എയര്‍ ഇന്ത്യ എക്സ്പ്രസിനോട് റിപ്പോര്‍ട്ട് ആവശ്യപ്പെട്ട് സിവില്‍ ഏവിയേഷന്‍ മന്ത്രാലയം

യാതൊരു മുന്നറിയിപ്പും ഇല്ലാതെ വിമാനങ്ങള്‍ റദ്ദാക്കിയത് സംബന്ധിച്ച് DGCA റിപ്പോര്‍ട്ട് ആവശ്യപ്പെടുകയും പ്രശ്നങ്ങള്‍ ഉടനടി പരിഹരിക്കാന്‍ ആവശ്യപ്പെടുകയും ചെയ്തിട്ടുണ്ട്. ഒപ്പം DGCA മാനദണ്ഡങ്ങളനുസരിച്ച് യാത്രക്കാര്‍ക്ക് സൗകര്യങ്ങള്‍ ഉറപ്പാക്കാനും എയര്‍ലൈനിനോട് നിര്‍ദ്ദേശിച്ചിട്ടുണ്ട്. എയര്‍ലൈനിലെ കെടുകാര്യസ്ഥത ചൂണ്ടിക്കാട്ടി 200 ഓളം ജീവനക്കാര്‍ അപ്രതീക്ഷിതമായി അവധി എടുത്തതിന് പിന്നാലെയാണ് 90 ഓളം വിമാനങ്ങള്‍ റദ്ദാക്കിയതെന്നായിരുന്നു എയര്‍ ഇന്ത്യ എക്സ്പ്രസിന്റെ വിശദീകരണം.

National231 days ago

യോഗ്യതയില്ലാത്ത പൈലറ്റുമാര്‍; എയര്‍ ഇന്ത്യയ്ക്ക് 90 ലക്ഷം രൂപ പിഴ

മതിയായ യോഗ്യതയില്ലാത്ത പൈലറ്റുമാരെ കൊണ്ട് സര്‍വീസ് നടത്തിയതിന് എയര്‍ ഇന്ത്യയ്ക്ക് 90 ലക്ഷം രൂപ പിഴ ചുമത്തി DGCA. വീഴ്ചയുടെ പേരില്‍ എയര്‍ ഇന്ത്യയുടെ ഓപ്പറേഷന്‍സ് ഡയറക്ടര്‍, ട്രെയിനിംഗ് ഡയറക്ടര്‍ എന്നിവര്‍ക്ക് യഥാക്രമം ആറ്, മൂന്ന് ലക്ഷം രൂപ വീതം പിഴ ചുമത്തുകയും ചെയ്തു. ഭാവിയില്‍ ഇത്തരം സംഭവങ്ങള്‍ ഉണ്ടാകാതിരിക്കാന്‍ പൈലറ്റുമാര്‍ക്ക് മുന്നറിയിപ്പ് നല്‍കിയിട്ടുണ്ടെന്ന് DGCA വ്യക്തമാക്കി. ജൂലൈ 10ന് എയര്‍ലൈന്‍ സമര്‍പ്പിച്ച റിപ്പോര്‍ട്ടിനെത്തുടര്‍ന്നാണ് സംഭവം ശ്രദ്ധയില്‍പ്പെട്ടത്.

National124 days ago

കോഴിക്കോട് നിന്നും മസ്‌കറ്റിലേക്ക് പുറപ്പെട്ട എയര്‍ ഇന്ത്യ വിമാനം മുംബൈയിലിറക്കി

സാങ്കേതിക തകരാറിനെ തുടര്‍ന്നാണ് കോഴിക്കോട് നിന്നും മസ്‌കറ്റിലേക്ക് പുറപ്പെട്ട എയര്‍ ഇന്ത്യ വിമാനം മുംബൈ വിമാനത്താവളത്തില്‍ ഇറക്കിയത്. ഇന്നലെ രാത്രി 11.30നാണ് കോഴിക്കോട് നിന്നും വിമാനം പുറപ്പെട്ടത്. 150ലേറെ യാത്രക്കാര്‍ മുംബൈ വിമാനത്താവളത്തിലാണുള്ളത്. ഉച്ചയ്ക്ക് ഒരു മണിക്ക് യാത്രക്കാരെ മറ്റൊരു വിമാനത്തില്‍ മസ്‌കറ്റിലേക്ക് അയക്കുമെന്ന് എയര്‍ ഇന്ത്യ അറിയിച്ചു.

Kerala132 days ago

കൂടുതല്‍ ആഭ്യന്തര സര്‍വീസുകളുമായി എയര്‍ ഇന്ത്യ എക്‌സ്പ്രസ്

ആറ് പുതിയ നേരിട്ടുള്ള വിമാന സര്‍വീസുകളാണ് എയര്‍ ഇന്ത്യ എക്‌സ്പ്രസ് ആരംഭിച്ചിരിക്കുന്നത്. തിരുവനന്തപുരം - ചെന്നൈ, ചെന്നൈ - ഭുവനേശ്വര്‍, ചെന്നൈ - ബാഗ്ഡോഗ്ര, കൊല്‍ക്കത്ത - വാരണാസി, കൊല്‍ക്കത്ത - ഗുവാഹത്തി, ഗുവാഹത്തി - ജയ്പൂര്‍ എന്നീ റൂട്ടുകളിലാണ് പുതിയ സര്‍വീസുകള്‍ ആരംഭിച്ചത്. യാത്രക്കാരുടെ ആവശ്യം കണക്കിലെടുത്ത് തിരുവനന്തപുരം - ചെന്നൈ റൂട്ടില്‍ ആഴ്ച തോറുമുണ്ടായിരുന്ന സര്‍വീസുകളുടെ എണ്ണം രണ്ടില്‍ നിന്നും ഒന്‍പതായും വര്‍ധിപ്പിച്ചു.

National134 days ago

എയർ ഇന്ത്യ എക്സ്പ്രസ് തിരുവനന്തപുരം – റിയാദ് റൂട്ടിൽ നേരിട്ട് സർവീസ് ആരംഭിക്കുന്നു

എയർ ഇന്ത്യ എക്സ്പ്രസ് തിരുവനന്തപുരത്ത് നിന്ന് റിയാദിലേക്കും തിരിച്ചും നേരിട്ട് സർവീസ് ആരംഭിക്കുന്നു. സെപ്റ്റംബർ 9 മുതലാണ് സർവീസ് ആരംഭിക്കുക. തിരുവനന്തപുരത്ത് നിന്ന് വൈകിട്ട് 5:55ന് പുറപ്പെടുന്ന വിമാനം രാത്രി 10:40ന് റിയാദ് കിംഗ് ഖാലിദ് വിമാനത്താവളത്തിലെത്തും. തുടർന്ന് അന്ന് രാത്രി 11:30ന് റിയാദിൽ നിന്ന് തിരുവനന്തപുരത്തേക്ക് മടക്കയാത്ര നടത്തുന്ന വിമാനം പിറ്റേന്ന് രാവിലെ 7:30ന് തിരുവനന്തപുരത്ത് എത്തും. എല്ലാ തിങ്കളാഴ്ചകളിലുമാണ് സർവീസ്. നിലവിൽ റിയാദിലേക്ക് നേരിട്ട് വിമാന സർവീസ് ഇല്ലാത്തതിനാൽ യാത്രക്കാർ റിയാദിലേക്കുള്ള യാത്രയിൽ ബുദ്ധിമുട്ട് നേരിട്ടിരുന്നു. പുതിയ വിമാന സർവീസ് ആരംഭിക്കുന്നതോടെ പ്രവാസികൾ നേരിട്ടിരുന്ന ഈ യാത്രാദുരിതത്തിന് അറുതിയാകും.

Kerala143 days ago

കനത്ത മഴ: കണ്ണൂരിലിറക്കാന്‍ കഴിയാതെ എയര്‍ ഇന്ത്യ നെടുമ്പാശ്ശേരിയിലറക്കി

പുലര്‍ച്ചെ കുവൈറ്റില്‍ നിന്നെത്തിയ എയര്‍ ഇന്ത്യാ വിമാനമാണ് നെടുമ്പാശ്ശേരി വിമാനത്താവളത്തിലിറക്കിയത്. എന്നാല്‍ വിമാനത്തില്‍ നിന്ന് യാത്രക്കാര്‍ പുറത്തേക്ക് ഇറങ്ങാന്‍ തയ്യാറാകാതെ വിമാനത്തില്‍ തന്നെ തുടരുകയാണ്. കാലാവസ്ഥ അനുയോജ്യമാകുമ്പോള്‍ കണ്ണൂരിലേക്ക് പോകാമെന്നാണ് എയര്‍ ഇന്ത്യാ എക്‌സ്പ്രസ് അധികൃതര്‍ അറിയിച്ചിരിക്കുന്നത്.

Kerala160 days ago

വീണ്ടും സര്‍വീസുകള്‍ റദ്ദാക്കി എയര്‍ ഇന്ത്യ എക്‌സ്പ്രസ്

ഇന്ന് രാവിലെ 6.45ന് കണ്ണൂരില്‍ നിന്ന് പുറപ്പെട്ട് 8.45ന് മസ്‌കറ്റില്‍ എത്തേണ്ട IX 0713 വിമാനവും മസ്‌കറ്റില്‍ നിന്ന് രാവിലെ 9.45ന് പുറപ്പെട്ട് ഉച്ച കഴിഞ്ഞ് 2.40ന് കണ്ണൂരില്‍ എത്തേണ്ട IX 0714 വിമാനവുമാണ് റദ്ദാക്കിയിരിക്കുന്നത്. ഇന്നലെ മസ്‌കറ്റ്- കോഴിക്കോട്ട് റൂട്ടിലും ബുധനാഴ്ച കോഴിക്കോട്, കണ്ണൂര്‍ റൂട്ടിലും ചൊവ്വാഴ്ച തിരുവനന്തപുരം, കണ്ണൂര്‍ എന്നിവിടങ്ങളിലേക്കുമുള്ള സര്‍വിസുകളും റദ്ദാക്കിയിരുന്നു. ഇത്തരത്തില്‍ ഒരാഴ്ചക്കിടെ പത്തില്‍ അധികം സര്‍വീസുകളാണ് എയര്‍ ഇന്ത്യ എക്‌സ്പ്രസ് റദ്ദാക്കിയത്.

Kerala172 days ago

ഇന്ത്യന്‍ ക്രിക്കറ്റ് ടീമിനെ നാട്ടിലെത്തിക്കാന്‍ മറ്റൊരു സര്‍വീസ് റദ്ദാക്കി എയര്‍ ഇന്ത്യ

നവാര്‍ക്കില്‍ നിന്ന് ഡല്‍ഹിയിലേക്ക് പോകേണ്ടിയിരുന്ന ബോയിങ് 777 യാത്രാ വിമാനമാണ് ഇതിനായി ഉപയോഗിച്ചത്. സംഭവം വിവാദമായതോടെ ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ എയര്‍ ഇന്ത്യയോട് വിശദീകരണം തേടി. ഈ വിമാനത്തില്‍ യാത്ര ചെയ്യാന്‍ നേരത്തേ ടിക്കറ്റ് ബുക്ക് ചെയ്തിരുന്നവര്‍ക്ക് അസൗകര്യം ഉണ്ടായെന്ന പരാതിയുടെ അടിസ്ഥാനത്തിലാണ് DGCA വിശദീകരണം ചോദിച്ചത്. എന്നാല്‍ യാത്രക്കാര്‍ക്ക് ബുദ്ധിമുട്ടുണ്ടായിട്ടില്ലെന്നാണ് എയര്‍ ഇന്ത്യ വ്യക്തമാക്കുന്നത്.

National174 days ago

എയർ ഇന്ത്യ എക്സ്പ്രസ് കരിപ്പൂരിൽ നിന്ന് ബെംഗളൂരുവിലേക്ക് പുതിയ സർവീസ് ആരംഭിക്കുന്നു

കരിപ്പൂർ വിമാനത്താവളത്തിൽ നിന്ന് എയർ ഇന്ത്യ എക്സ്പ്രസ് ബെംഗളൂരുവിലേക്ക് പ്രതിദിനം രണ്ട് വിമാന സർവീസുകൾ ആരംഭിക്കാൻ ഒരുങ്ങുന്നു. ജൂലൈ അഞ്ച് മുതലാണ് പുതിയ സർവീസ് ആരംഭിക്കുക. രാവിലെ 11:20 നും വൈകിട്ട് 4:20 നുമാണ് വിമാന സർവീസുകൾ. ഇതോടെ കരിപ്പൂരിൽ നിന്ന് ബെംഗളൂരുവിലേക്കുള്ള പ്രതിദിന വിമാന സർവീസുകളുടെ എണ്ണം നാലായി.

Kerala176 days ago

കരിപ്പൂരില്‍ നിന്നുള്ള രണ്ട് എയര്‍ ഇന്ത്യ വിമാനങ്ങള്‍ റദ്ദാക്കി

എയര്‍ ഇന്ത്യ എക്‌സ്പ്രസ് വിമാനങ്ങളുടെ രണ്ട് സര്‍വ്വീസുകളാണ് റദ്ദാക്കിയത്. ഇന്ന് വൈകുന്നേരം ആറ് മണിക്ക് ഷാര്‍ജയിലേക്ക് പോകേണ്ട വിമാനവും രാത്രി 10 മണിക്ക് അബുദാബിയിലേക്ക് പോകേണ്ട വിമാനവുമാണ് റദ്ദാക്കിയത്. എയര്‍ ഇന്ത്യ എക്‌സ്പ്രസ് ജീവനക്കാരുടെ കുറവാണ് വിമാന സര്‍വീസ് റദ്ദാക്കാന്‍ കാരണം.

Kerala177 days ago

എയര്‍ ഇന്ത്യ എക്‌സ്പ്രസിലെ ബോംബ് ഭീഷണി; മലപ്പുറം സ്വദേശി പിടിയില്‍

കൊച്ചിയില്‍ നിന്നും ലണ്ടനിലേക്ക് പോകുന്ന എയര്‍ ഇന്ത്യ എക്‌സ്പ്രസ് വിമാനത്തില്‍ ബോംബ് വെച്ചിട്ടുണ്ടെന്ന് ഇന്ന് പുലര്‍ച്ചെ മുംബൈയിലെ എയര്‍ ഇന്ത്യ കോള്‍ സെന്ററിലേക്ക് സന്ദേശം അയച്ച മലപ്പുറം സ്വദേശിയായ സുഹൈബ് (29) ആണ് പിടിയിലായത്. ഭീഷണി മുഴക്കിയ AI 149 വിമാനത്തില്‍ കയറാെനത്തിയപ്പോഴാണ് ഇയാളെ കസ്റ്റഡിയിലെടുത്തത്. ഒന്നര ആഴ്ച മുന്‍പു ലണ്ടനില്‍ നിന്നു തിരിച്ചെത്തിയ ഇവരുടെ കുട്ടിക്കു വിമാനത്തില്‍ നിന്ന് ഭക്ഷ്യവിഷബാധ ഉണ്ടായി. അതിനാല്‍ തിരിച്ചുപോകുന്ന ടിക്കറ്റ് കുറച്ചു ദിവസത്തേക്കു കൂടി നീട്ടി നല്‍കണമെന്നു മൂന്ന് ദിവസം മുന്‍പ് ആവശ്യപ്പെട്ടിരുന്നു.Read More

Kerala183 days ago