VCയെ തീരുമാനിക്കാനുള്ള സെര്‍ച്ച് കമ്മിറ്റിയിലേക്ക് സെനറ്റ് പ്രതിനിധിയെ അയക്കില്ലെന്ന് MG സര്‍വകലാശാല

MG സര്‍വകലാശാലയുടെ സ്‌പെഷല്‍ സെനറ്റ് യോഗത്തിലാണ് പ്രതിനിധിയെ അയക്കില്ലെന്ന തീരുമാനമെടുത്തത്. കോടതിയില്‍ കേസുകള്‍ നില്‍ക്കുന്നുവെന്ന കാരണം ചൂണ്ടിക്കാട്ടിയാണ് തീരുമാനം. തീരുമാനത്തില്‍ UDF അംഗങ്ങള്‍ എതിര്‍പ്പ് പ്രകടിപ്പിച്ചു. സെനറ്റ് പ്രതിനിധി ഇല്ലാത്ത സാഹചര്യത്തില്‍ സ്വന്തം തീരുമാനം ഗവര്‍ണര്‍ക്ക് അടിച്ചേല്‍പ്പിക്കാനാകുമെന്ന് UDF അംഗങ്ങള്‍ ആരോപിച്ചു.

Kerala289 days ago

സിദ്ധാര്‍ത്ഥന്റെ മരണം; മുന്‍ വിസിക്ക് കാരണം കാണിക്കല്‍ നോട്ടീസ്

പൂക്കോട് വെറ്ററിനറി സര്‍വകലാശാല വിദ്യാര്‍ത്ഥി സിദ്ധാര്‍ത്ഥന്റെ മരണത്തില്‍ മുന്‍ വിസി എം. ആര്‍ ശശീന്ദ്രനാഥിനാണ് ഗവര്‍ണര്‍ കാരണം കാണിക്കല്‍ നോട്ടീസ് നല്‍കിയത്. 30 ദിവസത്തിനകം മറുപടി നല്‍കണമെന്നാണ് നിര്‍ദേശം. സിദ്ധാര്‍ത്ഥന്റെ മരണത്തെ തുടര്‍ന്ന് സസ്പെന്‍ഷനില്‍ കഴിയുന്ന മുന്‍ ഡീന്‍ എം. കെ. നാരായണനും അസിസ്റ്റന്റ് വാര്‍ഡന്‍ ഡോ. ആര്‍. കാന്തനാഥനും വീഴ്ച പറ്റിയെന്നാണ് ചാന്‍സലറായ ഗവര്‍ണറുടെ വിലയിരുത്തല്‍.

Kerala124 days ago

വയനാട് ദുരന്തം; വിദ്യാര്‍ത്ഥികള്‍ക്ക് സൗജന്യ പഠനസൗകര്യം ഏര്‍പ്പെടുത്തുമെന്ന് MG സര്‍വകലാശാല

പുതിയ സിന്‍ഡിക്കേറ്റിന്റെ ആദ്യ യോഗത്തിലാണ് സര്‍വകലാശാലയിലും അഫിലിയേറ്റഡ് കോളജുകളിലും പഠിക്കാന്‍ അവസരം ഏര്‍പ്പെടുത്താന്‍ തീരുമാനമായത്. സര്‍ട്ടിഫിക്കറ്റുകള്‍ നഷ്ടമായവര്‍ക്ക് സര്‍ട്ടിഫിക്കറ്റുകള്‍ സമയബന്ധിതമായി നല്‍കും. വയനാട് ദുരന്തത്തിന്റെ പുനരധിവാസ പ്രവര്‍ത്തനങ്ങളില്‍ സര്‍വകലാശാലയിലെ വിവിധ വകുപ്പുകളുടെ സഹകരണം ഉണ്ടാകുമെന്നും സിന്‍ഡിക്കേറ്റ് യോഗം വ്യക്തമാക്കി.

Education133 days ago

9 സംസ്ഥാനങ്ങളിലും പുതുച്ചേരിയിലും പുതിയ ഗവര്‍ണര്‍മാരെ നിയമിച്ച് രാഷ്ട്രപതി

ശനിയാഴ്ച രാത്രിയാണ് 10 ഇടങ്ങളില്‍ പുതിയ ഗവര്‍ണര്‍മാരെ നിയമിച്ചു കൊണ്ട് രാഷ്ട്രപതി ദ്രൗപതി മുര്‍മു ഉത്തരവിറക്കിയത്. മലയാളിയായ കെ കൈലാസനാഥനെ കേന്ദ്രഭരണപ്രദേശമായ പുതുച്ചേരി ഗവര്‍ണറായി നിയമിച്ചു. ജിഷ്ണു ദേവ് വര്‍മ്മയെ തെലങ്കാന ഗവര്‍ണറായും ഓംപ്രകാശ് മത്തൂറിനെ സിക്കിം ഗവര്‍ണറായും സന്തോഷ് കുമാറിനെ ഗാങ്വാര്‍ ജാര്‍ഖണ്ഡ് ഗവര്‍ണറായും നിയമിച്ചു. രമണ്‍ ദേഖയാണ് ഛത്തീസ്ഗഡ് ഗവര്‍ണര്‍.Read More

National150 days ago

ബില്ലുകള്‍ രാഷ്ട്രപതിക്ക് വിട്ട നടപടി; കേരള, ബംഗാള്‍ ഗവര്‍ണര്‍മാര്‍ക്ക് സുപ്രീംകോടതിയുടെ നോട്ടീസ്

സംസ്ഥാന നിയമസഭ പാസാക്കിയ ബില്ലുകള്‍ രാഷ്ട്രപതിക്ക് വിട്ട നടപടി ചോദ്യം ചെയ്ത് കേരള, പശ്ചിമ ബംഗാള്‍ സര്‍ക്കാരുകള്‍ സമര്‍പ്പിച്ച ഹര്‍ജിയില്‍ ഗവര്‍ണര്‍മാര്‍ക്ക് സുപ്രീംകോടതി നോട്ടീസ്. കേരള ഗവര്‍ണര്‍ ആരിഫ് മുഹമ്മദ് ഖാന്‍, പശ്ചിമ ബംഗാള്‍ ഗവര്‍ണര്‍ സി.വി. ആനന്ദ ബോസ്, രാഷ്ട്രപതിയുടെ സെക്രട്ടറിമാര്‍, കേന്ദ്രസര്‍ക്കാര്‍ എന്നിവര്‍ക്കാണ് വിശദീകരണം ആവശ്യപ്പെട്ട് നോട്ടീസ് അയച്ചത്. ചീഫ് ജസ്റ്റിസ് ഡി.വൈ. ചന്ദ്രചൂഡ്, ജസ്റ്റിസ് ജെ.ബി. പര്‍ദിവാല, ജസ്റ്റിസ് മനോജ് മിശ്ര എന്നിവരടങ്ങിയ ബെഞ്ചാണ് ഹര്‍ജി പരിഗണിച്ചത്.

National152 days ago

സിദ്ധാര്‍ത്ഥന്റെ മരണം: വിസിക്ക് വീഴ്ച പറ്റിയെന്ന് അന്വേഷണ കമ്മീഷന്റെ റിപ്പോര്‍ട്ട്

സിദ്ധാര്‍ത്ഥന്റെ മരണത്തില്‍ വയനാട് പൂക്കോട് വെറ്റിറിനറി സര്‍വകലാശാലയിലെ മുന്‍ വിസി എം. ആര്‍. ശശീന്ദ്രനാഥിന് വീഴ്ച പറ്റിയെന്നും സമയബന്ധിതമായി നടപടി എടുത്തില്ലെന്നുമാണ് ജുഡീഷ്യല്‍ അന്വേഷണ കമ്മീഷന്‍ കണ്ടെത്തിയിരിക്കുന്നത്. പ്രശ്നം ഉണ്ടാകുന്ന സാഹചര്യം കൈകാര്യം ചെയ്യുന്നതിലും, സിദ്ധാര്‍ത്ഥന്റെ മരണശേഷം സ്വീകരിക്കേണ്ട നടപടികളിലും ശശീന്ദ്രനാഥിന്റെ ഭാഗത്ത് വീഴ്ചയുണ്ടായി. സിദ്ധാര്‍ത്ഥന്റെ മരണം നടക്കുന്ന ദിവസം വൈസ് ചാന്‍സലര്‍ കാമ്പസിലുണ്ടായിരുന്നു. എന്നിട്ടും സംഭവത്തിന്റെ ഗൗരവം മനസ്സിലാക്കി ഇടപെടാന്‍ വിസിക്ക് സാധിച്ചില്ലെന്ന് റിപ്പോര്‍ട്ടില്‍ കുറ്റപ്പെടുത്തുന്നു.Read More

Kerala161 days ago

സിദ്ധാര്‍ത്ഥന്റെ മരണം: ജുഡീഷ്യല്‍ കമ്മീഷന്‍ ഇന്ന് ഗവര്‍ണര്‍ക്ക് അന്വേഷണ റിപ്പോര്‍ട്ട് കൈമാറും

വയനാട് പൂക്കോട് വെറ്ററിനറി സര്‍വകലാശാലയിലെ വിദ്യാര്‍ത്ഥി സിദ്ധാര്‍ത്ഥന്റെ മരണത്തില്‍ ജുഡീഷ്യല്‍ കമ്മീഷന്‍ ഇന്ന് ഗവര്‍ണര്‍ ആരിഫ് മുഹമ്മദ് ഖാന് അന്വേഷണ റിപ്പോര്‍ട്ട് നല്‍കും. രാവിലെ 11.30ന് തിരുവനന്തപുരത്ത് രാജ്ഭവനിലെത്തിയാകും ജസ്റ്റിസ് ഹരിപ്രസാദ് റിപ്പോര്‍ട്ട് കൈമാറുക. സിദ്ധാര്‍ത്ഥന്റെ മരണത്തില്‍ സര്‍വകലാശാലക്ക് സംഭവിച്ച വീഴ്ച്ചകളാണ് കമ്മീഷന്‍ അന്വേഷിച്ചത്. ഫെബ്രുവരി 18നാണ് സിദ്ധാര്‍ത്ഥനെ ശുചിമുറിയില്‍ മരിച്ച നിലയില്‍ കണ്ടെത്തിയത്.Read More

Kerala161 days ago

MG സർവകലാശാലയിൽ പഠിക്കാൻ അപേക്ഷിച്ച വിദേശ വിദ്യാർത്ഥികളുടെ എണ്ണത്തിൽ വലിയ വർധനവ്

MG സർവകലാശാല ക്യാമ്പസിലും അഫിലിയേറ്റഡ് കോളേജുകളിലും ഉന്നത പഠനത്തിനായി അപേക്ഷിച്ച വിദേശ വിദ്യാർത്ഥികളുടെ എണ്ണത്തിൽ കഴിഞ്ഞവർഷത്തെ അപേക്ഷിച്ച് 55 ശതമാനം വർധനവാണ് ഉണ്ടായിരിക്കുന്നത്. കഴിഞ്ഞവർഷം 571 അപേക്ഷകളായിരുന്നു ലഭിച്ചത്. എന്നാൽ ഇത്തവണ 885 വിദേശ വിദ്യാർത്ഥികൾ ആണ് അപേക്ഷിച്ചിട്ടുള്ളത്. PHD - 187, PG - 406, UG - 292 എന്നിങ്ങനെയാണ് അപേക്ഷകരുടെ എണ്ണം. ഉന്നത പഠനത്തിനായി അപേക്ഷിച്ചിട്ടുള്ള വിദേശ വിദ്യാർത്ഥികളിൽ കൂടുതലും ആഫ്രിക്കൻ രാജ്യങ്ങളിൽ നിന്നുള്ളവരാണ്.

Education179 days ago

ബിരുദ ഓണേഴ്‌സ് പ്രോഗ്രാമുകളുടെ പ്രവേശന നടപടികള്‍ക്ക് തുടക്കംകുറിച്ച് MG സര്‍വകലാശാല

മഹാത്മാ ഗാന്ധി സര്‍വകലാശാലയ്ക്കു കീഴിലുള്ള വിവിധ കോളജുകളില്‍ അടുത്ത അക്കാദമിക് വര്‍ഷം സംസ്ഥാനത്ത് ആദ്യമായി ആരംഭിക്കുന്ന ബിരുദ ഓണേഴ്‌സ് പ്രോഗ്രാമുകളില്‍ ഏകജാലക പ്രവേശനത്തിന് ഇപ്പോള്‍ ഓണ്‍ലൈന്‍ രജിസ്‌ട്രേഷന്‍ നടത്താം. ബിരുദ ഓണേഴ്‌സ് പ്രോഗ്രാമുകള്‍ക്ക് https://cap.mgu.ac.in/ എന്ന പോര്‍ട്ടലിലാണ് രജിസ്റ്റര്‍ ചെയ്യേണ്ടത്. ഏത് കോളേജുകളിലാണ് പ്രോഗ്രാമുകള്‍ ഓരോന്നും ഉള്ളതെന്ന് പോര്‍ട്ടലില്‍ അറിയാം.

Education223 days ago

MG സർവകലാശാലയില്‍ ഒരാഴ്ചത്തെ ഡ്രോൺ പറത്തൽ പരിശീലന കോഴ്സ്

സ്കൂൾ ഓഫ് എൻവയൺമെന്റൽ സയൻസസിലെ ഡോ. ആർ. സതീഷ് സെന്റര്‍ ഫോർ റിമോട്ട് സെൻസിങ്ങില്‍ നടക്കുന്ന പരിശീലന പരിപാടിക്ക് സാങ്കേതിക സഹകരണം നല്‍കുന്നത് ഏഷ്യാ സോഫ്റ്റ് ലാബ് ആണ്. ഡ്രോണുകൾ പറത്താനും അസംബ്ലിങ്, അറ്റകുറ്റപ്പണി എന്നിവയും ഡ്രോൺ ഉപയോഗിക്കുന്നതുമായി ബന്ധപ്പെട്ട നിയമങ്ങളും കോഴ്സിലൂടെ അറിയാവുന്നതാണ്. 18 നും 60 നും ഇടയിൽ പ്രായമുള്ള പത്താം ക്ലാസ് വിജയിച്ചവർക്ക് അപേക്ഷ സമര്‍പ്പിക്കാം. കൂടുതൽ വിവരങ്ങൾക്ക് https://ses.mgu.ac.in, https://asiasoftlab.in വെബ്സൈറ്റുകള്‍ സന്ദര്‍ശിക്കുക.

Education237 days ago

കണ്ണൂർ സർവകലാശാല സെനറ്റ്: സർവകലാശാല നിർദേശിച്ച പേരുകൾ ഗവർണർ വെട്ടി

സർവകലാശാല സിൻഡിക്കേറ്റ് നിർദേശിച്ച 14 പേരുകളിൽ നിന്ന് രണ്ട് പേരെ മാത്രമാണ് ഗവർണർ ഉൾപ്പെടുത്തിയത്. മാധ്യമപ്രവർത്തകരുടെ പ്രതിനിധിയായി സിൻഡിക്കേറ്റ് നിർദേശിച്ച വെങ്കിടേഷ് രാമകൃഷന്റെയും ശശികുമാറിന്റെയും പേരുകൾക്ക് പകരം ജന്മഭൂമി ലേഖകനെയാണ് ഗവർണർ ഉൾപ്പെടുത്തിയത്. ഗവർണർ നാമനിർദേശം ചെയ്തതിൽ രണ്ട് DCC ജന. സെക്രട്ടറിമാരും ഉൾപ്പെടുന്നു. യോഗ്യരാവരെ ഒഴിവാക്കിയാണ് BJP-കോൺഗ്രസ് പ്രതിനിധികളെ ഗവർണർ പട്ടികയിലേക്ക് തിരുകികയറ്റുന്നതെന്ന് SFI ആരോപിച്ചു.

Kerala267 days ago