സൈന്യത്തിന്റെ ഭാഗമായ ഇന്ത്യക്കാരെ തിരിച്ചയക്കാന്‍ നടപടി തുടങ്ങിയതായി റഷ്യ

റഷ്യന്‍സേനയില്‍ ചേര്‍ന്ന ഇന്ത്യന്‍ പൗരന്മാരെ തിരിച്ചയക്കാന്‍ നടപടി തുടങ്ങിയതായി ഡല്‍ഹിയിലെ റഷ്യന്‍ എംബസി അറിയിച്ചു. ഏപ്രില്‍ മുതല്‍ ഇന്ത്യയുള്‍പ്പെടെയുള്ള വിദേശരാജ്യങ്ങളില്‍നിന്ന് ആളുകളെ സൈനിക സേവനത്തിന് എടുക്കുന്നത് അവസാനിപ്പിച്ചിട്ടുണ്ട്. റഷ്യ-യുക്രൈന്‍ യുദ്ധത്തില്‍ കൊല്ലപ്പെടുകയോ പരിക്കേല്‍ക്കുകയോ ചെയ്തവര്‍ക്ക് അര്‍ഹമായ നഷ്ടപരിഹാരം നല്‍കുമെന്നും എംബസി അറിയിച്ചു. റഷ്യന്‍ സൈന്യത്തിന്റെ ഭാഗമായ 69 ഇന്ത്യക്കാരുടെ തിരിച്ചുവരവിനായി കാത്തിരിക്കുകയാണെന്ന് വിദേശകാര്യമന്ത്രി എസ്. ജയശങ്കര്‍ കഴിഞ്ഞ ദിവസം ലോക്‌സഭയില്‍ അറിയിച്ചിരുന്നു. ഇതിന് പിന്നാലെയാണ് റഷ്യ ഔദ്യോഗക പ്രസ്താവന പുറത്തിറക്കിയിരിക്കുന്നത്.

National251 days ago

UN സുരക്ഷാസമിതിയിൽ സ്ഥിരാംത്വത്തിനുള്ള ഇന്ത്യയുടെ ശ്രമത്തെ പിന്തുണച്ച് ഫ്രഞ്ച് പ്രസിഡന്റ്

ഐക്യരാഷ്ട്ര സഭയുടെ സുരക്ഷാസമിതിയിൽ സ്ഥിരാംഗത്വം നേടാനുള്ള ഇന്ത്യയുടെ ശ്രമത്തെ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ പിന്തുണച്ചു. സുരക്ഷാ സമിതിയെ കൂടുതൽ കാര്യക്ഷമം ആക്കുന്നതിന് കൂടുതൽ രാജ്യങ്ങളുടെ പ്രാതിനിധ്യം ആവശ്യമാണ് അതുകൊണ്ട് സുരക്ഷാ സമിതി വിപുലീകരിക്കുന്നതിന് ഫ്രാൻസ് അനുകൂലമാണെന്ന് UN ജനറൽ അസംബ്ലിയിൽ നടത്തിയ പ്രസംഗത്തിൽ ഇമ്മാനുവൽ മാക്രോൺ പറഞ്ഞു. ഇന്ത്യക്ക് പുറമേ ജർമ്മനി, ജപ്പാൻ, ബ്രസീൽ എന്നീ രാജ്യങ്ങൾക്കും സുരക്ഷാ കൗൺസിലിൽ സ്ഥിരാംഗത്വം നൽകണമെന്നും ഇമ്മാനുവൽ മാക്രോൺ ആവശ്യപ്പെട്ടു.

World204 days ago

ഇന്ത്യയില്‍ ജീവിതശൈലി രോഗങ്ങളാണ് പ്രധാന മരണ കാരണമെന്ന് WHO

ഇന്ത്യ ഉള്‍പ്പെടെ 11 രാജ്യങ്ങളില്‍ അമിതഭാരവും ജീവിതശൈലി രോഗങ്ങളും വര്‍ധിക്കുന്നുവെന്ന് WHO വ്യക്തമാക്കി. ഇന്ത്യ, ഇന്തോനേഷ്യ, ബംഗ്ലാദേശ്, മാലദ്വീപ്, ഭൂട്ടാന്‍, മ്യാന്‍മര്‍, ശ്രീലങ്ക, തായ്ലന്‍ഡ്, എന്നിവിടങ്ങളില്‍ അഞ്ച് വയസിന് താഴെയുള്ള കുട്ടികളില്‍ 20 ലക്ഷം പേര്‍ അമിത ഭാരമുള്ളവരാണ്. 5 മുതല്‍ 19 വയസപവരെയുള്ളവരില്‍ 37.3 ദശലക്ഷം പേര്‍ക്ക് പൊണ്ണത്തടിയുണ്ടെന്നും WHOയുടെ റിപ്പോര്‍ട്ടില്‍ പറയുന്നു. പൊണ്ണത്തടിയും ജീവിതശൈലി രോഗങ്ങളും കാരണം ഹൃദ്രോഗം, പ്രമേഹം, അര്‍ബുദം തുടങ്ങിയവ പ്രതിരോധിക്കാന്‍ സര്‍ക്കാര്‍ ആരോഗ്യനയം പുനക്രമീകരിക്കണമെന്നും WHO ആവശ്യപ്പെട്ടു.

Health206 days ago

സെലന്‍സ്‌കിയുമായി വീണ്ടും കൂടിക്കാഴ്ച നടത്തി പ്രധാനമന്ത്രി നരേന്ദ്ര മോദി

US സന്ദര്‍ശനത്തിനിടെ ന്യൂയോര്‍ക്കില്‍ വെച്ചാണ് പ്രധാനമന്ത്രി നരേന്ദ്രമോദി യുക്രൈന്‍ പ്രസിഡന്റ് വ്‌ളോദിമിര്‍ സെലന്‍സ്‌കിയുമായി വീണ്ടും കൂടിക്കാഴ്ച നടത്തിയത്. ഒരു മാസത്തിനിടെ ഇത് രണ്ടാം തവണയാണ് ഇരുവരും തമ്മില്‍ കൂടിക്കാഴ്ച നടത്തുന്നത്. യുക്രൈന്‍-റഷ്യ യുദ്ധത്തില്‍ സമാധാനശ്രമങ്ങള്‍ക്ക് ഇന്ത്യയുടെ പിന്തുണ മോദി ആവര്‍ത്തിച്ച് ഉറപ്പു നല്‍കി.

World206 days ago

ഫിഡെ ചെസ് ഒളിംപ്യാഡില്‍ ഇന്ത്യയ്ക്ക് സ്വര്‍ണം

ചെസ് ഒളിംപ്യാഡില്‍ ആദ്യമായാണ് ഇന്ത്യ സ്വര്‍ണം സ്വന്തമാക്കുന്നത്. പുരുഷ വിഭാഗത്തിലാണ് ഇന്ത്യ നേട്ടം കൈവരിച്ചത്. ഗുകേഷ് ഡി, പ്രഗ്‌നാനന്ദ, അര്‍ജുന്‍ എരിഗാസി, വിദിത് ഗുജറാത്തി എന്നിവര്‍ അടങ്ങിയ ടീമാണ് നേട്ടം സ്വന്തമാക്കിയത്. സ്ലോവേനിയയ്ക്ക് എതിരായ മത്സരം സമനിലയിലായതാണ് ഇന്ത്യയെ കിരീടനേട്ടത്തിലേക്ക് എത്തിച്ചത്.

Sports208 days ago

ഇന്ത്യയിലേക്ക് ഹില്‍സ മത്സ്യക്കയറ്റുമതി നിരോധിച്ച് ബംഗ്ലാദേശ്

ദുര്‍ഗാപൂജ ആഘോഷങ്ങള്‍ അടുത്തതിനെ തുടര്‍ന്നാണ് ഇന്ത്യയിലേക്കുള്ള ഹില്‍സ മത്സ്യക്കയറ്റുമതിക്ക് ബംഗ്ലാദേശ് സര്‍ക്കാര്‍ നിരോധനം ഏര്‍പ്പെടുത്തിയിരിക്കുന്നത്. ദുര്‍ഗ പൂജയുള്‍പ്പെടെയുള്ള ആഘോഷവേളകളിലെ വിശിഷ്ട വിഭവങ്ങളിലൊന്നാണ് ഹില്‍സ മത്സ്യം. അതിനാല്‍ പ്രാദേശിക ഉപഭോക്താക്കള്‍ക്ക് വേണ്ടത്ര മത്സ്യലഭ്യത ഉറപ്പുവരുത്താന്‍ വേണ്ടിയാണ് ദുര്‍ഗാപൂജ സമയത്ത് ഇന്ത്യയിലേക്കുള്ള ഇലിഷ് അഥവാ പദ്മ ഹില്‍സ കയറ്റുമതി നിര്‍ത്തിവെയ്ക്കാന്‍ വാണിജ്യ മന്ത്രാലയത്തിന് നിര്‍ദേശം നല്‍കിയിരിക്കുന്നത്.

National220 days ago

യുക്രൈനിലെ ഖാർകിവിൽ റഷ്യൻ ആക്രമണത്തിൽ ആറ് പേർ കൊല്ലപ്പെട്ടു

കിഴക്കൻ യുക്രൈനിയൻ നഗരമായ ഖാർകിവിൽ റഷ്യൻ ആക്രമണത്തിൽ 14 വയസ്സുള്ള ഒരു പെൺകുട്ടി ഉൾപ്പെടെ ആറ് പേർ കൊല്ലപ്പെടുകയും 59 പേർക്ക് പരിക്കേൽക്കുകയും ചെയ്തതായി യുക്രൈനിയൻ അധികൃതർ അറിയിച്ചു. ബെൽഗൊറോഡ് മേഖലയിൽ നിന്ന് ബോംബുകൾ ഉപയോഗിച്ച് അഞ്ച് ഇടങ്ങളിലാണ് റഷ്യ ആക്രമണം നടത്തിയത്. ആക്രമണത്തിൻ്റെ ഫലമായി 12 നിലകളുള്ള കെട്ടിടം ഉൾപ്പെടെ തകർന്നുവെന്ന് ഖാർകിവ് റീജിയണൽ ഗവർണർ പറഞ്ഞു. ആക്രമണത്തിൽ പരിക്കേറ്റ 20 പേരുടെ നില ഗുരുതരമാണെന്നും ഗവർണർ അറിയിച്ചു.

World230 days ago

തൊഴിൽ തട്ടിപ്പിനിരയായി റഷ്യയിലെത്തിയ മലയാളികളെ തിരിച്ചെത്തിക്കണം: കേന്ദ്രസർക്കാരിന് മുഖ്യമന്ത്രി കത്തയച്ചു

തൊഴിൽ തട്ടിപ്പിനിരയായി റഷ്യയിലെത്തിയ മലയാളികളെ തിരികെയെത്തിക്കണമെന്നും റഷ്യ - യുക്രൈൻ യുദ്ധത്തിൽ അതിർത്തിയിൽ കൊല്ലപ്പെട്ട മലയാളിയായ സന്ദീപ് ചന്ദ്രന്റെ ഭൗതികശരീരം നാട്ടിലെത്തിക്കാനുള്ള നടപടികൾ സ്വീകരിക്കണമെന്നും ആവശ്യപ്പെട്ട് മുഖ്യമന്ത്രി പിണറായി വിജയൻ കേന്ദ്ര വിദേശകാര്യ മന്ത്രി ഡോ. എസ്. ജയശങ്കറിന് കത്തയച്ചു. നിരവധി കേരളീയർ സൈനിക ക്യാമ്പുകളിൽ കുടുങ്ങിക്കിടക്കുകയാണെന്നും കത്തിൽ വിശദമാക്കി. അനധികൃത റിക്രൂട്ട്മെന്റ് ഏജൻസികളിലൂടെയും വ്യക്തികളിലൂടെയുമാണ് ഇവർ റഷ്യയിൽ എത്തിയതെന്നും ഇത്തരത്തിൽ എത്രപേർ റഷ്യയിൽ കുടുങ്ങിക്കിടക്കുന്നുണ്ടെന്ന് കണ്ടെത്തണമെന്നും മുഖ്യമന്ത്രി കത്തിൽ ആവശ്യപ്പെട്ടു.

Kerala231 days ago

റഷ്യ – യുക്രൈൻ സംഘർഷം അവസാനിപ്പിക്കാൻ എല്ലാ പിന്തുണയും നൽകും: നരേന്ദ്ര മോദി

റഷ്യ - യുക്രൈൻ സംഘർഷം അവസാനിപ്പിക്കാനുള്ള ശ്രമങ്ങൾക്ക് എല്ലാവിധ പിന്തുണ നൽകുമെന്നും ചർച്ചയിലൂടെ പ്രശ്നം പരിഹരിക്കണമെന്നും പ്രധാനമന്ത്രി നരേന്ദ്ര മോദി. പോളിഷ് പ്രധാനമന്ത്രി ഡൊണാൾഡ് ടസ്കുമായുള്ള കൂടിക്കാഴ്ചയ്ക്ക് ശേഷമായിരുന്നു മോദിയുടെ പ്രതികരണം. യുദ്ധം മാനവരാശിക്ക് മുഴുവൻ ഭീഷണിയാണെന്നും മോദി പറഞ്ഞു. പോളണ്ടിലെ ഇന്ത്യൻ സമൂഹം നൽകുന്ന സ്വീകരണത്തിലും പങ്കെടുത്ത ശേഷം പോളണ്ടിൽ നിന്ന് ട്രെയിനിൽ പ്രധാനമന്ത്രി മോദി യുക്രൈനിലേക്ക് പോകും.

World239 days ago

യുക്രൈന്‍ ഷെല്ലാക്രമണത്തില്‍ തൃശ്ശൂര്‍ സ്വദേശി കൊല്ലപ്പെട്ടു

തൃശ്ശൂര്‍ തൃക്കൂര്‍ നായരങ്ങാടി സ്വദേശി കാങ്കില്‍ ചന്ദ്രന്റെ മകന്‍ സന്ദീപ് (36) ആണ് മരിച്ചത്. റഷ്യന്‍ സൈനിക സംഘത്തിനു നേരെയുണ്ടായ യുക്രൈന്‍ ഷെല്ലാക്രമണത്തില്‍ സന്ദീപ് ഉള്‍പ്പെട്ട 12 അംഗ റഷ്യന്‍ പട്ടാള പട്രോളിങ് സംഘം കൊല്ലപ്പെട്ടതായും മൃതദേഹം റഷ്യന്‍ മലയാളി അസോസിയേഷന്‍ അംഗങ്ങള്‍ തിരിച്ചറിഞ്ഞതായും ബന്ധുക്കള്‍ക്ക് വിവരം ലഭിച്ചു.

Kerala243 days ago

ബംഗ്ലാദേശ് കലാപം; സമുദ്രാതിര്‍ത്തിയില്‍ സുരക്ഷ ശക്തമാക്കി ഇന്ത്യ

ബംഗ്ലാദേശില്‍ ആഭ്യന്തര സംഘര്‍ഷം രൂക്ഷമായി തുടരുന്ന പശ്ചാത്തലത്തില്‍, ഇന്ത്യ-ബംഗ്ലാദേശ് ഇന്റര്‍നാഷണല്‍ മാരിടൈം ബൗണ്ടറി ലൈനില്‍ (IMBL) പട്രോളിംഗും നിരീക്ഷണ പ്രവര്‍ത്തനങ്ങളും ശക്തമാക്കിയതായി ഇന്ത്യന്‍ കോസ്റ്റ് ഗാര്‍ഡ് അധികൃതര്‍ അറിയിച്ചു. നിയമവിരുദ്ധമായ കടന്നുകയറ്റങ്ങള്‍ തടയുക എന്ന ലക്ഷ്യത്തോടെയാണ് ജാഗ്രത വര്‍ധിപ്പിച്ചിരിക്കുന്നത്. ഷെയ്ഖ് ഹസീനയുടെ നേതൃത്വത്തിലുള്ള അവാമി ലീഗ് സര്‍ക്കാരിന്റെ പതനത്തെത്തുടര്‍ന്ന് ബംഗ്ലാദേശിലുടനീളം പൊട്ടിപ്പുറപ്പെട്ട അക്രമസംഭവങ്ങളില്‍ ഇതുവരെ 230 പേര്‍ കൊല്ലപ്പെട്ടതായാണ് റിപ്പോര്‍ട്ട്.

National248 days ago