സിവിൽ സർവീസ് പ്രിലിംസ് പരീക്ഷ തീയതി പുനക്രമീകരിച്ചു

യൂണിയൻ പബ്ലിക് സർവീസ് കമ്മീഷൻ (UPSC) 2024 മെയ് 26 ന് ഷെഡ്യൂൾ ചെയ്തിരുന്ന സിവിൽ സർവീസ് പ്രിലിമിനറി പരീക്ഷ ജൂൺ 16 ലേക്ക് മാറ്റി. ലോക്സഭാ ഇലക്ഷൻ നടക്കുന്നതിന്റെ പശ്ചാത്തലത്തിലാണ് തീരുമാനം. 2024 ഏപ്രിൽ 19 മുതൽ ജൂൺ ഒന്ന് വരെയാണ് ലോക്‌സഭാ ഇലക്ഷൻ നടക്കുന്നത്. UPSC സിവിൽ സർവീസ് മെയിൻ പരീക്ഷകൾ സെപ്റ്റംബർ 20 മുതൽ അഞ്ച് ദിവസത്തേക്കാണ് നടക്കുക.

National279 days ago

ഇന്ത്യന്‍ അഡ്മിനിസ്‌ട്രേറ്റീവ് സര്‍വീസില്‍ നിന്നും പൂജ ഖേദ്കറെ പുറത്താക്കി കേന്ദ്രസര്‍ക്കാര്‍

പൂജ ഖേദ്കറെ യുണിയന്‍ പബ്ലിക് സര്‍വീസ് കമീഷണന്‍ അവരെ അയോഗ്യയാക്കിയതിന് പിന്നാലെയാണ് കേന്ദ്ര സര്‍ക്കാരിന്റെ നടപടി. ഗുരുതരമായ ആരോപണങ്ങളാണ് പൂജ ഖേദ്കര്‍ നേരിട്ടത്. ചട്ടം മറികടന്നുകൊണ്ട് സിവില്‍ സര്‍വീസസ് പരീക്ഷയെഴുതിയെന്ന് കണ്ടെത്തിയതിനെ തുടര്‍ന്നാണ് UPSC നടപടി സ്വീകരിച്ചത്. കമീഷന്റെ പരീക്ഷകളില്‍നിന്ന് ആജീവനാന്ത വിലക്കും ഏര്‍പ്പെടുത്തി. 2022ല്‍ പരീക്ഷയെഴുതനായി വ്യാജ OBC, ഭിന്നശേഷി സര്‍ട്ടിഫിക്കറ്റുകള്‍ പൂജ സമര്‍പ്പിച്ചതായാണ് കണ്ടെത്തല്‍.

National107 days ago

ലോക്‌സഭാ തിരഞ്ഞെടുപ്പ്; കോണ്‍ഗ്രസില്‍ നിന്ന് രാഹുല്‍ ഗാന്ധി കൈപ്പറ്റിയത് 1.40 കോടി രൂപ

2024ലെ ലോക്സഭാ തിരഞ്ഞെടുപ്പില്‍ വയനാട്ടില്‍ നിന്നും റായ്ബറേലിയില്‍ നിന്നും മത്സരിക്കുന്നതിന് രാഹുല്‍ ഗാന്ധി പാര്‍ട്ടി ഫണ്ടില്‍ നിന്നും, ഓരോ മണ്ഡലത്തിലും 70 ലക്ഷം രൂപ വീതം 1.40 കോടി രൂപ കൈപ്പറ്റി. തിരഞ്ഞെടുപ്പ് കമ്മീഷന് നല്‍കിയ റിപ്പോര്‍ട്ടിലാണ് കോണ്‍ഗ്രസ് ഇക്കാര്യം വെളിപ്പെടുത്തിയിരിക്കുന്നത്. പാര്‍ട്ടി ഫണ്ടില്‍ നിന്ന് 87 ലക്ഷം രൂപ കൈപ്പറ്റിയ വിക്രമാദിത്യ സിംഗാണ് ഉയര്‍ന്ന തുക നേടിയ സ്ഥാനാര്‍ത്ഥി. എന്നാല്‍ ഹിമാചല്‍പ്രദേശിലെ മാണ്ഡി സീറ്റില്‍ നിന്ന് BJP സ്ഥാനാര്‍ത്ഥി കങ്കണ റണാവത്തിനാട് അദ്ദേഹം പരാജയപ്പെട്ടു.

National115 days ago

ലാറ്ററല്‍ എന്‍ട്രി നിയമന നീക്കം ഉപേക്ഷിച്ച് കേന്ദ്ര സര്‍ക്കാര്‍

ലാറ്ററല്‍ എന്‍ട്രി വഴി കേന്ദ്രസര്‍ക്കാരിലെ ഉന്നത പദവികളില്‍ നിയമനം നടത്താന്‍ ലക്ഷ്യമിട്ട് അപേക്ഷ ക്ഷണിച്ചുകൊണ്ടുള്ള പരസ്യം റദ്ദാക്കാന്‍ UPSCയ്ക്ക് കേന്ദ്ര സര്‍ക്കാര്‍ കത്തയച്ചു. പ്രധാനമന്ത്രി നരേന്ദ്ര മോദി നിര്‍ദേശിച്ചത് അനുസരിച്ച് കേന്ദ്രമന്ത്രി ജിതേന്ദ്ര സിങ് ആണ് UPSCയ്ക്ക് കത്തയച്ചത്. ലാറ്ററല്‍ എന്‍ട്രി വഴി കേന്ദ്രസര്‍ക്കാരിലെ 45 തസ്തികകളിലേക്ക് അപേക്ഷ ക്ഷണിച്ചുകൊണ്ടുള്ള പരസ്യമാണ് നല്‍കിയിരുന്നത്. പ്രതിപക്ഷത്തിന്റെയും NDA സഖ്യകക്ഷികളായ JDU, LJP എന്നിവയുടെ ഭാഗത്ത് നിന്നും ശക്തമായ പ്രതിഷേധം ഉയര്‍ന്നുവന്നതിനെ തുടര്‍ന്നാണ് നടപടി.Read More

National125 days ago

UPSC പരീക്ഷ: കൊച്ചി മെട്രോ ഞായറാഴ്ച അധിക സർവീസ് ഒരുക്കും

ഓഗസ്റ്റ് 11 ഞായറാഴ്ച്ച UPSC പരീക്ഷ നടക്കുന്നതിനാൽ കൊച്ചി മെട്രോ സർവീസ് സമയം ദീർഘിപ്പിക്കുന്നു. പരീക്ഷയെഴുതുന്നവർക്ക് കൃത്യ സമയത്ത് തന്നെ പരീക്ഷാ സെന്ററിൽ എത്തുന്നതിനായി കൊച്ചി മെട്രോ ആലുവ, തൃപ്പൂണിത്തുറ ടെർമിനൽ സ്റ്റേഷനുകളിൽ നിന്ന് ഞായറാഴ്ച്ച രാവിലെ 7 മണി മുതൽ സർവീസ് ആരംഭിക്കും. സാധാരണ കൊച്ചി മെട്രോ രാവിലെ 7:30 നാണ് ഞായറാഴ്ച്ചകളിൽ സർവീസ് ആരംഭിച്ചിരുന്നത്.

Kerala137 days ago

തട്ടിപ്പ് തടയാന്‍ പുതിയ സാങ്കേതികവിദ്യകള്‍ ഉപയോഗിച്ച് പരീക്ഷാസംവിധാനം പരിഷ്‌കരിക്കാനൊരുങ്ങി UPSC

സര്‍ക്കാര്‍ പരീക്ഷകളിലെ ചോദ്യപ്പേപ്പര്‍ ചോര്‍ച്ചയും തട്ടിപ്പുകളും വിവാദമായിരിക്കുന്നതിനിടെ പരീക്ഷാ സംവിധാനം പരിഷ്‌കരിക്കുന്നതിന് നൂതന ഡിജിറ്റല്‍ സാങ്കേതികവിദ്യകള്‍ പ്രയോജനപ്പെടുത്താനൊരുങ്ങി യൂണിയന്‍ പബ്ലിക് സര്‍വീസ് കമ്മീഷന്‍ (UPSC). പരീക്ഷാവേളയിലെ ആള്‍മാറാട്ടവും തട്ടിപ്പുകളും തടയാന്‍ ആധാര്‍ അടിസ്ഥാനമാക്കിയുള്ള ഫിംഗര്‍പ്രിന്റ് ഓതന്റിക്കേഷന്‍, ഫേഷ്യല്‍ റെക്കഗിനിഷന്‍, AI ഉപയോഗിച്ചുളള CCTV നിരീക്ഷണം, ഇ-അഡ്മിറ്റ് കാര്‍ഡുകളുടെ QR കോഡ് സ്‌കാനിംഗ് എന്നിവയുള്‍പ്പെടെ ഏര്‍പ്പെടുത്താനാണ് UPSC പദ്ധതിയിടുന്നത്.

Education151 days ago

ലോക്‌സഭാ തിരഞ്ഞെടുപ്പില്‍ BJPക്ക് തിരിച്ചടിയായത് അമിത ആത്മവിശ്വാസമാണെന്ന് യോഗി ആദിത്യനാഥ്

അമിത ആത്മവിശ്വാസമാണ് സംസ്ഥാനത്തെ ഈ വര്‍ഷത്തെ തിരഞ്ഞെടുപ്പില്‍ BJPയുടെ പ്രതീക്ഷകളെ വ്രണപ്പെടുത്തിയതെന്നും ആഗ്രഹിച്ച വിജയം നേടുന്നതില്‍ നിന്ന് അത് തടഞ്ഞെന്നും യോഗി ആദിത്യനാഥ് പറഞ്ഞു. ലഖ്‌നൗവിലെ റാം മനോഹര്‍ ലോഹ്യ നാഷണല്‍ ലോ യൂണിവേഴ്സിറ്റിയിലെ ഭീംറാവു അംബേദ്കര്‍ ഓഡിറ്റോറിയത്തില്‍ നടന്ന BJP സംസ്ഥാന പ്രവര്‍ത്തക സമിതി യോഗത്തില്‍ പ്രവര്‍ത്തകരെ അഭിസംബോധന ചെയ്ത് സംസാരിക്കവെയാണ് അദ്ദേഹം ഇക്കാര്യം പറഞ്ഞത്.Read More

National161 days ago

സിവിൽ സർവീസ് പ്രിലിമിനറി പരീക്ഷാഫലം പ്രസിദ്ധീകരിച്ചു

ജൂൺ 16ന് നടന്ന സിവിൽ സർവീസ് പ്രിലിമിനറി പരീക്ഷയുടെ ഫലം പ്രസിദ്ധീകരിച്ചു. UPSC യുടെ ഔദ്യോഗിക വെബ്സൈറ്റായ upsc.gov.in എന്ന വെബ്സൈറ്റിലൂടെ പരീക്ഷാർത്ഥികൾക്ക് സ്കോർ കാർഡ് ഡൗൺലോഡ് ചെയ്യാനാകും. സിവിൽ സർവീസ് പരീക്ഷയുടെയും ഇന്ത്യൻ ഫോറസ്റ്റ് സർവീസ് പരീക്ഷയുടെയും അന്തിമ ഫലം വന്നതിന് ശേഷമേ കട്ട് ഓഫ് മാർക്കും ഉത്തര സൂചികയും UPSC യുടെ വെബ്സൈറ്റിൽ അപ്‌ലോഡ് ചെയ്യുകയുള്ളൂ.

National175 days ago

ലോക്സഭാ തിരഞ്ഞെടുപ്പിലെ പരാജയം വിശകലനം ചെയ്യാൻ കോണ്‍ഗ്രസ് ഹൈക്കമാന്‍ഡ് സമിതി രൂപീകരിച്ചു

ഡൽഹി, മധ്യപ്രദേശ്, ഛത്തീസ്ഗഢ്, ഒഡീഷ, ഉത്തരാഖണ്ഡ്, ഹിമാചല്‍ പ്രദേശ്, കര്‍ണാടക, തെലങ്കാന എന്നീ സംസ്ഥാനങ്ങളിലുണ്ടായ പരാജയം പഠിച്ച് റിപ്പോര്‍ട്ട് നല്‍കുന്നതിനാണ് ഹൈക്കമാന്‍ഡ് സമിതി രൂപീകരിച്ചത്. പാര്‍ട്ടി അധികാരത്തിലിരിക്കുന്ന തെലങ്കാന, കർണാടക, ഹിമാചല്‍ പ്രദേശ് എന്നിവിടങ്ങളിൽ നേരിട്ട തിരിച്ചടി കോണ്‍ഗ്രസ് ഗൗരവമായാണ് കാണുന്നത്. ഗൗരവ് ഗൊഗൊയ്, മധുസൂധന്‍ മിസ്ത്രി, ഹൈബി ഈഡന്‍ എന്നിവർക്കാണ് കർണാടകയുടെ ചുമതല. പി.ജെ. കുര്യന്‍, പര്‍ഗത് സിങ്, റക്കിബുള്‍ ഹുസൈന്‍ എന്നിവര്‍ അടങ്ങുന്ന സമിതിക്കാണ് തെലങ്കാനയുടെ ചുമതല. ജഘ പുനിയ, രജനി പട്ടീൽ എന്നിവർ ഡൽഹി, ഉത്തരാഖണ്ഡ്, ഹിമാചല്‍ പ്രദേശ് എന്നിവിടങ്ങളിലെയും പരാജയം പരിശോധിക്കും.

National186 days ago

കേരളത്തിലെ തിരഞ്ഞെടുപ്പ് ഫലം നിരാശാജനകം: സീതാറാം യെച്ചൂരി

ലോക്സഭ തിരഞ്ഞെടുപ്പിൽ സംസ്ഥാനത്ത് CPI(M) ന്റെ പ്രകടനത്തിൽ അതൃപ്തി പ്രകടിപ്പിച്ച് CPI(M) ദേശീയ ജനറല്‍ സെക്രട്ടറി സീതാറാം യെച്ചൂരി. തിരഞ്ഞെടുപ്പ് ഫലം അതീവ നിരാശാജനകമെന്നും പാർട്ടിക്കുണ്ടായ തിരിച്ചടി ഗൗരവമായി പരിശോധിക്കണമെന്നും ദേശീയ തലത്തിലെ തിരഞ്ഞെടുപ്പ് അവലോകന റിപ്പോര്‍ട്ടിൽ പരാമർശിച്ചു. റിപ്പോര്‍ട്ട് സംസ്ഥാന കമ്മിറ്റിയില്‍ അവതരിപ്പിച്ചു.

Kerala188 days ago

രാഹുല്‍ ഗാന്ധി പ്രതിപക്ഷ നേതാവാകണം; പ്രമേയം പാസാക്കി കോണ്‍ഗ്രസ് പ്രവര്‍ത്തക സമിതി

ലോക്‌സഭയിലെ പ്രതിപക്ഷ നേതാവാകാന്‍ കോണ്‍ഗ്രസ് പ്രവര്‍ത്തക സമിതി രാഹുല്‍ ഗാന്ധിയോട് ഏകകണ്ഠമായി അഭ്യര്‍ത്ഥിച്ചതായി കോണ്‍ഗ്രസ് നേതാവും ആലപ്പുഴ MPയുമായ കെ.സി. വേണുഗോപാല്‍ പറഞ്ഞു. തിരഞ്ഞെടുപ്പ് പ്രചാരണത്തില്‍ രാഹുല്‍ ഗാന്ധി നടത്തിയ പ്രവര്‍ത്തനങ്ങളെയും സമിതി പ്രശംസിച്ചു. അതേസമയം രാഹുല്‍ ഗാന്ധി വയനാട് സീറ്റ് ഒഴിഞ്ഞേക്കുമെന്നും റായ്ബറേലിയില്‍ എംപിയായി തുടരുമെന്നുമാണ് റിപ്പോര്‍ട്ട്.

National198 days ago