മലയാളിയുടെ നേതൃത്വത്തിലുള്ള വിമാന കമ്പനിക്ക് AOC അനുമതി

തൃശൂർ സ്വദേശിയായ മനോജ് ചാക്കോ നേതൃത്വം നൽകുന്ന വിമാന കമ്പനിയായ ഫ്ലൈ 91ന് സർവീസ് നടത്തുന്നതിന് DGCA എയർ ഓപ്പറേറ്റേഴ്‌സ് സർട്ടിഫിക്കറ്റ് (AOC) അനുവദിച്ചു. ഗോവ കേന്ദ്രീകരിച്ച് പ്രവർത്തിക്കുന്ന പ്രാദേശിക എയർലൈൻസാകും ഫ്ലൈ 91. കേന്ദ്ര സർക്കാരിൻ്റെ ഉഡാൻ പദ്ധതിക്ക് കീഴിൽ സേവനങ്ങൾ ലഭ്യമാക്കാനാണ് ഫ്ലൈ 91 ലക്ഷ്യമിടുന്നത്.

Kerala410 days ago

വ്യാജ ബോംബ് ഭീഷണി: വിസ്താര വിമാനം അടിയന്തരമായി തുർക്കിയിലിറക്കി

മുംബൈയിൽ നിന്ന് ജർമനിയിലെ ഫ്രാങ്ക്ഫർട്ടിലേക്ക് പോകുകയായിരുന്ന വിസ്താര വിമാനമാണ് വ്യാജ ബോംബ് ഭീഷണിയെ തുടർന്ന് തുർക്കിയിൽ അടിയന്തരമായി ലാൻഡ് ചെയ്തത്. തുർക്കിയിലെ എൻസുറം വിമാനത്താവളത്തിലാണ് വിമാനം ഇറക്കിയത്. വിമാനത്തിന്റെ ശുചിമുറിയിൽ നിന്നാണ് ഭീഷണി സന്ദേശം എഴുതിയ കത്ത് കണ്ടെത്തിയത്. തുടർന്നാണ് വിസ്താരയുടെ UK27 എന്ന വിമാനം തുർക്കിയിൽ അടിയന്തരമായി ഇറക്കിയത്. യാത്രക്കാരെ ഒഴിപ്പിച്ച ശേഷം വിമാനത്തിൽ നടത്തിയ പരിശോധനയിൽ സംശയകരമായ വസ്തുക്കളൊന്നും കണ്ടെത്തിയില്ല.

National226 days ago

യോഗ്യതയില്ലാത്ത പൈലറ്റുമാര്‍; എയര്‍ ഇന്ത്യയ്ക്ക് 90 ലക്ഷം രൂപ പിഴ

മതിയായ യോഗ്യതയില്ലാത്ത പൈലറ്റുമാരെ കൊണ്ട് സര്‍വീസ് നടത്തിയതിന് എയര്‍ ഇന്ത്യയ്ക്ക് 90 ലക്ഷം രൂപ പിഴ ചുമത്തി DGCA. വീഴ്ചയുടെ പേരില്‍ എയര്‍ ഇന്ത്യയുടെ ഓപ്പറേഷന്‍സ് ഡയറക്ടര്‍, ട്രെയിനിംഗ് ഡയറക്ടര്‍ എന്നിവര്‍ക്ക് യഥാക്രമം ആറ്, മൂന്ന് ലക്ഷം രൂപ വീതം പിഴ ചുമത്തുകയും ചെയ്തു. ഭാവിയില്‍ ഇത്തരം സംഭവങ്ങള്‍ ഉണ്ടാകാതിരിക്കാന്‍ പൈലറ്റുമാര്‍ക്ക് മുന്നറിയിപ്പ് നല്‍കിയിട്ടുണ്ടെന്ന് DGCA വ്യക്തമാക്കി. ജൂലൈ 10ന് എയര്‍ലൈന്‍ സമര്‍പ്പിച്ച റിപ്പോര്‍ട്ടിനെത്തുടര്‍ന്നാണ് സംഭവം ശ്രദ്ധയില്‍പ്പെട്ടത്.

National240 days ago

ഇന്ത്യന്‍ ക്രിക്കറ്റ് ടീമിനെ നാട്ടിലെത്തിക്കാന്‍ മറ്റൊരു സര്‍വീസ് റദ്ദാക്കി എയര്‍ ഇന്ത്യ

നവാര്‍ക്കില്‍ നിന്ന് ഡല്‍ഹിയിലേക്ക് പോകേണ്ടിയിരുന്ന ബോയിങ് 777 യാത്രാ വിമാനമാണ് ഇതിനായി ഉപയോഗിച്ചത്. സംഭവം വിവാദമായതോടെ ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ എയര്‍ ഇന്ത്യയോട് വിശദീകരണം തേടി. ഈ വിമാനത്തില്‍ യാത്ര ചെയ്യാന്‍ നേരത്തേ ടിക്കറ്റ് ബുക്ക് ചെയ്തിരുന്നവര്‍ക്ക് അസൗകര്യം ഉണ്ടായെന്ന പരാതിയുടെ അടിസ്ഥാനത്തിലാണ് DGCA വിശദീകരണം ചോദിച്ചത്. എന്നാല്‍ യാത്രക്കാര്‍ക്ക് ബുദ്ധിമുട്ടുണ്ടായിട്ടില്ലെന്നാണ് എയര്‍ ഇന്ത്യ വ്യക്തമാക്കുന്നത്.

National291 days ago

ഒരേ റണ്‍വേയില്‍ ഒരേ സമയം രണ്ടുവിമാനങ്ങള്‍: മുംബൈ വിമാനത്താവളത്തിൽ ഒഴിവായത് വൻ അപകടം

തിരുവനന്തപുരത്തേക്കുള്ള എയർ ഇന്ത്യ വിമാനം ടേക്ക് ഓഫ് ചെയ്യുന്നതിനിടെയായിരുന്നു അതെ റൺവേയിൽ ഇൻഡിഗോ വിമാനം ലാൻഡ് ചെയ്തത്. സെക്കൻഡുകളുടെ വ്യത്യാസത്തിൽ വൻ അപകടമാണ് ഒഴിവായത്. സംഭവത്തിൽ DGCA അന്വേഷണം ആരംഭിച്ചു. എയർ ട്രാഫിക് കൺട്രോൾ ഉദ്യോഗസ്ഥനെതിരെ നടപടി സ്വീകരിച്ചിട്ടുമുണ്ട്.

National315 days ago

വിമാനം 24 മണിക്കൂറിലധികം വൈകി; എയര്‍ ഇന്ത്യക്ക് കേന്ദ്ര വ്യോമയാന മന്ത്രാലയത്തിന്റെ നോട്ടീസ്

ഡല്‍ഹി- സാന്‍ഫ്രാന്‍സിസ്‌കോ വിമാനമാണ് 24 മണിക്കൂറായിട്ടും പുറപ്പെടാതിരുന്നത്. ഇതോടെയാണ് കേന്ദ്ര വ്യോമയാന മന്ത്രാലയം കാരണം കാണിക്കല്‍ നോട്ടീസ് നല്‍കിയത്. എട്ട് മണിക്കൂറോളം നേരം വിമാനത്തിലിരുത്തിയ ശേഷമാണ് യാത്രക്കാരെ പുറത്തിറക്കിയത്. AC പ്രവര്‍ത്തിക്കുന്നില്ലെന്ന് ചൂണ്ടിക്കാട്ടിയായിരുന്നു നടപടി. പല യാത്രക്കാരും കുഴഞ്ഞുവീഴുന്ന സാഹചര്യവും ഉണ്ടായി. വ്യോമയാന മന്ത്രാലയത്തിന് വിമാനക്കമ്പനി മറുപടി നല്‍കും.

National324 days ago

എയര്‍ ഇന്ത്യ എക്സ്പ്രസിനോട് റിപ്പോര്‍ട്ട് ആവശ്യപ്പെട്ട് സിവില്‍ ഏവിയേഷന്‍ മന്ത്രാലയം

യാതൊരു മുന്നറിയിപ്പും ഇല്ലാതെ വിമാനങ്ങള്‍ റദ്ദാക്കിയത് സംബന്ധിച്ച് DGCA റിപ്പോര്‍ട്ട് ആവശ്യപ്പെടുകയും പ്രശ്നങ്ങള്‍ ഉടനടി പരിഹരിക്കാന്‍ ആവശ്യപ്പെടുകയും ചെയ്തിട്ടുണ്ട്. ഒപ്പം DGCA മാനദണ്ഡങ്ങളനുസരിച്ച് യാത്രക്കാര്‍ക്ക് സൗകര്യങ്ങള്‍ ഉറപ്പാക്കാനും എയര്‍ലൈനിനോട് നിര്‍ദ്ദേശിച്ചിട്ടുണ്ട്. എയര്‍ലൈനിലെ കെടുകാര്യസ്ഥത ചൂണ്ടിക്കാട്ടി 200 ഓളം ജീവനക്കാര്‍ അപ്രതീക്ഷിതമായി അവധി എടുത്തതിന് പിന്നാലെയാണ് 90 ഓളം വിമാനങ്ങള്‍ റദ്ദാക്കിയതെന്നായിരുന്നു എയര്‍ ഇന്ത്യ എക്സ്പ്രസിന്റെ വിശദീകരണം.

National347 days ago

വിമാനങ്ങളില്‍ 12 വയസ്സിന് താഴെയുള്ള കുട്ടികൾക്ക് രക്ഷിതാക്കൾക്കൊപ്പം സീറ്റ് നല്‍കണമെന്ന് നിര്‍ദേശം

കുട്ടികൾക്ക് ഒരേ PNR ൽ യാത്ര ചെയ്യുന്ന അവരുടെ മാതാപിതാക്കളുടേയോ രക്ഷിതാക്കളുടേയോ സമീപമായി സീറ്റ് അനുവദിച്ചിട്ടുണ്ടെന്ന് എയർലൈനുകൾ ഉറപ്പാക്കണമെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ ആവശ്യപ്പെട്ടു. കുട്ടികളെ രക്ഷിതാക്കൾക്കൊപ്പം യാത്ര ചെയ്യാന്‍ അനുവദിക്കാത്ത ഒട്ടേറെ കേസുകൾ ശ്രദ്ധയിൽപ്പെട്ടതിനെ തുടർന്നാണ് DGCA യുടെ നിര്‍ദേശം. വെബ് ചെക്ക്-ഇൻ ചെയ്ത ഒരു സീറ്റും തിരഞ്ഞെടുക്കാത്ത യാത്രക്കാർക്ക് ഓട്ടോ സീറ്റ് അസൈൻമെന്‍റിനുളള വ്യവസ്ഥ ഉളളതായും DGCA അറിയിച്ചു.

National362 days ago

വിമാന ടിക്കറ്റുകളുടെ നിരക്കുകൾ കുതിച്ചുയരുന്നു

അവധിക്കാലവും പൊതുതിരഞ്ഞെടുപ്പും മൂലം യാത്രക്കാരുടെ എണ്ണം വര്‍ധിക്കുന്നത് നിരക്കുകൾ കൂടാന്‍ കാരണമാണ്. കഴിഞ്ഞ ദിവസങ്ങളിൽ ഡൽഹിയിൽ നിന്ന് ബെംഗളൂരു, കൊച്ചി, ഗോവ, ജമ്മു തുടങ്ങിയ നഗരങ്ങളിലേക്കുളള ടിക്കറ്റ് നിരക്കുകളിൽ 25 ശതമാനം വർദ്ധനയാണ് രേഖപ്പെടുത്തിയത്. പൈലറ്റുമാരുടെ സമരത്തില്‍ കഴിഞ്ഞ ദിവസങ്ങളിൽ ദിവസവും മുപ്പത് സർവീസുകൾ വരെയാണ് വിസ്താര റദ്ദാക്കിയത്.Read More

Business373 days ago

5000 രൂപയ്ക്ക് കോഴിക്കോട്-അഗത്തി വിമാന സർവീസുമായി ഇൻഡിഗോ

ലക്ഷദ്വീപിലേക്ക് കോഴിക്കോട് വിമാനത്താവളത്തിൽ നിന്ന് വിമാന സർവീസ് ആരംഭിക്കുന്നത് ആദ്യമായാണ്. മേയ് ഒന്നിന് തുടങ്ങുന്ന ഇൻഡിഗോ വിമാന സർവീസിന്‍റെ ടിക്കറ്റ് ബുക്കിങ് ആരംഭിച്ചു. 78 പേർക്കു സഞ്ചരിക്കാവുന്ന ATR വിമാനം എല്ലാ ദിവസവും സർവീസ് നടത്തുന്നതാണ്. കരിപ്പൂരിൽ നിന്ന് രാവിലെ 10.20 ന് പുറപ്പെട്ട് ഉച്ചയ്ക്ക് ഒരു മണിക്ക് അഗത്തിയിൽ എത്തുന്ന രീതിയിലാണ് സര്‍വീസ് ക്രമീകരിച്ചിരിക്കുന്നത്.

Business375 days ago

IBS സോഫ്റ്റ് വെയറുമായി സഹകരണത്തില്‍ ഏര്‍പ്പെട്ട് ഫ്‌ളൈ 91 എയര്‍ലൈന്‍

പ്രാദേശിക എയർലൈൻ കാരിയറായ ഗോവ ആസ്ഥാനമായുള്ള ഫ്‌ളൈ 91 കാര്യക്ഷമവും ചെലവ് കുറഞ്ഞതുമായ റിസർവേഷൻ അനുഭവം പ്രദാനം ചെയ്യുന്ന IBSന്‍റെ iFly കൊമേഴ്‌സ് പ്ലാറ്റ്‌ഫോം നടപ്പാക്കുന്നതിനാണ് സഹകരണത്തില്‍ ഏര്‍പ്പെട്ടിരിക്കുന്നത്. ഉപഭോക്താക്കൾക്ക് ഏറ്റവും ചെലവ് കുറഞ്ഞ നിരക്കുകൾ ലഭിക്കുന്നതിന് ഇതിലൂടെ സാധിക്കുന്നതാണ്. ടയർ 2, ടയർ 3 നഗരങ്ങളെ ബന്ധിപ്പിക്കാനും വിമാന സര്‍വീസുകള്‍ കുറഞ്ഞ ഉൾപ്രദേശങ്ങളിലേക്ക് സേവനങ്ങള്‍ ലഭ്യമാക്കാനും ഫ്‌ളൈ 91 നെ ഈ പ്ലാറ്റ് ഫോം സഹായിക്കും.

Business381 days ago