മൂവാറ്റുപുഴയില്‍ വീട്ടിനുള്ളില്‍ തര്‍ക്കം; ഒരാള്‍ക്ക് ഗുരുതര പരിക്ക്

ബന്ധുക്കള്‍ തമ്മിലുള്ള തര്‍ക്കത്തെ തുടര്‍ന്ന് അര്‍ധരാത്രിയോടെയാണ് വെടിവെയ്പ്പ് ഉണ്ടായത്. മൂവാറ്റുപുഴ കടാതി മംഗലത്ത് വീട്ടില്‍ നവീനും ബന്ധുവായ കിഷോറും തമ്മിലുണ്ടായ തര്‍ക്കത്തെ തുടര്‍ന്ന് കിഷോര്‍ കയ്യിലുണ്ടായിരുന്ന തോക്കെടുത്ത് നവീനെ വെടിവെയ്ക്കുകയായിരുന്നു. നവീന്‍ എറണാകുളത്തെ സ്വകാര്യ ആശുപത്രിയില്‍ ചികിത്സയിലാണ്. ലൈസന്‍സുള്ള തോക്ക് ഉപയോഗിച്ചായിരുന്നു വെടിയുതിര്‍ത്തതെന്ന് മൂവാറ്റുപുഴ പോലീസ് അറിയിച്ചു. സഹോദരിമാരുടെ മക്കളായ ഇരുവരും തമ്മില്‍ പല കാര്യങ്ങളിലും തര്‍ക്കം ഉണ്ടായിരുന്നതായും പോലീസ് പറയുന്നു.

Kerala240 days ago

ചിക്കാഗോയില്‍ ട്രെയിനില്‍ വെടിവെയ്പ്പ്; 4 പേര്‍ കൊല്ലപ്പെട്ടു

അമേരിക്കയിലെ ചിക്കാഗോയില്‍ ഫോറസ്റ്റ് പാര്‍ക്ക് ട്രെയിന്‍ സ്റ്റേഷനിലായിരുന്നു വെടിവെയ്പ്പ്. വെടിയേറ്റ മൂന്നു പേര്‍ സംഭവസ്ഥലത്തുവെച്ച് തന്നെ മരിച്ചു. ഒരാള്‍ ആശുപത്രിയില്‍ ചികിത്സയിലിരിക്കെയാണ് മെരിച്ചത്. അക്രമിയെ അറസ്റ്റ് ചെയ്തു. ഇയാളില്‍ നിന്ന് തോക്കും കണ്ടെടുത്തു.

World229 days ago

ട്രംപിനെതിരായ വധശ്രമം; ആഭ്യന്തര തീവ്രവാദമായി കണക്കാക്കി അന്വേഷിക്കുമെന്ന് FBI

ട്രംപിനെതിരായ ആക്രമണത്തിന് പിന്നിലെ കാരണം വ്യക്തമല്ലെന്നും അക്രമിയുടെ ഉദ്ദേശ്യം കണ്ടെത്താന്‍ ശ്രമം തുടരുകയാണെന്ന് FBI അറിയിച്ചു. മാത്യു ക്രൂക്‌സ് എന്ന 20കാരന്‍ മാത്രമാണ് ആക്രമണത്തിന് പിന്നിലെന്നാണ് നിലവില്‍ സുരക്ഷാ ഉദ്യോഗസ്ഥര്‍ പറയുന്നത്. നഴ്‌സിങ് ഹോമില്‍ സഹായിയായി പ്രവര്‍ത്തിക്കുക ആയിരുന്നു അക്രമിയായ ക്രൂക്‌സ്. എട്ട് തവണ വെടിയുതിര്‍ത്ത ഇയാളെ സീക്രട്ട് സര്‍വീസിന്റെ സ്‌നൈപര്‍മാര്‍ വെചിവെച്ച് കൊലപ്പെടുത്തുകയും ചെയ്തു.

World279 days ago

USൽ കുട്ടികളുടെ വാട്ടർ പാർക്കിൽ വെടിവെയ്പ്പ്: നിരവധി പേർക്ക് പരിക്ക്

USലെ മിഷിഗണിലെ കുട്ടികളുടെ വാട്ടർ പാർക്കിൽ തോക്കുധാരി നടത്തിയ വെടിവെയ്പിൽ രണ്ട് കുട്ടികൾ ഉൾപ്പെടെ നിരവധി പേർക്ക് പരിക്കേറ്റു. ശനിയാഴ്ച US സമയം വൈകിട്ട് അഞ്ച് മണിയോടെയാണ് വെടിവെയ്പ്പ് ഉണ്ടായത്. സമീപത്തെ വീടിനുള്ളിൽ ഒളിച്ചിരിക്കുന്ന അക്രമിയെ പോലീസ് വളഞ്ഞതായി ഓക്‌ലാൻഡ് കൗണ്ടി ഷെരീഫ് മൈക്കൽ ബൗചാർഡ് പറഞ്ഞു. വെടിവെയ്പ്പിന് പിന്നിലെ കാരണം വ്യക്തമല്ല.

World308 days ago

ലണ്ടനില്‍ മലയാളിയായ 10 വയസുകാരിക്ക് വെടിയേറ്റു

പറവൂര്‍ ഗോതുരുത്ത് സ്വദേശികളായ ആനത്താഴത്ത് വിനയ, അജീഷ് ദമ്പതികളുടെ മകള്‍ ലിസ്സെല്‍ മരിയക്കാണ് വെടിയേറ്റത്. ലണ്ടനിലെ ഡാള്‍ട്ടണ്‍ കിങ്‌സ്ലാന്‍ഡ് ഹൈ സ്ട്രീറ്റിലെ റെസ്റ്റോറന്റിലായിരുന്നു സംഭവം. ബൈക്കില്‍ എത്തിയ സംഘം ഹോട്ടലിനോട് ചേര്‍ന്ന ജനലിന് നേരേ വെടിയുതിര്‍ക്കുകയായിരുന്നു. റെസ്‌റ്റോറന്റിലുണ്ടായിരുന്ന മറ്റൊരാളെയാണ് അക്രമികള്‍ ലക്ഷ്യം വെച്ചതെന്നാണ് വിവരം.Read More

World325 days ago

സല്‍മാന്‍ ഖാന്റെ വീടിനു നേരെ വെടിവെയ്പ്പ്; ലോറന്‍സ് ബിഷ്ണോയി സംഘാംഗം അറസ്റ്റില്‍

ബോളിവുഡ് നടന്‍ സല്‍മാന്‍ ഖാന്റെ വസതിക്ക് പുറത്ത് നടന്ന വെടിവെയ്പ്പുമായി ബന്ധപ്പെട്ട കേസില്‍ ലോറന്‍സ് ബിഷ്ണോയി സംഘത്തിലെ ഒരാളെ മുംബൈ ക്രൈംബ്രാഞ്ച് അറസ്റ്റ് ചെയ്തു. ഹരിയാനയിലെ ഫത്തേഹാബാദ് സ്വദേശിയായ ഹര്‍പാല്‍ സിംഗ് (34) ആണ് അറസ്റ്റിലായത്. വെടിവെപ്പ് കേസില്‍ അറസ്റ്റിലാകുന്ന ആറാമത്തെ ആളാണ് സിംഗ്. ഏപ്രില്‍ 14നാണ് മുംബൈയിലെ ബാന്ദ്ര ഏരിയയിലെ സല്‍മാന്‍ ഖാന്റെ ഗാലക്സി അപ്പാര്‍ട്ട്മെന്റിന് പുറത്ത് ബൈക്കിലെത്തിയ രണ്ട് പേര്‍ വെടിയുതിര്‍ത്തത്.

National341 days ago

സല്‍മാന്‍ ഖാന്റെ വീടിന് നേരെ വെടിവെയ്പ്പ്; പ്രതിയുടെ മരണം കൊലപാതകമാണെന്ന ആരോപണവുമായി കുടുംബം

ബോളിവുഡ് നടന്‍ സല്‍മാന്‍ ഖാന്റെ വീടിന് നേരെ വെടിയുതിര്‍ത്ത കേസിലെ പ്രതി ആത്മഹത്യ ചെയ്ത സംഭവത്തില്‍ പോലീസിനെതിരെ കുടുംബം. കേസിലെ പ്രതിയും പഞ്ചാബ് സ്വദേശിയുമായ അനൂജ് തപാനെ ജയിലില്‍ വെച്ച് കൊലപ്പെടുത്തിയെന്നാണ് സഹോദരന്‍ അഭിഷേക് ആരോപിക്കുന്നത്. കഴിഞ്ഞ ദിവസമാണ് അനുജ് ശുചിമുറിയില്‍ തൂങ്ങിമരിച്ചത്. ഏപ്രില്‍ 14ന് സല്‍മാന്‍ ഖാന്റെ വീടിന് പുറത്ത് വെടിവെയ്പ്പ് നടത്തിയവര്‍ക്ക് തോക്ക് നല്‍കിയത് അനൂജ് തപാനാണ്.

National353 days ago

ബിഹാറില്‍ JDU നേതാവ് വെടിയേറ്റ് മരിച്ചു

JDU ന്റെ യുവ നേതാവ് സൗരവ് കുമാറിനെയാണ് വെടിവെച്ച് കൊലപ്പെടുത്തിയത്. ഇന്നലെ രാത്രി ഒരു വിവാഹ ചടങ്ങില്‍ പങ്കെടുത്ത് മടങ്ങുകയായിരുന്ന സൗരഭ് കുമാറിന് നേരെ ബൈക്കിലെത്തിയ നാലംഗ അക്രമിസംഘം വെടിയുതിര്‍ക്കുകയായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും തലയ്ക്കും കഴുത്തിനും വെടിയേറ്റ സൗരഭ് മരണത്തിന് കീഴടങ്ങുകയായിരുന്നു. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

National360 days ago

ലോക്‌സഭാ തിരഞ്ഞെടുപ്പ്: മണിപ്പൂരില്‍ പോളിംഗ് ബൂത്തില്‍ വെടിവെയ്പ്പ്

മണിപ്പൂരിലെ മൊയ്റാംഗ് മണ്ഡലത്തിലെ തമന്‍പോക്പിയിലെ പോളിംഗ് സ്റ്റേഷന് സമീപമാണ് അക്രമിസംഘം നിരവധി റൗണ്ട് വെടിയുതിര്‍ത്തത്. തുടര്‍ന്ന് വോട്ടു രേഖപ്പെടുത്താനെത്തിയ ജനങ്ങള്‍ പരിഭ്രാന്തരാകുകയും പോളിംഗ് ബൂത്തില്‍ നിന്ന് പുറത്തേക്ക് ഓടിപ്പോകുകയും ചെയ്തു. സംഭവത്തില്‍ ഇതുവരെ ആളപായമൊന്നും റിപ്പോര്‍ട്ട് ചെയ്തിട്ടില്ല. മണിപ്പൂരില്‍ കുക്കി-മെയ്‌തേയി വിഭാഗങ്ങള്‍ തമ്മിലുളള വംശീയ സംഘര്‍ഷം തുടരുന്നതിനിടെയാണ് സംസ്ഥാനം ജനവിധി തേടുന്നത്.

National366 days ago

സല്‍മാന്‍ ഖാന്റെ വീടിന് നേരെ വെടിവെയ്പ്പ്; രണ്ട് പ്രതികള്‍ പിടിയില്‍

ബിഹാര്‍ സ്വദേശികളായ വിക്കി സാഹബ് ഗുപ്ത, സാഗര്‍ ശ്രിജോഗേന്ദ്ര പാല്‍ എന്നിവരെ ഗുജറാത്തിലെ ഭുജില്‍ നിന്നാണ് മുംബൈ ക്രൈംബ്രാഞ്ച് അറസ്റ്റ് ചെയ്തത്. കൂടുതല്‍ അന്വേഷണത്തിനായി ഇവരെ മുംബൈയിലേക്ക് കൊണ്ടുവരുമെന്ന് പോലീസ് അറിയിച്ചു. ഏപ്രില്‍ 14ന് പുലര്‍ച്ചെയാണ് മുംബൈ ബാന്ദ്ര വെസ്റ്റിലുള്ള സല്‍മാന്‍ ഖാന്റെ ഗ്യാലക്‌സി അപ്പാര്‍ട്ട്‌മെന്റിന് പുറത്ത് വെടിവെയ്പ്പുണ്ടായത്.

National369 days ago

സല്‍മാന്‍ ഖാന്റെ വീടിന് നേരെ വെടിവെയ്പ്പ്; ഉത്തരവാദിത്തം ഏറ്റെടുത്ത് അന്‍മോല്‍ ബിഷ്ണോയ്

ജയിലില്‍ കഴിയുന്ന ഗുണ്ടാനേതാവ് ലോറന്‍സ് ബിഷ്ണോയിയുടെ സഹോദരനാണ് അന്‍മോല്‍ ബിഷ്ണോയ്. ഞങ്ങളുടെ ശക്തിയുടെ വ്യാപ്തി മനസിലാക്കാനും അത് പരീക്ഷിക്കാതിരിക്കാനും നിങ്ങള്‍ക്ക് കാണിച്ചുതന്ന ട്രെയിലറാണ് ഈ വെടിവെയ്പ്പ്. ഇത് ആദ്യത്തേതും അവസാനത്തെയും മുന്നറിയിപ്പാണെന്നും അന്‍മോല്‍ സോഷ്യല്‍ മീഡിയ പോസ്റ്റില്‍ പറയുന്നു. സിദ്ധു മൂസെവാലയുടെ കൊലപാതകത്തില്‍ ഒളിവിലുള്ള പ്രതിയാണ് അന്‍മോല്‍.Read More

National371 days ago