ട്രംപിനെതിരായ വധശ്രമം; ആഭ്യന്തര തീവ്രവാദമായി കണക്കാക്കി അന്വേഷിക്കുമെന്ന് FBI

ട്രംപിനെതിരായ ആക്രമണത്തിന് പിന്നിലെ കാരണം വ്യക്തമല്ലെന്നും അക്രമിയുടെ ഉദ്ദേശ്യം കണ്ടെത്താന്‍ ശ്രമം തുടരുകയാണെന്ന് FBI അറിയിച്ചു. മാത്യു ക്രൂക്‌സ് എന്ന 20കാരന്‍ മാത്രമാണ് ആക്രമണത്തിന് പിന്നിലെന്നാണ് നിലവില്‍ സുരക്ഷാ ഉദ്യോഗസ്ഥര്‍ പറയുന്നത്. നഴ്‌സിങ് ഹോമില്‍ സഹായിയായി പ്രവര്‍ത്തിക്കുക ആയിരുന്നു അക്രമിയായ ക്രൂക്‌സ്. എട്ട് തവണ വെടിയുതിര്‍ത്ത ഇയാളെ സീക്രട്ട് സര്‍വീസിന്റെ സ്‌നൈപര്‍മാര്‍ വെചിവെച്ച് കൊലപ്പെടുത്തുകയും ചെയ്തു.

World162 days ago

ഡൊണാൾഡ് ട്രംപിന് നേരെ വീണ്ടും വധശ്രമം

US മുൻപ്രസിഡന്റും റിപ്പബ്ലിക്കൻ പ്രസിഡൻ്റ് സ്ഥാനാർത്ഥിയുമായ ഡൊണാൾഡ് ട്രംപിന് നേരെ വീണ്ടും വെടിവെയ്പ്പ്. ഫ്ലോറിഡയിലെ ഗോൾഫ് ക്ലബ്ബിൽ വെച്ചായിരുന്നു സംഭവം. US സീക്രട്ട് സർവീസ് ആയുധം സഹിതം പ്രതിയെ പിടികൂടി. ഇത് രണ്ടാം തവണയാണ് ട്രംപിന് നേരെ ആക്രമണം ഉണ്ടാകുന്നത്. കടുത്ത ട്രംപ് വിമർശകനായ ഹവായ് സ്വദേശി റയാൻ വെസ്ലി റൗത്താണ് പിടിയിലായ പ്രതി. താൻ സുരക്ഷിതനാണെന്നും സുഖമായിരിക്കുന്നു എന്നും ആക്രമണ സംഭവത്തിനുശേഷം ട്രംപ് പ്രതികരിച്ചു.

World99 days ago

ചിക്കാഗോയില്‍ ട്രെയിനില്‍ വെടിവെയ്പ്പ്; 4 പേര്‍ കൊല്ലപ്പെട്ടു

അമേരിക്കയിലെ ചിക്കാഗോയില്‍ ഫോറസ്റ്റ് പാര്‍ക്ക് ട്രെയിന്‍ സ്റ്റേഷനിലായിരുന്നു വെടിവെയ്പ്പ്. വെടിയേറ്റ മൂന്നു പേര്‍ സംഭവസ്ഥലത്തുവെച്ച് തന്നെ മരിച്ചു. ഒരാള്‍ ആശുപത്രിയില്‍ ചികിത്സയിലിരിക്കെയാണ് മെരിച്ചത്. അക്രമിയെ അറസ്റ്റ് ചെയ്തു. ഇയാളില്‍ നിന്ന് തോക്കും കണ്ടെടുത്തു.

World112 days ago

മൂവാറ്റുപുഴയില്‍ വീട്ടിനുള്ളില്‍ തര്‍ക്കം; ഒരാള്‍ക്ക് ഗുരുതര പരിക്ക്

ബന്ധുക്കള്‍ തമ്മിലുള്ള തര്‍ക്കത്തെ തുടര്‍ന്ന് അര്‍ധരാത്രിയോടെയാണ് വെടിവെയ്പ്പ് ഉണ്ടായത്. മൂവാറ്റുപുഴ കടാതി മംഗലത്ത് വീട്ടില്‍ നവീനും ബന്ധുവായ കിഷോറും തമ്മിലുണ്ടായ തര്‍ക്കത്തെ തുടര്‍ന്ന് കിഷോര്‍ കയ്യിലുണ്ടായിരുന്ന തോക്കെടുത്ത് നവീനെ വെടിവെയ്ക്കുകയായിരുന്നു. നവീന്‍ എറണാകുളത്തെ സ്വകാര്യ ആശുപത്രിയില്‍ ചികിത്സയിലാണ്. ലൈസന്‍സുള്ള തോക്ക് ഉപയോഗിച്ചായിരുന്നു വെടിയുതിര്‍ത്തതെന്ന് മൂവാറ്റുപുഴ പോലീസ് അറിയിച്ചു. സഹോദരിമാരുടെ മക്കളായ ഇരുവരും തമ്മില്‍ പല കാര്യങ്ങളിലും തര്‍ക്കം ഉണ്ടായിരുന്നതായും പോലീസ് പറയുന്നു.

Kerala123 days ago

ഇലോണ്‍ മസ്‌കിന് കാബിനറ്റ് പദവി വാഗ്ദാനം ചെയ്ത് ട്രംപ്

നവംബറില്‍ പ്രസിഡന്റ് ആയി തിരഞ്ഞെടുക്കപ്പെട്ടാല്‍ ടെസ്‌ല CEO ഇലോണ്‍ മസ്‌കിന് കാബിനറ്റ് പദവിയോ വൈറ്റ് ഹൗസിലെ ഉപദേശക ചുമലയോ നല്‍കാന്‍ തയാറാണെന്ന് ഡൊണാള്‍ഡ് ട്രംപ് പ്രഖ്യാപിച്ചതായാണ് റിപ്പോര്‍ട്ട്. ട്രംപിന്റെ ഈ പ്രഖ്യാപനത്തോട് മസ്‌ക് ഇതുവരെ പ്രതികരിച്ചിട്ടില്ല. താന്‍ പ്രസിഡന്റായി തിരഞ്ഞെടുക്കപ്പെട്ടാല്‍ ഇലക്ട്രിക് വാഹനങ്ങള്‍ക്കുള്ള 7500 ഡോളര്‍ ടാക്സ് ക്രെഡിറ്റ് അവസാനിക്കുന്നത് പരിഗണിക്കുമെന്ന് ട്രംപ് നേരത്തെ പറഞ്ഞിരുന്നു. റിപ്പബ്ലിക്കന്‍ പാര്‍ട്ടിയുടെ പ്രസിഡന്റ് സ്ഥാനാര്‍ത്ഥിയാണ് ട്രംപ്.

World126 days ago

ഗൂഗിളിന് മുന്നറിയിപ്പുമായി ഇലോണ്‍ മസ്‌ക്

US പ്രസിഡന്റ് തിരഞ്ഞെടുപ്പില്‍ ഇടപെടുകയാണെങ്കില്‍ വലിയ പ്രശ്‌നം നേരിടേണ്ടി വരുമെന്നാണ് ഗൂഗിളിന് ഇലോണ്‍ മസ്‌ക് മുന്നറിയിപ്പ് നല്‍കിയിരിക്കുന്നത്. ഗൂഗിളില്‍ പ്രസിഡന്റ് ഡൊണാള്‍ഡ് എന്ന് ടൈപ്പ് ചെയ്യുമ്പോള്‍ പ്രസിഡന്റ് ഡൊണാള്‍ഡ് ഡക്ക് എന്ന നിര്‍ദേശം വരുന്നുവെന്ന് കാണിക്കുന്ന സ്‌ക്രീന്‍ഷോട്ട് പങ്കുവെച്ചു കൊണ്ടാണ് മസ്‌ക് ഇക്കാര്യം പറഞ്ഞത്. പ്രസിഡന്റ് ഡൊണാള്‍ഡ് ട്രംപ് എന്ന സെര്‍ച്ചിന് ഗൂഗിളില്‍ വിലക്കുണ്ടെന്നും ഇത് തിരഞ്ഞെടുപ്പിലെ ഇടപെടല്‍ അല്ലേ എന്നും മസ്‌ക് വിമര്‍ശിച്ചു. ട്രംപ് അധികാരത്തിലെത്തിയാല്‍ ഉപദേശക സ്ഥാനം വരെ മസ്‌കിന് വാഗ്ദാനം ചെയ്തിട്ടുണ്ടെന്നാണ് റിപ്പോര്‍ട്ട്.

World148 days ago

ട്രംപിനെ വധിക്കാന്‍ ഇറാന്‍ ഗൂഢാലോചന നടത്തിയെന്ന് US രഹസ്യാന്വേഷണ വിഭാഗം

അമേരിക്കന്‍ മുന്‍ പ്രസിഡന്റും റിപ്പബ്ലിക്കന്‍ പാര്‍ട്ടിയുടെ പ്രസിഡന്റ് സ്ഥാനാര്‍ത്ഥിയുമായ ഡൊണാള്‍ഡ് ട്രംപിനെ വധിക്കാന്‍ ഇറാന്‍ ഗൂഢാലോചന നടത്തിയെന്ന് US രഹസ്യാന്വേഷണ വിഭാഗത്തിന്റെ റിപ്പോര്‍ട്ട്. പെന്‍സില്‍വാനിയ റാലിക്ക് മുമ്പ് തന്നെ ട്രംപിനെതിരായ ഭീഷണി സീക്രറ്റ് സര്‍വീസിനും ട്രംപിന്റെ തിരഞ്ഞെടുപ്പ് പ്രചാരണ വിഭാഗത്തിനും അറിവുണ്ടായിരുന്നുവെന്ന് US ദേശീയ സുരക്ഷാ ഉദ്യോഗസ്ഥന്‍ പറഞ്ഞു. ഇതിന്റെ അടിസ്ഥാനത്തിലാണ് ട്രംപിന്റെ സുരക്ഷ വര്‍ധിപ്പിച്ചതെന്ന് റിപ്പോര്‍ട്ടില്‍ പറയുന്നു. ട്രംപിന് വെടിയേറ്റതിന് പിന്നാലെ കൂടുതല്‍ സുരക്ഷ ഒരുക്കിയിട്ടുണ്ടെന്നും അധികൃതര്‍ പറഞ്ഞു.Read More

World160 days ago

ഡൊണാൾഡ് ട്രംപ് പ്രസിഡൻ്റ് സ്ഥാനാർത്ഥി

ഡൊണാൾഡ് ട്രംപിനെ അമേരിക്കൻ പ്രസിഡൻ്റ് തിരഞ്ഞെടുപ്പിൽ തങ്ങളുടെ ഔദ്യോഗിക സ്ഥാനാർത്ഥിയായി റിപ്പബ്ലിക്കൻ പാർട്ടി പ്രഖ്യാപിച്ചു. പാർട്ടിയുടെ ദേശീയ കൺവെൻഷനിൽ ആയിരുന്നു പ്രഖ്യാപനം. കഴിഞ്ഞ ദിവസം വധശ്രമത്തിൽ നിന്ന് തലനാരിഴയ്ക്ക് രക്ഷപ്പെട്ട ട്രംപ് വലതു ചെവിയിൽ ബാൻഡേജ് ധരിച്ചാണ് കൺവെൻഷനിൽ പങ്കെടുത്തത്. റിപ്പബ്ലിക്കൻ പാർട്ടിയുടെ വൈസ് പ്രസിഡന്റ് സ്ഥാനാർത്ഥിയായി ജെ.ഡി. വാൻസിനെയും പ്രഖ്യാപിച്ചു. വ്യാഴാഴ്ച വരെ നടക്കുന്ന കൺവെൻഷനിൽ ഫ്ലോറിഡ ഗവർണർ റോൺ ഡിസാൻ്റിസ്, സൗത്ത് കാരലൈന, മുൻ ഗവർണറും ഇന്ത്യൻ വംശജയായ നിക്കി ഹേലി തുടങ്ങിയ നേതാക്കൾ പങ്കെടുക്കും.

World161 days ago

ട്രംപിനെ വെടിവെച്ചത് ഇരുപതുകാരനെന്ന് FBI

അമേരിക്കയിലെ പെന്‍സില്‍വാനിയ സ്വദേശിയായ 20കാരനായ തോമസ് മാത്യു ക്രൂക്ക്‌സ് എന്നയാളാണ് ട്രംപിനെ വെടിവെച്ചതെന്ന് FBI അറിയിച്ചു. ആക്രമണത്തിന്റെ കാരണവും ഇയാളെക്കുറിച്ചുള്ള കൂടുതല്‍ വിവരങ്ങളും ഉടന്‍ പുറത്തുവിടുമെന്നാണ് റിപ്പോര്‍ട്ട്. ട്രംപിനുനേരെ വെടിയുതിര്‍ത്ത ഉടന്‍ തന്നെ അക്രമിയെ സുരക്ഷാ സംഘം വെടിവെച്ച് കൊന്നിരുന്നു. സംഭവ സ്ഥലത്ത് നിന്ന് AR-15 സെമി ഓട്ടോമാറ്റിക് തോക്ക് കണ്ടെടുത്തിട്ടുണ്ട്.

World163 days ago

ട്രംപിനെതിരായ ആക്രമണത്തെ അപലപിച്ച് പ്രധാനമന്ത്രി നരേന്ദ്ര മോദി

രാഷ്ട്രീയത്തിലും ജനാധിപത്യത്തിലും അക്രമത്തിന് സ്ഥാനമില്ലെന്ന് മുന്‍ US പ്രസിഡന്റ് ഡൊണാള്‍ഡ് ട്രംപിന്റെ വധശ്രമത്തെ അപലപിച്ച് പ്രധാനമന്ത്രി നരേന്ദ്ര മോദി പറഞ്ഞു. വധശ്രമത്തില്‍ താന്‍ വളരെയധികം ആശങ്കാകുലനാണെന്നും പറഞ്ഞു. വെടിവെയ്പ്പില്‍ പരിക്കേറ്റ ട്രംപ് വേഗം സുഖം പ്രാപിക്കട്ടെയെന്നും അദ്ദേഹം എക്‌സില്‍ കുറിച്ചു.

National163 days ago

തിരഞ്ഞെടുപ്പ് റാലിക്കിടെയുണ്ടായ ആക്രമണത്തില്‍ ട്രംപിന് വെടിയേറ്റു

പെന്‍സില്‍വേനിയയിലെ തിരഞ്ഞെടുപ്പ് റാലിക്കിയില്‍ പ്രസംഗിക്കുന്നതിനിടെയാണ് ആക്രമണമുണ്ടായത്. ആക്രമണത്തില്‍ വലതു ചെവിയുടെ മുകള്‍ ഭാഗത്താണ് വെടിയുണ്ട തുളച്ചു കയറിയതെന്നും ആക്രമിയെക്കുറിച്ച് ഈ ഘട്ടത്തില്‍ ഒന്നുമറിയില്ലെന്നും ഡൊണാള്‍ഡ് ട്രംപ് പ്രതികരിച്ചു. വേദിയില്‍ നിരവധി തവണ വെടിയൊച്ച കേട്ടതായാണ് റിപ്പോര്‍ട്ട്. ഉടന്‍തന്നെ സുരക്ഷാസേനാംഗങ്ങള്‍ ട്രംപിനെ വേദിയില്‍ നിന്ന് മാറ്റി.

World163 days ago