ശിവജി പ്രതിമ തകർന്ന സംഭവം: അജിത് പവാർ ജനങ്ങളോട് മാപ്പ് പറഞ്ഞു

മഹാരാഷ്ട്രയിലെ സിന്ധുദുര്‍ഗ് കോട്ടയില്‍ 8 മാസം മുൻപ് പ്രധാനമന്ത്രി നരേന്ദ്ര മോദി അനാച്ഛാദനം ചെയ്ത 35 അടി ഉയരമുള്ള ഛത്രപതി ശിവജി മഹാരാജ് പ്രതിമ തകർന്ന സംഭവത്തിൽ മഹാരാഷ്ട്ര ഉപമുഖ്യമന്ത്രി പൊതുജനങ്ങളോട് മാപ്പ് പറഞ്ഞു. സംഭവത്തിൽ ജനരോഷം രൂക്ഷമായതോടെയാണ് പരസ്യമായി മാപ്പ് പറഞ്ഞ് ഉപമുഖ്യമന്ത്രി രംഗത്തെത്തിയത്. പ്രതിമയുടെ നിർമ്മാണത്തിന് ഉപയോഗിച്ച വസ്തുക്കളുടെ ഗുണനിലവാരം സംസ്ഥാന സർക്കാർ അന്വേഷിക്കുകയാണെന്നും സംഭവത്തിന് ഉത്തരവാദികളായവർക്കെതിരെ നടപടി സ്വീകരിക്കുമെന്നും അദ്ദേഹം പറഞ്ഞു.

National117 days ago

ശിവജി പ്രതിമ തകര്‍ന്ന സംഭവം: പ്രതിഷേധവുമായി പ്രതിപക്ഷ പാര്‍ട്ടികള്‍

മഹാരാഷ്ട്രയിലെ സിന്ധുദുർഗ് ജില്ലയിൽ ഛത്രപതി ശിവജി മഹാരാജിൻ്റെ പ്രതിമ തകർന്നുവീണ സംഭവത്തില്‍ ഏകനാഥ് ഷിൻഡെ സര്‍ക്കാരിനെതിരെ പ്രതിപക്ഷ സഖ്യമായ മഹാ വികാസ് അഘാഡി പ്രതിഷേധ സമരം സംഘടിപ്പിച്ചു. "ചപ്പൽ ജോഡേ മാരോ യാത്ര" എന്ന പേരിൽ പ്രതിപക്ഷ പാർട്ടികൾ ഗേറ്റ്‌വേ ഓഫ് ഇന്ത്യയിലേക്ക് നടത്തിയ പ്രതിഷേധ റാലിക്ക് ശിവസേന (UBT) നേതാവ് ഉദ്ധവ് താക്കറെ, കോണ്‍ഗ്രസ് നേതാവ് നാന പട്ടോളെ, NCP (SP) നേതാവ് ശരദ് പവാര്‍ തുടങ്ങിയവർ നേതൃത്വം നൽകി. പ്രതിമ തകര്‍ന്നതില്‍ പ്രധാനമന്ത്രി നരേന്ദ്ര മോദി നടത്തിയ ക്ഷമാപണം അദ്ദേഹത്തിന്റെ അഹങ്കാരത്തിനുമേല്‍ ലഭിച്ച പ്രഹരമാണെന്ന് ഉദ്ധവ് താക്കറേ പറഞ്ഞു.

National114 days ago

ശിവജിയുടെ പ്രതിമ തകർന്ന സംഭവം: പരസ്യമായി മാപ്പുപറഞ്ഞ് പ്രധാനമന്ത്രി

മഹാരാഷ്ട്രയിലെ സിന്ധുദുർഗിൽ ഛത്രപതി ശിവജിയുടെ പ്രതിമ തകർന്നുവീണ സംഭവത്തിൽ മാപ്പു പറഞ്ഞ് പ്രധാനമന്ത്രി നരേന്ദ്ര മോദി. മഹാരാഷ്ട്രയിലെ പാല്‍ഘറിൽ നടന്ന റാലിയിലായിരുന്നു പ്രധാനമന്ത്രി നരേന്ദ്ര മോദിയുടെ പ്രതികരണം. ഛത്രപതി ശിവജിയുടെ പ്രതിമ തകർന്നുവീണ സംഭവത്തിൽ പ്രയാസം നേരിട്ട ജനങ്ങളോട് താൻ തലകുനിച്ച് മാപ്പുചോദിക്കുകയാണെന്ന് മോദി പറഞ്ഞു. കഴിഞ്ഞ ഡിസംബറിൽ നാവികസേനാ ദിനാഘോഷ വേളയിൽ മൽവാനിലെ രാജ്കോട്ട് കോട്ടയിൽ പ്രധാനമന്ത്രി അനാച്ഛാദനം ചെയ്ത 35 അടി ഉയരമുള്ള ശിവജിയുടെ പ്രതിമ കഴിഞ്ഞ ദിവസമാണ് തകർന്നു വീണത്.

National115 days ago

പ്രധാനമന്ത്രി ഉദ്ഘാടനം ചെയ്ത ശിവജിയുടെ കൂറ്റന്‍ പ്രതിമ തകര്‍ന്നു വീണത്

മഹാരാഷ്ട്രയിലെ സിന്ധുദുര്‍ഗ് കോട്ടയില്‍ സ്ഥാപിച്ച 35 അടി ഉയരമുള്ള പ്രതിമയാണ് തകര്‍ന്നു വീണത്. പ്രതിമയുടെ കാല്‍പാദത്തിന്റെ ഭാഗം മാത്രമാണ് പീഠത്തില്‍ ബാക്കിയുള്ളത്. ഇന്ന് ഉച്ചക്ക് ഒരുമണിയോടെയാണ് പ്രതിമ തകര്‍ന്നു വീണത്. കഴിഞ്ഞ ഡിസംബര്‍ നാലിന് നാവികസേനാ ദിനത്തോടനുബന്ധിച്ചാണ് പ്രധാനമന്ത്രി നരേന്ദ്രമോദി ഉദ്ഘാടനം നിര്‍വഹിച്ചത്.

National119 days ago

മൂന്ന് വയസ്സുള്ള പെണ്‍കുട്ടികള്‍ക്ക് നേരെ ലൈംഗികാതിക്രമം; താനെയില്‍ പ്രതിഷേധം

പ്രീപ്രൈമറി ക്ലാസില്‍ പഠിക്കുന്ന മൂന്ന് വയസ്സുള്ള പെണ്‍കുട്ടികളെ ലൈംഗികാതിക്രമത്തിനിരയാക്കി സംഭവത്തില്‍ താനെയില്‍ പ്രതിഷേധം ശക്തമാവുകയാണ്. പ്രതിഷേധക്കാര്‍ ബദലാപൂര്‍ റെയില്‍വേ സ്റ്റേഷനില്‍ ലോക്കല്‍ ട്രെയിനുകള്‍ തടഞ്ഞു. സ്‌കൂളിലെ ടോയ്‌ലെറ്റില്‍ വെച്ച് ശുചീകരണ തൊഴിലാളിയാണ് കുട്ടികളെ ലൈംഗികാതിക്രമത്തിന് ഇരയാക്കിയത്. സംഭവത്തില്‍ പ്രതിയെ അറസ്റ്റ് ചെയ്തു. കേസിന്റെ വിചാരണക്കായി അതിവേഗ കോടതി സ്ഥാപിക്കുമെന്ന് മഹാരാഷ്ട്ര മുഖ്യമന്ത്രി ഏക്‌നാഥ് ഷിന്‍ഡെ പറഞ്ഞു.

National126 days ago

മഹാരാഷ്ട്രയില്‍ കനത്തമഴ തുടരും; പൂനൈയില്‍ റെഡ് അലര്‍ട്ട്

വരും ദിവസങ്ങളിലും മഹാരാഷ്ട്രയുടെ വിവിധ ഭാഗങ്ങളില്‍ അതിശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. പൊതുജനങ്ങള്‍ അടിയന്തര സാഹചര്യങ്ങളില്‍ മാത്രമേ വീടിന് പുറത്തിറങ്ങാവൂ എന്ന് മുംബൈ പോലീസ് അറിയിച്ചു. അതേസമയം പ്രദേശത്തെ എല്ലാ സ്‌കൂളുകളും കോളേജുകളും ഇന്ന് സാധാരണഗതിയില്‍ പ്രവര്‍ത്തിക്കുമെന്നാണ് ബ്രിഹന്‍ മുംബൈ മുനിസിപ്പല്‍ കോര്‍പ്പറേഷന്‍ അറിയിച്ചിരിക്കുന്നത്.

National151 days ago

മഹാരാഷ്ട്രയില്‍ കനത്ത മഴ; പൂനൈയില്‍ രക്ഷാപ്രവര്‍ത്തനത്തിന് സൈന്യം

കനത്ത മഴയെ തുടര്‍ന്ന് മുംബൈ, പൂനൈ, താനെ എന്നിവിടങ്ങളില്‍ മിക്കയിടത്തും വെള്ളം കയറി. സര്‍ക്കാര്‍ ആവശ്യപ്പെട്ടതിനെ തുടര്‍ന്നാണ് പൂനൈയില്‍ രക്ഷാപ്രവര്‍ത്തനത്തിന് സൈന്യം എത്തിയത്. ഇതേ തുടര്‍ന്ന് വിവിധയിടങ്ങളില്‍ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. മഹാരാഷ്ട്രയില്‍ ഇന്ന് കാലാവസ്ഥാ വകുപ്പ് റെഡ് അലര്‍ട്ട് പ്രഖ്യാപിച്ചിരിക്കുകയാണ്.

National151 days ago

മഹാരാഷ്ട്രയിൽ കാഹളം, തുർഹ എന്നീ തിരഞ്ഞെടുപ്പ് ചിഹ്നങ്ങൾ മരവിപ്പിച്ചു

NCP ശരദ് പവാർ പക്ഷത്തിന്റെ പരാതിയെ തുടർന്നാണ് സംസ്ഥാന തിരഞ്ഞെടുപ്പ് കമ്മീഷൻ മഹാരാഷ്ട്രയിൽ കാഹളം, തുർഹ എന്നീ തിരഞ്ഞെടുപ്പ് ചിഹ്നങ്ങൾ മരവിപ്പിച്ചത്. NCP പിളർന്നതിന് ശേഷം ശരദ് പവാർ പക്ഷത്തിന് 'കാഹളം മുഴക്കുന്ന മനുഷ്യൻ' ആണ് ചിഹ്നമായി തിരഞ്ഞെടുപ്പ് കമ്മീഷൻ അനുവദിച്ചത് . തങ്ങളുടെ ചിഹ്നമായി കാഹളം, തുർഹ എന്നീ ചിഹ്നങ്ങൾക്ക് സാമ്യമുണ്ടെന്നും ഇത് ലോക്സഭാ തിരഞ്ഞെടുപ്പിൽ വോട്ടർമാർക്ക് ഇടയിൽ ആശയക്കുഴപ്പം ഉണ്ടാക്കി എന്നും NCP ശരദ് പവാർ പക്ഷം പരാതി നൽകിയിരുന്നു. സംസ്ഥാനത്തെ നിയമസഭാ തിരഞ്ഞെടുപ്പിന് മുന്നോടിയായി ചിഹ്നങ്ങൾ മരവിപ്പിക്കണം എന്നായിരുന്നു പരാതിയിലെ ആവശ്യം.

National157 days ago

മഹാരാഷ്ട്രയില്‍ ഏറ്റുമുട്ടല്‍; 12 മാവോയിസ്റ്റുകളെ വധിച്ചു

മഹാരാഷ്ട്രയിലെ ഗഡ്ചിരോളി ജില്ലയിലാണ് ആറ് മണിക്കൂറോളം നീണ്ടുനിന്ന ഏറ്റുമുട്ടലുണ്ടായത്. ഛത്തീസ്ഗഢ് അതിര്‍ത്തിയോട് ചേര്‍ന്ന വന്ദോലി ഗ്രാമത്തിന് സമീപം പതിനഞ്ചോളം മാവോയിസ്റ്റുകള്‍ ക്യാമ്പ് ചെയ്യുന്നതായി വിവരം ലഭിച്ചതിനെ തുടര്‍ന്നാണ് മഹാരാഷ്ട്ര പോലീസ് രാവിലെ മുതല്‍ തിരച്ചില്‍ നടത്തിയത്. തുടര്‍ന്ന് നടന്ന ഏറ്റുമുട്ടലില്‍ 12 മാവോയിസ്റ്റുകളെ വധിക്കുകയും നിരവധി ആയുധങ്ങള്‍ കണ്ടെടുക്കുകയും ചെയ്തു. വെടിവെയ്പില്‍ രണ്ട് ഉദ്യോഗസ്ഥര്‍ക്കും പരിക്കേറ്റിട്ടുണ്ട്.

National159 days ago

സിക്ക വൈറസ്; ജാഗ്രതാ നിര്‍ദേശങ്ങള്‍ പുറത്തിറക്കി കേന്ദ്ര സര്‍ക്കാര്‍

മഹാരാഷ്ട്രയില്‍ സിക്ക വൈറസ് കേസുകള്‍ സ്ഥിരീകരിച്ചതിന് പിന്നാലെ സംസ്ഥാനങ്ങള്‍ക്ക് ജാഗ്രതാ നിര്‍ദേശങ്ങള്‍ നല്‍കി കേന്ദ്ര ആരോഗ്യ മന്ത്രാലയം. ഗര്‍ഭിണികളായ സ്ത്രീകളില്‍ പ്രത്യേക ശ്രദ്ധ പതിപ്പിക്കണമെന്നും അണുബാധയേറ്റ ഗര്‍ഭിണികളുടെ ഭ്രൂണവളര്‍ച്ച പ്രത്യേകം നിരീക്ഷിക്കണമെന്നും കേന്ദ്രം നിര്‍ദേശിച്ചു. പരിസരം കൊതുക് മുക്തമാക്കണം. ഇതിനായി നോഡല്‍ ഓഫീസറെ നിയമിക്കണം. ജനവാസ മേഖലകള്‍, ജോലിസ്ഥലങ്ങള്‍, സ്‌കൂളുകള്‍, നിര്‍മാണ സ്ഥലങ്ങള്‍ എന്നിവിടങ്ങള്‍ അണുമുക്തമാക്കാനും കീടങ്ങളെ തുരത്താനും നടപടിയെടുക്കണമെന്നും കേന്ദ്രം നിര്‍ദേശിച്ചിട്ടുണ്ട്.

National174 days ago

മഹാരാഷ്ട്ര നിയമസഭാ തിരഞ്ഞെടുപ്പ്: സീറ്റ് വിഭജന ചർച്ച ഉടൻ തുടങ്ങുമെന്ന് ശരദ് പവാർ

ഈ വർഷം ഒക്ടോബറിൽ നടക്കാൻ ഇരിക്കുന്ന മഹാരാഷ്ട്ര നിയമസഭാ തിരഞ്ഞെടുപ്പിൽ കോൺഗ്രസും, ഉദ്ധവ് താക്കറയുടെ നേതൃത്വത്തിലുള്ള ശിവസേനയും (UBT), NCP യും (ശരദ് പവാർ പക്ഷം) സംയുക്തമായി മത്സരിക്കുമെന്ന് NCP (SP) തലവൻ ശരദ് പവാർ പറഞ്ഞു. പ്രതിപക്ഷസഖ്യമായ മഹാവികാസ് അഘാടി തിരഞ്ഞെടുപ്പിൽ മികച്ച വിജയം നേടുമെന്നും ശരദ് പവാർ കൂട്ടിച്ചേർത്തു. 2024ലെ ലോക്സഭാ തിരഞ്ഞെടുപ്പിൽ സഖ്യവുമായി സഹകരിച്ച ചെറുകക്ഷികൾക്കും അർഹമായ പരിഗണന നൽകുമെന്നും സീറ്റ് വിഭജന ചർച്ചകൾ ഉടൻ ആരംഭിക്കുമെന്നും ശരദ് പവാർ അറിയിച്ചു.

National177 days ago