ഉരുൾപൊട്ടൽ പ്രദേശങ്ങൾ കണ്ടെത്താൻ നേരിട്ട് പരിശോധന നടത്തണം: ഡോ. ജോൺ മത്തായി
പശ്ചിമഘട്ട മലനിരകളിലെ ഉരുൾപൊട്ടൽ സാധ്യതയുള്ള മേഖലകൾ കണ്ടെത്തി പ്രതിരോധ നടപടികൾ സ്വീകരിക്കണമെങ്കിൽ നേരിട്ട് പരിശോധന നടത്തണമെന്ന് ദേശീയ ഭൗമ ശാസ്ത്ര പഠന കേന്ദ്രത്തിലെ മുതിർന്ന ശാസ്ത്രജ്ഞനായ ഡോ. ജോൺ മത്തായി. വയനാട് ഉരുൾപൊട്ടൽ ദുരന്തത്തേക്കുറിച്ച് പഠിക്കാൻ സർക്കാർ നിയോഗിച്ച വിദഗ്ധസമിതി അധ്യക്ഷൻ കൂടിയാണ് അദ്ദേഹം. പരിശോധന നടത്തുന്നതിനായി ജില്ലാതലത്തിൽ ശാസ്ത്രജ്ഞൻമാരെയും, പൂർവികരായ പ്രായോഗിക അറിവ് നേടിയ പ്രദേശവാസികളെയും കൂടി ഉൾപ്പെടുത്തി ടീം രൂപീകരിക്കണമെന്നും അദ്ദേഹം പറഞ്ഞു. ഉരുൾപൊട്ടലുണ്ടായാൽ ഏതു ഭാഗത്തേക്കാണ് ഒഴുക്ക് ഉണ്ടാകാൻ സാധ്യതയുള്ളത്, എവിടെയാണ് കൂടുതൽ നാശനഷ്ടം ഉണ്ടാവുക, ജനങ്ങളെ ഏത് സുരക്ഷിത സ്ഥലത്തേക്ക് മാറ്റിപ്പാർപ്പിക്കാൻ സാധിക്കും തുടങ്ങിയ എല്ലാ കാര്യങ്ങൾക്കും കൃത്യമായ മാർഗ്ഗരേഖയും ആക്ഷൻ പ്ലാനും തയ്യാറാക്കണം. ദുരന്തമുണ്ടായ ശേഷം രക്ഷാപ്രവർത്തനം നടത്തുന്നതിനല്ല, ദുരന്ത സാധ്യത കണ്ടെത്തി ജനങ്ങളെ മാറ്റി പാർപ്പിക്കുന്നതിനാണ് പ്രാധാന്യം നൽകേണ്ടതെന്നും അദ്ദേഹം പറഞ്ഞു.
Related News
ഷിരൂര്‍ ദൗത്യം; അര്‍ജുന്റെ ലോറി കണ്ടെത്തി
കര്‍ണാടകയിലെ ഷിരൂര്‍ ദേശീയപാതയിലുണ്ടായ മണ്ണിടിച്ചിലില്‍ കാണാതായ കോഴിക്കോട് സ്വദേശി അര്‍ജുന്റെ ലോറി കണ്ടെത്തി. ലോറി ഉടമ മനാഫ് ഇക്കാര്യം സ്ഥിരീകരിച്ചു. ലോറിയുടെ ക്യാബിനില്‍ ഒരു മൃതദേഹം കണ്ടെത്തിയിട്ടുണ്ട്. അതേസമയം ഇത് അര്‍ജുന്റേതാണെന്ന കാര്യത്തില്‍ സ്ഥിരീകരണമായിട്ടില്ല. ജൂലൈ 16നാണ് അര്‍ജുനെ കാണാതായത്.
കര്‍ണാടകയിലെ ഷിരൂര്‍ ദേശീയപാതയിലുണ്ടായ മണ്ണിടിച്ചിലില്‍ കാണാതായ അര്‍ജുനായി പ്രാദേശിക മുങ്ങല്‍ വിദഗ്ധന്‍ ഈശ്വര്‍ മാല്‍പെ ഗംഗാവലി പുഴയില്‍ ഇറങ്ങി തെരച്ചില്‍ നടത്തി. അര്‍ജുന്റെ ലോറിയില്‍ കൊണ്ട് വന്ന അക്കേഷ്യ മരക്കഷ്ണങ്ങള്‍ മാല്‍പെ മുങ്ങിയെടുത്തു. നിലവില്‍ പുഴയിലെ സാഹചര്യം തെരച്ചിലിന് അനുകൂലമാണ്. കാര്‍വാറില്‍ നിന്ന് എത്തിച്ച ഡ്രഡ്ജര്‍ ഉപയോഗിച്ചും തെരച്ചില്‍ നടത്തുന്നുണ്ട്. അര്‍ജുന്‍ സഞ്ചരിച്ച ലോറിയുടെ ക്യാബിന്‍ കണ്ടെത്തുന്നതിനാണ് പ്രഥമ പരിഗണന നല്‍കിയിരിക്കുന്നത്. അര്‍ജുനടക്കം മൂന്നുപേര്‍ക്ക് വേണ്ടിയാണ് തെരച്ചില്‍ നടത്തുന്നത്.
ഷിരൂര്‍ ദൗത്യം; അര്‍ജുനായുളള തെരച്ചില്‍ ഇന്നും തുടരും
കര്‍ണാടകയിലെ ഷിരൂര്‍ ദേശീയപാതയിലുണ്ടായ മണ്ണിടിച്ചിലില്‍ കാണാതായ കോഴിക്കോട് സ്വദേശി അര്‍ജുനടക്കമുള്ളവര്‍ക്കായുള്ള തെരച്ചില്‍ ഇന്നും തുടരും. കാര്‍വാറില്‍ നിന്ന് എത്തിച്ച ഡ്രഡ്ജര്‍ ഉപയോഗിച്ചാണ് തെരച്ചില്‍ നടത്തുന്നത്. അര്‍ജുന്‍ സഞ്ചരിച്ച ലോറിയുടെ ക്യാബിന്‍ കണ്ടെത്തുന്നതിനാണ് പ്രഥമ പരിഗണന. അര്‍ജുന്റെ സഹോദരി അഞ്ജു ഷിരൂരിലെത്തിയിട്ടുണ്ട്. ഡ്രഡ്ജര്‍ ഉപയോഗിച്ചുള്ള തെരച്ചില്‍ അവസാന ശ്രമമാണെന്നും ഫലമുണ്ടാകുമെന്നാണ് പ്രതീക്ഷയെന്നും ഉത്തര കന്നഡ കളക്ടര്‍ പ്രതികരിച്ചു.
ഷിരൂരിൽ മണ്ണിടിച്ചിൽ കാണാതായ കോഴക്കോട് സദേശിയായ ലോറി ഡ്രൈവർ അർജുൻ ഉൾപ്പെടെ മൂന്ന് പേരെ കണ്ടെത്താനുള്ള തിരച്ചിലിനായി അപകടസ്ഥലത്ത് ഡ്രഡ്ജർ എത്തിച്ചു. നാളെ രാവിലെ തിരച്ചിൽ ആരംഭിക്കും. രാവിലെ എട്ടുമണി മുതൽ വൈകുന്നേരം 6 മണി വരെയാകും തിരച്ചിൽ നടത്തുക. മൂന്ന് ദിവസം തിരച്ചിൽ നടത്താനാണ് തീരുമാനിച്ചിരിക്കുന്നത്.
ഷിരൂര്‍ ദൗത്യം; അര്‍ജുനായുളള തിരച്ചില്‍ ഇന്ന് പുനരാരംഭിക്കും
കര്‍ണാടകയിലെ ഷിരൂര്‍ ദേശീയപാതയിലുണ്ടായ മണ്ണിടിച്ചിലില്‍ കാണാതായ മലയാളി ലോറി ഡ്രൈവര്‍ അര്‍ജുന്‍ അടക്കമുള്ളവര്‍ക്കായുള്ള തിരച്ചില്‍ ഇന്ന് പുനരാരംഭിക്കും. ഇതിനായി ഗോവ തുറമുഖത്ത് നിന്ന് കൊണ്ടുവരുന്ന ഡ്രഡ്ജര്‍ ഇന്ന് ഷിരൂരില്‍ എത്തിക്കും. ഗംഗാവലി പുഴയില്‍ നാവികസേന അടയാളപ്പെടുത്തിയ സ്ഥലങ്ങളിലെ മണ്ണും കല്ലുകളായിരിക്കും ഡ്രഡ്ജര്‍ ഉപയോഗിച്ച് ആദ്യം നീക്കം ചെയ്യുക. ഒരു മാസത്തെ ഇടവേളയ്ക്ക് ശേഷമാണ് ഇന്ന് തിരച്ചില്‍ പുനരാരംഭിക്കുന്നത്.
ഷിരൂർ രക്ഷാദൗത്യം; ഡ്രഡ്ജർ ഗംഗാവലിയിൽ എത്തി
ഷിരൂരിൽ മണ്ണിടിച്ചിലിൽ കാണാതായ കോഴിക്കോട് സ്വദേശിയായ ലോറി ഡ്രൈവർ അർജുനെ കണ്ടെത്താനുള്ള തിരച്ചിലിനായി ഗോവയിൽ നിന്നുള്ള ഡ്രഡ്ജർ ഗംഗാവലി പുഴയിലെത്തി. ഡ്രഡ്ജർ ഷിരൂരിലേക്ക് എത്തിക്കുന്നതിനുള്ള ആദ്യകടമ്പയാണ് ഇപ്പോൾ കടന്നിരിക്കുന്നത്. ഇന്ന് രാത്രിയോടെ ഡ്രഡ്ജർ അപകടസ്ഥലത്ത് എത്തിക്കാനാകുമെന്നും നാളെ രാവിലെ തിരച്ചിൽ പുനരാരംഭിക്കാനാകുമെന്നും ജില്ലാ ഭരണകൂടം അറിയിച്ചു. മണ്ണിടിച്ചിലിൽ കാണാതായ അർജുൻ ഉൾപ്പടെ മൂന്നുപേരെയാണ് ഇനിയും കണ്ടെത്താനുള്ളത്.
അർജുന്റെ ഭാര്യ കൃഷ്ണപ്രിയ ജോലിയിൽ പ്രവേശിച്ചു
ഷിരൂരിൽ മണ്ണിടിച്ചിലിൽ കാണാതായ കോഴിക്കോട് സ്വദേശിയായ ലോറി ഡ്രൈവർ അർജുന്റെ ഭാര്യ കൃഷ്ണപ്രിയ വേങ്ങേരി സർവീസ് സഹകരണ ബാങ്കിൽ ജൂനിയർ ക്ലർക്കായി ജോലിയിൽ പ്രവേശിച്ചു. അർജുന്റെ ഭാര്യക്ക് സഹകരണ ബാങ്കിൽ ജോലി നൽകുമെന്ന് സംസ്ഥാന സർക്കാർ നേരത്തെ അറിയിച്ചിരുന്നു. കഴിഞ്ഞ ദിവസമാണ് സഹകരണ വകുപ്പ് ഇത് സംബന്ധിച്ച ഉത്തരവ് പുറപ്പെടുവിച്ചത്. അതേസമയം കർണാടക മുഖ്യമന്ത്രി സിദ്ധരാമയ്യയുമായി അർജുന്റെ ബന്ധു കഴിഞ്ഞ ദിവസം കൂടിക്കാഴ്ച നടത്തിയിരുന്നു. രക്ഷാദൗത്യത്തിനായി ഡ്രഡ്ജർ എത്തിക്കുമെന്നും ഇതിന് ആവശ്യമായ തുക കർണാടക സർക്കാർ വഹിക്കുമെന്നും സിദ്ധാരാമയ്യ അറിയിച്ചിരുന്നു.
പശ്ചിമഘട്ടത്തില്‍ അടിക്കടിയുണ്ടാകുന്ന പ്രകൃതിദുരന്തങ്ങള്‍; പഠനത്തിനൊരുങ്ങി ജനകീയ ശാസ്ത്രസംഘം
പശ്ചിമഘട്ടസംരക്ഷണ ജനകീയ സമിതിയും പരിസ്ഥിതി-സാമൂഹിക വിഷയങ്ങള്‍ പഠനവിധേയമാക്കുന്ന തൃശ്ശൂരിലെ ട്രാന്‍സിഷന്‍ സ്റ്റഡീസ് കേരളയുമാണ് പഠനത്തിനായി ശാസ്ത്രസംഘത്തെ നിയോഗിച്ചത്. പ്രകൃതിദുരന്ത പ്രദേശങ്ങളും അപകടസാധ്യതാ മുന്നറിയിപ്പുള്ള പ്രദേശങ്ങളും പഠന സംഘം സന്ദര്‍ശിക്കും. ദുരന്തങ്ങള്‍ നേരിടേണ്ടിവരുന്ന സാഹചര്യങ്ങളിലെ തയ്യാറെടുപ്പ്, ദുരന്തനിവാരണ പ്രവര്‍ത്തനം എന്നിവസംബന്ധിച്ച് സംസ്ഥാന സര്‍ക്കാരിന് പഠനറിപ്പോര്‍ട്ട് സമര്‍പ്പിക്കും.
ഷിരൂർ രക്ഷാദൗത്യം: ഡ്രഡ്ജർ അടുത്ത ആഴ്ച എത്തിക്കും
ഷിരൂരിൽ മണ്ണിടിച്ചതിൽ കാണാതായ കോഴിക്കോട് സ്വദേശി അർജുനെ കണ്ടെത്തുന്നതിനുള്ള തിരച്ചിലിനായി ഗോവയിൽ നിന്ന് അടുത്തയാഴ്ച ഡ്രഡ്ജർ എത്തിക്കും. ഉത്തര കന്നട ജില്ലാ ഭരണകൂടവും ഡ്രഡ്ജർ കമ്പനിയും ഇന്ന് നടത്തിയ കൂടിക്കാഴ്ചയിലാണ് തീരുമാനം. കാലാവസ്ഥ അനുകൂലമാണെങ്കിൽ മാത്രമാകും ഡ്രഡ്ജർ എത്തിക്കുക. മറ്റു പരിശോധനകളെല്ലാം പൂർത്തിയായി എന്നും നിലവിലെ കാലാവസ്ഥ ഡ്രഡ്ജിങ് നടത്തുന്നതിന് അനുകൂലമല്ലെന്നും ഡ്രഡ്ജർ കമ്പനി അറിയിച്ചു.
ഷിരൂര്‍ മണ്ണിച്ചിലില്‍ കാണാതായ അര്‍ജുന്റെ ഭാര്യയ്ക്ക് സഹകരണ ബാങ്കില്‍ നിയമനം
കര്‍ണാടകയിലെ ഷിരൂര്‍ ദേശീയപാതയിലുണ്ടായ അപകടത്തില്‍ കാണാതായ കോഴിക്കോട് സ്വദേശി അര്‍ജുന്റെ കുടുബത്തിന് കൈത്താങ്ങായി സഹകരണ വകുപ്പ്. അര്‍ജുന്റെ ഭാര്യ കെ. കൃഷ്ണപ്രിയയ്ക്ക് വേങ്ങേരി സര്‍വീസ് സഹകരണ ബാങ്കില്‍ ജൂനിയര്‍ ക്ലാര്‍ക്ക്/കാഷ്യര്‍ തസ്തികയില്‍ നിയമനം നല്‍കി. മന്ത്രി വി.എന്‍. വാസവനാണ് ഇതു സംബന്ധിച്ച ഉത്തരവ് പുറത്തിറക്കിയതായി അറിയിച്ചത്. സാധാരണക്കാര്‍ക്ക് കൈത്താങ്ങാവുക എന്നതാണ് സഹകരണ പ്രസ്ഥാനത്തിന്റെ പ്രസക്തിയെന്നും മന്ത്രി അറിയിച്ചു.
