സംസ്ഥാനത്ത് പീക് ടൈമില്‍ വൈദ്യുതി നിയന്ത്രണമുണ്ടാകുമെന്ന് KSEB

സംസ്ഥാനത്ത് പീക്ക് ടൈമില്‍ നിയന്ത്രണം ആവശ്യമായി വന്നേക്കുമെന്നും വൈദ്യുതി ഉപഭോഗം പരമാവധി കുറയ്ക്കാന്‍ പൊതുജനം സഹകരിക്കണമെന്നും KSEB അഭ്യര്‍ത്ഥിച്ചു. സംസ്ഥാനത്ത് വൈദ്യുതിയുടെ ആവശ്യം വര്‍ധിച്ചതും ജാര്‍ഖണ്ഡിലെ മൈത്തോണ്‍ വൈദ്യുത നിലയത്തിലെ ഒരു ജനറേറ്റര്‍ തകരാറിലായതിനെത്തുടര്‍ന്ന് ലഭിക്കേണ്ട വൈദ്യുതിയില്‍ വന്ന അവിചാരിതമായ കുറവുമാണ് പ്രതിസന്ധിക്ക് കാരണം.

Kerala131 days ago

വയനാട് ദുരന്തബാധിതര്‍ക്കായി 10 കോടി രൂപ കൈമാറി KSEB

വയനാട് മുണ്ടക്കൈ ചൂരല്‍മല ഉരുള്‍പൊട്ടല്‍ ദുരന്തബാധിതര്‍ക്കായി KSEB ജീവനക്കാരില്‍ നിന്ന് സമാഹരിക്കുന്ന തുകയുടെ ആദ്യ ഗഡുവാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കിയത്. 10 കോടി രൂപയുടെ ചെക്ക് വൈദ്യുതി വകുപ്പ് മന്ത്രി കെ. കൃഷ്ണന്‍കുട്ടിയും KSEB ചെയര്‍മാന്‍ & മാനേജിംഗ് ഡയറക്ടര്‍ ബിജു പ്രഭാകറും ചേര്‍ന്ന് മുഖ്യമന്ത്രിക്ക് കൈമാറി. ജീവനക്കാരുടെ അഞ്ചു ദിവസത്തെ ശമ്പളം മൂന്ന് ഗഡുക്കളായി നല്‍കാനാണ് തീരുമാനിച്ചത്.

Kerala103 days ago

വൈദ്യുതി നിരക്ക്: റെഗുലേറ്ററി കമ്മീഷന്റെ പൊതുതെളിവെടുപ്പ് സെപ്റ്റംബർ അഞ്ചിന്

വൈദ്യുതി നിരക്ക് പരിഷ്കരിക്കുന്നതുമായി ബന്ധപ്പെട്ട് വൈദ്യുതി ബോർഡ് സമർപ്പിച്ചിട്ടുള്ള നിർദേശങ്ങളിൽ പൊതുജനങ്ങളുടെ അഭിപ്രായം രേഖപ്പെടുത്തുന്നതിന് വേണ്ടി സെപ്റ്റംബർ അഞ്ചിന് വൈദ്യുതി റെഗുലേറ്ററി കമ്മീഷൻ തെളിവെടുപ്പ് നടത്തും. രാവിലെ 10:30 മുതൽ എറണാകുളം കോർപറേഷൻ ടൗൺഹാളിൽ വെച്ചാണ് വൈദ്യുതി റെഗുലേറ്ററി കമ്മീഷന്റെ തെളിവെടുപ്പ്. കൂടാതെ തപാൽ മുഖേനയും [email protected] എന്ന ഈ-മെയിലിലേക്കും അഭിപ്രായങ്ങൾ അറിയിക്കാം.

Kerala117 days ago

നാളെ ഓണ്‍ലൈനായി ബില്ലടയ്ക്കാനാകില്ലെന്ന് KSEB

നാളെ രാവിലെ ഏഴ് മണി മുതല്‍ 11 വരെ എല്ലാ വിഭാഗം ഉപഭോക്താക്കളുടെയും ഓണ്‍ലൈനിലൂടെയുള്ള പണമടയ്ക്കലിനും 1912 എന്ന നമ്പരിലൂടെയുള്ള ഉപഭോക്തൃ സേവനങ്ങള്‍ക്കും തടസ്സം നേരിട്ടേയ്ക്കാമെന്ന് KSEB അറിയിച്ചു. ഡേറ്റ സെന്റര്‍ നവീകരണത്തിന്റെ ഭാഗമായാണ് തടസം നേരിടുന്നത്. KSEBയുടെ മറ്റു സോഫറ്റ്‌വെയര്‍ ആപ്ലിക്കേഷനുകളും തടസ്സപ്പെടാനിടയുണ്ടെന്നും KSEB അറിയിച്ചു. വൈദ്യുതി സംബന്ധമായ പരാതികള്‍ പരിഹരിക്കാനായി അതത് സെക്ഷന്‍ ഓഫിസുകളിലോ 9496012062 എന്ന നമ്പരിലോ ഉപഭോക്താക്കള്‍ക്ക് ബന്ധപ്പെടാവുന്നതാണ്.

Kerala121 days ago

സംസ്ഥാനത്ത് അപ്രഖ്യാപിത പവര്‍കട്ടില്ലെന്ന് മന്ത്രി കെ. കൃഷ്ണന്‍കുട്ടി

കേന്ദ്ര വിഹിതത്തിന്റെ ലഭ്യതക്കുറവ് അനുസരിച്ച് ചില നിയന്ത്രണങ്ങള്‍ ഏര്‍പ്പെടുത്തിയതാണെന്നും നിലവില്‍ വൈദ്യുതി പ്രതിസന്ധിയില്ലെന്നും മന്ത്രി കെ. കൃഷ്ണന്‍കുട്ടി വ്യക്തമാക്കി. ആശങ്കപ്പെടേണ്ട സാഹചര്യമില്ലെന്നും മന്ത്രി പറഞ്ഞു. സംസ്ഥാനത്ത് വൈദ്യുതി ആവശ്യകതയില്‍ വന്ന വര്‍ധനവും പവര്‍ എക്‌സ്‌ചേഞ്ച് മാര്‍ക്കറ്റിലെ വൈദ്യുതി ലഭ്യതക്കുറവും കാരണം കഴിഞ്ഞ ദിവസം വൈദ്യുതി നിയന്ത്രണം ആവശ്യമായി വരുമെന്ന് KSEB അറിയിപ്പ് നല്‍കിയിരുന്നു.

Kerala126 days ago

സംസ്ഥാനത്ത് ഇന്നും വൈദ്യുതി നിയന്ത്രണം

പീക്ക് സമയത്തെ വൈദ്യുതി ഉപയോഗം കുറയ്ക്കുന്നതിനായി സംസ്ഥാനത്ത് ഇന്ന് രാത്രി 11 മണിവരെ വൈദ്യുതി നിയന്ത്രണത്തിന് സാധ്യതയുണ്ട്. സംസ്ഥാനത്തെ വിവിധ പ്രദേശങ്ങളിൽ 15 മിനിറ്റ് വീതമാകും നിയന്ത്രണമുണ്ടാകുക. സംസ്ഥാനത്ത് വൈദ്യുതി ആവശ്യകതയിൽ വന്ന വർധനവും പവർ എക്സ്ചേഞ്ച് മാർക്കറ്റിലെ വൈദ്യുതി ലഭ്യത കുറവുമാണ് വൈദ്യുതി നിയന്ത്രണത്തിന് കാരണം. പീക്ക് സമയത്ത് വൈദ്യുതി ഉപയോഗം കുറയ്ക്കണമെന്ന് KSEB അഭ്യർത്ഥിച്ചു.

Kerala129 days ago

വയനാട്ടിലെ ദുരന്തമേഖലയിൽ രണ്ടു മാസത്തേക്ക് സൗജന്യ വൈദ്യുതി

വയനാട്ടിൽ ഉരുൾപൊട്ടൽ ഉണ്ടായ ദുരന്ത മേഖലയിലെ ഉപഭോക്താക്കളിൽ നിന്നും രണ്ടു മാസത്തേക്ക് വൈദ്യുതി നിരക്ക് ഈടാക്കില്ലെന്ന് വൈദ്യുതി മന്ത്രി കെ. കൃഷ്ണൻകുട്ടി. ഇതു സംബന്ധിച്ച് ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകിയിട്ടുണ്ടെന്നും നിലവിൽ ഉപഭോക്താക്കൾക്ക് വൈദ്യുതി ചാർജ് കുടിശ്ശിക ഉണ്ടെങ്കിൽ അത് ഈടാക്കരുതെന്നും അറിയിച്ചിട്ടുണ്ടെന്നും മന്ത്രി പറഞ്ഞു. മേപ്പാടി പഞ്ചായത്തിലെ 10, 11, 12 വാർഡുകളില്‍ ഉള്‍പ്പെടുന്ന KSEB യുടെ ചൂരല്‍മല എക്സ്ചേഞ്ച്, ചൂരല്‍മല ടവർ, മുണ്ടക്കൈ, കെ.കെ. നായർ, അംബേദ്കർ കോളനി, അട്ടമല, അട്ടമല പമ്പ് എന്നീ ട്രാൻസ്ഫോർമറുകളില്‍ ഉള്‍പ്പെടുന്ന ഉപഭോക്താക്കള്‍ക്കാണ് അടുത്ത രണ്ടു മാസം സൗജന്യ വൈദ്യുതി ലഭിക്കുക.

Kerala139 days ago

കനത്തമഴയും കാറ്റും; KSEBയ്ക്ക് 51.4 കോടിയുടെ നഷ്ടം

സംസ്ഥാനത്ത് കഴിഞ്ഞ ദിവസങ്ങളിലുണ്ടായ കനത്തമഴയിലും ശക്തമായ കാറ്റിലും 51.4 കോടി രൂപയുടെ നാശനഷ്ടമുണ്ടായതായി KSEB അറിയിച്ചു. സംസ്ഥാനമൊട്ടാകെ 5961 വിതരണ ട്രാന്‍സ്‌ഫോര്‍മറുകളുടെ കീഴില്‍ വൈദ്യുതി വിതരണം പൂര്‍ണമായി തടസപ്പെടുന്ന സ്ഥിതിയുണ്ടായതായാണ് പ്രാഥമിക വിലയിരുത്തല്‍. 1694 ഹൈ ടെന്‍ഷന്‍ പോസ്റ്റുകളും 10,836 ലോ ടെന്‍ഷന്‍ പോസ്റ്റുകളും തകര്‍ന്നു. 11 ലക്ഷത്തിലേറെ ഉപഭോക്താക്കള്‍ക്ക് വൈദ്യുതി തടസമുണ്ടായെന്നും KSEB അറിയിച്ചു.

Kerala149 days ago

പേമാരിയിൽ KSEBക്ക് 51.4 കോടി രൂപയുടെ നഷ്ടം

സംസ്ഥാനത്തുടനീളം കഴിഞ്ഞ ഒരാഴ്ചയായി ഉണ്ടായ ശക്തമായ മഴയിലും ചുഴലിക്കാറ്റിലും KSEBക്ക് 51.4 കോടി രൂപയുടെ നാശനഷ്ടം. മലബാർ മേഖലയിലാണ് കൂടുതൽ നാശനഷ്ടങ്ങൾ ഉണ്ടായത്. സംസ്ഥാനത്താകെ 5961 വിതരണ ട്രാൻസ്ഫോർമറുകളുടെ കീഴിൽ വൈദ്യുതി വിതരണം പൂർണമായും തടസ്സപ്പെട്ടു എന്നാണ് പ്രാഥമിക കണക്ക്. 11 ലക്ഷത്തിലേറെ ഉപഭോക്താക്കൾക്കൾക്കാണ് വൈദ്യുതി തടസ്സമുണ്ടായത്. കണ്ണൂർ, ശ്രീകണ്ഠപുരം, കാസർഗോഡ് , പാലക്കാട് , ഷൊർണൂർ , കൊട്ടാരക്കര, കോഴിക്കോട്, വടകര ഇലക്ട്രിക്കൽ സർക്കിളുകളെയും പത്തനംതിട്ട ഇലക്ട്രിക്കൽ സർക്കിളിലെ അടൂർ ഡിവിഷനിലുമാണ് തീവ്രമായ നാശനഷ്ടങ്ങൾ ഉണ്ടായത്.

Kerala149 days ago

അതിതീവ്ര മഴ; KSEBയുടെ ആയിരത്തിലേറെ പോസ്റ്റുകള്‍ തകര്‍ന്നു

സംസ്ഥാനത്ത് തുടരുന്ന അതിശക്തമഴയിലും കാറ്റിലും വ്യാപകമായ നാശനഷ്ടമുണ്ടായതായി KSEB. മരങ്ങള്‍ കടപുഴകിയും കൊമ്പുകള്‍ ഒടിഞ്ഞു വീണും ആയിരത്തിലേറെ വൈദ്യുതി പോസ്റ്റുകള്‍ തകരുകയും നിരവധി ട്രാന്‍സ്ഫോര്‍മറുകള്‍ക്ക് കേടുപാടുകളുണ്ടാകുകയും ചെയ്തു. ലക്ഷക്കണക്കിനു രൂപയുടെ നാശനഷ്ടമാണ് പ്രാഥമികമായി കണക്കാക്കിയിട്ടുള്ളത്. രൂക്ഷമായ നാശനഷ്ടമുണ്ടായ മേഖലകളില്‍ തകരാറുകള്‍ പരിഹരിച്ച് വൈദ്യുതി ബന്ധം പുന:സ്ഥാപിക്കാനുളള ശ്രമം നടത്തുകയാണെന്നും അധികൃതര്‍ അറിയിച്ചു.

Kerala160 days ago

KSEB ഓഫീസ് അതിക്രമം: അജ്മലിന്റെ വീട്ടിലെ വൈദ്യുതി പുനഃസ്ഥാപിച്ചു

തിരുവമ്പാടിയിലെ KSEB ഓഫീസ് ആക്രമണവുമായി ബന്ധപ്പെട്ട കേസിലെ പ്രതിയായ യൂത്ത് കോൺഗ്രസ് പ്രവർത്തകൻ അജ്മലിന്റെ വീട്ടിലെ വൈദ്യുതി KSEB ഉപാധികളില്ലാതെ പുനഃസ്ഥാപിച്ചു. സംഭവം വിവാദമായതോടെയാണ് KSEB യുടെ നടപടി. പോരാട്ടം വിജയം കണ്ടെന്നും എല്ലാവർക്കും നന്ദി ഉണ്ടെന്നും അജ്മലിന്റെ പിതാവ് റസാഖ് പ്രതികരിച്ചു. KSEB ജീവനക്കാർക്ക് എതിരെ നൽകിയ പരാതിയുമായി മുന്നോട്ടു പോകുമെന്നും നിയമ പോരാട്ടം തുടരുമെന്നും അജ്മലിന്റെ മാതാവ് മറിയം പറഞ്ഞു.

Kerala169 days ago