അരുണാചല്‍ പ്രദേശ് മുഖ്യമന്ത്രിയായി പെമ ഖണ്ഡു തുടരും

നിയമസഭാ തിരഞ്ഞെടുപ്പിൽ 60ൽ 46 സീറ്റുകൾ നേടി BJP യെ വൻ വിജയത്തിലേക്ക് നയിച്ചതിന് പിന്നാലെ അരുണാചൽ പ്രദേശിൽ പെമ ഖണ്ഡു വീണ്ടും മുഖ്യമന്ത്രിയാകാൻ ഒരുങ്ങുന്നു. ഇത് മൂന്നാം തവണയാണ് അദ്ദേഹം സംസ്ഥാന മുഖ്യമന്ത്രിയാകുന്നത്. ഇന്ന് ഇറ്റാനഗറിൽ നടന്ന ബിജെപി MLA മാരുടെ യോഗത്തിലാണ് നിയമസഭാ കക്ഷി നേതാവായി വീണ്ടും പെമ ഖണ്ഡുവിനെ തിരഞ്ഞെടുത്തത്. പെമ ഖണ്ഡു മന്ത്രിസഭ നാളെ സത്യപ്രതിജ്ഞ ചെയ്ത് അധികാരമേല്‍ക്കും.

National194 days ago

നാഗാലാന്‍ഡിലും അരുണാചലിലും AFSPA ആറ് മാസത്തേക്ക് കൂടി നീട്ടി

നാഗാലാന്‍ഡിലെ എട്ട് ജില്ലകളിലും അരുണാചല്‍ പ്രദേശിലെ മൂന്ന് ജില്ലകളും AFSPA (ആംഡ് ഫോഴ്‌സ് സ്‌പെഷ്യല്‍ പവേഴ്‌സ് ആക്ട്) നിയമം നീട്ടി. ആറ് മാസത്തേക്കാണ് പ്രത്യേക അധികാരം ദീര്‍ഘിപ്പിച്ചിരിക്കുന്നത്. ഈ വടക്കുകിഴക്കന്‍ സംസ്ഥാനങ്ങളിലെ ക്രമസമാധാന നില പരിശോധിച്ച ശേഷമാണ് തീരുമാനം. പ്രശ്‌നബാധിത സ്ഥലങ്ങളില്‍ ക്രമസമാധാനം നിലനിര്‍ത്തുന്നതിന് സായുധ സേനയ്ക്ക് തിരച്ചില്‍ നടത്താനും അറസ്റ്റ് ചെയ്യാനും ആവശ്യമെങ്കില്‍ വെടിയുതിര്‍ക്കാനും അധികാരം നല്‍കുന്ന നിയമമാണ് AFSPA.

National88 days ago

മേഘവിസ്‌ഫോടനം: അരുണാചലിലെ ഈറ്റനഗറില്‍ മണ്ണിടിച്ചിലും വെള്ളപ്പൊക്കവും

മഴ മുന്നറിയിപ്പൊന്നും ഇല്ലാതെയാണ് ഇന്ന് രാവിലെ 10 മണിയോടെ ഈറ്റനഗറില്‍ മേഘവിസ്‌ഫോടനം റിപ്പോര്‍ട്ട് ചെയ്യുന്നത്. ശക്തമായ മണ്ണിടിച്ചിലിലും മലവെള്ളപ്പാച്ചിലിലും ദേശീയപാത 415 ല്‍ ഗതാഗതം പൂര്‍ണമായും സ്തംഭിച്ചു. നദിക്കരയിലേക്കും ഉരുള്‍പൊട്ടല്‍ സാധ്യതയുള്ള പ്രദേശങ്ങളിലേക്കും പോകരുതെന്ന് ജില്ലാ ഭരണകൂടം മുന്നറിയിപ്പ് നല്‍കിയിട്ടുണ്ട്.

National183 days ago

അരുണാചല്‍പ്രദേശ് മുഖ്യമന്ത്രിയായി പെമ ഖണ്ഡു സത്യപ്രതിജ്ഞ ചെയ്തു

മൂന്നാം തവണയാണ് പെമ ഖണ്ഡു അരുണാചല്‍പ്രദേശിന്റെ മുഖ്യമന്ത്രിയാകുന്നത്. ചൗന മേനാണ് ഉപമുഖ്യമന്ത്രി. ഇറ്റാനഗറില്‍ നടന്ന സത്യപ്രതിജ്ഞാ ചടങ്ങില്‍ കേന്ദ്ര ആഭ്യന്തര മന്ത്രി അമിത് ഷാ, മന്ത്രിമാരായ ജെ.പി. നദ്ദ, കിരണ്‍ റിജിജു, അസം മുഖ്യമന്ത്രി ഹിമന്ത ബിശ്വ ശര്‍മ്മ എന്നിവര്‍ പങ്കെടുത്തു. ലോക്‌സഭാ തിരഞ്ഞെടുപ്പിനൊപ്പം നടന്ന നിയമസഭാ തിരഞ്ഞെടുപ്പില്‍ 60ല്‍ 46 സീറ്റും നേടിയാണ് BJP അധികാരത്തിലെത്തിയത്.

National193 days ago

നിയമസഭാ തിരഞ്ഞെടുപ്പ് വോട്ടെണ്ണൽ: അരുണാചലിൽ BJP യും സിക്കിമിൽ SKM ഉം മുന്നിൽ

അരുണാചൽ പ്രദേശിലെ 60 അംഗ നിയമസഭയിലേക്കും സിക്കിമിലെ 42 അംഗ നിയമസഭയിലേക്കും ഏപ്രിൽ 19 നായിരുന്നു തിരഞ്ഞെടുപ്പ്. അരുണാചലിലെ 10 മണ്ഡലങ്ങളിൽ BJP സ്ഥാനാർത്ഥികൾ എതിരില്ലാതെ തിരഞ്ഞെടുക്കപ്പെട്ടതിനെ തുടർന്ന് 50 സീറ്റുകളിലേക്കാണ് വോട്ടെടുപ്പ് നടന്നത്. അരുണാചലിൽ വോട്ടെണ്ണൽ പുരോഗമിക്കുമ്പോൾ ഭരണകക്ഷിയായ BJP 44 സീറ്റുകളിലാണ് ലീഡ് ചെയ്യുന്നത്. കേവല ഭൂരിപക്ഷത്തിന് 31 സീറ്റുകളാണ് വേണ്ടത്. സിക്കിമിൽ ഭരണകക്ഷിയായ സിക്കിം ക്രാന്തികാരി മോര്‍ച്ച (SKM) 28 സീറ്റുകളിൽ മുന്നിലാണ്.

National204 days ago

അരുണാചല്‍ പ്രദേശില്‍ മണ്ണിടിച്ചില്‍; ചൈന അതിര്‍ത്തിയുമായി ബന്ധിപ്പിക്കുന്ന ഹൈവേ ഒലിച്ചുപോയി

ചൈനയുടെ അതിര്‍ത്തി ജില്ലയായ ദിബാംഗ് താഴ്‌വരയുമായി ബന്ധിപ്പിക്കുന്ന ഹൈവേയാണ് മണ്ണിടിച്ചിലില്‍ ഒലിച്ചു പോയത്. കഴിഞ്ഞ കുറച്ച് ദിവസങ്ങളായി പെയ്യുന്ന കനത്ത മഴയെത്തുടര്‍ന്ന് ദേശീയ പാത 33ല്‍ ഹുന്‍ലിക്കും അനിനിക്കും ഇടയില്‍ കനത്ത മണ്ണിടിച്ചില്‍ ഉണ്ടായതായി അധികൃതര്‍ അറിയിച്ചു. നാഷണല്‍ ഹൈവേസ് ആന്റ് ഇന്‍ഫ്രാസ്ട്രക്ചര്‍ ഡെവലപ്മെന്റ് കോര്‍പ്പറേഷന്‍ ലിമിറ്റഡ് ഹൈവേയുടെ തകര്‍ന്ന ഭാഗങ്ങള്‍ നന്നാക്കാനുള്ള പ്രവര്‍ത്തനങ്ങള്‍ ആരംഭിച്ചിട്ടുണ്ട്.

National242 days ago

അരുണാചല്‍ പ്രദേശിലെ എട്ട് ബൂത്തുകളില്‍ റീപോളിംഗ് നടത്തും

അരുണാചല്‍ പ്രദേശിലെ നാല് നിയമസഭാ മണ്ഡലങ്ങളിലെ എട്ട് പോളിംഗ് ബൂത്തുകളില്‍ റീപോളിംഗ് നടത്താന്‍ തിരഞ്ഞെടുപ്പ് കമ്മീഷന്‍ ഉത്തരവിട്ടു. ഏപ്രില്‍ 24ന് രാവിലെ 6 മണി മുതല്‍ ഉച്ചയ്ക്ക് രണ്ട് മണിവരെയാണ് റീപോളിംഗ് നടത്തുക. അക്രമവും പോളിംഗ് ബൂത്തുകളില്‍ ക്രമക്കേടും റിപ്പോര്‍ട്ട് ചെയ്യപ്പെട്ടതിനെതുടര്‍ന്ന് ഈ മണ്ഡലങ്ങളില്‍ ഏപ്രില്‍ 19ന് നടന്ന വോട്ടെടുപ്പ് തിരഞ്ഞെടുപ്പ് കമ്മീഷന്‍ അസാധുവായി പ്രഖ്യാപിച്ചിരുന്നു. ഇതിന് പിന്നാലെയാണ് റീപോളിംഗിന് ഉത്തരവിട്ടിരിക്കുന്നത്.

National245 days ago

അരുണാചല്‍പ്രദേശിലെ സ്ഥലങ്ങളുടെ പേര് മാറ്റല്‍; ചൈനയുടെ നടപടിയെ വിമര്‍ശിച്ച് ഇന്ത്യന്‍ വിദേശകാര്യമന്ത്രാലയം

അരുണാചല്‍പ്രദേശ് ഇന്ത്യയുടെ അവിഭാജ്യഘടകമാണെന്നും ചൈനീസ് നടപടിയെ ശക്തമായി എതിര്‍ക്കുന്നുവെന്നും വിദേശകാര്യമന്ത്രാലയം വ്യക്തമാക്കി. അരുണാചല്‍പ്രദേശിലെ സ്ഥലങ്ങളുടെ പേര് മാറ്റിയത് കൊണ്ട് യാഥാര്‍ത്ഥ്യം ഇല്ലാതാകില്ലെന്നും രാജ്യസ്‌നേഹികളായ അരുണാചല്‍പ്രദേശിലെ പൗരന്‍മാര്‍ ഇത്തരം വിഡ്ഢിത്തരം തള്ളികളയുമെന്നും വിദേശകാര്യമന്ത്രാലയം കൂട്ടിച്ചേര്‍ത്തു.

National265 days ago

അരുണാചലിലെ സ്ഥലങ്ങളുടെ പേര് ചൈന മാറ്റിയതില്‍ പ്രതികരണവുമായി ഇന്ത്യ

അരുണാചൽ പ്രദേശിലെ അതിർത്തി മേഖലകളിലെ 30 സ്ഥലങ്ങൾ തങ്ങളുടേതാണ് എന്ന അവകാശ വാദത്തിൽ പേര് മാറ്റിയ ചൈനയുടെ നടപടിയിൽ പ്രതികരിച്ച ഇന്ത്യൻ വിദേശകാര്യ മന്ത്രി എസ് ജയശങ്കർ പേരുകൾ മാറ്റുന്നത് കൊണ്ട് ഒരു ഫലവുമില്ലെന്നും ചൈനയുടെ നടപടിയെ തള്ളിക്കളയുന്നെന്നും പറഞ്ഞു. അരുണാചൽ പ്രദേശ് എന്നും ഇന്ത്യയുടെ അഭിവാജ്യഘടകമാണെന്ന് പറഞ്ഞ അദ്ദേഹം 'ഞാൻ നിങ്ങളുടെ വീടിന്റെ പേര് മാറ്റിയാൽ അത് എന്റേതാകുമോ?' എന്നും മാധ്യമങ്ങളോട് ചോദിച്ചു.

National266 days ago

അരുണാചല്‍ പ്രദേശിലെ 30 സ്ഥലങ്ങളുടെ പേര് പേരുമാറ്റി ചൈന

അരുണാചല്‍ പ്രദേശില്‍ തങ്ങളുടെ അവകാശവാദം ഉന്നയിക്കാനുള്ള ശ്രമം തുടര്‍ന്ന് ചൈന. അരുണാചല്‍ നിയന്ത്രണരേഖയിലെ 30 സ്ഥലങ്ങളുടെ പേര് ചൈനീസ് സിവില്‍ അഫയേഴ്‌സ് മന്ത്രാലയം പുനര്‍നാമകരണം ചെയ്തു. ഇത് നാലാം തവണയാണ് ചൈന അരുണാചല്‍പ്രദേശിലെ സ്ഥലങ്ങള്‍ പുനര്‍നാമകരണം ചെയത് ലിസറ്റ് പുറത്തുവിടുന്നത്.

National266 days ago

വോട്ടെടുപ്പിന് മുമ്പേ അരുണാചൽ പ്രദേശിലെ 10 നിയമസഭാ സീറ്റുകളിൽ BJP വിജയിച്ചു

ഏപ്രിൽ 19ന് നിയമസഭാ തിരഞ്ഞെടുപ്പ് നടക്കുന്ന അരുണാചൽ പ്രദേശിൽ പത്ത് നിയമസഭാ മണ്ഡലങ്ങളിൽ BJP ക്ക് എതിർസ്ഥാനാർത്ഥികൾ ഇല്ലാതായതോടെ 60 സീറ്റുകളുള്ള സംസ്ഥാനത്തെ പത്ത് സീറ്റുകളിൽ BJP എതിരില്ലാതെ തിരഞ്ഞെടുക്കപ്പെട്ടു. മുഖ്യമന്ത്രി പേമ ഖണ്ഡു, ഉപമുഖ്യമന്ത്രി ചൊവ്ന മെയിൻ എന്നിവരുൾപ്പെടെയാണ് ജയമുറപ്പിച്ചത്. അഞ്ച് മണ്ഡലങ്ങളിൽ പ്രതിപക്ഷ പാർട്ടികളൊന്നും സ്ഥാനാർത്ഥികളെ നിർത്തിയില്ല. സ്ഥാനാർത്ഥിത്വം പിൻവലിക്കാനുള്ള അവസാന ദിവസമായ ഇന്ന് അഞ്ചിടത്ത് കൂടി നാമനിർദ്ദേശ പത്രിക പിൻവലിക്കുകയായിരുന്നു.

National268 days ago