിമ ബംഗാളിലെ സർവകലാശാലകളിലെ വൈസ് ചാൻസലർമാരുടെ നിയമനങ്ങൾക്ക് മേൽനോട്ടം വഹിക്കാനുള്ള സമിതിയുടെ അധ്യക്ഷനായി മുൻ ചീഫ് ജസ്റ്റിസ് ഉദയ് ഉമേഷ് ലളിതിനെ സുപ്രീംകോടതി നിയമിച്ചു. VC മാരുടെ നിയമനവുമായി ബന്ധപ്പെട്ട് സംസ്ഥാന സർക്കാരും സർവകലാശാലകളുടെ ചാൻസലറായ ഗവർണറും തമ്മിൽ അഭിപ്രായ ഭിന്നതകൾ നിലനിൽക്കുന്ന സാഹചര്യത്തിലാണ് സമിതി രൂപീകരിക്കുന്നത്. Read More

National169 days ago

സര്‍വകലാശാല വിസി നിയമനത്തില്‍ വീണ്ടും ഗവര്‍ണര്‍-സര്‍ക്കാര്‍ പോര്

ആറു സര്‍വകലാശാലകളിലേക്ക് ഗവര്‍ണര്‍ സ്വന്തം നിലയില്‍ വിസി നിയമനത്തിനായി രണ്ടംഗ സെര്‍ച്ച് കമ്മിറ്റി രൂപീകരിച്ചതാണ് വീണ്ടും പോരിന് വഴി തെളിച്ചിരിക്കുന്നത്. പലതവണ ആവശ്യപ്പെട്ടിട്ടും സര്‍വകലാശാലകള്‍ പ്രതിനിധികളെ തന്നില്ലെന്നും തന്റെ ജോലി ചെയ്യുന്നതില്‍ നിന്നും ആര്‍ക്കും തടയാനാകില്ലെന്നുമാണ് ഗവര്‍ണര്‍ ആരിഫ് മുഹമ്മദ് ഖാന്റെ പ്രതികരണം. അതേസമയം നടപടിയെ നിയമപരമായി നേരിടാനാണ് സംസ്ഥാന സര്‍ക്കാര്‍ നീക്കം. നിയമോപദേശം ലഭിച്ച ശേഷം ഹൈക്കോടതിയെ സമീപിക്കുമെന്നാണ് വിലയിരുത്തല്‍.

Kerala178 days ago

പൂക്കോട് വെറ്ററിനറി സര്‍വകലാശാല വിസിയായി ഡോ. കെ. എസ് അനില്‍

ഗവര്‍ണറുടെ കടുത്ത അതൃപ്തിയെ തുടര്‍ന്ന് ഡോ.പി. സി ശശീന്ദ്രന്‍ രാജിവെച്ചതിനെ തുടര്‍ന്നാണ് ഡോ. കെ. എസ് അനിലിനെ പുതിയ വിസിയായി നിയമിച്ചത്. മണ്ണുത്തി വെറ്ററിനറി കോളേജിലെ പ്രൊഫസറാണ് അനില്‍. സിദ്ധാര്‍ത്ഥിന്റെ മരണത്തില്‍ 33 വിദ്യാര്‍ത്ഥികളുടെ സസ്‌പെന്‍ഷന്‍ വിസി പിന്‍വലിച്ചതായിരുന്നു ഗവര്‍ണറിന്റെ അതൃപ്തിക്ക് കാരണമായത്. സിദ്ധാര്‍ത്ഥിന്റെ മരണത്തിലെ വീഴ്ചകളുടെ പേരില്‍ മുന്‍ വിസി ഡോ. എം. ആര്‍ ശശീന്ദ്രനാഥിനെ നേരത്തെ ഗവര്‍ണര്‍ സസ്‌പെന്‍ഡ് ചെയ്തിരുന്നു.

Kerala272 days ago

പൂക്കോട് വെറ്ററിനറി സർവകലാശാലയിലെയുടെ പുതിയ VC രാജിവെച്ചു

വെറ്ററിനറി സർവകലാശാലയുടെ പുതിയ വൈസ് ചാൻസലർ ഡോ. പി.സി ശശീന്ദ്രൻ ഗവർണർ ആരിഫ് മുഹമ്മദ് ഖാന് രാജിക്കത്ത് കൈമാറി. സിദ്ധാര്‍ത്ഥന്റെ മരണവുമായി ബന്ധപ്പെട്ട് മുന്‍ VC എം.ആര്‍ ശശീന്ദ്രനാഥിനെ പദവിയിൽ നിന്ന് മാറ്റിയതിനെ തുടർന്നാണ് പി.സി ശശീന്ദ്രന് VC യുടെ ചുമതല നൽകിയത്. വ്യക്തിപരമായ കാര്യങ്ങളാണ് രാജിവെക്കുന്നതിന് കാരണമെന്ന് അറിയിച്ചു. മാർച്ച് രണ്ടിനാണ് പൂക്കോട് വെറ്ററിനറി സർവകലാശാലയിലെയുടെ പുതിയ VC യായി ഡോ. പി.സി ശശീന്ദ്രൻ ചുമതലയേറ്റത്.

Kerala274 days ago

ഡോ. കെ.കെ ഗീതാകുമാരിയെ കാലടി സർവകലാശാല VC യായി നിയമിച്ചു

കാലടി സംസ്‌കൃത സർവകലാശാലയുടെ നിലവിലെ VC ഡോ. എം.വി നാരായണനെ ഗവർണർ പുറത്താക്കിയ നടപടി ഹൈക്കോടതി ശരിവെച്ചതിനെ തുടർന്നാണ് ഡോ. കെ.കെ ഗീതാകുമാരിക്ക് VC യുടെ ചുമതല നൽകി രാജ്ഭവൻ ഉത്തരവ് പുറപ്പെടുവിച്ചത്. UGC ചട്ടങ്ങൾ പാലിക്കാതെയാണ് ഡോ. എം.വി നാരായണന്റെ VC നിയമനം നടന്നതെന്ന് ചൂണ്ടിക്കാട്ടിയാണ് ഗവർണർ എം.വി നാരായണനെ VC പദവിയിൽ നിന്ന് പുറത്താക്കിയത്.

Kerala278 days ago

ഡോ. എം.കെ ജയരാജിന് കാലിക്കറ്റ് VC യായി തുടരാം: ഹൈക്കോടതി

UGC മാനദണ്ഡങ്ങൾ പാലിച്ചില്ല എന്നാരോപിച്ച് കാലിക്കറ്റ് സർവകലാശാല VC യെ പുറത്താക്കിയ ഗവർണറുടെ നടപടി ഹൈക്കോടതി സ്റ്റേ ചെയ്തു. ഗവർണറുടെ പുറത്താക്കൽ നടപടിക്കെതിരെ കാലിക്കറ്റ് സർവകലാശാല VC ഡോ. എം.കെ ജയരാജും കാലടി സംസ്കൃത സര്‍വകലാശാല VC ഡോ. എം.വി നാരായണനും കോടതിയെ സമീപിച്ചിരുന്നു. അതേസമയം കാലടി സംസ്കൃത സര്‍വകലാശാല VC യുടെ സ്റ്റേ ആവശ്യത്തിൽ കോടതി ഇടപെട്ടില്ല.

Kerala278 days ago

പുറത്താക്കപ്പെട്ട VC മാർക്കെതിരെ തിങ്കളാഴ്ചവരെ തുടർനടപടികൾ സ്വീകരിക്കരുതെന്ന് ഹൈക്കോടതി

നിയമനം റദ്ദാക്കിയ ഗവർണർ ആരിഫ് മുഹമ്മദ് ഖാന്റെ നടപടിക്കെതിരെ കാലിക്കറ്റ്, സംസ്കൃത സര്‍വകലാശാല വൈസ് ചാൻസലർമാർ ഹൈക്കോടതിയിൽ സമർപ്പിച്ച ഹർജിയിലാണ് കോടതി ഉത്തരവ്. ഹർജിയിൽ തുടർവാദം കേൾക്കുന്നതിനായി തിങ്കളഴ്ചത്തേക്ക് മാറ്റിയ കോടതി കേസിൽ തീർപ്പ് കൽപ്പിക്കുന്നത് വരെ തുടർ നടപടികൾ സ്വീകരിക്കരുതെന്ന് നിർദേശിച്ചു. UGC ചട്ടങ്ങൾ പാലിച്ചില്ലെന്ന് ചൂണ്ടിക്കാട്ടിയാണ് ഗവർണർ VC മാരുടെ നിയമനം റദ്ദാക്കിയത്.

Kerala284 days ago