അഴിമതിക്കേസിൽ കര്‍ണാടക മുഖ്യമന്ത്രി സിദ്ധരാമയ്യയെ പ്രോസിക്യൂട്ട് ചെയ്യാൻ അനുമതി

കർണാടക മുഖ്യമന്ത്രിയും മുതിർന്ന കോൺഗ്രസ് നേതാവുമായ സിദ്ധരാമയ്യയെ മൈസൂരു വികസന അതോറിറ്റിയുമായി ബന്ധപ്പെട്ട മുഡ ഭൂമി കുംഭകോണ കേസിൽ പ്രോസിക്യൂട്ട് ചെയ്യാൻ ഗവർണർ താവർചന്ദ് ഗെലോട്ട് അനുമതി നൽകി. മൂന്ന് സാമൂഹിക പ്രവർത്തകർ സമർപ്പിച്ച ഹർജിയുടെ അടിസ്ഥാനത്തിലാണ് ഗവർണറുടെ നടപടി. മുഖ്യമന്ത്രിയുടെ ഭാര്യ പാർവതി മൈസൂരു വികസന അതോറിറ്റിയുടെ ഭൂമി അനധികൃതമായി കയ്യടക്കി എന്നതാണ് അഴിമതി ആരോപണം. എന്നാൽ ആരോപണങ്ങൾ രാഷ്ട്രീയ പ്രേരിതമാണെന്നാണ് സിദ്ധരാമയ്യ പ്രതികരിച്ചു.

National128 days ago

ഭൂമി കുംഭകോണക്കേസ്; സിദ്ധരാമയ്യക്കെതിരെ ലോകായുക്ത അന്വേഷണത്തിന് ഉത്തരവ്

മൈസൂരു അര്‍ബന്‍ ഡെവലപ്മെന്റ് അതോറിറ്റി (മുഡ) ഭൂമി തട്ടിപ്പ് കേസില്‍ കര്‍ണാടകയിലെ പ്രത്യേക കോടതിയാണ് സിദ്ധരാമയ്യക്കെതിരെ അന്വേഷണം നടത്താന്‍ ഉത്തരവിട്ടത്. മൂന്ന് മാസത്തിനകം റിപ്പോര്‍ട്ട് സമര്‍പ്പിക്കാന്‍ കോടതി ലോകായുക്തയോട് ആവശ്യപ്പെട്ടിട്ടുണ്ട്. കേസില്‍ മൂന്ന് മാസത്തിനകം FIR രജിസ്റ്റര്‍ ചെയ്യാനും നിര്‍ദേശിച്ചിട്ടുണ്ട്.

National89 days ago

ഭൂമി കുംഭകോണക്കേസ്; പ്രോസിക്യൂഷൻ അനുമതിക്കെതിരായ സിദ്ധരാമയ്യയുടെ ഹർജി കോടതി തള്ളി

മൈസൂരു നഗരവികസന അതോറിറ്റി (മുഡ) ഭൂമിയിടപാട് കേസിൽ കർണാടക മുഖ്യമന്ത്രി സിദ്ധരാമയ്യക്ക് തിരിച്ചടി. കേസിൽ തന്നെ വിചാരണ ചെയ്യാൻ അനുമതി നൽകിയ ഗവർണറുടെ നടപടി ചോദ്യംചെയ്‌ത്‌ സിദ്ധരാമയ്യ നൽകിയ ഹർജി ഹൈക്കോടതി തള്ളി. ജസ്റ്റിസ് എം. നാഗപ്രസന്ന അധ്യക്ഷനായ ബെഞ്ചാണ് ഹര്‍ജി തള്ളിയത്. അസാധാരണ സാഹചര്യങ്ങളിൽ ഗവർണർക്ക് സ്വന്തം നിലയിൽ തീരുമാനാമെടുക്കാമെന്നും അത്തരമൊരു സാഹചര്യമാണിതെന്നും ഹൈക്കോടതി പറഞ്ഞു. അതേസമയം ഹർജി തള്ളിയതിന് പിന്നാലെ BJP യെ വിമർശിച്ച് സിദ്ധരാമയ്യ രംഗത്തെത്തി. BJP തനിക്കെതിരെ ഉന്നയിക്കുന്നത് വ്യാജ ആരോപണമാണെന്നും സാമൂഹ്യനീതിക്കായി പോരാടുന്നതിനാലാണ് BJP പ്രതികാര നടപടികൾ സ്വീകരിക്കുന്നതെന്നും സിദ്ധരാമയ്യ പറഞ്ഞു.Read More

National90 days ago

ഷിരൂർ ദൗത്യം: അർജുന്റെ കുടുംബം നാളെ കർണാടക മുഖ്യമന്ത്രിയെ കാണും

ഷിരൂരിൽ മണ്ണിടിച്ചിലിൽ കാണാതായ കോഴിക്കോട് സ്വദേശിയായ അർജുൻ്റെ കുടുംബാംഗങ്ങളും ജനപ്രതിനിധികളും നാളെ കർണാടക മുഖ്യമന്ത്രി സിദ്ധരാമയ്യയെയും, ഉപമുഖ്യമന്ത്രി ഡി.കെ. ശിവകുമാറിനെയും കാണും. ഡ്രഡ്ജർ എത്തിച്ച് എത്രയും പെട്ടെന്ന് അർജുനായുള്ള തിരച്ചിൽ പുനരാരംഭിക്കണമെന്ന് ആവശ്യപ്പെടുന്നതിന് വേണ്ടിയാണ് കർണാടക മുഖ്യമന്ത്രിയെയും ഉപ മുഖ്യമന്ത്രിയെയും കാണുന്നത്. അർജുന്റെ ബന്ധുവായ ജിതിൻ, എം.കെ. രാഘവൻ MP, മഞ്ചേശ്വരം MLA എ.കെ.എം. അഷറഫ്, കാർവാർ MLA സതീഷ് സെയ്ൽ എന്നിവരാണ് ഇരുവരെയും സന്ദർശിക്കുക.

National118 days ago

കുംഭകോണക്കേസിൽ സിദ്ധാരാമയ്യക്കെതിരായ നടപടികൾ സ്റ്റേ ചെയ്യാൻ ഹൈക്കോടതി ഉത്തരവ്

മുഡ ഭൂമി കുംഭകോണ കേസിൽ കർണാടക മുഖ്യമന്ത്രി സിദ്ധരാമയ്യയെ പ്രോസിക്യൂട്ട് ചെയ്യാൻ ഗവർണർ പുറപ്പെടുവിച്ച ഉത്തരവ് ഹൈക്കോടതി താൽക്കാലികമായി സ്റ്റേ ചെയ്തു. കേസ് പരിഗണിക്കുന്നത് ഓഗസ്റ്റ് 29ലേക്ക് മാറ്റിയ ഹൈക്കോടതി അതുവരെ സിദ്ധാരാമയ്യക്കെതിരെ നടപടികൾ സ്വീകരിക്കരുതെന്ന് വിചാരണ കോടതിക്ക് നിർദേശം നൽകി. പ്രതിയോ പങ്കാളിയോ അല്ലാത്ത ഭൂമി ഇടപാടിൽ തന്നെ പ്രോസിക്യൂട്ട് ചെയ്യാൻ ഗവർണർ അനുമതി നൽകിയത് നിയമവിരുദ്ധമാണെന്ന് ചൂണ്ടിക്കാട്ടിയാണ് സിദ്ധാരാമയ്യ ഹൈക്കോടതിയിൽ ഹർജി നൽകിയത്.

National126 days ago

കര്‍ണാടക മുഖ്യമന്ത്രി സിദ്ധരാമയ്യക്കെതിരെയുള്ള അഴിമതിക്കേസ് ജനപ്രതിനിധികളുടെ പ്രത്യേക കോടതിയിലേക്ക്

മുഡ അഴിമതിക്കേസില്‍ ഇന്ന് ജനപ്രതിനിധികളുടെ പ്രത്യേക കോടതിയില്‍ സിദ്ധരാമയ്യക്കെതിരെ ഹര്‍ജി നല്‍കും. സിദ്ധരാമയ്യയെ പ്രോസിക്യൂട്ട് ചെയ്യാന്‍ അനുമതി നല്‍കുന്ന ഗവര്‍ണറുടെ ഉത്തരവ് പരാതിക്കാരന്‍ ഹാജരാക്കും. അതേസമയം കേസില്‍ തന്നെ പ്രോസിക്യൂട്ട് ചെയ്യാനുള്ള അനുമതി നിയമവിരുദ്ധമെന്ന് ചൂണ്ടിക്കാട്ടി സിദ്ധരാമയ്യ ഇന്ന് തന്നെ ഹൈക്കോടതിയെ സമീപിക്കും. സിദ്ധരാമയ്യക്ക് എതിരായ കവീറ്റ് ഹര്‍ജിയും ഇന്ന് സിദ്ധരാമയ്യ നല്‍കുന്ന ഹര്‍ജിയും ചേര്‍ത്താകും കര്‍ണാടക ഹൈക്കോടതി പരിഗണിക്കുക.

National126 days ago

ഭൂമി കുംഭകോണം: BJP യുടെ രാഷ്ട്രീയ ഗൂഢാലോചനയുടെ ഭാഗമാണെന്ന് സിദ്ധരാമയ്യ

തനിക്കെതിരായ ഭൂമി കുംഭകോണ ആരോപണം കേന്ദ്ര, സംസ്ഥാന BJP നേതാക്കളും JDS ഉം ചേർന്ന് നടത്തിയ രാഷ്ട്രീയ നീക്കത്തിന്റെ ഭാഗമാണെന്ന് കർണാടക മുഖ്യമന്ത്രി സിദ്ധരാമയ്യ ആരോപിച്ചു. കേസ് നിയമപരമായി നേരിടുമെന്നും പ്രതിപക്ഷം ഭരിക്കുന്ന പല സംസ്ഥാനങ്ങളിലും BJP ഇത്തരത്തിലുള്ള കാര്യങ്ങൾ പരീക്ഷിച്ചിട്ടുണ്ടെന്നും അതുതന്നെയാണ് ഇവിടെയും ചെയ്യുന്നതെന്നും അദ്ദേഹം പറഞ്ഞു. പാർട്ടി സിദ്ധാരാമയ്യക്കൊപ്പം നിലകൊള്ളുമെന്ന് കർണാടക ഉപമുഖ്യമന്ത്രി ഡി.കെ. ശിവകുമാറും വ്യക്തമാക്കി.

National128 days ago

വയനാട് ഉരുള്‍പൊട്ടല്‍; മരണപ്പെട്ട കര്‍ണാടക സ്വദേശികള്‍ക്ക് അഞ്ച് ലക്ഷം രൂപ നഷ്ടപരിഹാരം പ്രഖ്യാപിച്ചു

വയനാട്ടിലെ ഉരുള്‍പൊട്ടലില്‍ മരണപ്പെട്ട കര്‍ണാട സ്വദേശികളുടെ കുടുംബങ്ങള്‍ക്ക് അഞ്ച് ലക്ഷം രൂപ ധനസഹായം നല്‍കുമെന്ന് കര്‍ണാടക മുഖ്യമന്ത്രി സിദ്ധരാമയ്യ അറിയിച്ചു. ചൊവ്വാഴ്ച പുലര്‍ച്ചെയുണ്ടായ ഉരുള്‍ പൊട്ടലില്‍ ആറ് കര്‍ണാടകക്കാര്‍ മരിച്ചതായാണ് റിപ്പോര്‍ട്ടുകള്‍. ഉരുള്‍ പൊട്ടലില്‍ മരിച്ചവരുടെ എണ്ണം വര്‍ധിക്കുകയാണ്. ദുരന്തമുഖത്തുള്ളവരെ രക്ഷിക്കുകയെന്നതിനാണ് പ്രഥമ പരിഗണന. അപകടത്തില്‍പ്പെട്ട കര്‍ണാടക സ്വദേശികളെ സംസ്ഥാനത്ത് എത്തിക്കുന്നതിനാണ് ശ്രമിക്കുന്നതെന്നും മുഖ്യമന്ത്രി പറഞ്ഞു.

National145 days ago

അർജുന് വേണ്ടിയുള്ള തിരച്ചിൽ അവസാനിപ്പിക്കരുത്; സിദ്ധരാമയ്യക്ക് കത്തയച്ച് പിണറായി വിജയൻ

ഷിരൂരിൽ അർജുന് വേണ്ടിയുള്ള തിരച്ചിൽ തുടരണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയൻ കർണാടക മുഖ്യമന്ത്രി സിദ്ധരാമയ്യക്ക് കത്തയച്ചു. രക്ഷാപ്രവർത്തനത്തിൽ നിർണായക പുരോഗതി ഉണ്ടാകുന്നതുവരെ തിരച്ചിൽ തുടരണമെന്നും സാധ്യമായ എല്ലാ ഉപകരണങ്ങളും സൗകര്യങ്ങളും പ്രയോജനപ്പെടുത്തണമെന്നും മുഖ്യമന്ത്രി പിണറായി വിജയൻ കത്തിൽ അഭ്യർത്ഥിച്ചു. രക്ഷാദൗത്യത്തിൽ ഏർപ്പെട്ടിരിക്കുന്ന ടീമുകളുടെ ശ്രമങ്ങൾക്ക് മുഖ്യമന്ത്രി നന്ദിയും അറിയിച്ചു. രക്ഷാപ്രവർത്തനം നിർത്തിവയ്ക്കരുതെന്ന് മന്ത്രി മുഹമ്മദ് റിയാസും ആവശ്യപ്പെട്ടു. തിരച്ചിൽ താത്കാലികമായി നിർത്താനുള്ള തീരുമാനം ദൗർഭാഗ്യകരമാണെന്ന് മന്ത്രി മുഹമ്മദ് റിയാസ് പ്രതികരിച്ചു.

National148 days ago

അർജുനായുള്ള രക്ഷാപ്രവർത്തനം വേഗത്തിലാക്കണം: മുഖ്യമന്ത്രി പിണറായി വിജയൻ കർണാടക മുഖ്യമന്ത്രിക്ക് കത്തയച്ചു

അങ്കോളയിൽ മണ്ണിടിച്ചിലിൽ കാണാതായ അർജുനെ കണ്ടെത്തുന്നതിനുള്ള രക്ഷാപ്രവർത്തനം വേഗത്തിലാക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയൻ കർണാടക മുഖ്യമന്ത്രി സിദ്ധരാമയ്യയ്ക്ക് കത്തയച്ചു. അർജുൻ എവിടെയാണെന്നറിയാതെ കുടുംബം വിഷമിക്കുകയാണെന്നും അർജുനെ ഉടൻ കണ്ടെത്തുന്നതിനായി ഗ്രൗണ്ട് പെനട്രേറ്റിംഗ് റഡാർ പോലെയുള്ള സംവിധാനം ഉപയോഗിക്കണം എന്നും മുഖ്യമന്ത്രി ആവശ്യപ്പെട്ടു. അങ്കോളയിൽ അർജുനായി തിരച്ചിൽ ഊർജ്ജിതമാണ്. ഇടയ്ക്കിടെ പെയ്യുന്ന മഴയാണ് രക്ഷാപ്രവർത്തനത്തിന് ബുദ്ധിമുട്ടുണ്ടാക്കുന്നത്.

Kerala157 days ago

സ്വകാര്യ മേഖലയില്‍ തദ്ദേശീയര്‍ക്ക് 100 ശതമാനം ജോലി സംവരണം; ബില്ലിന് അംഗീകാരം നല്‍കി കര്‍ണാടക

സ്വകാര്യ സ്ഥാപനങ്ങളിലെ ഗ്രൂപ്പ് C, D പോസ്റ്റുകളിലെ നിയമനമാണ് തദ്ദേശീയര്‍ക്കായി സംവരണം ചെയ്തത്. കര്‍ണാടകയിലെ എല്ലാ സ്വകാര്യ വ്യവസായ സ്ഥാപനങ്ങള്‍ക്കും നിയമം ബാധകമാണെന്ന് മുഖ്യമന്ത്രി സിദ്ധരാമയ്യ പറഞ്ഞു. കന്നഡിഗര്‍ക്ക് ആനുകൂല്യങ്ങള്‍ ഉറപ്പാക്കുക എന്നതാണ് സര്‍ക്കാരിന്റെ പ്രഥമ പരിഗണനയെന്നും അദ്ദേഹം കൂട്ടിച്ചേര്‍ത്തു. വ്യവസായ മേഖലയില്‍ തദ്ദേശീയര്‍ക്ക് 75 ശതമാനംവരെ നിയമനങ്ങള്‍ സംവരണംചെയ്യാന്‍ ലക്ഷ്യമിടുന്ന ബില്ലിനും സഭ അംഗീകാരം നല്‍കി.Read More

National159 days ago