ലോക്‌സഭാ തിരഞ്ഞെടുപ്പ്: മണിപ്പൂരില്‍ പോളിംഗ് ബൂത്തില്‍ വെടിവെയ്പ്പ്

മണിപ്പൂരിലെ മൊയ്റാംഗ് മണ്ഡലത്തിലെ തമന്‍പോക്പിയിലെ പോളിംഗ് സ്റ്റേഷന് സമീപമാണ് അക്രമിസംഘം നിരവധി റൗണ്ട് വെടിയുതിര്‍ത്തത്. തുടര്‍ന്ന് വോട്ടു രേഖപ്പെടുത്താനെത്തിയ ജനങ്ങള്‍ പരിഭ്രാന്തരാകുകയും പോളിംഗ് ബൂത്തില്‍ നിന്ന് പുറത്തേക്ക് ഓടിപ്പോകുകയും ചെയ്തു. സംഭവത്തില്‍ ഇതുവരെ ആളപായമൊന്നും റിപ്പോര്‍ട്ട് ചെയ്തിട്ടില്ല. മണിപ്പൂരില്‍ കുക്കി-മെയ്‌തേയി വിഭാഗങ്ങള്‍ തമ്മിലുളള വംശീയ സംഘര്‍ഷം തുടരുന്നതിനിടെയാണ് സംസ്ഥാനം ജനവിധി തേടുന്നത്.

National250 days ago

മണിപ്പൂരില്‍ മന്ത്രിയുടെ പേഴ്സണല്‍ അസിസ്റ്റന്റിനെ തട്ടിക്കൊണ്ടുപോയി

മണിപ്പൂര്‍ ഉപഭോക്തൃകാര്യ മന്ത്രി എല്‍. സുസിന്ദ്രോയുടെ പേഴ്സണല്‍ അസിസ്റ്റന്റ് എസ്. സോമോറെന്‍ഡ്രോയെ ഇംഫാല്‍ ഈസ്റ്റ് ജില്ലയിലെ അദ്ദേഹത്തിന്റെ വസതിക്ക് സമീപം വെച്ച് അജ്ഞാതര്‍ തട്ടിക്കൊണ്ടുപോയതായി പോലീസ് അറിയിച്ചു. സംഭവത്തിന്റെ ഉത്തരവാദിത്തം ഒരു ഗ്രൂപ്പും ഏറ്റെടുത്തിട്ടില്ലെന്നും അന്വേഷണം പുരോഗമിക്കുകയാണെന്നും പോലീസ് അറിയിച്ചു. വ്യാഴാഴ്ച്ച ബിഷ്ണുപൂര്‍ ജില്ലയില്‍ മുന്‍ ചീഫ് സെക്രട്ടറി ഒയിനം നബകിഷോറിന്റെ വസതിക്ക് നേരെ ആയുധധാരികളായ അക്രമികള്‍ അഞ്ച് റൗണ്ട് വെടിയുതിര്‍ത്തതിന് പിന്നാലെയാണ് ഈ സംഭവം.

National95 days ago

സംഘര്‍ഷം; മണിപ്പൂരില്‍ മൂന്ന് ജില്ലകളില്‍ നിരോധനാജ്ഞ

മണിപ്പുരില്‍ ഇരുവിഭാഗങ്ങള്‍ തമ്മിലുള്ള സംഘര്‍ഷം രൂക്ഷമാകുന്ന സാഹചര്യത്തെ തുടര്‍ന്ന് മൂന്ന് ജില്ലകളില്‍ അനിശ്ചിതകാലത്തേക്ക് നിരോധനാജ്ഞ പ്രഖ്യാപിച്ചു. ഇംഫാല്‍ വെസ്റ്റ്, ഇംഫാല്‍ ഈസ്റ്റ്, തൗബാല്‍ ജില്ലകളിലാണ് നിരോധനാജ്ഞ പുറപ്പെടുവിച്ചിരിക്കുന്നത്. രാവിലെ 11 മണി മുതല്‍ നിരോധനാജ്ഞ നിലവില്‍ വന്നു. കങ്പോക്പി ജില്ലയിലുണ്ടായ സംഘര്‍ഷത്തില്‍ ഒരു സ്ത്രീ കൊല്ലപ്പെട്ടിരുന്നു. ഗ്രാമത്തിലെ വീടുകള്‍ അകേരമികള്‍ തീവെച്ച് നശിപ്പിക്കുകയുണ്ടായി.

National106 days ago

മണിപ്പൂരില്‍ വീണ്ടും സംഘര്‍ഷം; ഒരാള്‍ കൊല്ലപ്പെട്ടു

മണിപ്പൂരിലെ കാങ്പോക്പി ജില്ലയിലെ തങ്ബൂഹ് ഗ്രാമത്തില്‍ രണ്ട് സായുധസംഘങ്ങള്‍ തമ്മിലാണ് സംഘര്‍ഷമുണ്ടായത്. ഏറ്റുമുട്ടലില്‍ 46 വയസ്സ് പ്രായമുള്ള ഒരു സ്ത്രീ കൊല്ലപ്പെട്ടതായാണ് റിപ്പോര്‍ട്ട്. അക്രമികള്‍ ഗ്രാമത്തിലെ നിരവധി വീടുകള്‍ക്ക് തീയിട്ടു. സമീപത്തെ സ്‌കൂളില്‍ തമ്പടിച്ചിരുന്ന CRPF ഉദ്യോഗസ്ഥരും അക്രമികളും തമ്മില്‍ വെടിവെയ്പ്പുണ്ടായതായും പോലീസ് അറിയിച്ചു. സംഘര്‍ഷം കണക്കിലെടുത്ത് പ്രദേശത്ത് കൂടുതല്‍ പോലീസിനെ വിന്യസിച്ചിട്ടുണ്ട്.

National106 days ago

ചിക്കാഗോയില്‍ ട്രെയിനില്‍ വെടിവെയ്പ്പ്; 4 പേര്‍ കൊല്ലപ്പെട്ടു

അമേരിക്കയിലെ ചിക്കാഗോയില്‍ ഫോറസ്റ്റ് പാര്‍ക്ക് ട്രെയിന്‍ സ്റ്റേഷനിലായിരുന്നു വെടിവെയ്പ്പ്. വെടിയേറ്റ മൂന്നു പേര്‍ സംഭവസ്ഥലത്തുവെച്ച് തന്നെ മരിച്ചു. ഒരാള്‍ ആശുപത്രിയില്‍ ചികിത്സയിലിരിക്കെയാണ് മെരിച്ചത്. അക്രമിയെ അറസ്റ്റ് ചെയ്തു. ഇയാളില്‍ നിന്ന് തോക്കും കണ്ടെടുത്തു.

World113 days ago

ലോക്‌സഭാ തിരഞ്ഞെടുപ്പ്; കോണ്‍ഗ്രസില്‍ നിന്ന് രാഹുല്‍ ഗാന്ധി കൈപ്പറ്റിയത് 1.40 കോടി രൂപ

2024ലെ ലോക്സഭാ തിരഞ്ഞെടുപ്പില്‍ വയനാട്ടില്‍ നിന്നും റായ്ബറേലിയില്‍ നിന്നും മത്സരിക്കുന്നതിന് രാഹുല്‍ ഗാന്ധി പാര്‍ട്ടി ഫണ്ടില്‍ നിന്നും, ഓരോ മണ്ഡലത്തിലും 70 ലക്ഷം രൂപ വീതം 1.40 കോടി രൂപ കൈപ്പറ്റി. തിരഞ്ഞെടുപ്പ് കമ്മീഷന് നല്‍കിയ റിപ്പോര്‍ട്ടിലാണ് കോണ്‍ഗ്രസ് ഇക്കാര്യം വെളിപ്പെടുത്തിയിരിക്കുന്നത്. പാര്‍ട്ടി ഫണ്ടില്‍ നിന്ന് 87 ലക്ഷം രൂപ കൈപ്പറ്റിയ വിക്രമാദിത്യ സിംഗാണ് ഉയര്‍ന്ന തുക നേടിയ സ്ഥാനാര്‍ത്ഥി. എന്നാല്‍ ഹിമാചല്‍പ്രദേശിലെ മാണ്ഡി സീറ്റില്‍ നിന്ന് BJP സ്ഥാനാര്‍ത്ഥി കങ്കണ റണാവത്തിനാട് അദ്ദേഹം പരാജയപ്പെട്ടു.

National117 days ago

മൂവാറ്റുപുഴയില്‍ വീട്ടിനുള്ളില്‍ തര്‍ക്കം; ഒരാള്‍ക്ക് ഗുരുതര പരിക്ക്

ബന്ധുക്കള്‍ തമ്മിലുള്ള തര്‍ക്കത്തെ തുടര്‍ന്ന് അര്‍ധരാത്രിയോടെയാണ് വെടിവെയ്പ്പ് ഉണ്ടായത്. മൂവാറ്റുപുഴ കടാതി മംഗലത്ത് വീട്ടില്‍ നവീനും ബന്ധുവായ കിഷോറും തമ്മിലുണ്ടായ തര്‍ക്കത്തെ തുടര്‍ന്ന് കിഷോര്‍ കയ്യിലുണ്ടായിരുന്ന തോക്കെടുത്ത് നവീനെ വെടിവെയ്ക്കുകയായിരുന്നു. നവീന്‍ എറണാകുളത്തെ സ്വകാര്യ ആശുപത്രിയില്‍ ചികിത്സയിലാണ്. ലൈസന്‍സുള്ള തോക്ക് ഉപയോഗിച്ചായിരുന്നു വെടിയുതിര്‍ത്തതെന്ന് മൂവാറ്റുപുഴ പോലീസ് അറിയിച്ചു. സഹോദരിമാരുടെ മക്കളായ ഇരുവരും തമ്മില്‍ പല കാര്യങ്ങളിലും തര്‍ക്കം ഉണ്ടായിരുന്നതായും പോലീസ് പറയുന്നു.

Kerala124 days ago

മണിപ്പൂരിൽ മുൻ MLA യുടെ വീട്ടിൽ ബോംബ് സ്ഫോടനം

മണിപ്പൂരിലെ കാംങ്പോക്പി ജില്ലയിൽ മുൻ MLA യാംതോംഗ് ഹാവോക്കിപ്പിൻ്റെ വീട്ടിലാണ് ബോംബ് സ്ഫോടനമുണ്ടായത്. സ്ഫോടനത്തിൽ MLA യുടെ ഭാര്യ സപം ചാരുബാല (59) കൊല്ലപ്പെട്ടു. ഇന്നലെ വൈകിട്ടാണ് MLA യുടെ വീട്ടിൽ സ്ഫോടനമുണ്ടായത്. സ്ഫോടനത്തിൽ ഗുരുതരമായി പരിക്കേറ്റ ചാരുബാലയെ ആശുപത്രിയിൽ പ്രവേശിപ്പിച്ചെങ്കിലും പിന്നീട് മരണത്തിന് കീഴടങ്ങുകയായിരുന്നു. സ്ഫോടനം നടക്കുമ്പോൾ ഹാവോക്കിപ്പും വീട്ടിലുണ്ടായിരുന്നെങ്കിലും അദ്ദേഹത്തിന് പരിക്കില്ല. സംഭവത്തിൽ പോലീസ് അന്വേഷണം നടത്തിവരികയാണ്.

National136 days ago

ലോക്‌സഭാ തിരഞ്ഞെടുപ്പില്‍ BJPക്ക് തിരിച്ചടിയായത് അമിത ആത്മവിശ്വാസമാണെന്ന് യോഗി ആദിത്യനാഥ്

അമിത ആത്മവിശ്വാസമാണ് സംസ്ഥാനത്തെ ഈ വര്‍ഷത്തെ തിരഞ്ഞെടുപ്പില്‍ BJPയുടെ പ്രതീക്ഷകളെ വ്രണപ്പെടുത്തിയതെന്നും ആഗ്രഹിച്ച വിജയം നേടുന്നതില്‍ നിന്ന് അത് തടഞ്ഞെന്നും യോഗി ആദിത്യനാഥ് പറഞ്ഞു. ലഖ്‌നൗവിലെ റാം മനോഹര്‍ ലോഹ്യ നാഷണല്‍ ലോ യൂണിവേഴ്സിറ്റിയിലെ ഭീംറാവു അംബേദ്കര്‍ ഓഡിറ്റോറിയത്തില്‍ നടന്ന BJP സംസ്ഥാന പ്രവര്‍ത്തക സമിതി യോഗത്തില്‍ പ്രവര്‍ത്തകരെ അഭിസംബോധന ചെയ്ത് സംസാരിക്കവെയാണ് അദ്ദേഹം ഇക്കാര്യം പറഞ്ഞത്.Read More

National163 days ago

ട്രംപിനെതിരായ വധശ്രമം; ആഭ്യന്തര തീവ്രവാദമായി കണക്കാക്കി അന്വേഷിക്കുമെന്ന് FBI

ട്രംപിനെതിരായ ആക്രമണത്തിന് പിന്നിലെ കാരണം വ്യക്തമല്ലെന്നും അക്രമിയുടെ ഉദ്ദേശ്യം കണ്ടെത്താന്‍ ശ്രമം തുടരുകയാണെന്ന് FBI അറിയിച്ചു. മാത്യു ക്രൂക്‌സ് എന്ന 20കാരന്‍ മാത്രമാണ് ആക്രമണത്തിന് പിന്നിലെന്നാണ് നിലവില്‍ സുരക്ഷാ ഉദ്യോഗസ്ഥര്‍ പറയുന്നത്. നഴ്‌സിങ് ഹോമില്‍ സഹായിയായി പ്രവര്‍ത്തിക്കുക ആയിരുന്നു അക്രമിയായ ക്രൂക്‌സ്. എട്ട് തവണ വെടിയുതിര്‍ത്ത ഇയാളെ സീക്രട്ട് സര്‍വീസിന്റെ സ്‌നൈപര്‍മാര്‍ വെചിവെച്ച് കൊലപ്പെടുത്തുകയും ചെയ്തു.

World163 days ago

മണിപ്പൂരിലെ കലാപബാധിത പ്രദേശങ്ങള്‍ സന്ദര്‍ശിച്ച് രാഹുല്‍ ഗാന്ധി

ഈ അടുത്ത് സംഘര്‍ഷം നടന്ന ജിരിബാമിലെ ക്യാമ്പാണ് രാഹുല്‍ ഗാന്ധി ആദ്യം സന്ദര്‍ശിച്ചത്. ഇന്ന് പുലര്‍ച്ചെയും ജിരിബാമില്‍ അക്രമികള്‍ സുരക്ഷാ സേനയ്ക്ക് നേരെ വെടിയുതിര്‍ത്തിരുന്നു. നേരത്തെ പ്രശ്‌നങ്ങളില്ലാതിരുന്ന ജിരിബാം മേഖലയിലേക്ക് ഈയിടെയാണ് സംഘര്‍ഷം വ്യാപിച്ചത്. ചുരാചന്ദ്പൂര്‍, മൊയ്‌റാങ് എന്നിവിടങ്ങളിലെ ക്യാമ്പുകളും സന്ദര്‍ശിക്കുന്ന രാഹുല്‍ ഗാന്ധി വൈകീട്ട് ആറ് മണിക്ക് ഗവര്‍ണര്‍ അനസൂയ ഉയിക്കയെ കാണും. അസമിലെ കാച്ചാര്‍, സില്‍ച്ചര്‍ എന്നിവിടങ്ങളിലെ പ്രളയ ബാധിതരെ കണ്ട ശേഷമാണ് രാഹുല്‍ ഗാന്ധി ജിരിബാമിലെത്തിയത്.

National170 days ago