9 സംസ്ഥാനങ്ങളിലും പുതുച്ചേരിയിലും പുതിയ ഗവര്‍ണര്‍മാരെ നിയമിച്ച് രാഷ്ട്രപതി

ശനിയാഴ്ച രാത്രിയാണ് 10 ഇടങ്ങളില്‍ പുതിയ ഗവര്‍ണര്‍മാരെ നിയമിച്ചു കൊണ്ട് രാഷ്ട്രപതി ദ്രൗപതി മുര്‍മു ഉത്തരവിറക്കിയത്. മലയാളിയായ കെ കൈലാസനാഥനെ കേന്ദ്രഭരണപ്രദേശമായ പുതുച്ചേരി ഗവര്‍ണറായി നിയമിച്ചു. ജിഷ്ണു ദേവ് വര്‍മ്മയെ തെലങ്കാന ഗവര്‍ണറായും ഓംപ്രകാശ് മത്തൂറിനെ സിക്കിം ഗവര്‍ണറായും സന്തോഷ് കുമാറിനെ ഗാങ്വാര്‍ ജാര്‍ഖണ്ഡ് ഗവര്‍ണറായും നിയമിച്ചു. രമണ്‍ ദേഖയാണ് ഛത്തീസ്ഗഡ് ഗവര്‍ണര്‍. സിക്കിം ഗവര്‍ണര്‍ ലക്ഷ്മണ്‍ പ്രസാദ് ആചാര്യയെ അസം ഗവര്‍ണറായി നിയമിക്കുകയും മണിപ്പൂര്‍ ഗവര്‍ണറുടെ അധിക ചുമതലയും നല്‍കി.

National150 days ago

വനിതാ ഡോക്ടറുടെ കൊലപാതകം ഞെട്ടിപ്പിക്കുന്നതെന്ന് രാഷ്ട്രപതി

കൊല്‍ക്കത്തയിലെ ആര്‍.ജി കര്‍ ആശുപത്രിയില്‍ യുവ വനിതാ ഡോക്ടറെ ബലാത്സംഗം ചെയ്ത് കൊലപ്പെടുത്തിയ സംഭവം ഞെട്ടിപ്പിക്കുന്നതും ഭീതിയുളവാക്കുന്നതുമാണെന്ന് രാഷ്ട്രപതി ദ്രൗപദി മുര്‍മു പറഞ്ഞു. പെണ്‍മക്കളേയും സഹോദരിമാരേയും ഇത്തരത്തിലുള്ള ക്രൂരതയ്ക്ക് വിധേയരാക്കുന്നത് ഒരു പരിഷ്‌കൃത സമൂഹത്തിനും അനുവദിക്കാനാവില്ലെന്നും രാഷ്ട്രപതി കൂട്ടിച്ചേര്‍ത്തു.Read More

National119 days ago

സിദ്ധാര്‍ത്ഥന്റെ മരണം; മുന്‍ വിസിക്ക് കാരണം കാണിക്കല്‍ നോട്ടീസ്

പൂക്കോട് വെറ്ററിനറി സര്‍വകലാശാല വിദ്യാര്‍ത്ഥി സിദ്ധാര്‍ത്ഥന്റെ മരണത്തില്‍ മുന്‍ വിസി എം. ആര്‍ ശശീന്ദ്രനാഥിനാണ് ഗവര്‍ണര്‍ കാരണം കാണിക്കല്‍ നോട്ടീസ് നല്‍കിയത്. 30 ദിവസത്തിനകം മറുപടി നല്‍കണമെന്നാണ് നിര്‍ദേശം. സിദ്ധാര്‍ത്ഥന്റെ മരണത്തെ തുടര്‍ന്ന് സസ്പെന്‍ഷനില്‍ കഴിയുന്ന മുന്‍ ഡീന്‍ എം. കെ. നാരായണനും അസിസ്റ്റന്റ് വാര്‍ഡന്‍ ഡോ. ആര്‍. കാന്തനാഥനും വീഴ്ച പറ്റിയെന്നാണ് ചാന്‍സലറായ ഗവര്‍ണറുടെ വിലയിരുത്തല്‍.

Kerala124 days ago

ഇന്ത്യ ലോകത്തെ മൂന്നാത്തെ സാമ്പത്തിക ശക്തിയായി മാറുമെന്ന് രാഷ്ട്രപതി

സ്ത്രീപുരുഷ സമത്വത്തിലേക്ക് ഇന്ത്യ വളരുകയാണെന്ന് രാഷ്ട്രപതി ദ്രൗപതി മുര്‍മു. രാജ്യത്തെ സ്ത്രീ ശാക്തീകരണത്തേയും പ്രകീര്‍ത്തിച്ചു. നാരീശക്തി ഇന്ത്യയുടെ സമ്പത്താണെന്നും പ്രധാനമന്ത്രിയുടെ വികസന പദ്ധതികള്‍ എല്ലാ വിഭാഗം ജനങ്ങളിലേക്കും എത്തുകയാണെന്നും രാഷ്ട്രപതി പറഞ്ഞു. 78ാമത് സ്വാതന്ത്ര്യദിനത്തോടനുബന്ധിച്ച് രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു രാഷ്ട്രപതി.

National132 days ago

ബില്ലുകള്‍ രാഷ്ട്രപതിക്ക് വിട്ട നടപടി; കേരള, ബംഗാള്‍ ഗവര്‍ണര്‍മാര്‍ക്ക് സുപ്രീംകോടതിയുടെ നോട്ടീസ്

സംസ്ഥാന നിയമസഭ പാസാക്കിയ ബില്ലുകള്‍ രാഷ്ട്രപതിക്ക് വിട്ട നടപടി ചോദ്യം ചെയ്ത് കേരള, പശ്ചിമ ബംഗാള്‍ സര്‍ക്കാരുകള്‍ സമര്‍പ്പിച്ച ഹര്‍ജിയില്‍ ഗവര്‍ണര്‍മാര്‍ക്ക് സുപ്രീംകോടതി നോട്ടീസ്. കേരള ഗവര്‍ണര്‍ ആരിഫ് മുഹമ്മദ് ഖാന്‍, പശ്ചിമ ബംഗാള്‍ ഗവര്‍ണര്‍ സി.വി. ആനന്ദ ബോസ്, രാഷ്ട്രപതിയുടെ സെക്രട്ടറിമാര്‍, കേന്ദ്രസര്‍ക്കാര്‍ എന്നിവര്‍ക്കാണ് വിശദീകരണം ആവശ്യപ്പെട്ട് നോട്ടീസ് അയച്ചത്. ചീഫ് ജസ്റ്റിസ് ഡി.വൈ. ചന്ദ്രചൂഡ്, ജസ്റ്റിസ് ജെ.ബി. പര്‍ദിവാല, ജസ്റ്റിസ് മനോജ് മിശ്ര എന്നിവരടങ്ങിയ ബെഞ്ചാണ് ഹര്‍ജി പരിഗണിച്ചത്.

National152 days ago

രാഷ്ട്രപതി ഭവനിലെ ദര്‍ബാര്‍, അശോക് ഹാളുകളുടെ പേരുമാറ്റി

രാഷ്ട്രപതി ഭവനിലെ പ്രധാനപ്പെട്ട ഹാളുകളായ ദര്‍ബാര്‍ ഹാള്‍, അശോക് ഹാള്‍ എന്നിവയുടെ പേരുമാറ്റി. ഗണതന്ത്ര മണ്ഡപം, അശോക് മണ്ഡപം എന്നിങ്ങനെയാണ് യഥാക്രമം പുനര്‍നാമകരണം ചെയ്തിരിക്കുന്നത്. ദേശീയ പുരസ്‌കാര സമര്‍പ്പണം നടക്കുന്ന വേദിയാണ് ദര്‍ബാര്‍ ഹാള്‍. പേരുകൾ മാറ്റി രാഷ്ട്രപതി ദ്രൗപതി മുർമു ഉത്തരവിറക്കി.

National153 days ago

സിദ്ധാര്‍ത്ഥന്റെ മരണം: വിസിക്ക് വീഴ്ച പറ്റിയെന്ന് അന്വേഷണ കമ്മീഷന്റെ റിപ്പോര്‍ട്ട്

സിദ്ധാര്‍ത്ഥന്റെ മരണത്തില്‍ വയനാട് പൂക്കോട് വെറ്റിറിനറി സര്‍വകലാശാലയിലെ മുന്‍ വിസി എം. ആര്‍. ശശീന്ദ്രനാഥിന് വീഴ്ച പറ്റിയെന്നും സമയബന്ധിതമായി നടപടി എടുത്തില്ലെന്നുമാണ് ജുഡീഷ്യല്‍ അന്വേഷണ കമ്മീഷന്‍ കണ്ടെത്തിയിരിക്കുന്നത്. പ്രശ്നം ഉണ്ടാകുന്ന സാഹചര്യം കൈകാര്യം ചെയ്യുന്നതിലും, സിദ്ധാര്‍ത്ഥന്റെ മരണശേഷം സ്വീകരിക്കേണ്ട നടപടികളിലും ശശീന്ദ്രനാഥിന്റെ ഭാഗത്ത് വീഴ്ചയുണ്ടായി. സിദ്ധാര്‍ത്ഥന്റെ മരണം നടക്കുന്ന ദിവസം വൈസ് ചാന്‍സലര്‍ കാമ്പസിലുണ്ടായിരുന്നു. എന്നിട്ടും സംഭവത്തിന്റെ ഗൗരവം മനസ്സിലാക്കി ഇടപെടാന്‍ വിസിക്ക് സാധിച്ചില്ലെന്ന് റിപ്പോര്‍ട്ടില്‍ കുറ്റപ്പെടുത്തുന്നു.Read More

Kerala161 days ago

സിദ്ധാര്‍ത്ഥന്റെ മരണം: ജുഡീഷ്യല്‍ കമ്മീഷന്‍ ഇന്ന് ഗവര്‍ണര്‍ക്ക് അന്വേഷണ റിപ്പോര്‍ട്ട് കൈമാറും

വയനാട് പൂക്കോട് വെറ്ററിനറി സര്‍വകലാശാലയിലെ വിദ്യാര്‍ത്ഥി സിദ്ധാര്‍ത്ഥന്റെ മരണത്തില്‍ ജുഡീഷ്യല്‍ കമ്മീഷന്‍ ഇന്ന് ഗവര്‍ണര്‍ ആരിഫ് മുഹമ്മദ് ഖാന് അന്വേഷണ റിപ്പോര്‍ട്ട് നല്‍കും. രാവിലെ 11.30ന് തിരുവനന്തപുരത്ത് രാജ്ഭവനിലെത്തിയാകും ജസ്റ്റിസ് ഹരിപ്രസാദ് റിപ്പോര്‍ട്ട് കൈമാറുക. സിദ്ധാര്‍ത്ഥന്റെ മരണത്തില്‍ സര്‍വകലാശാലക്ക് സംഭവിച്ച വീഴ്ച്ചകളാണ് കമ്മീഷന്‍ അന്വേഷിച്ചത്. ഫെബ്രുവരി 18നാണ് സിദ്ധാര്‍ത്ഥനെ ശുചിമുറിയില്‍ മരിച്ച നിലയില്‍ കണ്ടെത്തിയത്.Read More

Kerala161 days ago

ജനം മൂന്നാമതും മോദി സര്‍ക്കാരില്‍ വിശ്വാസമര്‍പ്പിച്ചെന്ന് രാഷ്ട്രപതി

2024ലെ ലോക്‌സഭ തിരഞ്ഞെടുപ്പ് ലോകത്തിലെ തന്നെ ഏറ്റവും വലിയ തിരഞ്ഞെടുപ്പ് ആയിരുന്നുവെന്ന് പാര്‍ലമെന്റിനെ അഭിസംബോധന ചെയ്ത് രാഷ്ട്രപതി ദ്രൗപതി മുര്‍മു പറഞ്ഞു. ഐതിഹാസികമായ തീരുമാനങ്ങള്‍ ഈ സര്‍ക്കാരിന്റെ കാലത്തുണ്ടാകുമെന്നും ബജറ്റ് ചരിത്രപരമാകുമെന്നും രാഷ്ട്രപതി വ്യക്തമാക്കി. രാജ്യതാല്‍പര്യം മുന്‍നിര്‍ത്തി ഒന്നിച്ചു പ്രവര്‍ത്തിക്കാമെന്നും മുര്‍മു കൂട്ടിച്ചേര്‍ത്തു.

National181 days ago

കണ്ണൂർ സർവകലാശാല സെനറ്റ്: സർവകലാശാല നിർദേശിച്ച പേരുകൾ ഗവർണർ വെട്ടി

സർവകലാശാല സിൻഡിക്കേറ്റ് നിർദേശിച്ച 14 പേരുകളിൽ നിന്ന് രണ്ട് പേരെ മാത്രമാണ് ഗവർണർ ഉൾപ്പെടുത്തിയത്. മാധ്യമപ്രവർത്തകരുടെ പ്രതിനിധിയായി സിൻഡിക്കേറ്റ് നിർദേശിച്ച വെങ്കിടേഷ് രാമകൃഷന്റെയും ശശികുമാറിന്റെയും പേരുകൾക്ക് പകരം ജന്മഭൂമി ലേഖകനെയാണ് ഗവർണർ ഉൾപ്പെടുത്തിയത്. ഗവർണർ നാമനിർദേശം ചെയ്തതിൽ രണ്ട് DCC ജന. സെക്രട്ടറിമാരും ഉൾപ്പെടുന്നു. യോഗ്യരാവരെ ഒഴിവാക്കിയാണ് BJP-കോൺഗ്രസ് പ്രതിനിധികളെ ഗവർണർ പട്ടികയിലേക്ക് തിരുകികയറ്റുന്നതെന്ന് SFI ആരോപിച്ചു.

Kerala267 days ago

സുപ്രീംകോടതിയുടെ രൂക്ഷവിമര്‍ശനം; കെ പൊന്മുടിയെ സത്യപ്രതിജ്ഞയ്ക്ക് ക്ഷണിച്ച് തമിഴ്‌നാട് ഗവര്‍ണര്‍

കഴിഞ്ഞ ദിവസം തമിഴ്‌നാട് സര്‍ക്കാരിന്റെ കേസ് പരിഗണിച്ച സുപ്രീംകോടതി ഗവര്‍ണര്‍ക്കെതിരെ രൂക്ഷവിമര്‍ശനം ഉന്നയിച്ചതിനെ തുടര്‍ന്നാണ് DMK നേതാവ് കെ പൊന്മുടിയെ മന്ത്രിയാക്കാനുള്ള തീരുമാനം തമിഴ്നാട് ഗവര്‍ണര്‍ ആര്‍.എന്‍ രവി അംഗീകരിച്ചത്. ഇന്ന് വൈകിട്ട് 3.30നാണ് കെ. പൊന്മുടിയുടെ സത്യപ്രതിജ്ഞ. അനധികൃത സ്വത്ത് സമ്പാദനം ആരോപിച്ചുള്ള പൊന്മുടിയുടെ കേസ് സുപ്രീംകോടതി സ്റ്റേ ചെയ്തതിന് പിന്നാലെ പൊന്മുടിക്ക് മന്ത്രിസ്ഥാനം തിരികെ നല്‍കാന്‍ തമിഴ്നാട് മുഖ്യമന്ത്രി ഗവര്‍ണറുടെ അംഗീകാരത്തിനായി സമീപിച്ചെങ്കിലും അദ്ദേഹം തയ്യാറായിരുന്നില്ല.

National278 days ago