മുഖ്യമന്ത്രിയുടെ ദുരിതാശ്വാസ നിധിയിലേക്ക് 5 ലക്ഷം രൂപ നല്‍കി ഗവര്‍ണര്‍ ആരിഫ് മുഹമ്മദ് ഖാന്‍

വയനാട് ദുരന്തത്തിന്റെ പശ്ചാത്തലത്തില്‍ ഗവര്‍ണറുടെ വസതിയില്‍ സ്വാതന്ത്ര്യദിനത്തില്‍ നടത്തുന്ന വിരുന്നും ഒഴിവാക്കി. സ്വാതന്ത്ര്യ ദിനത്തിലും റിപ്പബ്ലിക്ക് ദിനത്തിലും വൈകീട്ട് രാജ്ഭവനില്‍ നടത്തുന്ന അറ്റ് ഹോം വിരുന്നാണ് മാറ്റിവെച്ചത്. മുഖ്യമന്ത്രി, മന്ത്രിമാര്‍, ജനപ്രതിനിധികള്‍, ഉന്നതഉദ്യോഗസ്ഥര്‍ എന്നിവരാണ് ചടങ്ങില്‍ പങ്കെടുക്കാറുള്ളത്.

Kerala138 days ago

ഫോണ്‍ ചോര്‍ത്തല്‍ വിവാദം; മുഖ്യമന്ത്രിയോട് അടിയന്തര റിപ്പോര്‍ട്ട് ആവശ്യപ്പെട്ട് ഗവര്‍ണര്‍

മന്ത്രിമാരുടെ ഉള്‍പ്പെടെ ഫോണ്‍ ചോര്‍ത്തല്‍ നടന്നെന്ന പി.വി. അന്‍വര്‍ MLAയുടെ ആരോപണത്തില്‍ ഇടപെടലുമായി ഗവര്‍ണര്‍ ആരിഫ് മുഹമ്മദ് ഖാന്‍. വിഷയം അടിയന്തരമായി പരിശോധിച്ച് നടപടി റിപ്പോര്‍ട്ട് അടക്കം നല്‍കണമെന്ന് ആവശ്യപ്പെട്ടാണ് രാജ്ഭവന്‍ മുഖ്യമന്ത്രിക്ക് കത്തു നല്‍കിയത്. മന്ത്രിമാരുടെ ഫോണ്‍ ചോര്‍ത്തുന്നു എന്നത് ഗൗരവതരമാണെന്നും ഗവര്‍ണര്‍ ചൂണ്ടിക്കാട്ടി. ADGP അജിത് കുമാര്‍ മന്ത്രിമാരുടെ അടക്കം ഫോണ്‍ ചോര്‍ത്തുന്നുവെന്നായിരുന്നു അന്‍വറിന്റെ ആരോപണം.

Kerala104 days ago

മുഖ്യമന്ത്രിയുടെ ദുരിതാശ്വാസ നിധി; സമ്മതപത്രം നല്‍കാത്തവരുടെ ശമ്പളം പിടിക്കില്ല

വയനാട് ദുരന്തത്തിന്റെ പശ്ചാത്തലത്തില്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കാന്‍ സമ്മതപത്രം നല്‍കിയിട്ടില്ലാത്ത ജീവനക്കാരുടെ ശമ്പളത്തില്‍ നിന്ന് തുക പിടിക്കില്ലെന്ന് ധനവകുപ്പ് അഡീഷണല്‍ ചീഫ് സെക്രട്ടറി അറിയിച്ചു. ജീവനക്കാര്‍ അഞ്ച് ദിവസത്തെ വേതനം ദുരിതാശ്വാസ നിധിയിലേക്ക് നല്‍കണമെന്ന് സര്‍ക്കാര്‍ അഭ്യര്‍ത്ഥിച്ചിരുന്നു. സമ്മതപത്രം നല്‍കാത്തവര്‍ക്ക് PF ലോണ്‍ അപേക്ഷ നല്‍കുന്നതിന് സ്പാര്‍ക്കില്‍ നിലവില്‍ തടസങ്ങളില്ലെന്നും അദ്ദേഹം അറിയിച്ചു.

Kerala121 days ago

വയനാട് ദുരന്തം: ഇതുവരെ ലഭിച്ചത് 89 കോടിയിലധികം രൂപ

ഉരുൾപൊട്ടലിൽ തകർന്ന വയനാടിന് സഹായമായി മുഖ്യമന്ത്രിയുടെ ദുരിതാശ്വാസനിധിയിൽ ജൂലൈ 30 മുതൽ ഇന്നലെ വൈകുന്നേരം വരെ ലഭിച്ചത് എണ്‍പത്തിഒമ്പത് കോടി അന്‍പത്തിഒമ്പത് ലക്ഷം രൂപയാണ്. CMDRF വെബ്‌സൈറ്റിലാണ് ഇത് സംബന്ധിച്ച വിശദവിവരങ്ങൾ നല്‍കിയിട്ടുള്ളത്. ദുരന്തത്തിന്റെ പശ്ചാത്തലത്തിൽ പതിനായിരക്കണക്കിന് ആളുകളാണ് മുഖ്യമന്ത്രിയുടെ ദുരിതാശ്വാസനിധിയിലേക്ക് ദിനംപ്രതി പണം നൽകുന്നത്.

Kerala137 days ago

ഗവർണർമാരുടെ സമ്മേളനത്തിൽ വയനാടിനെ കുറിച്ച് സംസാരിച്ചു: ഗവർണർ ആരിഫ് മുഹമ്മദ് ഖാൻ

ഗവർണർമാരുടെ സമ്മേളനത്തിൽ 10 മിനിറ്റ് സംസാരിച്ചതിൽ 6 മിനിറ്റും വയനാട് ദുരന്തത്തെ കുറിച്ചാണ് സംസാരിച്ചതെന്ന് കേരള ഗവർണർ ആരിഫ് മുഹമ്മദ് ഖാൻ. കൂടുതൽ സഹായമെത്തിക്കാനാണ് ശ്രമിക്കുന്നതെന്നും താൻ പോകുന്ന ഇടങ്ങളിലൊക്കെ വയനാടിനെ സഹായിക്കാൻ പറയുമെന്നും ഗവർണർ വ്യക്തമാക്കി. അതേസമയം മുഖ്യമന്ത്രിയുടെ ദുരിതാശ്വാസ നിധിക്കെതിരായ പ്രചാരണങ്ങളെക്കുറിച്ച് അറിയില്ലെന്ന് ഗവർണർ പറഞ്ഞു.

Kerala142 days ago

ദുരിതാശ്വാസ നിധിയിലേക്ക് പണം അയക്കാനുളള QR കോഡ് സർക്കാർ പിൻവലിച്ചു

തട്ടിപ്പുകൾക്കുള്ള സാധ്യത തടയാനാണ് ഇങ്ങനൊരു തീരുമാനമെന്ന് മുഖ്യമന്ത്രി പിണറായി വിജയൻ അറിയിച്ചു. പകരം പോര്‍ട്ടലില്‍ നല്‍കിയിട്ടുള്ള UPI ഐഡി വഴി പണം അയക്കാം. http://donation.cmdrf.kerala.gov/ എന്ന പോര്‍ട്ടലില്‍ ദുരിതാശ്വാസ നിധിയിലുള്ള വിവിധ ബാങ്കുകളുടെ എല്ലാ അക്കൗണ്ട് നമ്പറുകളും നല്‍കിയിട്ടുണ്ട്. പോർട്ടലിലുള്ള പേമെന്റ് സംവിധാനത്തിലൂടെ ഓണ്‍ലൈന്‍ ബാങ്കിങ്/ ഡെബിറ്റ് /ക്രെഡിറ്റ് കാര്‍ഡുകള്‍, UPI എന്നിവ വഴിയോ അക്കൗണ്ട് നമ്പര്‍ വഴി നേരിട്ടോ ദുരിതാശ്വാസ നിധിയിലേക്ക് പണം നൽകാൻ സാധിക്കും. UPI വഴിയുള്ള സംഭവനയ്ക്ക് 48 മണിക്കൂറിന് ശേഷമേ റസീപ്റ്റ് ലഭിക്കൂ.

Kerala142 days ago

വയനാട് ദുരന്തത്തെ ദേശീയ ദുരന്തമായി പ്രഖ്യാപിക്കണമെന്ന് ആവശ്യപ്പെടുമെന്ന് ഗവര്‍ണര്‍

വയനാട് ദുരന്തത്തെ ദേശീയ ദുരന്തമായി പ്രഖ്യാപിക്കണമെന്ന് പ്രധാനമന്ത്രിയുടെയും രാഷ്ട്രപതിയുടെയും മുമ്പിലായിരിക്കും ഉന്നയിക്കുകയെന്ന് ഗവര്‍ണര്‍ ആരിഫ് മുഹമ്മദ് ഖാന്‍ പറഞ്ഞു. നാളെ ഗവര്‍ണര്‍മാരുടെ യോഗത്തില്‍ വയനാട് ദുരന്തത്തെക്കുറിച്ച് സംസാരിക്കുവാന്‍ തനിക്ക് പ്രത്യേകം സമയം അനുവദിച്ചിട്ടുണ്ടെന്നും അദ്ദേഹം വ്യക്തമാക്കി. മുണ്ടക്കൈയിലുണ്ടായ ഉരുള്‍പ്പൊട്ടലില്‍ മരണസംഖ്യ 340 ആയി ഉയര്‍ന്നു.

Kerala143 days ago

ഉരുൾപൊട്ടൽ: രാജ്യത്തിന്റെ എല്ലാ കോണുകളിൽ നിന്നും സഹായം പ്രതീക്ഷിക്കുന്നുവെന്ന് ഗവർണർ

വയനാട്ടിൽ ഉണ്ടായത് വൻ ദുരന്തമാണെന്നും സാധ്യമായ എല്ലാ സഹായവും ഉറപ്പ് വരുത്തുമെന്നും ഗവർണർ ആരിഫ് മുഹമ്മദ് ഖാൻ പറഞ്ഞു. വയനാട്ടിലെ ക്യാമ്പുകൾ സന്ദർശിക്കുമെന്ന് അറിയിച്ച ഗവർണർ രാജ്യത്തിൻ്റെ എല്ലാ കോണുകളിൽ നിന്നും സഹായം പ്രതീക്ഷിക്കുന്നുവെന്നും പറഞ്ഞു. അതേസമയം ഉരുള്‍പൊട്ടലില്‍ മരിച്ചവരുടെ എണ്ണം 174 ആയി. 143 മൃതദേഹങ്ങളുെട പോസ്റ്റുമോർട്ടം പൂര്‍ത്തിയായി. 86 പേരെയാണ് ഇതുവരെ തിരിച്ചറിഞ്ഞത്.

Kerala146 days ago

ഗവർണർക്കെതിരെ കേരളം വീണ്ടും സുപ്രീംകോടതിയിൽ

നിയമസഭ പാസാക്കിയ 7 ബില്ലുകൾ തടഞ്ഞുവെച്ച ഗവർണറുടെ നടപടി ചോദ്യം ചെയ്താണ് കേരളം സുപ്രീംകോടതിയിൽ പുതിയ ഹർജി നൽകിയിരിക്കുന്നത്. രണ്ടേമുക്കാൽ വർഷത്തിലധികമായി ഗവർണർ ആരിഫ് മുഹമ്മദ് ഖാൻ ബില്ലുകൾ തടഞ്ഞു വെച്ചിരിക്കുകയാണെന്ന് സംസ്ഥാന സർക്കാർ നൽകിയ ഹർജിയിൽ പറയുന്നു. 8 ബില്ലുകളാണ് ഗവർണറുടെ അംഗീകാരത്തിനായി അയച്ചതെന്നും ഇതിൽ ഒന്നിന് മാത്രമാണ് അംഗീകാരം നൽകിയതെന്നും സംസ്ഥാന സർക്കാർ ആരോപിച്ചു. ഹർജി ചീഫ് ജസ്റ്റിസ് അധ്യക്ഷനായ ബെഞ്ച് നാളെ പരിഗണിക്കും.

Kerala154 days ago

വിസി നിയമനത്തിനായി സെര്‍ച്ച് കമ്മിറ്റിയെ നിയോഗിച്ച ഗവര്‍ണറുടെ നടപടി സ്റ്റേ ചെയ്ത് ഹൈക്കോടതി

കേരള, എംജി, മലയാളം സര്‍വകലാശാലകളിലേക്കുളള സെര്‍ച്ച് കമ്മറ്റി രൂപികരിച്ച ഗവര്‍ണര്‍ ആരിഫ് മുഹമ്മദ് ഖാന്റെ നടപടി ഹൈക്കോടതി സ്റ്റേ ചെയ്തു. സെനറ്റംഗങ്ങള്‍ സമര്‍പ്പിച്ച ഹര്‍ജിയിലാണ് ജസ്റ്റിസ് സിയാദ് റഹ്‌മാന്റെ ഉത്തരവ്. നേരത്തെ കേരള സാങ്കേതിക സര്‍വകലാശാല സെര്‍ച്ച് കമ്മറ്റിയുടെ നിയമനം ഹൈക്കോടതി വിലക്കിയിരുന്നു. ഇതോട നാല് സര്‍വകലാശാലകളിലെ സേര്‍ച് കമ്മറ്റികള്‍ക്ക് വിലക്കായി. ആകെ ആറ് സര്‍വകലാശാലകളിലെ വിസി നിയമനത്തിനായാണ് ഗവര്‍ണര്‍ സെര്‍ച്ച് കമ്മറ്റി രൂപീകരിച്ചത്.

Kerala158 days ago

ഫിഷറീസ് സര്‍വകലാശാല സെർച്ച് കമ്മിറ്റി രൂപീകരണം: ഗവർണർക്ക് ഹൈക്കോടതി നോട്ടീസ്

ഫിഷറീസ് സര്‍വകലാശാല VC നിയമനത്തിനുള്ള സെര്‍ച്ച് കമ്മിറ്റി രൂപീകരിച്ച ഗവര്‍ണറുടെ നടപടി ചോദ്യം ചെയ്ത് സംസ്ഥാന സര്‍ക്കാര്‍ നൽകിയ ഹർജിയിലാണ് ഹൈക്കോടതി ഗവർണർ ആരിഫ് മുഹമ്മദ് ഖാന് നോട്ടീസ് അയച്ചത്. സർവകലാശാലയ്ക്കും കോടതി നോട്ടീസ് അയച്ചിട്ടുണ്ട്. ഹർജി തീർപ്പാകുന്നതുവരെ സെര്‍ച്ച് കമ്മിറ്റിയുടെ തുടർ നടപടികള്‍ നിര്‍ത്തിവെയ്ക്കുമെന്ന് ചാന്‍സലർ കോടതിയെ അറിയിച്ചു.

Kerala159 days ago